Hebrǔ 3:5 - Kawyaw RC

⁵ Mǒ̤jè htǒonu acǒatè̤ ta ata̤ma̤ ta Cǒmara ahǐphû̌phòphû̌ toǒ aya pwǐ pwa̤ma̤ta̤ tapwa̤nu hǒ. Dě Mǒ̤jè ta̤ma̤ toǒnu, a dǔlṳnǎwǐ la̤kè̌mò̌mṳ ta̤te̤ta̤mǎ ayo̤ toǒ htě Cǒmara dǔlṳ kò htû̌꤮ anǒkò toǒ aya pě.

Kawyaw New Testament

⁵ Khûmṳ̂shě nî̌ acǒ kû̌ ata̤ma̤ dǒ Cǒmara a hǐphû̌phòphû̌ tokhlǒ aya, pô̤̌ pwa̤ma̤ta̤phû̌ tôpwa̤ nuhǒ. Dě Khûmûshě ta̤ma̤ tokhlǒnu, a dǔlè̌lṳ̌ ô̌nǎwǐ kè̌lû̌mò̌mṳ yǎ̤yô̤yǎ̤gî̌ ta̤tě̤ta̤mè̤̌ tokhlǒ dǒ Cǒmara gǔ dǔlè̌lṳ̌ kòyò dǒ nô̌kòpě tokhlǒ aya pě.

Hebrǔ 3:5 Iomraidhean Croise

Htû̌sò̌htò̌ 105:26

A sûhè apwa̤ma̤ta̤phû̌ Mǒ̤jè ta Aro htě a wû̌lǎ htǒonu sò̌gini̤.

Matěo 24:45

Jûphû̌ htě acǒatè̤ ta a phlophǎ tapwa̤mî̌ ûpènuya? Jûphû̌ htě acǒatè̤ tapwa̤ mè̤mè̤̌mî̌ aběcǎ ǐlò̤ nû̌û ta̤ma̤ dě a bǎ kè̌ǐkhwè̌ǐ bǔǎbǔo jûphû̌ ahǔwa̤toǒ dě acǔdekû ta a bǔǎ tokhîtokha asî htǒotapwa̤nu hǒ.

Matěo 25:21

“Aběcǎ hî̌shǔ nû̌û, ‘O, awǒ mè̤mè̤̌, na mî̌ jûphû̌ htě awǒnu dě acǒtè̤ ta he, na cǒtè̤ ta he ǐ na ta̤pî̌tî̌phû̌ htǒotoǒ akhû̌akhî, he ǐ dû̌khlopo̤ na ta̤ma̤ dě na pǒǐ dû̌khlopo̤ ta htǒonu pě. Hè sò̌le̤sò̌lò̤ plǒkû̌ tû̌ta he.’

Lǔka 12:42

Běcǎ hî̌shǔ nû̌û, “Hǐnudě, a htû jûphû̌ hǐkǒdû̌ htě a ta̤hî̌bǎměglo dě a ǒ ta ta̤sî̌ta̤jò tapwa̤mî̌ ûpè? Jûphû̌ hǐkǒdû̌ htě a ta̤hî̌bǎměgle htǒotapwa̤ numî̌ kòyò tapwa̤ htě aběcǎ glè ǐlò̤bò jûphû̌ ahǔwa̤toǒ acǔdekû dě a nokè̌ǐkhwè̌ǐ nû̌û ta asî, dě a ǐǎtoǐobǎ bǎ kò akhîakha taplǎ ta taplǎnu tapwa̤ pě mè̤tò̤ ya?

Lǔka 24:27

Htodě Ye̤shǔ pwe̤ǐphlo bǎ asî ta lî̤cahtǐ hî̌nǎhto a awi̤akè̌ tèhtò̌ dě Mǒ̤jè khwè̌lî̤nu toǒ ta pwa̤po̤ lǒ̤꤮ bò toǒ khwè̌nǎnu.

Lǔka 24:44

Htodě a hî̌ asî, “Bǎ he ǒkû̌pe ta sî akhanu, kò lǒ̤꤮ bò khwè̌nǎhto hewi̤hekè̌ dě Mǒ̤jè alî̤kûnu toǒ bǎbǎ, pwa̤po̤ khwè̌nǎnu toǒ bǎbǎ, dě ta̤htû̌sò̌ǐ lî̤kûnu toǒ bǎbǎ, a bǎ lǒbehtò̌bò pṳ̂̌꤮ tacǎ pěnu, he pwe̤ǐlṳhtobò bǎ sî hǒ.”

Jowǎ̤ni̤ 5:39

Sî kè̌lǎsî̌ya lǒkho lî̤cahtǐ toǒ ma̤tè̤hî̌dě sî gènè̤ ta sî kè̌shǐ yolahtûpwa̤ tûjûpwa̤ bǎ lî̤ htǒonu toǒ akû pě. Lî̤cahtǐ htǒotoǒ numî̌ a khòlṳ bǎ hewi̤hekè̌ ta asò̌ hǒ.

Pwa̤nophû̌ 28:23

Hǐnudě asî hî̌ nû̌û mṳni̤mṳsa htě a glè kè̌shǐ glashǔsǒ ta Pò̌lu dě bǎ asî hî̌ nû̌ûnu ti̤ni̤nu, Yṳ̌daphû̌ toǒ hè lǒkho bǎ Pò̌lu ǒǐ hǐnu tama akû, dě asî hèplṳ̂khlo ta dě awǐkhanu tuhu. Dě Pò̌lu bòhtò̌ dǒhtû̌ǐlṳ bǎ asî ta Cǒmara ashiaga awi̤akè̌ dě a khòlṳ asò̌htǒo lṳmṳlî to̤htû̌ lṳmṳkhǐ. Ma̤pûhǐ asî yṳǎ Ye̤shǔ awi̤akè̌ htǒoayanu, a jipwi̤ pwe̤ǐsî̌yaphlo bǎ asî ta Mǒ̤jè a ta̤sû̌ta̤tòwònu toǒ ta pwa̤po̤ hî̌nǎnu toǒ.

Pwa̤nophû̌ 7:37

“Mǒ̤jè mî̌ kòyò htě a pwe̤ǐlṳ bǎ Israel akhlialè toǒ ta, ‘Cǒmara nohèlò̤ pwa̤po̤ dě sîǒ pwǐ a nohè he htǒonu pě, dě a mî̌ sî khlilèphû̌nu tû̌ pwǎ.’

Rṳ̂̌me̤ 3:21

Pwǎ̤tadě khònò̤htǒo, ma̤pûhǐ kòyòhǎkhû̌phû̌ htûhtò̌ kòyòcǒkòyòtè̤ dě Cǒmara a lo̤mo̤nu, a ma̤ khǒtû̌ klè̌ ahǔwa̤ tabo ta ana̤. Cǒmara aklè̌htǒo numî̌ pa jûle̤phî̌yo̤ ta̤sû̌ta̤tòwò akhû̌akhînu mè̤tò̤. Mǒ̤jè ta pwa̤po̤ toǒ khwè̌nǎhto bǎ꤮ lî̤cahtǐkû dě꤮ wǐnukha pe.

Kôritu awǐlǒ tôbǎ 4:2

Kòyò htě kò ǐlò̤ nû̌û ta̤ma̤ toǒnu, a tobǎ cǒtè̤ ta ata̤ma̤.

Tîmôte awǐlǒ tôbǎ 1:12

Pa Běcǎ Ye̤shǔkhrî̌stu ǐ he ta̤khû̌ta̤ǎ dě he ma̤ ata̤ma̤ aya akhû̌akhî, he hî̌bwǐhî̌sîrî yǎ. Htohǒtò̤ a bè̌ he pwǐ kòyò htě acǒatè̤ ta ayo̤ tapwa̤ dě a wû̌lǎ he ta he ma̤bǎ ata̤ma̤ akhû̌akhî, hî̌bwǐhî̌sîrî yǎ.

Hebrǔ 1:1

Cǒmara hî̌bǎlò̤ sala̤ paphipaphu děwǐkha toǒ ta klè̌ pṳ̂̌bo. Dě a nohî̌bǎ tṳtṳ nû̌ûta pwa̤po̤ toǒ.

Hebrǔ 3:2

Pwǐ Mǒ̤jè cǒtè̤ ta ata̤ma̤ ta Cǒmara ahǐphû̌phòphû̌ toǒ ayanu, Běcǎ Ye̤shǔ htǒo, acǒatè̤ ta Cǒmara dě a bè̌htò̌ nû̌û a noma̤ nû̌û ta ata̤ma̤ htǒonu tapwa̤.

Hebrǔ 3:4

Hǐ pṳ̂̌tamanu kò pwa̤ma̤htò̌ yǎ a ǒ tapwa̤pwa̤nu amè̤lè. Pò̤̌ta pwa̤ htě a ma̤htò̌ ta̤pṳ̂̌꤮ tacǎ numî̌ Cǒmara pwǎ.

Hebrǔ 8:5

Hǐphû̌ cahtǐ htě pwa̤lṳhtò̌ta̤phû̌ toǒ nṳma̤ nû̌û dě hǎkhû̌ bǎotama numî̌, a kè̌mò̌mṳ mè̤mè̤̌ Cǒmara a ta̤lṳhtò̌ho dě mǒkhû̌nu tama pwǎ. Hǐphû̌dû̌ cahtǐ htǒotamanu a mè̤mè̤̌ mè̤tò̤, amè̤pwǎ dě mǒkhû̌nu tama a ta̤yo̤ta̤gî pwǎ. Ma̤tè̤hî̌dě, bǎ Cǒmara noma̤htò̌ Mǒ̤jè hǐphû̌dû̌ cahtǐ bǎ hǎkhû̌bǎo akhanu, a hî̌ nû̌û ta, “Gûma̤ kè̌mò̌mṳ te̤mǎwǒ sǒsǒbò pwǐ na kè̌shǐhto mǒkhû̌ ta̤lṳhtò̌ho ayo̤ dě kholokhû̌kha nunî̌,” Cǒmara hî̌ nû̌û hǐnu.

Hebrǔ 9:24

Ma̤tè̤hî̌dě hǐphû̌dû̌ cahtǐ htě kò ma̤ nû̌ûta kòyò cǔde dě kò kè̌mò̌mṳ ma̤kû̌ mè̤mè̤̌pwǎ amo̤glo htǒotama akûnu, Khrî̌stu cû̌nṳ bǎnu mè̤tò̤. A cû̌nṳtû̌ mǒkhû̌ dě khònò̤htǒo a kwigwèbǎǐ bǎ pa dě Cǒmara alo̤mo̤.

Ta̤dǔlè̌nǎ 15:3

Dě asî sò̌po̤htò̌ǐ lǒkho Cǒmara ajûphû̌ Mǒ̤jè a ta̤sò̌po̤ ta sophû̌ a ta̤sò̌po̤ htǒo dě a hî̌, “Jò ta̤lǒ̤꤮ bò a Běcǎ Cǒmara na ta̤ma̤ toǒnu adû̌ayǒ dě a cǒklî̌kî̌ya mè̤mè̤̌. Na mî̌ shiphû̌gaphû̌ toǒ akhwǐcophǎ, naklè̌naklò sî toǒ numî̌ atoabǎ acǒatè̤ mè̤mè̤̌.