Hebrǔ 2:17 - Kawyaw RC

¹⁷ Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Kawyaw New Testament

¹⁷ Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.

Hebrǔ 2:17 Iomraidhean Croise

Rṳ̂̌me̤ 15:17

Hǐnudě, he htûhtò̌ ta Ye̤shǔkhrî̌stu tacǎpa akhû̌akhî, he gènè̤dû̌ na̤cè̌ ta̤ma̤ htě he ma̤ bǎ Cǒmara htǒonu hǒ.

Rṳ̂̌me̤ 5:10

Dě awǐkha numî̌, pa htû kòyò htě a sò̌khě Cǒmara toǒ. Dě aphû̌khû khòsi asò̌ ta paya akhû̌akhî, a ma̤ mo̤klaǐgesǒ pa hǒ. Khònò̤htǒo pa htû akhobǒsû̌ hǒ. Pa sî̌ya te̤mǎ ta pa lû̌htò̌bò̌ pwǎ ta aphû̌khû a ta̤ǒhtûpwa̤ akò pwǎ.

Ěphěsu 2:16

A khòsi asò̌ dě nò̌dòhtǔlo̤ akhû̌akhî, kòyò htǒoginǐ̤gumṳnu a ma̤tǒhtu gesǒnû̌û tṳgumṳpa, dě a ma̤klaǐkè̌khî gesǒ asî ta Cǒmara hǒ. Hǐnudě asî tapwa̤ ta tapwa̤ sò̌khěkhû̌khwèpe nû̌û tò̤.

Kòlòtè̌ 1:21

Dě wǐkha bǎ sî yṳǎ Ye̤shǔkhrî̌stu hǒtò̤ akhanu, sî mî̌ kòyò htě a cû̌ khǒkè ta Cǒmara. Sî ta̤gènè̤ toǒnu a khlè̌khǒ ta Cǒmara, htohǒtò̤ sî ma̤ta̤ toǒnu a phû̌mò̤shî̌hto.

Hebrǔ 10:21

Pwa̤tòlûhtò̌ta̤ hǐkǒdû̌ htě adû̌khlokò dě a kè̌ǐkhwè̌ǐ Cǒmara ahǐ htǒotapwa̤nu, pa nî̤bǎ yǎ hǒ.

Hebrǔ 2:11

Ye̤shǔ ma̤ mṳ̂plîge kòyòhǎkhû̌phû̌ a ta̤ma̤sǔ toǒ. Kòyòhǎkhû̌phû̌ htě Ye̤shǔ ma̤ mṳ̂plîge asîta̤sǔnu toǒ ta Ye̤shǔ htǒonumî̌, apha jûnû̌û tapwǎ̤pa pwǎ akhû̌akhî, Ye̤shǔ kaǎ asî ta pṳwè̤nu a sòwò̤ tò̤.

Hebrǔ 2:14

Phû̌mǔphû̌khû a kaǎ nû̌û htǒotoǒnu, a ǒ ta ana̤klû sǐshi dě a sijò akhû̌akhî, Běcǎ Ye̤shǔ hèlò̤ phî̌nṳkû̌ kòyòhǎkhû̌phû̌ ana̤klû htě a sǒsǒkû̌ta asînu. A htûhtò̌ sǒsǒta kòyòhǎkhû̌phû̌ akhû̌akhî, a sijò. Ma̤pûhǐ Ye̤shǔ ma̤pî̌kè khînǎmo̤pha hǐkǒdû̌ htě kò kaǎ yǎta Sehto htě a ǒ ta a ta̤po̤ta̤phǎshû̌sho dě a pǒǐ ta̤si htǒotado ayanu, a khòsikè asò̌.

Hebrǔ 2:16

Pa sî̌yaphlowǒ ta Běcǎ Ye̤shǔ ma̤jè mǒkhû̌tanaphû̌ toǒ tò̤. A ma̤jè ta̤pǎ̤ Abraham akhlialè toǒ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 3:2

Pwǐ Mǒ̤jè cǒtè̤ ta ata̤ma̤ ta Cǒmara ahǐphû̌phòphû̌ toǒ ayanu, Běcǎ Ye̤shǔ htǒo, acǒatè̤ ta Cǒmara dě a bè̌htò̌ nû̌û a noma̤ nû̌û ta ata̤ma̤ htǒonu tapwa̤.

Hebrǔ 3:5

Mǒ̤jè htǒonu acǒatè̤ ta ata̤ma̤ ta Cǒmara ahǐphû̌phòphû̌ toǒ aya pwǐ pwa̤ma̤ta̤ tapwa̤nu hǒ. Dě Mǒ̤jè ta̤ma̤ toǒnu, a dǔlṳnǎwǐ la̤kè̌mò̌mṳ ta̤te̤ta̤mǎ ayo̤ toǒ htě Cǒmara dǔlṳ kò htû̌꤮ anǒkò toǒ aya pě.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 4:15

Pa pwa̤tòlûhtò̌ hǐkǒdû̌gutṳ̌ htǒotapwa̤nu, a sî̌ya pa ta̤khû̌ǎyû̌lò̤ toǒ dě a gwèbǎǐ pa. Ma̤tè̤hî̌dě a kè̌shǐ shěto̤bǎ ta ta̤lǒǎplò̤ǎ pṳ̂̌꤮ tacǎ pwǐ pa kè̌shǐ shěto̤bǎ htǒonu pwǎ̤tadě a ma̤sǔ ta̤ tò̤.

Hebrǔ 5:1

Pwa̤lṳhtò̌ hǐkǒdû̌gutṳ̌ pṳ̂̌꤮ pwa̤nu, kò wû̌lǎpwǎ yǎ dě kòyòhǎkhû̌phû̌ toǒ akla dě kò bè̌htò̌ a dě a glè ma̤ bǎ Cǒmara ata̤ma̤ ta kòyò lǒ̤꤮ bò agûla̤. A glèlṳtòhtò̌ bǎ kò ta̤toǒ, htohǒtò̤ ma̤pûhǐ kòyò toǒ ta̤sǔ bòlû̌kè ayanu, a lṳhtò̌ bǎ kò ta̤phû̌ta̤li̤ toǒ dě Cǒmara a ǒ pě.

Hebrǔ 5:10

Dě Cǒmara bè̌htò̌ nû̌û ta pwa̤lṳhtò̌ta̤ hǐkǒdû̌gutṳ̌ htě alò̤ta pwa̤lṳhtò̌ta̤ Malakhǐsèdè̌ ma̤ta̤ dě nukha tapwa̤nu hǒ.

Hebrǔ 5:2

Asî htûpwǎ kòyòhǎkhû̌phû̌ akhû̌akhî, a ma̤sǔma̤plě lǒkho pwǎ. Hǐnudě kòyò htě a sî̌ya te̤mǎ kû̌kò ta̤te̤ta̤mǎ tò̤ dě a ma̤sǔma̤plě ta̤ toǒ ayanu, asî gènè̤ gwèbǎǐjò kû̌kò tò̤.

Hebrǔ 5:5

Hǐnuhǒ, ma̤pûhǐ Khrî̌stu htû pwa̤lṳhtò̌ hǐkǒdû̌gutṳ̌ htǒonu, a bè̌htò̌ tû̌ ana̤ mè̤tò̤, a bè̌ sîrîdû̌sîrîhtû tû̌ ana̤ mè̤tò̤, Cǒmara bè̌htò̌pwǎ nû̌û. Dě Cǒmara hî̌ yǎ, “Na mî̌ hephû̌khû, khò̌ti̤ni̤, he htû napha hǒ,” a hî̌ nû̌û hǐnu.

Hebrǔ 6:20

Ye̤shǔ cû̌nṳwǐ bǎ pagûla̤ dě alo̤mo̤ hǒ. A htû bǎ pa pwa̤lṳhtò̌ta̤ hǐkǒdû̌gutṳ̌ htě a ǒ khòyî̤ tûjûpwa̤ htǒonuhǒ. A htǒonu alò̤ta pwa̤lṳhtò̌ta̤ Malakhǐsèdè̌ dě nukha tapwa̤ hǒ.

Hebrǔ 7:26

Hǐnudě, Ye̤shǔ mî̌ pwa̤lṳhtò̌ta̤ hǐkǒdû̌gutṳ̌ tapwa̤ htě a ma̤lǒbebò bǎ pa ta̤lo̤bǎ toǒ. A mî̌ acahtǐ, ata̤sǔ ǒtò̤, asò̌phlǒ mṳ̂plî. Cǒmara bè̌ǒkhǒtephe nû̌ûta ta̤ma̤sǔphû̌ toǒ, dě a ǐǒ nû̌û gûla̤ htò̌yî̤gutṳ̌ tò̤glò hǒ.

Hebrǔ 7:28

Pwa̤tòlûhtò̌ta̤ toǒnu, a ta̤sǔta̤plě ǒpwǎ lǒkho pwǎ̤tadě ta̤sû̌ta̤tòwò ǒ akhû̌akhî, kò bǎ bè̌htò̌pwǎ asî. Pò̤̌ta bǎ Cǒmara ǐlò̤hto ta̤sû̌ta̤tòwò htǒo anǒyî̤ hǒnu, a olò̤ kî̌yagepo̤ tûmû dě a bènṳdǒ ayo̤ bǎnu. A bèlò̤ ayo̤ ta a bè̌htò̌ a phû̌makhû dě ata̤sǔ ǒtò̤, a lǒbe htǒotapwa̤ ta a glè htûhtò̌ pwa̤lṳhtò̌ hǐkǒdû̌gutṳ̌ tûjûpwa̤ hǒ.

Hebrǔ 8:1

Khònò̤htǒo, ta̤ htě a lo̤bǎdû̌shǐ tacǎ dě he sò̌yṳ nosî̌yaphlo sî numî̌ pa pwa̤lṳhtò̌ hǐkǒdû̌gutṳ̌ htǒotapwa̤ hǒ. A mî̌ Ye̤shǔ hǒ. Khònò̤htǒo a hǎnòò̌ mǒkhû̌ dě a hǎnòò̌ bǎ Cǒmara alîarakha, apo̤aphǎ htǒotapwa̤ la̤hǎnòò̌ acǔdemûnu tokho hǒ.

Hebrǔ 8:3

Pwa̤lṳhtò̌ta̤ hǐkǒdû̌gutṳ̌ pṳ̂̌꤮ tapwa̤nu, kò bè̌htò̌ yǎta a bǎ lṳhtò̌ta̤ htodě a bǎ lṳhtò̌ǐ nû̌ûta ta̤phû̌ta̤li̤ toǒ dě Cǒmara ǒ. Hǐnudě, pa pwa̤lṳhtò̌ta̤ htě adû̌gutṳ̌ htǒotapwa̤nu, a bǎ lṳhtò̌ǐdǒ ta̤ tacǎcǎ.

Hebrǔ 9:11

Pwǎ̤ta khònò̤htǒo Khrî̌stu hè htû pwǐ pwa̤lṳhtò̌ta̤ hǐkǒdû̌ htě adû̌khlo kò tapwa̤nu hǒ. A phî̌hènṳ bǎ pa ta̤wî̤ta̤wǒ htě a ǒ ta pa khònò̤htǒo toǒ hǒ. A cû̌nṳhto dě hǐphû̌dû̌ cahtǐ adû̌khlo, a lǒbekhlo ta kòyò ma̤nu tama akûhǒ. Hǐphû̌dû̌ cahtǐ htǒonu, kòyò ma̤ yǎta acǔde dǐpwǎ̤꤮ tò̤, kò bǒlò̤ nû̌û mè̤tò̤tò̤, a ǒ dě hǎkhû̌ bǎonu mè̤tò̤tò̤.