Hebrǔ 3:1 - Kawyaw RC

¹ Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Kawyaw New Testament

¹ Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 3:1 Iomraidhean Croise

Htû̌sò̌htò̌ 110:4

Cǒmara tûjûpwa̤ bèlò̤ ayo̤ dě a hî̌khǒpe tò̤. A hî̌ ta, “Na htû pwa̤lṳhtò̌ta̤ tûjûpwa̤ dě alò̤ta pwa̤lṳhtò̌ta̤ Malakhǐsèdè̌nu pě.”

Jowǎ̤ni̤ 17:3

Cǒmara mî̌tû̌ na tapwǎ̤pa, kòyò htě a sî̌ya na dě a sî̌ya ta he mî̌ Ye̤shǔkhrî̌stu htě na sûhè yǎ tapwa̤ numî̌, mè̤pwǎ ta̤sî̌ya htě a ǐ asî yolahtûpwa̤ tûjûpwa̤nu.

Jowǎ̤ni̤ 20:21

Běcǎ Ye̤shǔ hî̌ gesǒ asî taplǎpe, “Sò̌phlǒ ta̤gûjûkabǎ ǒkû̌ tû̌ta sî nî̌꤮! Dě pwǐ hepha nohè henu, he nocû̌dǒ sîsî.”

Jowǎ̤ni̤ 20:27

Htǒotaplǎdě a hî̌ To̤mǎ̤jo, “Nakè̌mò̌ he cǔdekûhtǒo, dě cîwîkè̌tû̌ yǎta na cǔmṳplo̤nu. Yṳ̂wa̤ na cǔdenu dě sûphûtû̌ he we̤la̤ acèhtǒo. Sò̌phlǒ suǔsewe̤ pûma̤. Tûrû̌ yṳǎnu.” A hî̌ nû̌û hǐnu.

Pwa̤nophû̌ 1:15

Ti̤ni̤khanu, pwa̤yṳǎphû̌ htě a phǔ꤮ ǒ apwa̤ ta̤ya̤gini̤shi htǒonu a hè ǒhtuhî̌bǎplǒ bǒsû̌khǎkho nû̌û.

Rṳ̂̌me̤ 11:17

Yṳ̌daphû̌ htǒotoǒ numî̌ asǒsǒta kò cû̌ yǒgage Olivedo aphò dě kò ge shǒyǎ we̤kû htǒotoǒnu dě kò cû̌ yǒga Olivemi̤ aphò mi̤klanu dě kò gî plǒhtu nû̌û. Sî Yṳ̌daphû̌ mè̤tò̤ toǒ numî̌, asǒsǒta Olivemi̤ toǒnu hǒ. Khònò̤htǒo sî nî̤bǎ ta̤howi̤ htě Cǒmara howi̤kè Yṳ̌daphû̌ phiphu dě nukha toǒ hǒ. Sî nî̤bǎ sǒsǒta sǒphò htǒotoǒ cî̌o nî̤khû̌nî̤ǎ kû̌ sǒcòshi htě a ǒ akhò̌wi̤kû dě a hè htǒotoǒnu hǒ.

Rṳ̂̌me̤ 15:27

Asî sò̌phlǒsho ma̤lṳ mè̤mè̤̌. Dè hî̌ mè̤mè̤̌mî̌, asî lo̤bǎma̤jè Yṳ̌daphû̌ htě a yṳǎge htǒotoǒ hǒ. Asǒsǒta asî mi̤shû̌ ǒplṳ̂ Yṳ̌daphû̌ htǒotoǒ hǒ. Ma̤tè̤hî̌dě Yṳ̌daphû̌ htǒotoǒnu a ǐǎpa̤dǒ tṳtṳ Yṳ̌daphû̌ mè̤tò̤ toǒ sû̌sò̌ ta̤howi̤ toǒ. Hǐnudě Yṳ̌daphû̌ mè̤tò̤ toǒ mi̤shû̌ǒ Yṳ̌daphû̌ toǒ ta a glè bǎ mèǎ gesǒ asî ta ta̤howi̤ wûhta ta ta̤kî̌ta̤kû̌ htǒotoǒ hǒ.

Rṳ̂̌me̤ 15:8

Ma̤tè̤hî̌dě, he hî̌ sî ta Khrî̌stu hèlò̤htû bǎ Yṳ̌daphû̌ toǒ apwa̤ma̤ta̤ hǒ, ma̤tè̤hî̌dě ma̤pûhǐ Cǒmara cǒtè̤ ta ayo̤ dě a olò̤hto ta asî aphiaphu dě꤮ wǐkha toǒnudě Khrî̌stu hèlò̤htû hǐnu.

Rṳ̂̌me̤ 9:24

Pa mî̌ kòyò htě Cǒmara kaǎ pa toǒ hǒ. A kaǎ tû̌ Yṳ̌daphû̌ toǒ aklanu mè̤tò̤, dě Yṳ̌daphû̌ mè̤tò̤ toǒ aklanumî̌, a kaǎdǒ tû̌tû̌.

Kôritu awǐlǒ tôbǎ 1:2

Pa khwè̌cû̌ lî̤htǒo dě Cǒmara pwa̤yṳǎta̤ aprṳ̂ahophû̌ ǒ bǎ Kòrî̌tiawî̤kû toǒ a ǒ, ta kòyò lǒ̤bò htě a sabahtò̌ Běcǎ Ye̤shǔkhrî̌stu dě a ǒ lǒkho gûla̤ pṳ̂̌꤮ tò̤glònu toǒ a ǒ. Ye̤shǔ htǒonu, pa Běcǎ mî̌ amè̤mè̤, asî Běcǎ mî̌ amè̤mè̤. Ye̤shǔkhrî̌stu akhû̌akhî, Cǒmara ma̤wî̤ma̤cahtǐ sî dě a kaǎ sî ta sî glè ǒhtûpwa̤ cahtǐ dû̌htò̌po̤ aya hǒ.

Kôritu awǐlǒ tôbǎ 10:17

Pa ǎhtuohtu plǒbò nû̌û mû̌ tomapa. Hǐnudě pa ǒplṳ̂ǒphǎ pwǎ̤ta pa mî̌ na̤ tapwǎ̤pa pwǎ.

Kôritu awǐlǒ tôbǎ 9:23

He ma̤ ta̤titètè̌ bǎbǎnu, he ma̤ yǎta ta̤sò̌le̤sò̌lò̤ awi̤akè̌ aya pwǎ. Ma̤pûhǐ he nî̤bǎ kû̌ ta̤sò̌le̤sò̌lò̤ awi̤akè̌ a ta̤howi̤ toǒnu, he ma̤ hǐnu hǒ.

Kôritu ginǐ̤bǎ tôbǎ 1:7

Hǐnu akhû̌akhî, pa yṳǎ mè̤mè̤̌ sî, ma̤tè̤hî̌dě bǎ sî khòbǎ sǒsǒ ta̤jîta̤jû pwǐ pa khòbǎ toǒ akhanu, Cǒmara ma̤mo̤ ma̤jè sî pwǐ a ma̤mo̤ ma̤jè pa htǒonu pě.

Kôritu ginǐ̤bǎ tôbǎ 9:13

Sî ta̤ma̤jo htǒonu a khòlṳ ta sî yṳǎ mè̤mè̤̌ Běcǎ Ye̤shǔ hǒ. Dě sî yṳǎ gûma̤kû̌ pwǐ Khrî̌stu a ta̤sò̌le̤sò̌lò̤ awi̤akè̌ hî̌nu akhû̌akhî, kò htû̌sò̌ǐplṳ̂ Cǒmara pě. Ma̤tè̤hî̌dě sî sò̌phlǒsho ma̤jo asî ta kò pṳ̂̌꤮ tapwa̤ akhû̌akhî, kòyò saprṳ̂ htû̌sò̌ǐ lǒkho Cǒmara hǐnu pě.

Ěphěsu 3:6

Cǒmara a ta̤dû̌ta̤yǒ htě kò sî̌yahtû tò̤ htǒonumî̌ Cǒmara ǐlò̤ bǎ Yṳ̌daphû̌ ta̤howi̤ hǒ. Dě ta̤howi̤ htǒotoǒnu, sî Yṳ̌daphû̌ mè̤tò̤ toǒ nî̤bǎplǒ sǒsǒta asî htǒonu. Yṳ̌daphû̌ mè̤tò̤ toǒ ta Yṳ̌daphû̌ htǒotoǒnu, a htû nû̌û na̤ tapwǎ̤panu hǒ. Cǒmara olò̤kèbò akòyò toǒnu, sî Yṳ̌daphû̌ mè̤tò̤ toǒ nî̤bǎplǒ kû̌ta asî hǒ. Sî yṳǎ ta̤sò̌le̤sò̌lò̤ awi̤akè̌ dě sî htûhtò̌ ta Ye̤shǔkhrî̌stu tacǎ꤮ pa akhû̌akhî, sî nî̤bǎkû̌bò ta̤howi̤ toǒnu hǒ.

Ěphěsu 4:1

Hǐnu akhû̌akhî, he kwigwèbǎǐ sî sǒsǒta kò dǒlò̤te̤ kòyò dě apo̤kû ta Běcǎ aya tapwa̤nu. Cǒmara kaǎ sî dě sî htûhtò̌ pwa̤yṳǎphû̌ toǒ akhû̌akhî, he kwigwèbǎǐ sî ta sî glè ǒhtûpwa̤ bè̌wǒkû̌ sî sò̌phlǒ pwǐ pwa̤yṳǎphû̌ toǒ to ǒhtûpwa̤nu.

Ěphěsu 4:4

Pa htǒotoǒ mî̌ pana̤saklû ǒhtunû̌û tapwǎ̤꤮ pa pwǎ. Pa nî̤bǎ htunû̌û Běcǎ sǎcahtǐ ta̤pwǎ̤꤮ pa pwǎ. Hǐnudě, bǎ Cǒmara kaǎ pa akhanu, a olò̤ta a ǐnǒ pa ta̤awǒ htǒo anǒkò pě. Hǐnudě pa lǒ̤꤮ bò kè̌shuǐ plǒbò nû̌û ta̤htǒo tacǎ꤮ pa pwǎ.

Phǐlǐpǐ 3:14

Dě Ye̤shǔkhrî̌stu ma̤hto bǎ heya akhû̌akhî, Cǒmara kaǎnṳ he mǒkhû̌ dě he jipwi̤ sělě to̤htû̌ he nî̤bǎ ta̤ma̤khû̌kǎ dě mǒkhû̌ htǒonu pě. He lò̤ta kòyò ta̤khlè̌ tapwa̤ dě a glè nî̤bǎ kû̌kò ta̤ma̤khû̌kǎ ta a khlè̌ sělě to̤htû̌ agutṳnu tapwa̤ hǒ.

Kòlòtè̌ 1:12

Sî hî̌bwǐhî̌sîrî tû̌ pha Cǒmara htě a ǐhtûhtò̌hto sî ta akòyò dě sî glè nî̤bǎdǒ a û̌cata̤bî̌ htǒotoǒnu, ta akòyò cahtǐ toǒ dě ashiaga alîrakha akû htǒonu pě nî̌꤮.

Kòlòtè̌ 1:22

Pwǎ̤tadě khònò̤htǒo, Khrî̌stu sana̤ hè khòsi asò̌ akhû̌akhî, Cǒmara ma̤klaǐgesǒ sî ta ana̤klû hǒ. Dě Cǒmara a lo̤mo̤ pěnu, ma̤pûhǐ sî cahtǐ dě sî lû̌pû ta ta̤sǔ, htohǒtò̤ kò ǐjòpe pû ta̤sǔ dě sîlo̤ dǐpwǎ̤꤮ tò̤nu, Cǒmara ma̤klaǐ gesǒ sî hǐnu hǒ.

Kòlòtè̌ 3:12

Sî mî̌ Cǒmara akòyò htě a mṳ̂plî dě a mo̤ǐ sînu toǒ, dě a wû̌lǎ sî hǒ. Hǐnudě kûsǒhtò̌ lǒkho ta̤sò̌yṳgwèbǎǐ, ta̤ma̤wǒta̤, ta̤shò̌lò̤ sò̌phlǒ, ta̤sò̌dohobî̌ ta ta̤khòsò̌do sînu toǒ nî̌꤮.

Tîsalònǐ awǐlǒ tôbǎ 2:12

Ma̤tè̤hî̌dě ma̤pûhǐ sî ǒhtûpwa̤tobǎ pwǐ Cǒmara asò̌phlǒnu dě pa ǐkhû̌ǐǎ sî, pa hî̌bǎmo̤hî̌bǎwǒ sî, pa tûsû sîkò pṳ̂̌꤮ tapwa̤. Cǒmara mî̌ pwa̤ htě a kaǎnṳ sî dě ashiagakû ta a sîrîdû̌sîrîhtû akû tapwa̤hǒ.

Tîsalònǐ awǐlǒ tôbǎ 5:27

Dě Běcǎ ami̤akû, he nolò̤ sî ta sî dǒlṳ bǎ he lî̤htǒotabǎ dě pṳwè̤ htě a yṳǎna̤ǎta̤ pṳ̂̌꤮ tapwa̤ a lo̤mo̤ nî̌꤮.

Tîsalònǐ ginǐ̤bǎ tôbǎ 1:11

Hǐnudě ma̤pûhǐ Cǒmara ma̤jè sî dě sî ǒhtûpwa̤ tobǎ kû̌ta ata̤kaǎ sî ayanu, pa kwisaba sîya pṳ̂̌꤮ taplǎ. Pa kwisabapo̤ bǎ sîya ta Cǒmara ma̤lǒma̤bebò bǎ sî ta̤ma̤wǒ htě sî sò̌yṳma̤nu toǒ, ta ta̤ma̤ htě sî ma̤ yǎta ta̤yṳnu toǒ. Dě Cǒmara ma̤tû̌ bǎ sî ta a ta̤po̤ta̤phǎ pě.

Tîsalònǐ ginǐ̤bǎ tôbǎ 2:14

Dě pa pwe̤ǐ bǎ sî ta̤sò̌le̤sò̌lò̤ awi̤akè̌ htǒo khû̌khî, Cǒmara kaǎ sî hǐnu hǒ. Ma̤tè̤hî̌dě ma̤pûhǐ sî nî̤bǎ Běcǎ Ye̤shǔkhrî̌stu a ta̤sîrîdû̌sîrîhtûnu dě a kaǎ sî hǒ.

Tîmôte awǐlǒ tôbǎ 6:12

Ta̤yṳta̤nǎ a ta̤shěta̤pe̤nu tûrû̌ jipwi̤ shě yǎta awǒ gutṳ̌ nî̌꤮, dě pṳ̂měǐwǒ yolahtûpwa̤ tûjûpwa̤ htǒonu nî̌꤮. Bǎ na olò̤ na ta̤yṳta̤nǎ htǒonu dě kò saprṳ̂ a lo̤mo̤ akhanu, Cǒmara kaǎ na dě na nî̤bǎ yolahtûpwa̤ tûjûpwa̤ htǒonu hǒ.

Tîmôte awǐlǒ tôbǎ 6:2

Jû htě a ǒ ta aběcǎ dě a yṳǎna̤ǎhto Khrî̌stu toǒnu, heběcǎ mî̌ pwa̤yṳǎphû̌ pwǎ gènè̤ dě to ma̤tukutakǎ aběcǎ tò̤. Mî̌tanu, a bǎ ma̤wǒkhlo ta̤ ta hǐnu, ma̤tè̤hî̌dě aběcǎ htě asî ma̤ bǎ nû̌û a ta̤phî̌ta̤ma̤ htǒotapwa̤ numî̌ kòyò htě a yṳǎna̤ǎ Ye̤shǔkhrî̌stu dě jûtoǒ mo̤ǐ nû̌û akhû̌akhî, asî tobǎ ma̤wǒkhlo. Sîbǎ sû̌ǐ asî dě noshû̌ asî ta a glèbǎ gûma̤ hǐnu.

Tîmôte ginǐ̤bǎ tôbǎ 1:9

Ma̤pûhǐ pa htûhtò̌tû̌ Cǒmara a kòyòcahtǐphû̌ toǒ ayanudě, a ma̤lû̌htò̌ge pa hǒ, dě a kaǎ pa hǒ, pa ma̤hto ta̤phî̌ta̤ma̤nu toǒ akhû̌akhîdě, a kaǎ panu mè̤tò̤. Htǒomî̌ a ta̤yè̤lò̤nǎ ta abwǐasîrîtû̌ pwǎ. Bǎ a bǒlò̤ hǎkhû̌ hǒtò̤nu, a ǐlò̤ pa ta̤bwǐta̤sîrî htǒonu dě Ye̤shǔkhrî̌stu akû htǒonuhǒ.

Tîmôte ginǐ̤bǎ tôbǎ 2:7

Gènè̤ te̤mǎ lǒkho ta̤ htě he hî̌htǒonu, ma̤tè̤hî̌dě Běcǎ ǐ sî̌yaphlobò tû̌ na ta̤pṳ̂̌꤮ tacǎ pě.

Hebrǔ 10:19

Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 10:21

Pwa̤tòlûhtò̌ta̤ hǐkǒdû̌ htě adû̌khlokò dě a kè̌ǐkhwè̌ǐ Cǒmara ahǐ htǒotapwa̤nu, pa nî̤bǎ yǎ hǒ.

Hebrǔ 10:23

Pa pṳ̂měǐwǒ pa ta̤kè̌shuǐ htě pa hî̌hto bǎ kò htǒonu toǒ hò̌, ma̤tè̤hî̌dě pa sî̌ya ta Cǒmaranu acǒatè̤ ta a ta̤olò̤ dě a ma̤pwǐ a hî̌nu pṳ̂̌꤮ taplǎ.

Hebrǔ 13:22

He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Hebrǔ 2:11

Ye̤shǔ ma̤ mṳ̂plîge kòyòhǎkhû̌phû̌ a ta̤ma̤sǔ toǒ. Kòyòhǎkhû̌phû̌ htě Ye̤shǔ ma̤ mṳ̂plîge asîta̤sǔnu toǒ ta Ye̤shǔ htǒonumî̌, apha jûnû̌û tapwǎ̤pa pwǎ akhû̌akhî, Ye̤shǔ kaǎ asî ta pṳwè̤nu a sòwò̤ tò̤.

Hebrǔ 2:17

Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Hebrǔ 3:12

He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Hebrǔ 3:14

Ma̤tè̤hî̌dě, pa ta̤yṳǎ Cǒmara dě khû̌lû̌khanu, pa dè pṳ̂měǐwǒ yǎ to̤htû̌ agutṳ hî̌mò̌nu, pa htû pwa̤ma̤htuta̤ ta Khrî̌stu hǒ.

Hebrǔ 6:20

Ye̤shǔ cû̌nṳwǐ bǎ pagûla̤ dě alo̤mo̤ hǒ. A htû bǎ pa pwa̤lṳhtò̌ta̤ hǐkǒdû̌gutṳ̌ htě a ǒ khòyî̤ tûjûpwa̤ htǒonuhǒ. A htǒonu alò̤ta pwa̤lṳhtò̌ta̤ Malakhǐsèdè̌ dě nukha tapwa̤ hǒ.

Hebrǔ 7:26

Hǐnudě, Ye̤shǔ mî̌ pwa̤lṳhtò̌ta̤ hǐkǒdû̌gutṳ̌ tapwa̤ htě a ma̤lǒbebò bǎ pa ta̤lo̤bǎ toǒ. A mî̌ acahtǐ, ata̤sǔ ǒtò̤, asò̌phlǒ mṳ̂plî. Cǒmara bè̌ǒkhǒtephe nû̌ûta ta̤ma̤sǔphû̌ toǒ, dě a ǐǒ nû̌û gûla̤ htò̌yî̤gutṳ̌ tò̤glò hǒ.

Hebrǔ 7:28

Pwa̤tòlûhtò̌ta̤ toǒnu, a ta̤sǔta̤plě ǒpwǎ lǒkho pwǎ̤tadě ta̤sû̌ta̤tòwò ǒ akhû̌akhî, kò bǎ bè̌htò̌pwǎ asî. Pò̤̌ta bǎ Cǒmara ǐlò̤hto ta̤sû̌ta̤tòwò htǒo anǒyî̤ hǒnu, a olò̤ kî̌yagepo̤ tûmû dě a bènṳdǒ ayo̤ bǎnu. A bèlò̤ ayo̤ ta a bè̌htò̌ a phû̌makhû dě ata̤sǔ ǒtò̤, a lǒbe htǒotapwa̤ ta a glè htûhtò̌ pwa̤lṳhtò̌ hǐkǒdû̌gutṳ̌ tûjûpwa̤ hǒ.

Hebrǔ 9:11

Pwǎ̤ta khònò̤htǒo Khrî̌stu hè htû pwǐ pwa̤lṳhtò̌ta̤ hǐkǒdû̌ htě adû̌khlo kò tapwa̤nu hǒ. A phî̌hènṳ bǎ pa ta̤wî̤ta̤wǒ htě a ǒ ta pa khònò̤htǒo toǒ hǒ. A cû̌nṳhto dě hǐphû̌dû̌ cahtǐ adû̌khlo, a lǒbekhlo ta kòyò ma̤nu tama akûhǒ. Hǐphû̌dû̌ cahtǐ htǒonu, kòyò ma̤ yǎta acǔde dǐpwǎ̤꤮ tò̤, kò bǒlò̤ nû̌û mè̤tò̤tò̤, a ǒ dě hǎkhû̌ bǎonu mè̤tò̤tò̤.

Hebrǔ 9:15

Dě ta̤wi̤ta̤kè̌ htǒo akhû̌akhî, ta̤howi̤ tûjûpwa̤ htě Cǒmara olò̤htokè bǎ kòyò htě a kaǎ nû̌û toǒ nî̤bǎpě ayanu, Khrî̌stu phî̌hènṳ bǎ Cǒmara akòyò toǒ ta̤wṳ̂dò asa htǒotacǎ dě Cǒmara a ǒ hǒ. Ma̤pûhǐ Khrî̌stu htè̌ge ta plûhǎhtò̌ pelecû̌kè kòyò ǒ bǎ ta̤wṳ̂dò ali̤kla toǒ ayanu, a bǎ khòsikè asò̌. Dě a khòsi asò̌ akhû̌akhî, asî nî̤bǎbò̌kû̌ û̌cata̤ya, a ta̤howi̤homò̤ tûjûpwa̤ htě Cǒmara olò̤hto htǒotoǒnu hǒ.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.

Petru awǐlǒ tabǎ 3:5

Ma̤tè̤hî̌dě mamǔ dě꤮ wǐnu a bè̌ a ta̤kè̌shuǐ dě Cǒmara a ǒnu toǒ a ta̤tîwî̌wî̤ ana̤ mî̌ mî̌pwǎ a shò̌lò̤ lǒkho asò̌phlǒ dě awṳ̂la̤ htǒonu hǒ.

Petru awǐlǒ tabǎ 5:1

He mî̌ pwa̤yṳǎta̤ aprṳ̂aho wè̤pwa̤ hǐkǒdû̌ tapwa̤, htodě he mî̌ pwa̤khòlṳ bǎ Khrî̌stu a ta̤khòjîkhòjû awi̤akè̌ tapwa̤. Htohǒtò̤ htû̌꤮ Cǒmara dǔlṳ kò ta a ta̤sîrîdû̌sîrîhtû akhapěnu, he bǎbǎ, he ǒkû̌ tû̌ta a ta̤sîrîdû̌sîrîhtû htǒonu pě. Khònò̤dě he kwigwèbǎǐ sî pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ toǒ ta,

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Yṳ̂ha awǐlǒ tôbǎ 1:3

Ma̤pûhǐ sî bǒsû̌khǎkho kû̌dǒ ta pa ayanu, pa pwe̤ǐ bǎ sî ta̤ htě pa kè̌shǐhto dě pa gana̤debǎhtonu toǒ hǒ. Pa bǒsû̌khǎkho kè̌khînû̌û htǒonumî̌, pa bǒsû̌ pana̤ ta pha Cǒmara ta aphû̌khû Ye̤shǔkhrî̌stu.

Yṳ̌da 1:1

He mî̌ Jǎgomo̤ apṳ Yṳ̌da, htohǒtò̤ he mî̌ Ye̤shǔkhrî̌stu ajû tapwa̤. He sò̌yṳ khwè̌cû̌bǎ kòyò htě pha Cǒmara kaǎ asî dě a mo̤ǐ asî, htohǒtò̤ Ye̤shǔkhrî̌stu ǒpo̤ ma̤kwaǐ asînu toǒ a ǒ.

Ta̤dǔlè̌nǎ 17:14

Asî shě sophû̌nu tado pě, pò̤̌ta sophû̌ htǒotado shěpè̤kè asî pě, ma̤tè̤hî̌dě sophû̌ htǒonumî̌ amî̌ Běcǎ toǒ a Běcǎ, Khwǐcophǎ toǒ akhwǐcophǎ, dě kòyò htě a ǒkû̌ ta anu toǒ mî̌ kòyò htě Cǒmara kaǎ asî, htohǒtò̤ Cǒmara wû̌lǎ asî, htodě asî mî̌ kòyò htě acǒatè̤ ta ayo̤ toǒ.

Ta̤dǔlè̌nǎ 18:20

Kǒ꤮ mǒkhû̌phû̌ sò̌le̤mò̌ lǒkho, kǒ꤮ Cǒmara akòyò sî, pwa̤nophû̌ sî ta pwa̤po̤ sî꤮, apî̌alṳ̂kè akhû̌akhî, sò̌le̤mò̌ lǒkho. Ma̤tè̤hî̌dě a ma̤jî̤hto sî akhû̌akhî, Cǒmara cèrò yǎ hǒ.’”