Hebrǔ 3:12 - Kawyaw RC

¹² He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Kawyaw New Testament

¹² He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Hebrǔ 3:12 Iomraidhean Croise

Mǒhtûlû̌hǎhtûsa 8:21

Cǒmara tûjûpwa̤ nṳbǎ ta̤lṳhtò̌ ata̤nṳmû̌nṳshu akhǔhtǒo dě mo̤sû̌mo̤sò̌ mè̤mè̤̌ nû̌ûsò̌phlǒ, dě a bè̌lò̤ asò̌phlǒ dě a hî̌, “Htû̌nǒkò mî̌ he sî̌ya ta kòyòhǎkhû̌phû̌ toǒ gènè̤ ta̤phû̌mò̤shî̌hto toǒ dě aphijaû̌khape bǎbǎ, asî ta̤sǔ akhû̌akhî, he ǐshope hǎkhû̌ tò̤ hǒ. Pwǐ he ma̤hto khònò̤htǒo, htû̌nǒkò mî̌ he ma̤sima̤hǎmǎpe ta̤bǒlò̤ lǒ̤꤮ bò htě ata̤htûpwa̤ ǒ htǒotoǒ tò̤ hǒ.

Htû̌sò̌htò̌ 18:21

He jûle̤phî̌yo̤ Cǒmara tûjûpwa̤ ata̤sû̌ta̤tòwò, he htû̌tiwǐ cû̌pa̤kè ta hecǒmaradû̌ aklè̌ tò̤ akhû̌akhî, a howi̤ he.

Matěo 16:16

Shîmǒ̤nè̤ Petru hî̌shǔ nû̌û, “Na mî̌ Khrî̌stu htě a ma̤lû̌htò̌ge kò tapwa̤ hǒ. Na mî̌ Cǒmara htě a htûpwa̤ tapwa̤ aphû̌khû.”

Matěo 24:4

Běcǎ hî̌shǔ asî, “Ǒsè̌rè̌ lǒkho sîna̤ nî̌꤮, nolǒǎplò̤ǎ cû̌nṳ pû kò ta sîna̤ ma̤ nî̌꤮.

Mǎ̤riko 13:23

Ǒsè̌rè̌ lǒkho sîna̤ nî̌꤮. Bǎ ta̤htǒotoǒ htûhtò̌ hǒtò̤nu, he pwe̤ǐnǎwǐhtobò bǎ sî pṳ̂̌꤮ tacǎ hǒ,” Ye̤shǔ hî̌ hǐnu.

Mǎ̤riko 13:33

Ǒsè̌rè̌ lǒkho sîna̤, sòklò saba ǒpo̤ lǒkho sîna̤ nî̌꤮, ma̤tè̤hî̌dě a htûhtò̌ pě bò̌khòtènu sî sî̌ya tò̤.

Mǎ̤riko 13:9

“Sî bǎ sè̌rè̌ǐ lǒkho sîna̤. Hekhû̌hekhî kò pṳ̂ sî pě, dě kò sûhtò̌ sî dě pwa̤cèrò hǐkǒdû̌ toǒ a lo̤mo̤ pě. Kò phlěpo̤ sî dě ta̤sabahǐkû pě. Sî bǎ ihtǒ ǒ dě pwa̤pǒta̤ toǒ ta Khwǐcophǎ toǒ alo̤mo̤ pě dě a cèrò sî pě sî dǒhtû̌ǐ nṳbǎ asî ta ta̤sò̌le̤sò̌lò̤ awi̤akè̌ pě.

Lǔka 21:8

Ye̤shǔ hî̌shǔ asî, “Ma̤pûhǐ kò lǒǎplò̤ǎ cû̌nṳ ma̤ sî ma̤nu, ǒsè̌rè̌ lǒkho sîna̤ nî̌꤮. Kòyò htě a hè dǒkwèǐ lòhǎlòho lǒkho ana̤ ta hemi̤ pěnu a ǒplṳ̂pe, dě a dǒkwèǐ lòhǎlòholò̤ lǒkho ana̤, ‘He mî̌ Khrî̌stu hǒ,’ dě ‘Khîkha hèto̤phǔ hǒ,’ hǐnu pě pwǎ̤tadě gûkû̌ pû lǒkho asî kò ma̤ nî̌꤮.

Rṳ̂̌me̤ 11:21

Cǒmara dè sò̌le̤ǐ a sǒphòli̤ htě a mî̌ Yṳ̌daphû̌ sî htǒotoǒ tò̤ dèhî̌dě sî mî̌ a sò̌le̤ǐ tò̤tò̤.

Kôritu awǐlǒ tôbǎ 10:12

Hǐnudě na gènè̤ nana̤ ta he ta̤yṳta̤nǎsho mè̤mè̤̌ dèhî̌dě, ǒsè̌rè̌ nana̤ nî̌꤮, pěmî̌ na ma̤sǔ hè̌.

Kòlòtè̌ 2:8

Ǒsè̌rè̌ lǒkho sîna̤ nî̌꤮. Nolǒǎplò̤ǎ pûma̤ sîna̤ ta kòyò htě a sû̌ǐtòwòǐsǔ ta̤nu toǒ dǐpwǎ̤꤮ ma̤ nî̌꤮. Ta̤hǐnu toǒ mî̌ a nòdû̌ pwǎ. Ta̤sû̌ta̤tòwò hǐnu toǒmî̌ mî̌pwǎ kòyòhǎkhû̌phû̌ ala̤klo ǐlò̤ tṳtṳ kè̌khînû̌û tuhtu hto tuhtunu toǒ pwǎ. Dě hǐnu toǒ mî̌ a hè dě khînǎkhîno phû̌mò̤ htě a pǒǐ hǎkhû̌teběnu toǒ a ǒ pwǎ. Ta̤sû̌ǐ hǐnu toǒmî̌ a hè dě Ye̤shǔkhrî̌stu a ǒ mè̤tò̤.

Tîsalònǐ awǐlǒ tôbǎ 1:9

Bǎ pa hè ǒlèkû̌ sî akhanu, sî kaǎshǔ lǒkho pa hî̌tènu, kòyò lǒ̤bò ǒ bǎnu toǒ pwe̤ǐbò pa. A pwe̤ǐ bǎ pa ta ma̤pûhǐ sî ma̤kû̌ Cǒmara htě a htûpwa̤ dě acǒatè̤ mè̤mè̤̌ htǒotapwa̤ a ta̤ma̤nu, sî wîkèbò sî ta̤saba pwa̤yo̤ toǒ.

Hebrǔ 10:31

Kòyò htě a lò̤te̤to Cǒmara htě a htûpwa̤ htǒotapwa̤ ta̤cèrò akla tapwa̤pwa̤nu, a sò̌gònò̤ ǐsha mè̤mè̤̌.

Hebrǔ 10:38

He kòyòcǒkòyòtè̤ sî toǒnu, a yṳǎna̤ǎ he akhû̌akhî, a htûpwa̤ lǒkho pě. Pwǎ̤ta kòyò htě a cû̌ tephekhǒkè ta he toǒnu, ato he sò̌phlǒ tò̤,” lî̤cahtǐkû hî̌ hǐnu.

Hebrǔ 12:15

Ma̤pûhǐ sî pṳ̂̌꤮ tapwa̤ nî̤bǎdǒ lǒkho Cǒmara abwǐasîrî htǒonudě, sè̌rè̌ǐ lǒkho sîna̤ nî̌꤮. Nohtûhtò̌ pûma̤ lǒkho sîna̤ pwǐ sǒmṳwè̤ htě kò ǎyǎ dě a sijò kònu toǒ dǐpwǎ̤꤮ ma̤ nî̌. Kòyò htě alò̤ta sǒmṳwè̤ htě kò ǎyǎ dě kò sijò htǒotoǒnu, a glè dǒhtò̌ sîkla dě a ma̤pò̤ma̤sha kòyò saprṳ̂ ta a wè̤htò̌si htǒonu pě.

Hebrǔ 12:22

Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Hebrǔ 12:25

Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 3:10

Hǐnudě he sò̌phlǒdû̌ asî dě he hî̌ asî, ‘Asî mî̌ kòyò htě asò̌phlǒ cǒtè̤ lǒkho ta he tò̤ toǒ. Asî sî̌yaphlo lǒkho ta̤ htě he noma̤ asînu toǒ tò̤,’ he hî̌ asî hǐnu.

Hebrǔ 3:19

Hǐnudě asî yṳǎtò̤ akhû̌akhî, asî nṳjòpe ganu tebě tò̤ numî̌ pa sî̌yaphlobò tû̌hǒ.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.