Hebrǔ 2:3 - Kawyaw RC

³ Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Kawyaw New Testament

³ Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Hebrǔ 2:3 Iomraidhean Croise

Matěo 23:33

“Wṳ̂phû̌mò̤ sî꤮, Wṳ̂sa aphû̌ali̤ sî꤮, Cǒmara glè cèrò sî dě ngariǒkû pěnu, sî cû̌ lû̌htò̌bò̌jò hî̌tè?

Matěo 4:17

Sělěhè bǎnudě Ye̤shǔ bòhtò̌ dǒhtû̌ǐ bǎ kò, “Yò̤lò̤ge lǒkho sîsò̌, ma̤tè̤hî̌dě mǒkhû̌ ashiaga hèto̤phǔhǒ.”

Mǎ̤riko 1:14

Bǎ kòyò pṳ̂dǒlò̤te̤ Jowǎ̤ni̤ dě apo̤kû akhanu, Ye̤shǔ cû̌ Galilî̌aga dě a dǒhtû̌ǐ bǎ kò ta Cǒmara a ta̤sò̌le̤sò̌lò̤ awi̤akè̌ bǎnu.

Lǔka 1:2

Asî gûkhwè̌kû̌ pwǎ pwǐ kòyò htě a kè̌shǐ nû̌ûta ana̤ akhû̌lû̌kha dě a dǒhtû̌ǐlṳ bǎ kò ta ta̤wi̤ta̤kè̌nu toǒ dě a pwe̤ǐ tṳtṳ bǎ panu toǒ pwǎ.

Lǔka 1:69

Dě Cǒmara apwa̤ma̤ta̤ Dǎ̤wi̤ akhlialè akûnu, Cǒmara ǐhtûhtò̌ bǎ pa pwa̤htè̌ge Běcǎ htě a ǒ ta a ta̤shû̌ta̤sho htǒotapwa̤ hǒ.

Lǔka 24:19

Dě Ye̤shǔ gwè nû̌û, “Kò ma̤ kwè̌꤮ titè ya?” Dě asî hî̌shǔ nû̌û, “Mî̌kǎ Nǎ̤sèrèwî̤phû̌ Ye̤shǔ awi̤akè̌nu lè꤮. A mî̌ pwa̤po̤ tapwa̤. A ta̤hî̌bǎhî̌sho ta a ta̤phî̌ta̤ma̤ htě Cǒmara ta kòyòhǎkhû̌phû̌ lǒ̤꤮ bò alo̤mo̤nu, a ǒ ta ta̤po̤ta̤phǎ.

Jowǎ̤ni̤ 15:27

Sî ǒkû̌dǒ ta he dě akòshî̌khape akhû̌akhî, sî bǎ pwe̤ǐ bǎ dǒkò ta hewi̤hekè̌ nî̌꤮.”

Pwa̤nophû̌ 2:22

Dě Petru hî̌po̤, “Hekho Israelphû̌ sî꤮, gana̤de lǒkho he ta̤hî̌bǎhtǒo! Bǎ Nǎ̤sèrèwî̤phû̌ Ye̤shǔ ǒkû̌dǒ ta sî akhanu, a dǔlṳ plṳ̂hto bǎ sî ta̤ma̤ cǒklî̌kî̌ya toǒ ta ta̤sû̌pi̤sò̌pi̤ toǒ ta ta̤ma̤ cǒklî̌kî̌a a ta̤ma̤dòǐ htě Cǒmara ǐpo̤ǐphǎ nû̌û htǒonu toǒ hǒ. Htǒonu a dǔlṳ ta Ye̤shǔ mî̌ a ǒ dě Cǒmara a ǒhènu hǒ. A ma̤bǎhtobò ta̤ma̤ htǒotoǒ numî̌ sî sî̌yahtotû̌ hǒ.

Pwa̤nophû̌ 4:12

Kòyò htě a ma̤lû̌htò̌gejò pa mî̌ pwǎpǒ̤ Ye̤shǔ tapwǎ̤ pa. Kòyò hǔwa̤ htě Cǒmara ǐ asî ta a ma̤lû̌htò̌ge pa ayanu, bǎ hǎkhû̌ bǎoteběbònu a ǒ dǐpwǎ̤꤮ tò̤.”

Rṳ̂̌me̤ 11:14

Pwǐ Cǒmara ma̤wǒhtobǎ sî Yṳ̌daphû̌ mè̤tò̤ toǒ ayanu, he kè̌shuǐ ta ma̤pûhǐ he ma̤ sò̌khě bǎ hekho Yṳ̌daphû̌nu toǒ aya, htohǒtò̤ ma̤pûhǐ he lǒginṳ kû̌ asî toǒǒ ta a nî̤bǎ kû̌kò ta̤ma̤lû̌htò̌ge ayanu, he gènè̤dû̌ mè̤mè̤̌ ta̤ma̤ htě Cǒmara ǐ he htǒonu.

Rṳ̂̌me̤ 2:3

Pwǎ̤tadě sû̌kho sî, kòyò ma̤ ta̤sǔ hǐnu toǒnu, na cû̌ pi̤jishǐcǒ kò ma̤tè? Na sana̤nu mî̌ na ma̤ sǒsǒpwǎta asî ma̤ ta̤sǔ. Hǐnudě, na gènè̤ nana̤ ta na lû̌htò̌ ta Cǒmara a ta̤cèrò pě hǐnu ya?

Kôritu awǐlǒ tôbǎ 1:21

Cǒmara a ta̤sî̌ta̤jò mî̌ adû̌ayǒ mè̤mè̤̌. Hǐnudě kòyòhǎkhû̌phû̌ htǒotoǒ glè kè̌lǎsî̌yabò̌ Cǒmara ta asî ta̤sî̌khû̌sî̌ya toǒnu, a jò dǐkhò̌꤮ tò̤. Mî̌tanu, Cǒmara sò̌phlǒǒ ta a ma̤lû̌htò̌ge kòyò htě a yṳǎ Khrî̌stu a ta̤sò̌le̤sò̌lò̤ awi̤akè̌ htě pa dǒhtû̌ǐ kò htǒonu toǒ pě. Pwǎ̤ta kòyò htě a yṳǎ ta̤sò̌le̤sò̌lò̤ awi̤akè̌ htǒo tò̤ toǒnu, a gènè̤sǔ lǒkho ta ta̤dǒhtû̌ǐ htǒotoǒ numî̌ a nòdû̌ pwǎ, a gènè̤ lǒkho hǐnu.

Tîsalònǐ awǐlǒ tôbǎ 5:3

Bǎ kò hî̌ ta, “Gamo̤gabǎ hǒ, ta̤bǎgubǎgè ǒpe tò̤” kò hî̌ pwǐhè̌o akhapěnu, ta̤pî̌ta̤lṳ̂ glè hèto̤ sumṳ bǎ asî sǒsǒta mamǔ phushaphû̌ǒnu pě dě asî lû̌htò̌bò̌ dǐpwǎ̤꤮ pě tò̤.

Tîmôte awǐlǒ tôbǎ 1:15

Ma̤pûhǐ Ye̤shǔkhrî̌stu hè ma̤lû̌htò̌ge kòyò ta̤ma̤sǔphû̌ toǒ dě, a hèlò̤ hǎkhû̌ bǎo hǒ. Ta̤hî̌bǎ htǒonumî̌ acǒatè̤ dě kòyò lǒ̤꤮ bò tobǎ phî̌shǔ lǒ̤sû̌lǒ̤sò̌ yǎ. Ta̤ma̤sǔphû̌ lǒ̤꤮ bò aklanumî̌ he mî̌ kòyò htě a ma̤sǔ dû̌khlokò tapwa̤ hǒ.

Tǐtǔ 2:11

Ma̤tè̤hî̌dě ma̤pûhǐ Cǒmara ma̤lû̌htò̌ge kòyòhǎkhû̌phû̌ lǒ̤꤮ bò ayanu, a dǔlṳ abwǐasîrî hǒ.

Hebrǔ 1:1

Cǒmara hî̌bǎlò̤ sala̤ paphipaphu děwǐkha toǒ ta klè̌ pṳ̂̌bo. Dě a nohî̌bǎ tṳtṳ nû̌ûta pwa̤po̤ toǒ.

Hebrǔ 1:14

Dèhî̌hǐnudě, mǒkhû̌tanaphû̌ toǒ mî̌ ûpè? Asî mî̌ yolahtûpwa̤ htě a ma̤ bǎ Cǒmara ata̤ma̤ toǒ. Cǒmara noma̤jè asî ta kòyò htě a nî̤bǎ ta̤ma̤lû̌htò̌ge pě toǒ aya pwǎ.

Hebrǔ 1:2

Pwǎ̤ta mṳni̤gutṳ̌lò̤ htǒotoǒnu, a hî̌bǎlò̤ tṳtṳ pa ta a phû̌makhû hǒ. Cǒmara nobǒlò̤ tṳtṳ aphû̌khû ta hǎkhû̌ mǒkhû̌ ta ta̤lǒ̤꤮ bò. Dě gutṳ̌lò̤ pěnu, ta̤htǒotoǒ lǒ̤꤮ bò ma̤pûhǐ a htûbò nû̌ûta pěnu dě Cǒmara wû̌lǎ yǎ hǒ.

Hebrǔ 12:25

Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Hebrǔ 4:1

Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Yṳ̂ha awǐlǒ tôbǎ 1:1

Pa khwè̌cû̌ bǎ sî Ye̤shǔ awi̤akè̌, a mî̌ ta̤le̤ta̤yo̤ htě a ǐ kò ta̤htûpwa̤ tapwa̤. Ahtǒo a ǒnǎhto dě hǎkhû̌ htûhtò̌ hǒtò̤ akha pe. Pa gana̤dehto dě pa kè̌shǐhtotû̌ yǎta pami̤sǎ hǒ. Pa kè̌ a dě pa pṳ̂bǎhto yǎta pa cǔde hǒ.

Yṳ̌da 1:17

Pwǎ̤ta he khobǒsû̌ sî꤮, gènè̤htò̌ to̤bǎ gesǒ lǒkho pa Běcǎ Ye̤shǔkhrî̌stu a pwa̤nophû̌ toǒ dǒhtû̌ǐnǎ htobǎ sînu toǒ nî̌꤮.

Ta̤dǔlè̌nǎ 7:10

Asî jipwi̤ yi̤kǒ dě a hî̌, “Tû̌pwǎ pa Cǒmara htě a hǎnòò̌ dě Khwǐcophǎ gògohtahtò̌yî̤ alo̤nu tapwa̤ ta sophû̌nu tado ma̤lû̌htò̌gepwǎ pa.”