Hebrǔ 3:7 - Kawyaw RC

⁷ Hǐnudě Běcǎ sǎcahtǐ hî̌, “Khò̌ti̤ni̤, sî dè gana̤de Cǒmara ayo̤po̤ hî̌dě,

Kawyaw New Testament

⁷ Pô̤̌nudě Yôla Plò̌shǐ Běcǎ hî̌ kû̌, “Khò̌tini̤, sî kè̌ ganǎ̤de Cǒmara alě̤pwe̤htò̌ hî̌dě,

Hebrǔ 3:7 Iomraidhean Croise

Htû̌sò̌htò̌ 81:11

“Pwǎ̤tadě hekòyò gana̤de hele̤yo̤ tò̤. “Israelphû̌ jûle̤phî̌yo̤ heyo̤ tò̤.

Htû̌sò̌htò̌ 81:13

“Hekòyò toǒ, he sò̌yṳ nogana̤de pǒ̤꤮ heyo̤. “Israelphû̌ toǒ, he sò̌yṳ nogû pǒ̤꤮ hele̤heyo̤.

Matěo 17:5

Bǎ a hî̌bǎpe akhanu, poǒlṳ shěrakha tebě lò̤jobǐkè asî dě yo̤pwe̤htò̌ tûmû dě poǒlṳ akû, “Htǒomî̌ hephû̌khû htě he mo̤ǐ yǎ dě he sò̌phlǒǒ yǎ tapwa̤, gana̤de lǒkho ayo̤ nî̌꤮.”

Matěo 22:43

Dě a hî̌ asî, “Dè ma̤hǐnudě mî̌ma̤tè̤dě Běcǎ sǎcahtǐ htû̌bǎ Dǎ̤wi̤ sò̌phlǒ dě a cû̌no kaǎtǒ̤ Khrî̌stu htǒonu ta, ‘Běcǎ’ ma̤tè? Ma̤tè̤hî̌dě a cû̌hî̌ tǒ̤ ta,

Mǎ̤riko 12:36

Ma̤tè̤hî̌dě Khwǐdǎ̤wi̤ ana̤ sana̤nu Běcǎ sǎcahtǐ htû̌wè̤ nû̌sò̌phlǒ dě a nohî̌ nû̌û, ‘Běcǎ Cǒmara hî̌ he Běcǎ Mè̤shǐa ta, “Hǎnòò̌ he cǔdemû htǒotokho, hǎnòò̌ to̤htû̌꤮ he ma̤pè̤ bòmṳ̂sîglî kòyò htě a sò̌khě nanu toǒ hè olò̤mèlò̤bòkè dě na ǒ pěnu nî̌꤮.”’

Jowǎ̤ni̤ 10:16

He sophû̌ ahǔwa̤ htě a ǒ bǎ apo̤kû htǒotò̤nu a ǒpe toǒ. He bǎ kaǎgekû̌dǒ asî pě. Asî gana̤dedǒ heyo̤ pě, dě asî glè ge htûbò nû̌û sophû̌ tṳgumṳpa, pwa̤gèǐsophû̌ a běcǎ tapwǎ̤꤮ pa pě.

Jowǎ̤ni̤ 10:27

He sophû̌ toǒ numî̌ a gana̤de heyo̤. He sî̌ya asî, dě asî gû hekò.

Jowǎ̤ni̤ 10:3

Pwa̤ǒpo̤ takhakû htǒotapwa̤nu, a bòmoshǔ bǎ pwa̤gèǐsophû̌ htǒotapwa̤ takhakû pě. Sophû̌ toǒ gana̤de sî̌ya nû̌ûyo̤. Dě a kaǎhtò̌ asophû̌ toǒ tado mî̌ ami̤ tacǎ, tado mî̌ ami̤ tacǎ dě apo̤khlo dě asophû̌ toǒ gûkû̌bò nû̌ûkò.

Jowǎ̤ni̤ 5:25

He hî̌ mè̤mè̤̌ sî, akhîakha htě kòyòsi toǒ gana̤de Cǒmara aphû̌khû yo̤, dě kòyò htě a gana̤de htǒotoǒ htûpwa̤ pěnu, a hèto̤ pě. A hèto̤ khònò̤ hǒ.

Pwa̤nophû̌ 1:16

Dě Petru ihtǒhî̌, “Pṳwè̤ sî꤮, lî̤cahtǐ hî̌nǎhto Yṳ̌da htě a yṳ̂ bǎ kò klè̌ dě a nopṳ̂ kò ta Ye̤shǔ htǒo awi̤akè̌. Dě Běcǎ sǎcahtǐ nohî̌bǎ Khwǐdǎ̤wi̤ ta awi̤akè̌ htǒotoǒ numî̌ a tobǎ lǒhtò̌behtò̌ nòpwǎ.

Pwa̤nophû̌ 28:25

Bǎ asî sò̌phlǒ khlè̌khǒkènû̌û dě asî hǎhtò̌cû̌kè akhanu, Pò̌lu hî̌bǎ gutṳ̌lò̤ yo̤sǎ tûmû, “Běcǎ sǎcahtǐ hî̌bǎ tṳtṳ ta pwa̤po̤ Isaǐa dě a pwe̤ǐkè pa mo̤phaphiphu dě꤮ wǐnu toǒ numî̌ a totǐ.

Pwa̤nophû̌ 8:29

Běcǎ sǎcahtǐ pwe̤ǐ Phǐlǐpo, “Cû̌ hèphǔ dě a tîsî̌lo̤ kòshî̌.”

Hebrǔ 10:15

Pa sî̌ya ta ta̤hî̌bǎ yo̤sǎ htǒotûmûnu ato pwǎ. Ma̤tè̤hî̌dě, lî̤cahtǐ akûnu, Běcǎ sǎcahtǐ hî̌ sǒsǒta hǐnu, dě a hî̌,

Hebrǔ 3:13

Mî̌tanu, khònò̤htǒo ta̤ma̤lû̌htò̌ge htě Cǒmara ǐ pa htǒo ma̤pûhǐ ta̤sǔ lǒplò̤ pû sî dǐpwǎ̤꤮ tò̤, ma̤pûhǐ sî hǐkǒshò̌ lǒkho pû dǐpwǎ̤꤮ tò̤ ayanu, pṳ̂̌ti̤ni̤꤮ ǐkhû̌ǐǎ ma̤jèkè̌khînû̌û tapwa̤ ta tapwa̤ nî̌꤮.

Hebrǔ 3:15

Lî̤cahtǐkû hî̌, “Khò̌ti̤ni̤, sî dè gana̤de Cǒmara ayo̤po̤ hî̌dě, hǐkǒshò̌ lǒkho pûma̤ pwǐ sîphisîphu htě a htè̌shǔ Cǒmara dě gana̤de nû̌ûyo̤ tò̤nu toǒ ma̤ nî̌꤮,” a hî̌ hǐnu.

Hebrǔ 4:7

Hǐnudě mṳni̤ akhîakha htě kò glènṳ dě Cǒmara la̤ǒkǔ htǒonu, a bè̌ ǒkhǒtû̌ mṳni̤ ahǔwa̤ ti̤ni̤. A bè̌ ǒkhǒpe mṳni̤ ahǔwa̤ ti̤ni̤ numî̌ khò̌ti̤ni̤ hǒ. Děanǒkò něyî̤layî̤nu, Cǒmara pwe̤ǐlṳ tṳtṳ bǎ ayo̤htǒo tûmû ta Dǎ̤wi̤ pwǐ he khwè̌htonu dě a hî̌, “Khò̌ti̤ni̤ sî dè gana̤de Cǒmara ayo̤po̤ hî̌dě hǐkǒshò̌ lǒkho pûma̤ nî̌꤮” a hî̌ hǐnu.

Hebrǔ 9:8

Dě ta̤htǒo akhû̌akhî, Běcǎ sǎcahtǐ dǔlṳ bǎ pa ta, kò dè noǎǐ sadape hǐphû̌dû̌ cahtǐ ali̤ htǒotama hî̌mò̌nu klè̌la̤nṳ mè̤mè̤̌ dě hǐphû̌ cahtǐ htǒotama akûnu, a lṳ̂mo hǒtò̤.

Petru ginǐ̤bǎ tabǎ 1:21

Ma̤tè̤hî̌dě, pwa̤po̤ a ta̤dǒhtû̌ǐ toǒ numî̌, a hè pwǐ kòyò sò̌yṳ nopwe̤ǐnu mè̤tò̤. Asî dǒhtû̌ǐ bǎ kò ta̤wi̤ta̤kè̌ htǒonumî̌ a dǒhtû̌ǐ bǎ kò pwǐ Běcǎ sǎcahtǐ pwe̤ǐ bǎ asînu pwǎ, dě ta̤wi̤ta̤kè̌ htǒonumî̌ a ǒ dě Cǒmara ǒ hè.

Ta̤dǔlè̌nǎ 3:20

Gana̤de lǒkho he ihtǒ ǒbǎ takha lo̤mo̤ dě he to̤glo takha htǒo. Kòyò tapwa̤pwa̤ dè gana̤de he to̤glo takha hî̌dě bòmoshǔ yǎnu, he glè hènṳ ǎhtuohtu kû̌ta a, dě a ǎhtuohtu kû̌ta he pě.