Hebrǔ 2:14 - Kawyaw RC

¹⁴ Phû̌mǔphû̌khû a kaǎ nû̌û htǒotoǒnu, a ǒ ta ana̤klû sǐshi dě a sijò akhû̌akhî, Běcǎ Ye̤shǔ hèlò̤ phî̌nṳkû̌ kòyòhǎkhû̌phû̌ ana̤klû htě a sǒsǒkû̌ta asînu. A htûhtò̌ sǒsǒta kòyòhǎkhû̌phû̌ akhû̌akhî, a sijò. Ma̤pûhǐ Ye̤shǔ ma̤pî̌kè khînǎmo̤pha hǐkǒdû̌ htě kò kaǎ yǎta Sehto htě a ǒ ta a ta̤po̤ta̤phǎshû̌sho dě a pǒǐ ta̤si htǒotado ayanu, a khòsikè asò̌.

Kawyaw New Testament

¹⁴ Phû̌mǒ̤phû̌khû a kaǎ lû̌û tokhlǒnu, a ô̌ kû̌ anǎ̤glǒ sǐshi dǒ a sijònu akhû̌akhî, Běcǎ Yeshǔ hèlò̤ phî̌nṳ̌ kû̌ kòyò hǎkhû̌phû̌ anǎ̤glǒ dǒ a sô̌sô̌kû̌ kû̌ asînu. A htûhtò̌ sô̌sô̌kû̌ kòyòhǎkhû̌phû̌ akhû̌akhî, a si jò. Pô̤̌khô Yeshǔ gǔ ma̤pî̌kè hǎkhû̌tana dǒ kòyò kaǎ kû̌ Sehtô dǒ a ô̌ kû̌ a ta̤pô̤ta̤phǎ shû̌sho dǒ a pǒǐ ta̤si nutôdo ayanu, a tṳ̌sikhòsikè anǎ̤ hǒ.

Hebrǔ 2:14 Iomraidhean Croise

Mǒhtûlû̌hǎhtûsa 3:15

He nohtûhtò̌ na ta mamǔ htǒotapwa̤ khuwè̤ pě, nakhlinalè tapwa̤ ta mamǔ akhlialè tapwa̤ shě nû̌û pě, dě mamǔ akhlialènu tapwa̤ yî̤mǔ nahǐkǒ pě dě na ělè̌ mamǔ akhlialè makhûnu tapwa̤ khò̌tonǒkò pě.”

Matěo 16:17

Dě Běcǎ Ye̤shǔ hî̌shǔ yǎ, “Yò̤̌nǎ aphû̌khû Shîmǒ̤nè̤, Cǒmara howi̤ na hǒ ma̤tè̤hî̌dě htǒomî̌ kòyòhǎkhû̌phû̌ ǐsî̌yahtò̌lṳ na mè̤tò̤, mî̌pwǎ pha Cǒmara dě mǒkhû̌nu tapwa̤ ǐsî̌yahtò̌lṳ pwǎ na.

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Jowǎ̤ni̤ 1:14

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Jowǎ̤ni̤ 12:24

He hî̌ mè̤mè̤̌ sî, bǔkû̌lǎphlǒ tophlǒnu, kò dè lǔlò̤ yǎ dě hǎkhû̌ tò̤ hî̌nu, a phǎhtò̌ a sǎhtò̌jòtò̤. Pwǎ̤tadě kò dè lǔlò̤ yǎ hî̌nu, a phǎhtò̌ sǎhtò̌plṳ̂ pě.

Rṳ̂̌me̤ 14:9

Ta̤wi̤ta̤kè̌ htǒotoǒ akhû̌akhî, ma̤pûhǐ Khrî̌stu htûhtò̌ kòyò htûpwa̤ toǒ ta kòyò si toǒ a Běcǎ dě, a si htodě a htûpwa̤gesǒ ta ta̤si hǒ.

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Kôritu awǐlǒ tôbǎ 1:28

Ma̤pûhǐ Cǒmara ma̤pî̌kè ta̤ htě kòyòhǎkhû̌phû̌ gènè̤dû̌nu toǒ ayanudě, a kaǎ pwǎ kòyò htě kò bè̌dû̌ asî tò̤nu toǒ, kò gènè̤pî̌tî̌ asînu toǒ ta kò bè̌ asî ta kòyò nòdû̌nu toǒ pwǎ.

Kôritu awǐlǒ tôbǎ 15:50

Sû̌kho sî꤮, khònò̤htǒo he sò̌yṳ hî̌ bǎ sî ta pana̤klû phěyî̌ htě a ǒta sǐ ta shi htǒonu a cû̌nṳ ǒhtûpwa̤jò dě Cǒmara ashiaga tò̤. Ma̤tè̤hî̌dě pana̤klû htě asoalṳ̂jòkè tûjûpwa̤ htǒonu, a ǒhtûpwa̤ khòyî̤bò̌ tûjûpwa̤ tò̤.

Galatǐ 4:4

Pwǎ̤ta bǎ khîkhato khîkhabǎ hèto̤hǒ akhanu, Cǒmara nohèlò̤ aphû̌khû dě a hè ǒlò̤ kû̌ta mamǔ tapwa̤ a ǒ, dě a hè ǒlò̤ Yṳ̌da a ta̤sû̌ta̤tòwò ala̤.

Kòlòtè̌ 2:15

Bǎ Ye̤shǔ si dě nò̌dòhtǔlo̤ akhanu, khînǎkhîno htě a ǒ ta a ta̤shû̌ta̤sho lǒ̤꤮ bò toǒnu, Cǒmara pṳ̂sigwikèbò asî ata̤shû̌ta̤shonu toǒ dě a dǔlṳhtò̌ bǎ kòyò pṳ̂̌꤮ tapwa̤ ta a ma̤pè̤kè asî hǒ.

Tîmôte awǐlǒ tôbǎ 3:16

Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.

Tîmôte ginǐ̤bǎ tôbǎ 1:10

Pwǎ̤tadě khònò̤htǒo pa Běcǎ Ye̤shǔkhrî̌stu htě a ma̤lû̌htò̌ge pa htǒotapwa̤ hè akhû̌akhî, a dǔlṳ bǎ pa ta̤bwǐta̤sîrî htǒonuhǒ. A ma̤pî̌kè ta̤si a ta̤shû̌ta̤sho htě a pè̤ǎpè̤o pa htǒotoǒ hǒ. Htodě ta̤sò̌le̤sò̌lò̤ awi̤akè̌ akhû̌akhî, a dǔlṳhto ta̤htûpwa̤ htě a sijò tò̤ htǒonuhǒ.

Hebrǔ 10:10

Ye̤shǔkhrî̌stu ma̤ pwǐ Cǒmara a ta̤sò̌yṳ ǒnu, htohǒtò̤ a lṳhtò̌ ana̤klû taplǎpa dě a htophlǔ hǒ akhû̌akhî, a ma̤ cahtǐ pa hǒ.

Hebrǔ 10:5

Hǐnu akhû̌akhî, bǎ Khrî̌stu hèlò̤ hǎkhû̌bǎo akhanu, a hî̌ Cǒmara, “Kò lṳhtò̌ǐ bǎ na ta̤phû̌ta̤li̤ sîtoǒ ta ta̤lṳta̤tò̌ sî toǒnu, na sò̌yṳ tò̤. Pwǎ̤tadě na ma̤wǒnǎ he na̤klû htě he glè bǎ lṳhtò̌ yǎ ayahǒ.

Hebrǔ 2:17

Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Hebrǔ 2:18

Dě khònò̤htǒo, ana̤ sana̤ kè̌shǐ shěto̤bǎ hèhto ta̤khòjîkhòjû toǒ, ta̤lǒǎplò̤ǎ toǒ akhû̌akhî, kòyò htě a kè̌shǐ shěto̤bǎ ta ta̤lǒǎplò̤ǎ toǒnu a ma̤jèbò̌pwǎ kò.

Hebrǔ 4:15

Pa pwa̤tòlûhtò̌ hǐkǒdû̌gutṳ̌ htǒotapwa̤nu, a sî̌ya pa ta̤khû̌ǎyû̌lò̤ toǒ dě a gwèbǎǐ pa. Ma̤tè̤hî̌dě a kè̌shǐ shěto̤bǎ ta ta̤lǒǎplò̤ǎ pṳ̂̌꤮ tacǎ pwǐ pa kè̌shǐ shěto̤bǎ htǒonu pwǎ̤tadě a ma̤sǔ ta̤ tò̤.

Hebrǔ 9:15

Dě ta̤wi̤ta̤kè̌ htǒo akhû̌akhî, ta̤howi̤ tûjûpwa̤ htě Cǒmara olò̤htokè bǎ kòyò htě a kaǎ nû̌û toǒ nî̤bǎpě ayanu, Khrî̌stu phî̌hènṳ bǎ Cǒmara akòyò toǒ ta̤wṳ̂dò asa htǒotacǎ dě Cǒmara a ǒ hǒ. Ma̤pûhǐ Khrî̌stu htè̌ge ta plûhǎhtò̌ pelecû̌kè kòyò ǒ bǎ ta̤wṳ̂dò ali̤kla toǒ ayanu, a bǎ khòsikè asò̌. Dě a khòsi asò̌ akhû̌akhî, asî nî̤bǎbò̌kû̌ û̌cata̤ya, a ta̤howi̤homò̤ tûjûpwa̤ htě Cǒmara olò̤hto htǒotoǒnu hǒ.

Petru awǐlǒ tabǎ 1:20

Bǎ Cǒmara bǒlò̤ hǎkhû̌ hǒtò̤ akhanu, a wû̌lǎnǎhto Khrî̌stu htǒohǒ. Pwǎ̤ta mṳni̤mṳsa gutṳ̌lò̤ mî̌ khònò̤kha htǒotoǒnu, Cǒmara dǔlṳ bǎ sî ta Khrî̌stu hǒ.

Ta̤dǔlè̌nǎ 1:18

He mî̌ kòyò htě a htûpwa̤ tapwa̤. He sihto hǐnudě khònò̤ he htûpwa̤ tûjûpwa̤ talakhǎ. He ǒta ta̤sîrîshû̌sho ta ta̤po̤ta̤phǎ dě he pǒǐbò ta̤si ta lṳnǎkhwǎ ado toǒ.

Ta̤dǔlè̌nǎ 12:9

Wṳ̂sapo̤pṳdû̌ děwǐkha tabo htě kò kaǎ nû̌ûmi̤ ta khînǎmo̤pha hǐkǒdû̌ mètò̤mî̌ Sehto htě a cû̌ htû̌sǒbǎ phû̌mò̤bò kò hǎkhû̌tebě htǒotabonu, kò wîlòte̤kèbò a ta a tanaphû̌ toǒ hǎkhû̌.

Ta̤dǔlè̌nǎ 2:10

Ta̤htě na glè̌ khòbǎ khònò̤ htǒonu, ǐsha pû ala̤ dî̌kî̌꤮ ma̤ nî̌. Khînǎmo̤pha hǐkǒdû̌ ma̤wǒ kòyò dě kòyò glè ma̤kè̌bǎ sî akhû̌akhî, a dǒnṳ sî dě apo̤kû toǒǒ pě. Kòyò ma̤jîma̤jû sî ani̤shǐ asashǐ pě. To̤htû̌ na kè̌shǐbǎ ta ta̤si bǎbǎ, tûrû̌ cǒtè̤ ta henu, he ǐtû̌ na ta̤htûpwa̤ a khû̌glûhta pě.

Ta̤dǔlè̌nǎ 20:2

A hè pṳ̂měkè wṳ̂sapo̤pṳ htě khînǎmo̤pha hǐkǒdû̌ děwǐkha nutabo. A mî̌ kò kaǎ nû̌û ta Sehto. Dě a cokloměyî̤ nû̌û anětîrî̌.