Hebrǔ 4:12 - Kawyaw RC

¹² Cǒmara ale̤ayo̤nu, a htûpwa̤ dě a ma̤jò ta̤. A htòkhlope ta tǒ̤phû̌ htě a htò cî̌htè̌cî̌khobò tabǎ. A nṳ phò̌pa̤ to̤ dě yolahtûpwa̤ ta sò̌phlǒ la̤ǒplǒnû̌û agûla̤nu, htodě a nṳ phò̌pa̤ to̤dě awi̤ahtû̌ ta khwǐgîkû la̤ǒ gûla̤nu tò̤glò. A dǔlṳhtò̌ bǎ kòyò sò̌phlǒ a ta̤gènè̤ toǒ ta a ta̤sò̌yṳ awǒ ta a phû̌mò̤ toǒ.

Kawyaw New Testament

¹² Cǒmara alě̤ayô̤̌nu, a htûpwa̤ dě a ma̤jò ta̤. A htò khlope kû̌ nò̌she dǒ a htòbò ginǐ̤khôginǐ̤gî̌ tôbǎ. A nṳ̌ pě̤phò̌ tǒ̤ dǒ yôla htûpwa̤ kû̌ ta̤ô̌htûpwa̤ lǎ̤ô̌cu lû̌û agûlǎ̤nu, htodě a nṳ̌ pě̤phò̌ tǒ̤dǒ awǐ̤ahtû̌ kû̌ ayô̤agî̌ lǎ̤ô̌ gûlǎ̤ nutôkû a dǐhǎhtò̌lṳ̌ bǎ kòyò sǎphlǒ a ta̤gènè̤ tokhlǒ kû̌ a ta̤sǎyṳ dǒ awô̌ kû̌ a phû̌mò̤̌ tokhlǒ.

Hebrǔ 4:12 Iomraidhean Croise

Htû̌sò̌htò̌ 110:2

Cǒmara tûjûpwa̤ ma̤dû̌htò̌ lè̤htò̌ nashinaga ta a ta̤shû̌ta̤sho htǒo sahtò̌ dě Yerǔshèlèwî̤nu pě. Na pǒǐbò pwa̤sò̌khě htě aǒ te̤we̤ ta nanu pě.

Htû̌sò̌htò̌ 119:130

Nale̤nayo̤ ata̤sû̌ta̤tòwòǐ kòyò ta̤lî. A ǐphloǐphǎ kòyòǒò̌ toǒ.

Htû̌sò̌htò̌ 139:2

He hǎnòò̌ bǎbǎ, he ihtǒ bǎbǎ, na sî̌yabò. Na ǒ dě mǒkhû̌ bǎbǎ, na sî̌yabò heta̤gènè̤.

Htû̌sò̌htò̌ 149:6

No htû̌sò̌ǐ asî dě nopṳ̂měǐ nò̌she dě asîcǔdekû.

Htû̌sò̌htò̌ 45:3

Kǒ kliphû̌ htě ashû̌shosî̌jò, wò̤htò̌ mò̌ na nò̌she dě na shè̌kòlo̤. Dǔlṳhtò̌ mò̌ nata̤sîrîdû̌sîrîhtû, nata̤sîrîpo̤phǎ.

Lǔka 8:11

“Ta̤dǒnè khěkhǒ htǒoto̤to̤nu amûasǎ hè hî̌tè hî̌dě, ta̤khli amûasǎ mî̌ Cǒmara ale̤ayo̤.

Jowǎ̤ni̤ 12:48

Kòyò htě a la̤kè he dě a phî̌le̤phî̌yo̤ hele̤heyo̤ tò̤ toǒnu, pwa̤cèrò asînu a ǒtapwa̤. Mṳni̤mṳsa nǒkògutṳ̌ ti̤ni̤pěnu, yo̤sǎ htě he hî̌bǎ htǒotoǒ htû asî pwa̤cèrò ta̤ pě.

Jowǎ̤ni̤ 6:51

He mî̌ shǎǎ htě a ǐkò ta̤htûpwa̤ dě a ǒ mǒkhû̌ hèlò̤. Ûpèpè̌ bǎbǎ, a dè ǎ shǎǎ htǒonu, a htûpwa̤ tûjûpwa̤ pě. Shǎǎ htǒonumî̌ heyî̌ htǒonu hǒ. Ma̤pûhǐ kòyòhǎkhû̌phû̌ htûpwa̤ ayanu, he ǐlò̤kè he na̤saklû htǒo ta asîya hǒ.”

Pwa̤nophû̌ 2:37

Bǎ kòyò htǒotoǒ gana̤de Petru pwe̤ǐ bǎ asî hè̌o akhanu, asî sò̌phlǒsha mè̤mè̤̌ dě a hî̌geshǔ Petru ta pwa̤nophû̌ ahǔwa̤ toǒ, “Pṳwè̤ sî꤮, dèhî̌hǐnudě pa tobǎ ma̤hî̌tè?”

Pwa̤nophû̌ 4:31

Bǎ asî kwisabahto akhanu, gûla̤ bǎ asî la̤ǒplǒhtu nû̌ûnu tò̤glò a guyṳpè̤tè̤htò̌ dě asî lǒbebò ta Běcǎ sǎcahtǐ pṳ̂̌꤮ tapwa̤ dě asî pṳ̂̌꤮ tapwa̤ dǒhtû̌ǐ khuha lǒkho kò ta Cǒmara awi̤akè̌.

Pwa̤nophû̌ 5:33

Bǎ Yṳ̌daphû̌ hǐkǒdû̌ kûshû̌htû toǒ ta Yṳ̌daphû̌ wè̤khǔwè̤pwa̤ htě a htû hǐkǒdû̌ toǒ gana̤de ta̤hî̌bǎhtǒo akhanu, a sò̌phlǒdû̌ jòjî̌꤮ tò̤. Dě a sò̌yṳ guma̤sikè pwa̤nophû̌ htǒotoǒ ayo̤.

Pwa̤nophû̌ 7:38

Mǒ̤jè mî̌ kòyò tapwa̤ htě a ǒplǒ wo̤wǒ̤kû̌bò ta paphipaphu dě lo̤měshǒklanu tapwa̤. A ǒkû̌dǒ ta pa mo̤phaphiphu dě꤮ wǐnu toǒ ta mǒkhû̌tanaphû̌ htě a hî̌bǎ nû̌û dě Sǐnǎkholokhû̌nu tapwa̤. Htodě a mî̌ kòyò tapwa̤ htě a nî̤bǎ Cǒmara ale̤ayo̤ dě a htûpwa̤ htǒotoǒ, dě a glè ǐlò̤ tṳtṳ bǎ pa htǒotoǒnu hǒ.

Rṳ̂̌me̤ 1:16

Ta̤sò̌le̤sò̌lò̤ awi̤akè̌ htǒo akhû̌akhî, he sòwò̤tò̤, ma̤tè̤hî̌dě, kòyò lǒ̤꤮ bò htě a yṳǎ ta̤sò̌le̤sò̌lò̤ awi̤akè̌ htǒotoǒnu, Cǒmara ma̤lû̌htò̌gebò asî ta a ta̤po̤ta̤phǎ hǒ. A ma̤lû̌htò̌ge wǐgutṳ̌ Yṳ̌daphû̌ toǒ, htodě a ma̤lû̌htò̌gepo̤ Yṳ̌daphû̌ mè̤tò̤ toǒ.

Kôritu awǐlǒ tôbǎ 1:24

Pò̤̌ta kòyò htě Cǒmara kaǎ nû̌û ta a yṳǎ ta̤sò̌le̤sò̌lò̤ awi̤akè̌ htǒotoǒ ayanu, Yṳ̌daphû̌ toǒ bǎbǎ, Yṳ̌daphû̌ mè̤tò̤ toǒ bǎbǎ, Khrî̌stu si nò̌dòhtǔlo̤ htǒonumî̌ mî̌pwǎ Cǒmara a ta̤po̤ta̤phǎ shû̌sho ta a ta̤sî̌ta̤jò hǒ.

Kôritu ginǐ̤bǎ tôbǎ 2:17

Kòyò ma̤ lǒkho Cǒmara ata̤ma̤ dě a sû̌ǐtòwòǐ bǎ kònu a ǒplṳ̂ pwǎ̤ta pa kè̌mò̌mṳ ma̤kû̌ pwǐ asî ma̤nu tò̤. Ma̤tè̤hî̌dě, ma̤pûhǐ asî nî̤bǎ lǒkho wû dě asî dǒhtû̌ǐpwǎ bǎ kò ta Cǒmara ale̤ayo̤. Pwǎ̤ta pa htǒotoǒnu, Cǒmara nocû̌ dǒhtû̌ǐ pa ta Khrî̌stu awi̤akè̌, pa dǒhtû̌ǐ kò htǒonu Cǒmara kè̌shǐ, pa htû kû̌ta Khrî̌stu tacǎnǔpa dě pa mî̌ pwa̤nophû̌ htě a sò̌phlǒcǒtè̤ toǒ hǒ.

Kôritu ginǐ̤bǎ tôbǎ 4:2

Ta̤lǒǎplò̤ǎ kò, ta̤ma̤ bè̌hǔ titètè̌꤮ toǒnu bǎbǎ, ta̤ma̤ htě a htûhtò̌ ta̤sòwò̤ titètè̌꤮ toǒnu bǎbǎ, pa ma̤pe dî̌kî̌꤮ tò̤ hǒ. Bǎ pa dǒhtû̌ǐ bǎ kò ta Cǒmara ale̤ayo̤ akhanu, pa hî̌bǎ lǒǎplò̤ǎ kò tò̤, pa sû̌ǐlòho panṳdǒ yo̤sǎ ahǔwa̤toǒ tò̤. Dě Cǒmara a lo̤mo̤, pa hî̌bǎ titètè̌꤮ bǎbǎ, pa ma̤ta̤ titètè̌꤮ bǎbǎnu, atobò pwǎ. Ma̤pûhǐ asî pṳ̂̌꤮ tapwa̤ sî̌ya lǒkho ta asî yṳǎ pa ayanu, pa hî̌cǒtè̤, pa ma̤cǒma̤tè̤ ta̤ hǐnu hǒ.

Ěphěsu 5:13

Kò phî̌htò̌lṳbò ta̤lǒ̤꤮ bò dě alîklanu, bò꤮ ta̤htǒotoǒ, asǒsǒta titènu kò kè̌shǐ lṳlîphlo lǒ̤꤮ bò yǎ.

Ěphěsu 5:26

Ma̤pûhǐ a ma̤wî̤ma̤cahtǐ a pwa̤yṳǎ aprṳ̂ahophû̌ toǒnu, a sikè bǎ asî ya, dě a bòlû̌kè asî ta shi ta a ale̤ayo̤ htǒo toǒnu.

Ěphěsu 6:17

Sî̌ya te̤mǎ lǒkho ta̤ma̤lû̌htò̌ge awi̤akè̌ htě Cǒmara ma̤hto bǎ sî dě asǒsǒta sî glûhtò̌ khû̌glûte̤htò̌ dě a ma̤kwaǐ dǐdò bǎ sî htǒonu, htohǒtò̤ pṳ̂měǐ Běcǎ sǎcahtǐ adòdǔ htě a mî̌ Cǒmara ale̤ayo̤ htǒo nî̌꤮.

Tîsalònǐ awǐlǒ tôbǎ 2:13

Bǎ sî gana̤de Cǒmara ale̤ayo̤ htě pa pwe̤ǐ bǎ sîhtǒo akhanu, sî phî̌shǔ yǎ pwǐ a ǒ dě kòyò a ǒ hènṳ mè̤tò̤, sî phî̌shǔ yǎ pwǐ a ǒ dě Cǒmara a ǒ hènu. Hǐnu akhû̌akhî, pa hî̌bwǐhî̌sîrî Cǒmara pṳ̂̌꤮ taplǎ. Dě ta̤wi̤ta̤kè̌ htǒonumî̌ Cǒmara a ta̤wi̤ta̤kè̌ na̤cè̌. Ta̤wi̤ta̤kè̌ htǒo akhû̌akhî, Cǒmara noǒhtûpwa̤ sî pwǐ ato nû̌ûsò̌phlǒnu hǒ.

Tîsalònǐ awǐlǒ tôbǎ 5:23

Cǒmara htě a ǐ sana̤ pa ta̤gûjûkabǎ htǒotapwa̤ ma̤wî̤ma̤cahtǐ lǒbehtò̌ tû̌ta sî nî̌꤮. Htohǒtò̤ htû̌꤮ pa Běcǎ Ye̤shǔkhrî̌stu hèsǒ pěnu, ma̤pûhǐ kò bè̌jòpe pû sî ta̤sǔ tò̤nu, Cǒmara kè̌ǐkhwè̌ǐpo̤bò sî na̤klû ta sîsò̌ ta sî ta̤ǒhtûpwa̤ pě nî̌꤮.

Hebrǔ 13:7

Gènè̤htò̌nṳ dǒ lǒkho kòyò htě a htûhto sî hǐkǒdû̌ dě a dǒhtû̌ǐhto bǎ sî ta Cǒmara ale̤ayo̤nu toǒ nî̌꤮. Gènè̤kè̌ lǒkho asî ta̤ǒhtûpwa̤ htě awǒnu toǒ, dě gûkè̌mò̌mṳ dǒ lǒkho asî ta̤yṳ htǒonu toǒ nî̌꤮.

Hebrǔ 6:5

Cǒmara ale̤ayo̤nu, awǒ mè̤mè̤̌ numî̌ asî sî̌yahèhto hǒ. Asî kè̌shǐhèbǎkû̌hto Cǒmara a ta̤po̤ta̤phǎ shû̌sho dě a ǒlṳhtò̌ bǎ kò htû̌꤮ anǒkòpě tuhtunu toǒ hǒ.

Jǎgomo̤ 1:18

Dě pa gana̤de ta̤sò̌le̤sò̌lò̤ awi̤akè̌ ta̤te̤ta̤mǎ akhû̌akhî, Cǒmara ǐhtûhtò̌ pa ta aphû̌ jǔ꤮ tû̌ pwǐ asò̌phlǒnu hǒ. Ma̤pûhǐ pa htûhtò̌ sǒsǎ htě asǎwǐgutṳ̌ toǒ dě ta̤bǒlò̤ lǒ̤꤮ bò htǒotoǒ aklanu, a ǐhtûhtò̌pwǎ pa ta aphû̌.

Petru awǐlǒ tabǎ 1:23

Ma̤tè̤hî̌dě Cǒmara ale̤ayo̤ htǒonu, a htûpwa̤ dě a ǒměgle tûjûpwa̤ talakhǎ akhû̌akhî, sî ǒphijaû̌lò̤ gesǒ taplǎ hǒ. Sî ta̤ǒhtûpwa̤ asa htǒonumî̌, a hè dě sîmo̤sîpha htě a sijò htǒotoǒ a ǒnu mè̤tò̤. Mî̌tanu, sî ta̤ǒhtûpwa̤ asa htǒonumî̌, a hè dě Cǒmara htě a sijò dǐkhò̌꤮ tò̤ htǒotapwa̤ a ǒ.

Ta̤dǔlè̌nǎ 1:16

Acǔdemû tokhonu a pṳ̂měǐ shǎ susǒtama. Htodě tǒ̤phû̌ htě a htò cî̌htè̌cî̌kho tabǎ ǒdě agokû hǎhtò̌. A mi̤sǎnu a shěrakha sǒsǒta lṳmṳ shěrakhalò̤ bǎ lṳmṳbǎ akhanu.

Ta̤dǔlè̌nǎ 19:15

Tǒ̤phû̌ htě a htòwǒ dě a glè ma̤pè̤kèbò shiga tebě toǒnu a ǒ nû̌û gokû hǎhtò̌. Dě a pǒǐ asî ta khî̌po̤ te̤htò̌ pě. Dě Cǒmara htě a jòta̤lǒ̤bò sî̌yata̤lǒ̤bò htǒotapwa̤ glè dǔlṳ a ta̤sò̌dû̌ dě a cèrò asî sǒsǒta kò wî̤hǎhtò̌ sobîshi nu pě.

Ta̤dǔlè̌nǎ 19:21

Bò꤮ a kliphû̌ htě a ǒkè toǒnu, kò ma̤sikè asî ta tǒ̤phû̌ htě a hǎhtò̌ dě kòyò dò̌ tîsî̌nu tapwa̤ agokûnu tabǎ, dě bò꤮ htû̌tî̤pî̤nu toǒ hè cǒ ǎkǒobebò asî yî̌.

Ta̤dǔlè̌nǎ 2:16

Khònò̤dě wîkèmò̌ na ta̤sǔta̤plěnu. Na dè wîkè tò̤ hî̌mò̌nu he hèlǎ phwè dě na ǒ pě dě he hèshě kòyònu toǒ ta tǒ̤phû̌ htě a hǎhtò̌ dě he gokû htǒonu tabǎ pě.

Ta̤dǔlè̌nǎ 2:23

He ma̤si dǒǔkè akhophijaû̌ toǒ pěpě. Hǐnudě pwa̤yṳǎta̤ aprṳ̂aho pṳ̂̌tṳgumṳ sî̌ya ta he mî̌ pwa̤ htě a sî̌ya kò pṳ̂̌꤮ tapwa̤ a ta̤gènè̤ ta a ta̤sò̌yṳ toǒnu pě. Sî tapwa̤ ta tapwa̤ ma̤htobò kwè̌ pwî̌tènu, he dǔlṳ gekhîshǔ sî pwǐ sî ma̤htonu toǒ pě.

Ta̤dǔlè̌nǎ 20:4

Htodě he kè̌shǐ Khwǐcophǎ gògohtahtò̌yî̤ toǒ. Kòyò hǎnòò̌ gògohtahtò̌yî̤ alo̤ toǒnu, kò ǐ asî ta̤sîrîshû̌sho dě a cèrò kò pě. He kè̌shǐ kû̌po̤ kòyò htě a khòlṳ ta Ye̤shǔ awi̤akè̌ dě a dǒhtû̌ǐ bǎ kò Cǒmara ale̤ayo̤ toǒ akhû̌akhî, kò pe̤tṳkè asî yolahtûpwa̤ toǒ a gobo. Ta̤mi̤ta̤mò̤ bǎbǎ, ta̤mi̤ta̤mò̤ apwa̤yo̤ htǒonu bǎbǎ, asî sabahtò̌nǒ kû̌kò tò̤. Pwǎhǐnuhtohǒtò̤ ta̤mi̤ta̤mò̤nu tado a ta̤ma̤dòǐ htě kò bǎ ma̤dòǐ yǎ dě me̤htò̌lo̤ nubǎbǎ, mètò̤mî̌ kò bǎ ma̤dòǐ yǎ dě cǔdelo̤ nubǎbǎ, a phî̌shǔbǎ kû̌kò ta̤ma̤dòǐ dǐcǎ꤮ tò̤. Asî htûpwa̤gesǒ dě a pǒǐ dǒkû̌ ta̤ ta Khrî̌stu anětîrî̌.