Hebrǔ 4:11 - Kawyaw RC

¹¹ Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Kawyaw New Testament

¹¹ Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Hebrǔ 4:11 Iomraidhean Croise

Matěo 11:12

Sahtò̌ bǎ pwa̤ploshi Jowǎ̤ni̤ ahtukha tǒ̤khònò̤nu, kòyò toǒ nṳ shějîshějû mǒkhû̌ shila̤gakû. Kòyòkhukòyòhî toǒ jipwi̤ nṳphî̌sigwi gutṳ mǒkhû̌ shila̤gakû.

Matěo 7:13

“Cû̌nṳ lǒkho we̤takha î̌nî̌nu tûkû, ma̤tè̤hî̌dě we̤takhalè̤ htǒotûkûnu ta klè̌lè̤ htǒotabonu a sûcû̌ kò ta ta̤si tûjûpwa̤ agûla̤ dě kò cû̌ nṳǒwo̤ǒphǎ mè̤mè̤̌.

Lǔka 13:24

Jipwi̤ cû̌nṳ lǒkho dě takha î̌nî̌nu tûkû, ma̤tè̤hî̌dě, kòyò toǒ jipwi̤ cû̌nṳplṳ̂ mè̤mè̤̌ pwǎ̤tadě a nṳbò̌ lǒkho tò̤.

Lǔka 16:16

“Mǒ̤jè ta̤sû̌ta̤tòwò ta pwa̤po̤ a ta̤khwè̌nǎ toǒnu, kò pwe̤ǐ to̤htû̌ yǎbǎ pwa̤ploshi Jowǎ̤ni̤ a htukhanu pwǎ. Děnǒkònu he pwe̤ǐ bǎ kò ta Cǒmara shila̤gakû ta̤sò̌le̤sò̌lò̤ awi̤akè̌ dě kò jipwi̤ nṳsigwibò nû̌û pṳ̂̌꤮ tapwa̤.

Jowǎ̤ni̤ 6:27

Jipwi̤ wè̤pû shǎǎ la̤ǎla̤o htě a nṳso a sojònu toǒ aya ma̤. Jipwi̤ wè̤pû shǎǎshǎo htě a glè ǐ sî yolahtûpwa̤ tûjûpwa̤ htǒotoǒ ayanu. Kòyòphû̌khûhtǒo, a ǐ kò shǎǎ hǐnu toǒ pě, ma̤tè̤hî̌dě pha Cǒmara dǔlṳ ta a sò̌phlǒǒ nû̌û hǒ.”

Pwa̤nophû̌ 26:19

“Khwǐdû̌akhrǐpa꤮, hǐnu akhû̌akhî, he gûma̤kû̌ pwǐ ta̤kè̌shǐlṳnǎ htě a ǒ dě mǒkhû̌ hè htǒonupwǎ.

Ěphěsu 2:2

Bǎnuakha, sî gûma̤kû̌ hǎkhû̌ a ta̤phû̌mò̤shî̌hto toǒ. Sî gana̤de jûle̤phî̌yo̤kû̌ pwǎ khînǎmo̤pha hǐkǒdû̌ htě a pǒǐ khînǎkhîno dě mǒla̤ toǒ ayo̤. Khînǎmo̤pha hǐkǒdû̌ htǒonu, a pǒǐpe kòyò htě a gana̤dekû̌ kòyò Cǒmara ayo̤ tò̤ toǒnu.

Ěphěsu 5:6

Nolǒǎplò̤ǎ pûma̤ sîna̤ ta kòyò htě a hî̌bǎlòhǎlòho dě amûasǎ ǒtò̤ toǒnu ma̤ nî̌꤮. Kòyò htě a ma̤ ta̤phû̌mò̤shî̌hto hǐnu toǒnu, a gana̤de kû̌kò Cǒmara ayo̤ tò̤ toǒ, dě Cǒmara sò̌phlǒdû̌ asî pě, a cèrò asî pěpě.

Phǐlǐpǐ 2:12

Hǐnudě, khobǒsû̌bǒmo̤ sî꤮ bǎ he ǒkû̌ tû̌ta sî akhanu, sî gana̤de he yo̤, khònò̤htǒo he ǒyî̤ ta sî akhû̌akhî, sî tobǎ gana̤dekhlope heyo̤. Ma̤pûhǐ sî ma̤lǒma̤behtò̌ ta̤ma̤lû̌htò̌ge sî ayanu, jipwi̤ ma̤ lǒkho ta̤ dě ta̤bè̌dubè̌na̤ Cǒmara akû, dě ma̤ yǎta ta̤ǐsha gònò̤gèglè anu nî̌꤮.

Kòlòtè̌ 3:6

Kòyò htě a ma̤ phû̌mò̤shî̌hto ta̤hǐnu toǒnu, a shěto̤bǎ ta Cǒmara a ta̤sò̌dû̌ pě.

Tǐtǔ 1:16

Asî hî̌ ta a sî̌ya Cǒmara pwǎ̤ta ta̤ma̤ htě asî ma̤ toǒnu, a ǒlṳhtò̌ ta asî sî̌ya Cǒmara dî̌kî̌꤮ tò̤. Asînu toǒmî̌ la̤wi̤ja, htodě kòyò htě a gana̤de kû̌kò yo̤ tò̤ toǒ, asî glè ma̤ta̤ awǒ tacǎcǎnu a ma̤bò̌ kû̌kò tò̤.

Tǐtǔ 3:3

Ma̤tè̤hî̌dě děnukha pa toǒ mî̌ kòyònòdû̌ kòyò jûle̤phî̌yo̤ kû̌kò yo̤ tò̤ toǒ. Pa mî̌ kòyò htě a gûsǔkû̌ kòyò lòho toǒ akò. Pa htûhto kòyò htě a sò̌yṳ ma̤mo̤ǐ na̤ toǒ ajû hǒ. Pa ǒhtûpwa̤ ma̤bòkè akhîakha ta pa ma̤ ta̤phû̌mò̤shî̌hto ta ta̤sò̌khěkhû̌khwè kò toǒ hǒ. Htohǒtò̤ kò sò̌khě pa dě pa sò̌khěshǔsǒ kòyò.

Hebrǔ 3:12

He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Hebrǔ 3:18

Bǎ Cǒmara hî̌lò̤kè asî ta, shiga htě he ǐ asî ta a la̤ǒkǔ ayanu tò̤glò mî̌ a nṳbǎpe tò̤ a hî̌ nû̌ûnu toǒ mî̌ ûpè? A hî̌lò̤kè ta̤hî̌bǎhtǒo numî̌, a hî̌ kòyò htě a gana̤de nû̌ûyo̤ tò̤nu toǒ hǒ.

Hebrǔ 4:6

Kòyò htě a nṳjòpe dě Cǒmara a la̤ǒkǔ htǒonu, a ǒkèpe toǒǒ. Pò̤̌ta kòyò bǎ꤮ nukha toǒ htě a gana̤dehto ta̤sò̌le̤sò̌lò̤ awi̤akè̌ toǒnu, a gana̤dekû̌ lǒkho Cǒmara ayo̤ tò̤ akhû̌akhî, a nî̤bǎ kû̌pe kò la̤ǒkǔ htǒonu tò̤ hǒ.

Hebrǔ 6:11

Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.

Petru ginǐ̤bǎ tabǎ 2:6

Cǒmara cèrò Sò̌dowî̤ ta Gòmò̤̌rawî̤, dě a nolòte̤gè pî̌kèbò nû̌ûta mî̌. A ma̤htûhtò̌pwǎ bǎ kòyò dě anǒkò toǒ htě a bè̌dubè̌na̤ kû̌kò Cǒmara tò̤ toǒ ala̤kè̌mò̌mṳ aya.