Hebrǔ 2:10 - Kawyaw RC

¹⁰ Ta̤ lǒ̤꤮ bò toǒ numî̌ Cǒmara ayabò pwǎ dě a bǒlò̤bò ta̤ pṳ̂̌꤮ tacǎ hǒ. Ma̤pûhǐ Cǒmara ǐ pa̤dǒ kòyò saprṳ̂ ta a ta̤sîrîdû̌sîrîhtû toǒ ayanudě, a ma̤lǒma̤behtò̌ Běcǎ Ye̤shǔ ta a nokhòjîkhòjû nû̌û htǒonu hǒ. Cǒmara ma̤ ta̤ pwǐhè̌o numî̌ ato pwǎ. Dě Běcǎ Ye̤shǔ htû bǎ pa pwa̤sû klè̌ htě a ma̤lû̌htò̌ge pa tapwa̤ pě.

Kawyaw New Testament

¹⁰ Lǒ̤꤮ bò ta̤nutokhlǒ mî̌ Cǒmara aya lǒ̤꤮ bò pwǎ dě a bô̌lò̤ ǐ bò ta̤ pṳ̂̌꤮ tôcǒ hǒ. Pô̤̌khô Cǒmara gǔ ǐ padô̌ kòyò saprṳ̂ kû̌ a ta̤bwǐdû̌sîrîhtû tokhlǒ ayanudě, a ma̤lǒhtò̌behtò̌ Běcǎ Yeshǔ kû̌ a no khòjî̌khòjû̌ lû̌û nuhǒ. Cǒmara ma̤ ta̤ pô̤̌o numî̌ atô pwǎ. Dě Běcǎ Yeshǔ htû bǎ pa pwa̤sû klè̌ dǒ a ma̤hǎplǎge pa tôpwa̤ pě.

Hebrǔ 2:10 Iomraidhean Croise

Mǒhtûlû̌hǎhtûsa 18:25

Na to ma̤si dǒ pwa̤cǒpwa̤tè̤nu toǒ ta pwa̤phû̌mò̤shî̌htonu toǒ tò̤. Na dè ma̤ pwǐhè̌o hî̌mî̌, na cèrò sǒsǒkè pwa̤cǒpwa̤tè̤nu toǒ ta pwa̤phû̌mò̤shî̌htonu toǒ hǒ, nama̤ hǐnu dǐkhò̌꤮ tò̤. Na mî̌ pwa̤ htě a cèròcǒ cèròtè̤ ta̤ hǎkhû̌teběbò akhû̌akhî, na bǎ ma̤toma̤bǎ nò pwǎ.”

Lǔka 13:32

Dě Ye̤shǔ hî̌shǔ asî, “Cû̌pwe̤ǐ Chyǐmi̤nu, ‘Khò̌ti̤ni̤ ta pe̤wo̤ pěnu, he wṳ̂hǎhtò̌kè khînǎkhîno toǒ pě, htodě he bǎ ma̤bǎ ta̤shǐta̤sha toǒ pě. Suni̤ti̤ni̤ pěnu, he ma̤htokè he ta̤phî̌ta̤ma̤ pě.’

Lǔka 2:14

“Cǒmara ǒ bǎ gûla̤htò̌yî̤gutṳ̌ dě mǒkhû̌nu tapwa̤ na nî̤bǎ tû̌pû bwǐdû̌sîrîhtû nî̌꤮. Dě hǎkhû̌nu ta̤pè̤ta̤dû ta ta̤gûjûkabǎ ǒkû̌ tû̌ta kòyò lǒ̤bò htě Cǒmara sò̌phlǒ ǒnû̌û toǒ nî̌꤮.”

Lǔka 24:26

Khrî̌stu tobǎ khò ta̤jîta̤jû htǒotoǒ htodě a cû̌nṳ a ta̤sîrîdû̌sîrîhtû akû dě mǒkhû̌ pě mè̤tò̤ ya?”

Lǔka 24:46

Dě a hî̌ asî, “Lî̤cahtǐ hî̌nǎ ta, Khrî̌stu khòbǎ ta̤jîta̤jû pě htodě suni̤ti̤ni̤ pěnu, a htûpwa̤gesǒ ta ta̤si pě.

Jowǎ̤ni̤ 11:52

Htodě a ta̤hî̌po̤phǎ htǒonu, a topwǎpǒ̤ Ye̤shǔ si bǎ Yṳ̌daphû̌ toǒ ayanu mè̤tò̤, a sibǎdǒ Cǒmara aphû̌ali̤ htě a ǒ lǒkho dě shiga ahǔwa̤ toǒ ayaya. Ma̤pûhǐ a ma̤htûhtò̌ kòyò htǒotoǒ tṳmṳpa pě ayanu, kò bǎ ma̤si yǎ pě.

Jowǎ̤ni̤ 19:30

Bǎ Běcǎ Ye̤shǔ lî̌obǎ htǒo akhanu, a hî̌, “A htohǒ.” Dě a hǐkǒ nǒlò̤kè, htodě a ǐlò̤kè ata̤htûpwa̤ dě Cǒmara a cǔdekû.

Pwa̤nophû̌ 3:15

Sî ma̤sikè kòyò htě a ǐ kò ta̤htûpwa̤ htǒonu tapwa̤, pò̤̌ta Cǒmara ma̤htûpwa̤gesǒ yǎ dě ta̤sikla hǒ. Dě ta̤htûhtò̌ana̤ pwǐhè̌o numî̌ pa kè̌shǐ ta pana̤ hǒ.

Pwa̤nophû̌ 5:31

Ma̤pûhǐ Cǒmara ǐ Israelphû̌ toǒ yò̤lò̤ge asò̌ ta ta̤bòlû̌kè ta̤sǔ toǒ ayanu, a bè̌ǒ Ye̤shǔ dě acǔdemû tokho pwǐ kòyò htûdû̌htûpwa̤ tapwa̤ ta pwa̤ma̤lû̌htò̌ge kò tapwa̤nu hǒ.

Rṳ̂̌me̤ 11:36

Ma̤tè̤hî̌dě, a bǒlò̤ ta̤lǒ̤꤮ bò, a kè̌ǐkhwè̌ǐ ta̤lǒ̤꤮ bò ta a ta̤po̤ta̤phǎ toǒ, dě a bǒlò̤ ta̤pṳ̂̌꤮ tacǎ akhû̌akhî, kò htû̌sò̌ǐ Cǒmara hǒ. Kòyò pṳ̂̌꤮ tapwa̤ htû̌sò̌ǐ tû̌ta Cǒmara tûjûpwa̤ nî̌꤮. Amè̤.

Rṳ̂̌me̤ 9:23

Ma̤pûhǐ Cǒmara dǔlṳ bǎ kòyò htě a gwèbǎǐ nû̌ûnu toǒ ta a ma̤ bǎ asî ta̤cǒklî̌kî̌ya pwî̌꤮ tènu, a khòsò̌do na̤cè̌ bǎ asî. A wû̌lǎnǎwǐ asî dě a ǐ asî ta a sîrîdû̌sîrîhtû htǒonu pě.

Kôritu awǐlǒ tôbǎ 2:7

He dǒhtû̌ǐ bǎ kò ta Cǒmara a ta̤sî̌ta̤jò htě adû̌ayǒ toǒ. Děwǐkhanu, Cǒmara dǔlṳ bǎ kò ta ta̤sî̌ta̤jò htǒotoǒ hǒtò̤. Dě꤮ Cǒmara bǒlò̤ hǎkhû̌ hǒtò̤ akhapenu, a ta̤yè̤lò̤ǒnǎhto dě a ma̤ bǎ pa ta̤sîrîdû̌sîrîhtû htǒotoǒ hǒ.

Kôritu awǐlǒ tôbǎ 8:6

Pwǎ̤ta pa sî̌ya ta Cǒmara mî̌ a ǒpwǎ tapwǎ̤꤮ pa. A mî̌ papha, a mî̌ a bǒlò̤ ta̤pṳ̂̌꤮ tacǎ dě pa ǒhtûpwa̤ ta aya. Běcǎ mî̌ a ǒpwǎ tapwǎ̤꤮ pa, a mî̌ Ye̤shǔkhrî̌stu hǒ. Cǒmara nobǒlò̤ tṳtṳ ta̤pṳ̂̌꤮ tacǎ ta Ye̤shǔkhrî̌stu. Pwa̤ htě a ǐ pa ta̤htûpwa̤ mî̌ a hǒ.

Kôritu ginǐ̤bǎ tôbǎ 3:18

Khònò̤ ta̤ lǒ̤bò htě a hǔdǐdò pa dě a yṳǎ Ye̤shǔ htǒotoǒ ami̤sǎnu a ǒpe dǐcǎ꤮ tò̤. Hǐnudě, khònò̤htǒo pa kè̌shǐ sělě Běcǎ a ta̤sîrîdû̌sîrîhtû dě pa htûhtò̌ sǒsǒta me̤dǔ htě a lîshěrakha gesǒ Běcǎ a ta̤sîrîdû̌sîrîhtû toǒnu hǒ. Pa kè̌shǐ sělě Běcǎ asîrîdû̌sîrîhtû, Běcǎ sǎcahtǐ ma̤ bǎ pa dě pa sǒsǒta pa Běcǎ htě a ta̤sîrîdû̌sîrîhtû htǒotapwa̤nu hǒ.

Kôritu ginǐ̤bǎ tôbǎ 4:17

Ma̤tè̤hî̌dě ta̤pò̤ta̤sha htě pa khòbǎ hǎkhû̌bǎotoǒ numî̌ teděsǎphû̌ pwǎ. Pa dè dǒtûkè̌ ta̤wî̤ta̤wǒ htě pa nî̤bǎ yǎ htû̌꤮ nǒkòpě tuhtu pě toǒ numî̌, amè̤ ta dǐcǎ꤮ hǒtò̤. Bǎ hǎkhû̌nu pa khòbǎ ta̤pò̤ta̤sha htǒotoǒ pwǎ̤ta dě mǒkhû̌ pěnu ta̤sîrîdû̌sîrîhtû tûjûpwa̤ htě awî̤awǒkhlo, dě ahtǒkhlo ta ta̤pò̤ta̤sha htě pa khòbǎ hǎkhû̌ bǎonu, pa nî̤bǎ pě.

Kôritu ginǐ̤bǎ tôbǎ 5:18

Ta̤htǒotoǒ lǒ̤bò numî̌ Cǒmara ma̤bò pwǎ. Khrî̌stu hèma̤ bǎ pa akhû̌akhî, pa htûhtò̌ ta Cǒmara a sû̌kho hǒ. A ǐlò̤ pa ta̤phî̌ta̤ma̤ htě pa glè cû̌ dǒhtû̌ǐ yǎta kò htě Khrî̌stu ma̤htûhtò̌ gesǒ pa ta Cǒmara a sû̌kho hǒ, hǐnu pwǎ.

Kôritu ginǐ̤bǎ tôbǎ 6:18

Dě he htû sîpha pě ta sî htû hephû̌heli̤ toǒ pě,” Běcǎ htě apo̤aphǎ tapwa̤ hî̌ hǐnu.

Galatǐ 3:26

Ta̤yṳta̤nǎ akhû̌akhî, sî lǒ̤꤮ bò htûbò kû̌ta Khrî̌stu tacǎnǔ꤮ pa dě sî htûbò Cǒmara aphû̌ali̤ toǒ hǒ.

Ěphěsu 2:7

Cǒmara htǒonu awǒ mè̤mè̤̌ dě pa htû akòyò htǒotoǒ akhû̌. Khrî̌stu ma̤hto bǎ paya akhû̌akhî, Cǒmara dǔlṳlò̤ a ta̤ma̤mo̤ma̤wǒ pa htǒotoǒ hǒ. Ma̤pûhǐ Cǒmara dǔlṳ bǎ kòyòhǎkhû̌phû̌ htû̌꤮ anǒkòpě tuhtu toǒ ta abwǐdû̌sîrîhtû htǒotoǒ pěnu dě, a ma̤pwǎ bǎ paya hǐnu.

Ěphěsu 3:10

Khònò̤dě ma̤pûhǐ pwa̤pǒta̤ dě mǒkhû̌ ta mǒkhû̌ a ta̤shû̌ta̤sho toǒ glè kè̌shǐ sî̌ya Cǒmara ǒta a ta̤sî̌ta̤jò pwî̌꤮ tè, dě a dǔlṳ bǎ asî ta a ma̤htû tǒhtudǒ Yṳ̌daphû̌ htě a htû Khrî̌stuphû̌ toǒ ta Yṳ̌daphû̌ mè̤tò̤ htě a htû Khrî̌stuphû̌ toǒnu, a ma̤htû nû̌û tṳ̂prṳ̂pa pwǐ a pwa̤yṳǎta̤ aprṳ̂aho tṳgumṳnǔpa.

Kòlòtè̌ 3:4

Khrî̌stu mî̌ pwa̤ htě a ǐ sî ta̤htûpwa̤ tapwa̤ dě htû̌꤮ a hèlò̤ gesǒ pěnu, a ǒ ta a sîrîdû̌sîrîhtû pě. Bǎnu akhapěnu, sî ǒlṳhtò̌ kû̌dǒ ta a sîrîdû̌sîrîhtû htǒonu pě.

Tîmôte ginǐ̤bǎ tôbǎ 2:10

Hǐnudě ma̤pûhǐ kòyò htě Cǒmara wû̌lǎ nû̌û toǒ nî̤bǎkû̌ ta̤ma̤lû̌htò̌ge ta ta̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu dě, he khòsò̌dopwǎ bǎ asî.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 6:20

Ye̤shǔ cû̌nṳwǐ bǎ pagûla̤ dě alo̤mo̤ hǒ. A htû bǎ pa pwa̤lṳhtò̌ta̤ hǐkǒdû̌gutṳ̌ htě a ǒ khòyî̤ tûjûpwa̤ htǒonuhǒ. A htǒonu alò̤ta pwa̤lṳhtò̌ta̤ Malakhǐsèdè̌ dě nukha tapwa̤ hǒ.

Hebrǔ 7:26

Hǐnudě, Ye̤shǔ mî̌ pwa̤lṳhtò̌ta̤ hǐkǒdû̌gutṳ̌ tapwa̤ htě a ma̤lǒbebò bǎ pa ta̤lo̤bǎ toǒ. A mî̌ acahtǐ, ata̤sǔ ǒtò̤, asò̌phlǒ mṳ̂plî. Cǒmara bè̌ǒkhǒtephe nû̌ûta ta̤ma̤sǔphû̌ toǒ, dě a ǐǒ nû̌û gûla̤ htò̌yî̤gutṳ̌ tò̤glò hǒ.

Hebrǔ 7:28

Pwa̤tòlûhtò̌ta̤ toǒnu, a ta̤sǔta̤plě ǒpwǎ lǒkho pwǎ̤tadě ta̤sû̌ta̤tòwò ǒ akhû̌akhî, kò bǎ bè̌htò̌pwǎ asî. Pò̤̌ta bǎ Cǒmara ǐlò̤hto ta̤sû̌ta̤tòwò htǒo anǒyî̤ hǒnu, a olò̤ kî̌yagepo̤ tûmû dě a bènṳdǒ ayo̤ bǎnu. A bèlò̤ ayo̤ ta a bè̌htò̌ a phû̌makhû dě ata̤sǔ ǒtò̤, a lǒbe htǒotapwa̤ ta a glè htûhtò̌ pwa̤lṳhtò̌ hǐkǒdû̌gutṳ̌ tûjûpwa̤ hǒ.

Petru awǐlǒ tabǎ 1:12

Dě Cǒmara dǔlṳ bǎ pwa̤po̤ htǒotoǒ ta asî ma̤ta̤ htǒotoǒ numî̌ asîyatû̌ mè̤tò̤. Hî̌ mè̤mè̤̌mî̌ sîya pwǎ. Khònò̤htǒo ta̤ htǒotoǒnu a hî̌ sî dě sî gana̤de hǒ. Dě Cǒmara nohè Běcǎ sǎcahtǐ a ta̤po̤ta̤phǎ htě a ǒ mǒkhû̌ hèdě, a hè ma̤ta̤htǒo akhû̌akhî, asî hè pwe̤ǐ bǎ sî ta ta̤sò̌le̤sò̌lò̤ awi̤akè̌ htǒo hǒ. Mǒkhû̌tanaphû̌ toǒnu a sò̌yṳ kè̌lǎsî̌ya te̤mǎkû̌ mè̤mè̤̌ ta̤wi̤ta̤kè̌ htǒotoǒ.

Petru awǐlǒ tabǎ 5:1

He mî̌ pwa̤yṳǎta̤ aprṳ̂aho wè̤pwa̤ hǐkǒdû̌ tapwa̤, htodě he mî̌ pwa̤khòlṳ bǎ Khrî̌stu a ta̤khòjîkhòjû awi̤akè̌ tapwa̤. Htohǒtò̤ htû̌꤮ Cǒmara dǔlṳ kò ta a ta̤sîrîdû̌sîrîhtû akhapěnu, he bǎbǎ, he ǒkû̌ tû̌ta a ta̤sîrîdû̌sîrîhtû htǒonu pě. Khònò̤dě he kwigwèbǎǐ sî pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ toǒ ta,

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Ta̤dǔlè̌nǎ 4:11

“Kǒ꤮ pa Běcǎ Cǒmara, na gwa nî̤bǎ ta̤sîrîdû̌sîrîhtû, ta̤bè̌dubè̌na̤ ta ta̤po̤ta̤phǎ hǒ, ma̤tè̤hî̌dě na bǒlò̤ ta̤ lǒ̤꤮ bò dě na bǒlò̤ asî dě na bè̌ ǒhtûpwa̤ asî jǔ꤮ tû̌ na sò̌phlǒ.”

Ta̤dǔlè̌nǎ 7:9

Ta̤ma̤ana̤ pwǐhè̌o htodě he kè̌shǐ kòyò ǒplṳ̂ǒphǎ mè̤mè̤̌ tṳ̂prṳ̂ dě kò dǒbòpè̤ asî dǐpwǎ̤꤮ tò̤. Asî ǒ kòyò khlilèphû̌ pṳ̂̌꤮ tacǎ, khlilè pṳ̂̌tṳmṳ, kòyò pṳ̂̌tṳmṳ, ta yo̤sǎ pṳ̂̌꤮ tacǎ hè dě asî hèihtǒ ǒ sophû̌ ta akhwǐcophǎ gògohtahtò̌yî̤ alo̤mo̤. Htodě asî kûsǒhtò̌nṳ hǐdopo̤to̤bûhtû dě pṳ̂měǐ lǒkho kolotṳphò toǒ.