Hebrǔ 2:2 - Kawyaw RC

² Cǒmara ǐlò̤ paphipaphu dě nukha toǒ ta̤wi̤ta̤kè̌ tacǎ. Dě a nohî̌bǎlò̤ tṳtṳ nû̌ûta mǒkhû̌tanaphû̌ toǒ. Dě kòyò htě a gana̤de ta̤wi̤ta̤kè̌ htǒotoǒnu, a bǎ gana̤de gûma̤ yǎ. Kòyò htě a gana̤de gûma̤ kû̌kò tò̤ toǒnu, Cǒmara cèròhtokè asî pwǐ a gwa ta asînu hǒ.

Kawyaw New Testament

² Cǒmara ǐlò̤ paphipaphu dǒ awǐkha tokhlǒ ta̤we̤ta̤kè tôcǒ. Dě a hî̌bǎlò̤ tutṳ̌ kû̌ mǒkhû̌ tanaphû̌ tokhlǒ. Dě kòyò dǒ a ganǎ̤de ta̤we̤ta̤kè hǒtokhlǒnu, a bǎ ganǎ̤de gû̌ma̤ yǎ. Kòyò dǒ a ganǎ̤de gû̌ma̤ kû̌ kòyò tô̤̌ tokhlǒnu, Cǒmara cî̌htò̌ hto asî pô̤̌ a gwǎ kû̌ asî nuhǒ.

Hebrǔ 2:2 Iomraidhean Croise

Htû̌sò̌htò̌ 68:17

Cǒmaradû̌ alo̤ la̤htò̌shě ta̤shěnu a ǒ asò̌ ta asò̌, asě ta asěkû. Běcǎ ta̤adû̌ ǒ Sǐnǎkhololo̤ dě a hèlò̤, a hènṳ dě agûla̤ cahtǐ akû.

Pwa̤nophû̌ 7:53

Sî nî̤bǎhto Mǒ̤jè a ta̤sû̌ta̤tòwò htě Cǒmara ǐlò̤ tṳtṳ nû̌ûta mǒkhû̌tanaphû̌nu toǒ hǐnudě sî gana̤de ayo̤ tò̤,” Stephen hî̌ hǐnu.

Galatǐ 3:19

Cǒmara cû̌ǐlò̤tǒ̤ pa ta̤sû̌ta̤tòwò ma̤tè? Kòyò ma̤ta̤sǔ akhû̌akhî, a ǐlò̤pwǎ pa. Ta̤sû̌ta̤tòwò htǒonu, a ǒměǒgle yî̤ to̤htû̌ Abraham akhlialè hèto̤nu. Abraham akhlialè htě Cǒmara olò̤kènu tapwa̤ mî̌ Ye̤shǔkhrî̌stu htǒonuhǒ. Cǒmara ǐlò̤ ta̤sû̌ta̤tòwò htǒo dě mǒkhû̌tanaphû̌ a cǔdekû. Dě mǒkhû̌tanaphû̌ ǐlò̤ tṳtṳ Mǒ̤jè dě Mǒ̤jè ǐlò̤ tṳtṳ nû̌û kòyò a ǒ. Mǒ̤jè mî̌ pwa̤ma̤ta̤ aplǎkû tapwa̤ pwǎ.

Hebrǔ 1:1

Cǒmara hî̌bǎlò̤ sala̤ paphipaphu děwǐkha toǒ ta klè̌ pṳ̂̌bo. Dě a nohî̌bǎ tṳtṳ nû̌ûta pwa̤po̤ toǒ.

Hebrǔ 10:28

Bǎ nukhanu kòyò htě a ma̤sǔ Mǒ̤jè a ta̤sû̌ta̤tòwò tapwa̤pwa̤nu, kòyò sò̌gini̤ dèmè̤tò̤mî̌ sò̌su dè yṳ̂lṳbò̌ mè̤mè̤̌ nû̌û ta̤sǔ hî̌mò̌nu, kò bǎ ma̤sikè yǎ, kò bǎ gwèbǎǐ nû̌û dǐpwǎ̤꤮ tò̤.

Hebrǔ 10:35

Hǐnudě bè̌sho lǒkho sî sò̌phlǒ. Sî nî̤bǎ ta̤ma̤nî̤khû̌kǎ adû̌ayǒ toǒ pě.

Hebrǔ 11:26

Mǒ̤jè bè̌lò̤ asò̌phlǒ ta, khòbǎ ta̤pi̤jishǐcǒ ta Khrî̌stu ayanu, ale̤dû̌pwî̤htû khlope ta Egyptga a ta̤dû̌yò̤htò̌sa toǒ, ma̤tè̤hî̌dě a ǒpo̤kè̌shuǐ ta Cǒmara ǐ nû̌û a ta̤ma̤nî̤khû̌kǎ htû̌꤮ anǒkòpě.

Hebrǔ 11:6

Ta̤yṳ dè ǒtò̤nu, tapwǎ̤꤮ mî̌ kò ma̤tobò̌ Cǒmara asò̌phlǒ tò̤, ma̤tè̤hî̌dě, kòyò lǒ̤bò htě a hè Cǒmara a ǒ toǒnu, a bǎ yṳǎ ta Cǒmaranu a ǒhtûpwa̤ dě kòyò htě a sò̌phlǒsho kè̌lǎ nû̌û toǒnu, a bǎ yṳǎ ta Cǒmara ǐ asî ta̤ma̤nî̤khû̌kǎ pě hǐnu.

Hebrǔ 12:25

Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Petru ginǐ̤bǎ tabǎ 1:19

Hǐnudě pwa̤po̤ toǒ dǒhtû̌ǐ ta̤wi̤ta̤kè̌ htǒotoǒnu, a te̤mǎ khlopo̤ ta paya. Sî to bè̌sû̌bè̌sǎwǒ ta̤wi̤ta̤kè̌ htě alò̤ta mî̌ko lîhtò̌ ta̤khǐkla dě alî to̤htû̌ lṳmṳlîbû tamanu. Dě lṳmṳlîbû hè hǒ akhanu, shǎto̤wo̤nu tama htò̌ dě sî sò̌phlǒkû pě.

Yṳ̌da 1:5

Sî sî̌yahtobò ta̤ lǒ̤bò htǒo pwǎ̤tadě he sò̌yṳ ǐ sî̌yahtò̌ gepo̤sǒ sî ta taplǎkha Běcǎ ma̤lû̌htò̌gehto Israelphû̌ dě Egyptga pwǎ̤tadě nǒkònu a ma̤sibò gesǒ kòyò htě a yṳǎ nû̌û tò̤nu toǒ.