Hebrǔ 2:15 - Kawyaw RC

¹⁵ Htohǒtò̤ a khòsihto akhû̌akhî, a plûhǎhtò̌ pelekèbò kòyò htě a ǐsha ta̤si ala̤nu toǒ hǒ. Asî htǒotoǒnu asǒsǒta a htû ta̤si ajû toǒ, dě sahtò̌ bǎ a ǒphijaû̌lò̤ akhape a ǐsha lǒkho ta̤si ala̤.

Kawyaw New Testament

¹⁵ Htokhôtô̤̌ dǒ a tṳ̌sikhòsi akhû̌akhî, a plûhǎhtò̌ pilikè kòyò dǒ a ǐsha ta̤si alǎ̤ nutokhlǒ hǒ. Asî hǒtokhlǒnu asô̌sô̌ kû̌ a htû ta̤si ajû̌ tokhlǒ hǒ, dě sahtò̌ dǒ a ô̌phijǎlò̤lû̌ akhape a ǐsha lô̌khô ta̤si alǎ̤.

Hebrǔ 2:15 Iomraidhean Croise

Htû̌sò̌htò̌ 33:19

A ma̤lû̌htò̌ge asî dě ta̤si akla. Bǎ gawi̤gakodû̌ akha, a bè̌ǒhtûpwa̤pe asî.

Htû̌sò̌htò̌ 55:4

Hesò̌phlǒ pè̤tè̤ gònò̤gèglè. Ta̤sita̤hǎmǎ hèto he, he ǐsha phoshû̌phogî.

Htû̌sò̌htò̌ 56:13

Na ma̤lû̌htò̌ge heta̤htûpwa̤ dě ta̤si akla. Na nohtò̌tukhu lòkhǔpo̤ he tò̤. Hǐnudě he cû̌htukhahtu ta Cǒmaradû̌ ta ata̤lî htě a ǐ pa ta̤ǒhtûpwa̤nu akû pě.

Htû̌sò̌htò̌ 73:19

Teděsǎ akû asî pî̌kèbò. Ta̤cèrò htě a sò̌gònò̤ ǐsha ma̤tṳkèbò asî.

Htû̌sò̌htò̌ 89:48

Kòyò htě a ǒhtûpwa̤ sayè̤ dě asijò tò̤nu aǒ dǐpwǎ̤꤮ tò̤. Pwa̤ htě a ma̤lû̌htò̌jò ana̤ ta lṳnǎkhwǎdo asîrîshû̌sho htǒonu aǒ dǐpwǎ̤꤮ tò̤tò̤.

Rṳ̂̌me̤ 8:15

Ma̤tè̤hî̌dě Běcǎ sǎcahtǐ htě Cǒmara ǐ sî htǒonu, a nosò̌gònò̤ sî, a noǐshagesǒ sî pwǐ jûnu mè̤tò̤. Mî̌tanu, Běcǎ sǎcahtǐ ma̤htûhtò̌hto bǎ sî ta sî htû Cǒmara a phû̌mǔphû̌khû akhû̌akhî, a bè̌ sî pwǐ a phû̌mǔphû̌khû toǒnu hǒ. Běcǎ sǎcahtǐ akhû̌akhî, pa kaǎ Cǒmara ta, “Abǎ, pha” pwǐ sîpha sana̤ tapwa̤ numî̌ anî̤ hǒ.

Rṳ̂̌me̤ 8:21

Pwǎ̤tadě ta̤bǒlò̤ lǒ̤bò htǒotoǒnu a kè̌shuǐpe ta, ma̤pûhǐ a gusiguso tò̤nu, Cǒmara ma̤lû̌htò̌ge asî pě dě a ǐ asî ta̤pelesesǎ ta ta̤sîrîdû̌sîrîhtû htě asǒsǒta aphû̌ htǒotoǒ pě.

Kôritu ginǐ̤bǎ tôbǎ 1:10

Cǒmara ma̤lû̌htò̌ge pa dě ta̤si a ta̤sò̌gònò̤ ǐsha adû̌ayǒakû htǒonu hǒ. Pa yṳǎ ta Cǒmara ma̤lû̌htò̌ge sělěpo̤ lòtṳ̌pwǎ pa pě.

Galatǐ 4:21

Sî htě a sò̌yṳ nohtûhtò̌ ta̤sû̌ta̤tòwò htǒonu ta sîsana̤ toǒ sî꤮, ta̤sû̌ta̤tòwò hî̌ hî̌tènumî̌ sî gana̤denǒ kû̌kò tò̤ ya? Pwe̤ǐ bǎkè̌ he.

Tîmôte ginǐ̤bǎ tôbǎ 1:7

Ma̤tè̤hî̌dě, Běcǎ sǎcahtǐ htě Cǒmara ǐlò̤hto pa htǒonu, a nohtûhtò̌pe pa ta kòyò htě a ǐsha ta̤ toǒnu mè̤petò̤hǒ. Mî̌tanu Běcǎ sǎcahtǐ ma̤behtò̌ bǎ pa sò̌phlǒ ta ta̤shû̌ta̤sho, ta̤mo̤ǐ ta ta̤pǒlò̤jòtû̌ pana̤ htǒonuhǒ.

Hebrǔ 2:16

Pa sî̌yaphlowǒ ta Běcǎ Ye̤shǔ ma̤jè mǒkhû̌tanaphû̌ toǒ tò̤. A ma̤jè ta̤pǎ̤ Abraham akhlialè toǒ.