Hebrǔ 4:1 - Kawyaw RC

¹ Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Kawyaw New Testament

¹ Cǒmara olò̤ pe pa tǒ̤lò̤khònò̤̌ kû̌ pa nṳ̌bǎ dǒ lǎ̤ô̌kǔ agûlǎ̤nu pě. Pô̤̌khô sî pṳ̂̌꤮ tôpwa̤ gǔ nṳ̌bǎ dǒ lǎ̤ô̌kǔ dǒ Cǒmara olò̤ ayanu, pa bè̌sè̌rè̌ lô̌khô panǎ̤.

Hebrǔ 4:1 Iomraidhean Croise

Matěo 24:48

Pwǎ̤tadě hî̌mò̌ jûphû̌ htě ajî tapwa̤nu, a dè gènè̤ ta, heběcǎ gelǎ pwǎ hǒtò̤, a gènè̤ dě,

Pwa̤nophû̌ 3:19

Ma̤pûhǐ Cǒmara bòlû̌kè sî ta̤sǔnu, yò̤lò̤ge lǒkho sîsò̌ htû̌lè̌gesǒ lǒkho sîna̤ dě Cǒmara ǒ. Sî dè ma̤mò̌hǐnu, htû̌꤮ akhîakhato akhîakhabǎ pěnu Běcǎ Cǒmara ǐkhû̌ǐǎge sî pě.

Rṳ̂̌me̤ 11:20

Sî hî̌ htǒonumî̌ a mè̤hǒ. Pò̤̌ta asî yṳǎ Khrî̌stu tò̤ akhû̌akhî, Cǒmara yǒgakè sǒphò htě a mî̌ Yṳ̌daphû̌ htǒonu pwǎ. Sî ta̤yṳta̤nǎ akhû̌akhî, Cǒmara plǒhtu tǒhtu sî ta sǒmṳ htǒonu pwǎ. Hǐnudě gènè̤dû̌ pûma̤ sîna̤ ma̤.

Rṳ̂̌me̤ 3:23

Ma̤tè̤hî̌dě kòyò pṳ̂̌꤮ tapwa̤ ma̤ ta̤sǔta̤plě. A lṳhtò̌bò̌to̤ Cǒmara bè̌mě a sîrîdû̌sîrîhtû htǒonu dǐpwǎ̤꤮ tò̤.

Kôritu awǐlǒ tôbǎ 10:12

Hǐnudě na gènè̤ nana̤ ta he ta̤yṳta̤nǎsho mè̤mè̤̌ dèhî̌dě, ǒsè̌rè̌ nana̤ nî̌꤮, pěmî̌ na ma̤sǔ hè̌.

Kôritu ginǐ̤bǎ tôbǎ 6:1

Pa mî̌ pwa̤ma̤htuta̤ ta Cǒmara toǒ akhû̌akhî, pa tûsû sî ta sî ǒhtûpwa̤ pwǐ Cǒmara sò̌yṳ noǒhtûpwa̤ sînu. Sî mî̌ kòyò htě a nî̤bǎhto Cǒmara abwǐasîrî toǒ hǒ akhû̌akhî, sî bǎ ǒhtûpwa̤ lǒkho hǐnu.

Galatǐ 5:4

Dě sîkla toǒǒnu, a gènè̤sǔ lǒkho ta asî dè gûma̤kû̌ ta̤sû̌ta̤tòwò hî̌numî̌ Cǒmara bè̌cǒbè̌tè̤ nû̌û pě, hǐnu. Sî dè gènè̤ lǒkho hǐnu hî̌dě sî bǒsû̌khǎkhope sîna̤ ta Khrî̌stu tò̤ hǒ. Sî htěpa̤ tephekè sîna̤ ta Cǒmara abwǐasîrî htǒonuhǒ.

Tîmôte ginǐ̤bǎ tôbǎ 2:13

Pa dè cǒtè̤ ta a tò̤ pò̤̌ta acǒtè̤ kû̌ta pa pě, ma̤tè̤hî̌dě a la̤lò̤jò ana̤tò̤.” Ta̤hî̌bǎ htǒotoǒ mî̌ acǒatè̤ pwǎ.

Hebrǔ 12:15

Ma̤pûhǐ sî pṳ̂̌꤮ tapwa̤ nî̤bǎdǒ lǒkho Cǒmara abwǐasîrî htǒonudě, sè̌rè̌ǐ lǒkho sîna̤ nî̌꤮. Nohtûhtò̌ pûma̤ lǒkho sîna̤ pwǐ sǒmṳwè̤ htě kò ǎyǎ dě a sijò kònu toǒ dǐpwǎ̤꤮ ma̤ nî̌. Kòyò htě alò̤ta sǒmṳwè̤ htě kò ǎyǎ dě kò sijò htǒotoǒnu, a glè dǒhtò̌ sîkla dě a ma̤pò̤ma̤sha kòyò saprṳ̂ ta a wè̤htò̌si htǒonu pě.

Hebrǔ 12:25

Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Hebrǔ 13:7

Gènè̤htò̌nṳ dǒ lǒkho kòyò htě a htûhto sî hǐkǒdû̌ dě a dǒhtû̌ǐhto bǎ sî ta Cǒmara ale̤ayo̤nu toǒ nî̌꤮. Gènè̤kè̌ lǒkho asî ta̤ǒhtûpwa̤ htě awǒnu toǒ, dě gûkè̌mò̌mṳ dǒ lǒkho asî ta̤yṳ htǒonu toǒ nî̌꤮.

Hebrǔ 3:11

Hǐnudě he sò̌phlǒdû̌ asî dě he hî̌lò̤kè asî ta̤hî̌bǎ tûmû, ‘Shiga htě he olò̤ ta he glè ǐ yǎta asî la̤ǒkǔ htǒotò̤glònu, asî nṳbǎpe tò̤ hǒ,’ he ǐsholò̤kè asî hǐnu.”

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Hebrǔ 4:9

Hǐnudě, alò̤ta Cǒmara ma̤hto ata̤ma̤ ni̤susǒ dě a ǒkǔ mṳni̤ susǒti̤ni̤nu ti̤ni̤nu hǒ, Cǒmara akòyò toǒ genṳǒkǔ kû̌ta Cǒmara pě.