Hebrǔ 3:13 - Kawyaw RC

¹³ Mî̌tanu, khònò̤htǒo ta̤ma̤lû̌htò̌ge htě Cǒmara ǐ pa htǒo ma̤pûhǐ ta̤sǔ lǒplò̤ pû sî dǐpwǎ̤꤮ tò̤, ma̤pûhǐ sî hǐkǒshò̌ lǒkho pû dǐpwǎ̤꤮ tò̤ ayanu, pṳ̂̌ti̤ni̤꤮ ǐkhû̌ǐǎ ma̤jèkè̌khînû̌û tapwa̤ ta tapwa̤ nî̌꤮.

Kawyaw New Testament

¹³ Mè̤mè̤̌tôkhôdě, khònò̤̌ ta̤ma̤hǎplǎge dǒ Cǒmara ǐ panu pô̤̌khô ta̤sǔ gǔ lô̌ǐplò̤ǐ tǎ̤ sî tôpwǎ̤꤮ tǎ̤mǎ̤, pô̤̌khô sî gǔ ikǒpwǐ̤ lô̌khô tôpwǎ̤ tô̤̌ ayanu, pṳ̂̌꤮ ni̤ni̤ ǐkhû̌ǐǎ ma̤jè̌ kè̌khîlû̌ tôpwa̤ kû̌ tôpwa̤ nî̌꤮.

Hebrǔ 3:13 Iomraidhean Croise

Pwa̤nophû̌ 11:23

Dě bǎ a cû̌to̤ akha, a cû̌kè̌shǐ ta kòyò htǒotoǒ nî̤bǎ Cǒmara abwǐasîrî akhû̌akhî, a sò̌le̤sò̌lò̤ mè̤mè̤̌ dě ma̤pûhǐ asî ǒhtûpwa̤ cǒtè̤ hèsělě ta Běcǎ dě, a ǐkhû̌ǐǎ tûsû kû̌po̤ asî kò.

Rṳ̂̌me̤ 7:11

Ma̤tè̤hî̌dě, ta̤sǔ kè̌shǐ ashuakhwèwǒ dě a glè gètè̤htò̌nṳ ta̤mǎlò̤ htǒo akhû̌akhî, a lǒǎplò̤ǎ pwǎ he, htodě a noǎ ta̤mǎlò̤htǒo dě a ma̤sikèpwǎ he.

Ěphěsu 4:22

Kò sû̌ǐ sî ta sî tobǎ plû̌lòte̤kè sî ta̤ǒhtûpwa̤ ali̤alṳ̂ toǒ. Bǎ sî ǒhtûpwa̤ dě ta̤ǒhtûpwa̤ ali̤alṳ̂kû htǒo akhanu, sî sò̌phlǒ a ta̤sò̌yṳ phû̌mò̤ toǒnu alǒaplò̤pî̌kè sî dě a ma̤ phû̌mò̤shî̌htobò sî sò̌phlǒ.

Tîsalònǐ awǐlǒ tôbǎ 2:11

Pa kè̌ǐkhwè̌ǐ sî htǒonu, a lò̤ta pha tapwa̤ kè̌ǐkhwè̌ǐ aphû̌ numî̌ sî sî̌yatû̌hǒ.

Tîsalònǐ awǐlǒ tôbǎ 4:18

Hǐnu akhû̌akhî, pwe̤ǐmo̤ kè̌khî lǒkho sî sò̌phlǒ ta ta̤wi̤ta̤kè̌ htǒo tapwa̤ ta tapwa̤ nî̌꤮.

Tîsalònǐ awǐlǒ tôbǎ 5:11

Hǐnudě, ǐkhû̌ǐǎ kè̌khînû̌û tapwa̤ ta tapwa̤ dě ma̤jole̤ ma̤joge kè̌khînû̌û tapwa̤ ta tapwa̤ pwǐ sî ma̤ khònò̤ htǒonu nî̌꤮.

Tîmôte ginǐ̤bǎ tôbǎ 4:2

Dǒhtû̌ǐ lǒkho ta̤sò̌le̤sò̌lò̤ awi̤akè̌ nî̌꤮. Akhîakhawǒ bǎbǎ, akhîakha wǒtò̤ bǎbǎ, tûrû̌ dǒhtû̌ǐ hè sělěpo̤ ta̤sò̌le̤sò̌lò̤ awi̤akè̌ htǒonu nî̌꤮, htodě sǎhtǎǐ asî nî̌꤮, sû̌ǐtòwòǐwǒgesǒ asî nî̌꤮, dě ǐkhû̌ǐǎ asî, sû̌ǐtòwòǐ asî ta ta̤khòsò̌donu nî̌꤮.

Hebrǔ 13:22

He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Jǎgomo̤ 1:14

Pwǎ̤tadě bǎ kòyò pṳ̂̌꤮ tapwa̤ kè̌shǐ shěto̤bǎ ta ta̤lǒǎplò̤ǎ akhanu, ana̤klû a ta̤sò̌yṳ phû̌mò̤ tû̌nu toǒ cǐnṳhtěnṳ dǒpwǎ nû̌û.