Hebrǔ 3:6 - Kawyaw RC

⁶ Pwǎ̤tadě, Khrî̌stu htǒonumî̌ alò̤ta Mǒ̤jè htě a htû pwa̤ma̤ta̤ dě Cǒmara ahǐkûnu tapwa̤ mè̤tò̤. A mî̌ Cǒmara aphû̌khû tapwa̤. A mî̌ acǒatè̤ ta ata̤ma̤ dě a kè̌ǐkhwè̌ǐ apha Cǒmara ahǐphû̌phòphû̌ toǒ. Pa dè gû khukhuhaha hèsělě Khrî̌stu to̤htû̌ agutṳ htohǒtò̤ ta̤ htě Cǒmara glè ǐ pa htǒonu, pa dè kè̌shuǐ hèsělě to̤htû̌ agutṳ hî̌mò̌nu, pa mî̌ Cǒmara ahǐphû̌phòphû̌ hǒ.

Kawyaw New Testament

⁶ Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.

Hebrǔ 3:6 Iomraidhean Croise

Htû̌sò̌htò̌ 2:12

Gene̤lò̤ dě phû̌khûlo̤mo̤nu. Pěmî̌ asò̌phlǒdû̌ dě bǎ sîcû̌ klè̌lo̤ akhanu, dě ta̤gènè̤to̤tò̤ akû sîsihtò̌sumṳ hè̌. Teděsǎ akûnu asò̌phlǒdû̌ htò̌phwè mè̤mè̤̌. Kòyò hèǒtûdû ana̤ dě aǒnu a nî̤bǎ ta̤howi̤.

Matěo 10:22

Hekhû̌hekhî, kòyò pṳ̂̌꤮ tapwa̤ sò̌khěbò sî pě. Pò̤̌ta kòyò htě a ihtǒtònò ǒměǒgle ta a ta̤yṳta̤nǎ akû to̤htû̌ agutṳ toǒnu Cǒmara ma̤lû̌htò̌ge asî pě.”

Matěo 16:18

Dě he hî̌ na, nami̤ mî̌ Petru dě he glè shǒlò̤ he pwa̤yṳǎta̤ aprṳ̂aho lo̤htǒo alo̤ pě. Ta̤si ashû̌asho lò̤jûbò ala̤ pě.

Matěo 24:13

Pwǎ̤ta kòyò htě a ihtǒtònò ǒměǒgle ta a ta̤yṳta̤nǎ akû to̤htû̌ agutṳ toǒnu Cǒmara ma̤lû̌htò̌ge asî pě.

Rṳ̂̌me̤ 11:22

Hǐnudě gènè̤ te̤mǎ lǒkho. Cǒmaranu, tokhomî̌ a gwèbǎǐ akòyò, tokhonu a cèrò shosho akòyò. A cèròsho tû̌ akòyò Yṳ̌daphû̌ htě a cû̌ tephekè nû̌û toǒnu pwǎ̤tadě a gwèbǎǐ sî htě a mî̌ Yṳ̌daphû̌ mè̤tò̤ htǒotoǒ. Pwǎ̤tadě sî to bè̌dû̌bè̌htû sělě lǒkho a ta̤gwèbǎǐ sî htǒonu. Dèmè̤tò̤mî̌ a pe̤tṳkè dǒ sî pě.

Rṳ̂̌me̤ 12:12

Sî ta̤kè̌shuǐ htě Cǒmara ma̤wǒ bǎ sîya htǒotoǒnu, sò̌le̤sò̌lò̤ lǒkho nî̌꤮. Bǎ ta̤pò̤ta̤sha hèbǎ sî akhanu, khòsò̌do lǒkho, kwisaba lǒkho pṳ̂̌꤮ plǎ nî̌꤮.

Rṳ̂̌me̤ 15:13

Bǎ sî yṳǎ Cǒmara htě a ma̤jè sî htǒo akhanu, a mî̌ Cǒmara tapwa̤ htě pa la̤kè̌shuǐ a kòshî̌kòtṳ akhû̌akhî, a ma̤lǒbe tû̌bǎ sî ta̤sò̌le̤sò̌lò̤ ta sî sò̌phlǒ a ta̤gûjûkabǎ nî̌꤮. Htohǒtò̤ ma̤pûhǐ sî ta̤kè̌shuǐ shû̌htò̌shohtò̌ sělě kû̌po̤ dě alo̤mo̤ ta Běcǎ sǎcahtǐ a ta̤po̤ta̤phǎ akhû̌akhî pwǎnu he kwisaba bǎ sîya.

Rṳ̂̌me̤ 5:2

Pa yṳǎ Běcǎ Ye̤shǔkhrî̌stu akhû̌akhî, a noǒhtûpwa̤ pa dě Cǒmara abwǐasîrî akû hǒ. Khònò̤htǒo pa ǒhtûpwa̤ dě abwǐasîrî akû hǒ. Dě pa sò̌le̤ kè̌shuǐ Cǒmara a bwǐdû̌sîrîhtû htǒonu hǒ.

Kôritu awǐlǒ tôbǎ 3:16

Sî mî̌ Cǒmara a ta̤lṳhtò̌ho dě Cǒmara a sǎcahtǐ htě a ǒ Cǒmara ǒ htǒotapwa̤ hènṳ ǒhtûpwa̤ sîkû numî̌ sî sî̌yanǒ tò̤ ya?

Kôritu awǐlǒ tôbǎ 6:19

Sî na̤klû htǒonumî̌ Běcǎ sǎcahtǐ htě Cǒmara ǐlò̤ bǎ sî htǒotapwa̤ ala̤ǒ a ta̤lṳhtò̌ho numî̌ sî sî̌ya tò̤ ya? Ma̤tè̤hî̌dě Cǒmara pwî̤le̤dû̌pwî̤hto sî akhû̌akhî, sî na̤klû htǒonu sîta mè̤pe tò̤ hǒ. A htûhtò̌kè Cǒmara ata hǒ. Hǐnudě noǎ lǒkho sî na̤klû htǒonu ta Cǒmara asîrîdû̌sîrîhtû ayanu nî̌꤮.

Kôritu ginǐ̤bǎ tôbǎ 6:16

Cǒmara a ta̤lṳhtò̌honu a ǒhtujò ta pwa̤yo̤ ya. Hǐnuakho, pa htǒotoǒ numî̌ Cǒmara htě a htûpwa̤ htǒotapwa̤ a ta̤lṳhtò̌ho. Cǒmara hî̌, “He hèǒ dě hekòyò toǒ a sò̌phlǒkû pě dě he cû̌kû̌ ta asî pě. Dě he htû asî Cǒmara pě, dě asî htû hekòyò toǒ pě.”

Galatǐ 6:10

Hǐnu akhû̌akhî bò̌khòtè꤮ bǎbǎ, bǎ pa nî̤bǎ akhîakha wǒ akhanu, pa bǎ ma̤wǒ bǎ kò pṳ̂̌꤮ tapwa̤. Pwǎ̤ta sî ma̤ta̤wǒnu kè̌dû̌shǐ khǒtû̌ pwa̤yṳǎphû̌nu toǒ nî̌꤮.

Galatǐ 6:9

Ma̤ta̤wǒnu sò̌phlǒpî̌ lǒkho pûma̤ nî̌꤮. Pa dè sò̌phlǒpî̌mò̌ tò̤nu, htû̌꤮ khîkha bǎ pěnu, pa kǎbǎ gesǒtû̌ ta̤sǎta̤pho pě.

Ěphěsu 3:12

Dě pa yṳǎ Khrî̌stu, htodě pa htûhtò̌kè nû̌û tacǎnǔpa akhû̌akhî, khònò̤htǒo pa glè hènṳ dě Cǒmara ǒ ta ta̤yṳǎ tû̌û na̤ ta ta̤khuta̤ha numî̌ anî̤ hǒ.

Kòlòtè̌ 1:23

Ma̤pûhǐ sîmi̤sǎ ǒkû̌ dě Cǒmara a lo̤mo̤nu, tûrû̌ yṳǎ sělěpo̤ lǒkho hǐnu. Yṳǎshû̌ yṳǎsho ta ǒměǒgle lǒkhopû dě sî ta̤yṳ akû nî̌꤮. Bǎ sî gana̤de a ta̤sò̌le̤sò̌lò̤ awi̤akè̌ akhanu, sî nî̤bǎhto ta̤kè̌shuǐ hǒ. Dě sò̌phlǒ nûhtonûlò̤ lǒkho pûma̤ dě sî ta̤kè̌shuǐ htǒo akûnu ma̤ nî̌꤮. Ta̤sò̌le̤sò̌lò̤ awi̤akè̌ htě Cǒmara ma̤wǒ gesǒ kòyò toǒ ta ana̤ htǒonu, kò dǒhtû̌ǐ cû̌ nû̌û dě kòyò pṳ̂̌꤮ tapwa̤ a ǒ, ta dě hǎkhû̌ tebě a ǒ hǒ. He mî̌ Pò̌lu, he dǒhtû̌ǐ ta̤sò̌le̤sò̌lò̤ awi̤akè̌ htǒonu hǒ.

Tîsalònǐ awǐlǒ tôbǎ 5:16

Sò̌le̤sò̌lò̤ lǒkho pṳ̂̌꤮ plǎnî̌꤮.

Tîsalònǐ ginǐ̤bǎ tôbǎ 2:16

Papha Cǒmara abwǐasîrî khû̌khî, a ǐlò̤ pa a ta̤ǐkhû̌ǐǎ tûjûpwa̤ ta ta̤kè̌shuǐ htě acǒatè̤ htǒotoǒnu hǒ. Pa Běcǎ Ye̤shǔkhrî̌stu ta papha Cǒmara htě a mo̤ǐ pa htǒotapwa̤ ǐkhû̌ǐǎ tû̌ta sî nî̌꤮. Htohǒtò̤ ma̤pûhǐ sî ta̤phî̌ta̤ma̤ lǒ̤꤮ bònu toǒ ta sî ta̤hî̌bǎhî̌sho lǒ̤꤮ bò toǒ wǒ ayanu, a ǐshû̌ǐshohtò̌ tû̌ta sî sò̌phlǒ nî̌꤮.

Tîmôte awǐlǒ tôbǎ 3:15

Pò̤̌ta he dè hè pò̤ya̤ mò̌nu pa to ǒhtûpwa̤ ta Cǒmara a hǐphû̌phòphû̌ aya hî̌tènu, he lî̤htǒo ǐsî̌ya na pě. Hǐ htǒo numî̌ Cǒmara htě a htûpwa̤ tapwa̤ a pwa̤yṳǎta̤ aprṳ̂aho htǒonuhǒ. Pwa̤yṳǎta̤ aprṳ̂aho htǒonumî̌ a ǐ shohtò̌ ta̤cǒta̤tè̤ a ta̤sû̌ǐ toǒ htě alò̤ta hǐhtǔ ta hǐnò̌dò̌dû̌ dě a tûhtû̌mě hǐ htǒo tamanu hǒ.

Hebrǔ 1:2

Pwǎ̤ta mṳni̤gutṳ̌lò̤ htǒotoǒnu, a hî̌bǎlò̤ tṳtṳ pa ta a phû̌makhû hǒ. Cǒmara nobǒlò̤ tṳtṳ aphû̌khû ta hǎkhû̌ mǒkhû̌ ta ta̤lǒ̤꤮ bò. Dě gutṳ̌lò̤ pěnu, ta̤htǒotoǒ lǒ̤꤮ bò ma̤pûhǐ a htûbò nû̌ûta pěnu dě Cǒmara wû̌lǎ yǎ hǒ.

Hebrǔ 10:19

Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 10:21

Pwa̤tòlûhtò̌ta̤ hǐkǒdû̌ htě adû̌khlokò dě a kè̌ǐkhwè̌ǐ Cǒmara ahǐ htǒotapwa̤nu, pa nî̤bǎ yǎ hǒ.

Hebrǔ 10:23

Pa pṳ̂měǐwǒ pa ta̤kè̌shuǐ htě pa hî̌hto bǎ kò htǒonu toǒ hò̌, ma̤tè̤hî̌dě pa sî̌ya ta Cǒmaranu acǒatè̤ ta a ta̤olò̤ dě a ma̤pwǐ a hî̌nu pṳ̂̌꤮ taplǎ.

Hebrǔ 10:35

Hǐnudě bè̌sho lǒkho sî sò̌phlǒ. Sî nî̤bǎ ta̤ma̤nî̤khû̌kǎ adû̌ayǒ toǒ pě.

Hebrǔ 11:1

Ta̤yṳ amûasǎ mî̌ ta̤ htě pa kè̌shuǐ yǎ toǒnu, pa yṳǎ měgle ta pa nî̤bǎ hǒ. Htohǒtò̤ ta̤yṳ amûasǎ mî̌ ta̤htě pa kè̌shǐjò hǒtò̤ toǒnu, pa yṳǎ měgle sayè̤pe ta pa glè nî̤bǎpěnu hǒ.

Hebrǔ 3:14

Ma̤tè̤hî̌dě, pa ta̤yṳǎ Cǒmara dě khû̌lû̌khanu, pa dè pṳ̂měǐwǒ yǎ to̤htû̌ agutṳ hî̌mò̌nu, pa htû pwa̤ma̤htuta̤ ta Khrî̌stu hǒ.

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 4:16

Hǐnudě, pa lo̤bǎ ta̤ bò̌khòtè꤮ bǎbǎnu, pa to hènṳ khuha dě pa Cǒmara htě a gwèbǎǐ kò htǒotapwa̤ a la̤hǎnòò̌ alo̤mo̤nu. Pa nî̤bǎ a ta̤gwèbǎǐ pě dě pa kè̌shǐbǎ abwǐdû̌sîrîhtû htě a ma̤jè pa htǒonu pě.

Hebrǔ 6:11

Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.

Hebrǔ 6:18

Hǐnudě Cǒmara ǐbò pa a ta̤olò̤ ta a ta̤bèlò̤ ayo̤htǒo ginǐ̤cǎbò hǒ. Cǒmara lòhojòtò̤ akhû̌akhî, htǒoginǐ̤cǎnu a htû̌lè̌tèplè̌ kî̌yajò tò̤tò̤. Pa khlè̌ tûdû to̤hǔbǐ Cǒmara a ǒ toǒnu, Cǒmara htû̌lè̌tèplè̌ kî̌yajòpe a ta̤olò̤ tò̤ akhû̌akhî, pa sò̌phlǒmo̤ sò̌phlǒshû̌htò̌ mè̤mè̤̌. Dě pa sò̌phlǒmo̤ sò̌phlǒshû̌ akhû̌akhî, ta̤kè̌shuǐ htě Cǒmara ǐ pahtǒonu, pa pṳ̂měǐ sělě to̤bò̌ agutṳ hǒ.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Petru awǐlǒ tabǎ 1:8

Sî kè̌shǐnǒ yǎ tò̤ pwǎ̤ta sî mo̤ǐ yǎ. Sî kè̌shǐ yǎ khònò̤ hǒtò̤ pwǎ̤tadě sî yṳǎ yǎ. Hǐnuakhû̌akhî, sî sò̌le̤sò̌lò̤ mè̤mè̤̌ dě sî sò̌le̤ pwî̌꤮ tènu hî̌jòpe tò̤.

Petru awǐlǒ tabǎ 2:5

Sî htǒotoǒnu asǒsǒta lo̤htûpwa̤ toǒ hǒ. Cǒmara noǎ lo̤ htě a mî̌ sîhtǒo dě a glè ma̤htò̌ hǐ sû̌sò̌cahtǐ tama. Sî ma̤ta̤ dě hǐkû htǒonu asǒsǒta pwa̤lṳhtò̌ta̤ cahtǐ toǒnu pě. Htohǒtò̤ sî lṳhtò̌ ta̤lṳ dě Cǒmara a ǒ sû̌sò̌cahtǐ tokho toǒ pě. Ye̤shǔkhrî̌stu akhû̌akhî, Cǒmara phî̌shǔ sî ta̤lṳ htǒotoǒ pě.

Petru awǐlǒ tabǎ 4:17

Ma̤tè̤hî̌dě, akhîakha hèto̤ ta Cǒmara glè tèhtò̌ cèrò wǐgutṳ̌tû̌ akòyò hǒ. A dè tèhtò̌ cèrò wǐgutṳ̌ pa pě dèhî̌dě kòyò htě a gana̤de Cǒmara a ta̤sò̌le̤sò̌lò̤ awi̤akè̌ tò̤ toǒnu apò̤asha ajîajû pwî̌꤮ tè pě.

Ta̤dǔlè̌nǎ 2:18

“Khwè̌cû̌ lî̤htǒonu dě Twatǐra pwa̤yṳǎta̤ aprṳ̂aho a tanaphû̌nu tapwa̤ ǒnu,” a hî̌ he hǐnudě a hî̌, “Ta̤wi̤ta̤kè̌ htǒonumî̌ a hè dě Cǒmara aphû̌khû ǒ. A mi̤sǎphlǒnu a gèplo̤htò̌ sǒsǒta mî̌, a khò̌lopo̤nu, a shěrakha sǒsǒta tîlîbò htě kò htǔplò̌shǐ yǎnu.

Ta̤dǔlè̌nǎ 2:25

Pwǎ̤tadě pṳ̂měǐ wǒ lǒkho ta̤htě aǒ ta sînu toǒ to̤htû̌ he hèlò̤ pě taplǎnu nî̌꤮.

Ta̤dǔlè̌nǎ 2:26

“Ûpèpè̌꤮ bǎbǎ a ma̤pè̤ta̤ htě a dè ma̤ hèpo̤ to̤htû̌ agutṳ pwǐ he ta̤sò̌yṳ ǒnu hî̌kǎlè̌, he ǐyǎ ta̤sîrîshû̌sho htě alò̤ta he nî̤bǎ dě hepha ǒnu toǒ pě. ‘He ǐyǎ ta̤sîrîshû̌sho htě a pǒ shiga toǒ ta khî̌po̤ te̤htò̌ pě, dě a demǔdeprî̌bò asî pwǐ kò demǔdeprî̌ gopo̤lo̤hǎnu pě.’

Ta̤dǔlè̌nǎ 3:11

“Ayî̤hǒtò̤nu he hè pě. Ma̤pûhǐ kò phî̌sigwikè pû na khû̌glûhta tò̤nu, pṳ̂měǐ wǒ lǒkho ta̤htě sî nî̤bǎhto, ta̤sû̌ǐtòwòǐ htě atoabǎnu toǒ nî̌꤮.