Hebrǔ 13:9 - Kawyaw RC

⁹ Nolǒǎplò̤ǎ cû̌sǔ pûma̤ sî ta ta̤sû̌ǐtòwòǐ lǒ̤bò htě a kî̌yanu toǒ ma̤ nî̌꤮. Gûcû̌kû̌ pûma̤ nî̌꤮. Sî sò̌phlǒ htǒonu, a to khû̌ǎshû̌shohtò̌ ta Cǒmara abwǐasîrî akhû̌akhî pwǎ. Sî gana̤de gûma̤kû̌ shǎǎshǎo a ta̤sû̌ta̤tòwò toǒ akhû̌akhî, sî sò̌phlǒ khû̌ǎshû̌shohtò̌ tǒ̤ hǐnu mè̤tò̤. Sî gana̤de gûma̤kû̌ ta̤sû̌ta̤tòwò akhû̌akhî htǒonu, a nî̤bwǐnî̤sîrî sîya dǐcǎ꤮ tò̤.

Kawyaw New Testament

⁹ No tili̤tôlô̌ cû̌sǔnṳ̌plěnṳ̌ tǎ̤ sî kû̌ lǒ̤bò ta̤sû̌ǐtòwòǐ dǒ a khô̌ nutokhlǒ tǎ̤mǎ̤ nî̌꤮. Gû̌ cû̌ kû̌ tǎ̤mǎ̤ nî̌꤮. Sî sǎphlǒ nî̌, a tô nǐ̤khû̌nǐ̤ǎ kû̌ Cǒmara abwǐsîrî akhû̌akhî pwǎ. Dǒ sî ganǎ̤de gû̌ma̤ shǎǎshǎô a ta̤sû̌ta̤tòwò tokhlǒ akhû̌khî dě sî sǎphlǒ khû̌ǎhtò̌ tô̤̌ pô̤̌nu mè̤̌tô̤̌. Sî ganǎ̤de gû̌ma̤ kû̌ ta̤sû̌ta̤tòwò akhû̌khînu, a nǐ̤bwǐnǐ̤sîrî dǒ sîya tôcǒ꤮ tô̤̌.

Hebrǔ 13:9 Iomraidhean Croise

Htû̌sò̌htò̌ 112:8

A sò̌phlǒshû̌ sò̌phlǒsho mè̤mè̤̌ dě a ǐsha dǐcǎ꤮ tò̤. Dě anǒkò pě dě, a kè̌shǐ Cǒmara ma̤pè̤kè bǎ nû̌û pwa̤sò̌khě nû̌û toǒ pě.

Matěo 24:24

Ma̤tè̤hî̌dě pwa̤sûlû ana̤ pwǐ Khrî̌stunu ta pwa̤sûlû lòho ana̤ pwǐ pwa̤po̤ sî toǒnu a ǒhtò̌plṳ̂ pě. Asî ma̤lṳjò bǎ kò ta̤htě a te̤pe̤jò kònu toǒ ta ta̤cǒklî̌kî̌ya toǒ pě. A dè ma̤jò hî̌numî̌ a sò̌yṳ lǒǎplò̤ǎ kòyò htě Cǒmara wû̌lǎ kaǎhto nû̌nu toǒ.

Matěo 24:4

Běcǎ hî̌shǔ asî, “Ǒsè̌rè̌ lǒkho sîna̤ nî̌꤮, nolǒǎplò̤ǎ cû̌nṳ pû kò ta sîna̤ ma̤ nî̌꤮.

Lǔka 5:38

Kò tobǎ yṳnṳpwǎ yǎ dě shiosa akû pwǎ꤮.

Pwa̤nophû̌ 20:30

Dě sîklanu kòyò ǒlṳhtò̌ toǒǒ pě. Dě ma̤pûhǐ asî lǒǎplò̤ǎ cû̌ pwa̤yṳǎphû̌ toǒ aya nudě, a lǒplò̤ cû̌ asî pě.

Pwa̤nophû̌ 20:32

“Khònò̤htǒo, he ǐlò̤kè sî dě Cǒmara a ta̤kè̌ǐkhwè̌ǐ akû ta abwǐdû̌sîrîhtû a ta̤wi̤ta̤kè̌ htǒonu akû hǒ. A ta̤wi̤ta̤kè̌ htǒonu a ma̤dû̌htò̌htûhtò̌jò sî dě a ǐ sî û̌cata̤bî̌ htě a bè̌wǒnǎ nû̌ûta a kòyòcahtǐ lǒ̤꤮ bò htǒotoǒ ayanu pě.

Rṳ̂̌me̤ 14:17

Ma̤tè̤hî̌dě, Cǒmara ashiaganu, shǎǎshǎo mî̌ ta̤ htě a lo̤bǎdû̌khlokò mè̤tò̤. Ta̤ htě a lo̤bǎdû̌khlo kò mî̌, ta̤cǒta̤tè̤, ta̤ǒsî̌tukǔ, ta ta̤sò̌le̤sò̌lò̤ htě Běcǎ sǎcahtǐ ǐ pa htǒotoǒnu pwǎ.

Rṳ̂̌me̤ 14:2

Kòyò toǒǒnu a yṳǎ ta ǎ titè꤮ mî̌ anî̤pwǎ a hî̌ pwǎ̤tadě kòyò htě ata̤yṳ pî̌tî̌pe htǒotapwa̤nu a ǎ pwǎpǒ̤ sǒlǎsǒdo pwǎ.

Rṳ̂̌me̤ 14:6

Kòyò htě a gènè̤ ta mṳni̤ toǒǒnu, kò tobǎ bè̌cahtǐ khǒtû̌ yǎ a dè gènè̤ hî̌dě, bè̌cahtǐ mṳni̤ htǒonu ta ta̤bè̌dû̌bè̌htû Běcǎ ayanu. Kòyò htě a ǎ ta̤pṳ̂̌꤮ tacǎ toǒnu, ǎ yǎta ta̤bè̌dû̌bè̌htû Běcǎ ayanu, ma̤tè̤hî̌dě a hî̌bwǐhî̌sîrîhto Cǒmara dě a ǎ ta̤ akhû̌akhî, a bè̌dû̌bè̌htû Cǒmara hǒ. Hǐnudě kòyò htě a dǔǎshǎ toǒnu, a hî̌bwǐhî̌sîrî dǒ Cǒmara dě a bè̌dû̌bè̌htûhtò̌ Cǒmara ami̤ akhû̌akhî, a sǒsǒpwǎ nû̌û.

Kôritu awǐlǒ tôbǎ 6:13

“Shǎǎ mî̌ phukû aya, phukû mî̌ shǎǎ aya,” kòyò toǒǒ hî̌ hǐnu. Amè̤kǎ, pwǎ̤ta htǒoginǐ̤kǔnu Cǒmara ma̤pî̌bòkè pě. Na̤klû htǒomî̌ la̤noǎ ta ta̤putupatǎ aya mè̤tò̤. La̤noǎ ta Běcǎ a ta̤sò̌yṳ noma̤ pa toǒ aya pwǎ. Běcǎ htǒo akhû̌akhî, htû̌꤮ nǒkòpě a ma̤ htûpwa̤gesǒ pa na̤klû htǒonu pě.

Kôritu awǐlǒ tôbǎ 8:8

Shǎǎshǎo htǒonu a ma̤wǒhtò̌to̤ pa ta̤bǒsû̌khǎkho ta Cǒmara dî̌kî̌꤮ tò̤. Pa ǎ bǎbǎ, pa ǎ tò̤ bǎbǎ, a la̤htûbwǐhtûsîrîto̤ paya dǐcǎ꤮ tò̤.

Kôritu ginǐ̤bǎ tôbǎ 1:21

Pwa̤ htě a ma̤měma̤gle tònòwǒ bǎpa ta̤yṳǎ Khrî̌stu htǒonumî̌ Cǒmara sana̤ tû̌. Ma̤pûhǐ pa htûhtò̌ akòyònu, a wû̌lǎ pa hǒ.

Galatǐ 6:1

Pṳwè̤ sî꤮, sî dè kè̌shǐ kòyò tapwa̤pwa̤ htě a ma̤sǔ ta̤ tukǔkǔ hî̌nu, sî htě a ǒhtûpwa̤ pwǐ Běcǎ sǎcahtǐ yṳ̂klè̌nè̌klò ǐ sî htǒo toǒnu, sî lo̤bǎ cû̌ sû̌ǐtòwòǐ gesǒ yǎ. Sî bǎ ma̤lè sò̌dohobî̌ yǎ htodě ma̤pûhǐ sî gûcû̌kû̌ pû dě ta̤htû̌sǒbǎ aphû̌mò̤ akû tò̤nu, ǒsè̌rè̌ lǒkho sîna̤ nî̌꤮.

Ěphěsu 4:14

Hǐnudě pa mî̌ asǒsǒta phijaû̌phû̌ htě a onû̌penu toǒ mè̤petò̤ hǒ. Kòyòkě htě a sû̌ǐlòhǎlòho ta̤ toǒnu, a lǒǎplò̤ǎjòpe pa tò̤, dě pa yṳǎsǔjò kû̌pe asî ata̤sû̌ǐtòwòǐ tò̤ hǒ. Pa sǒsǒpe ta sǒkhli htě gili̤sǎ pla̤ gleglòshû̌ yǎ tabǎnu mè̤petò̤ hǒ.

Ěphěsu 5:6

Nolǒǎplò̤ǎ pûma̤ sîna̤ ta kòyò htě a hî̌bǎlòhǎlòho dě amûasǎ ǒtò̤ toǒnu ma̤ nî̌꤮. Kòyò htě a ma̤ ta̤phû̌mò̤shî̌hto hǐnu toǒnu, a gana̤de kû̌kò Cǒmara ayo̤ tò̤ toǒ, dě Cǒmara sò̌phlǒdû̌ asî pě, a cèrò asî pěpě.

Kòlòtè̌ 2:4

Ma̤pûhǐ kò lǒǎplò̤ǎ cû̌ pû sî ta kò ta̤sû̌ta̤tòwò htě asǔ toǒ tò̤nu, he hî̌pwǎ sî pwǐhè̌onu. Ta̤sû̌ta̤tòwò htǒotoǒnu, alò̤ta ato bǎbǎ, yṳǎ pûma̤ nî̌꤮.

Tîsalònǐ ginǐ̤bǎ tôbǎ 2:2

Kòyò tapwa̤pwa̤ dè hî̌ sî ta Běcǎ amṳni̤ hèto̤htohǒ hî̌numî̌ pa kwigwèbǎǐ sî꤮, yṳǎ yû lǒkho pûma̤ nî̌꤮, sò̌gònò̤ ǐsha lǒkho pûma̤ nî̌꤮. A dè hî̌ sî ta, Cǒmara nohî̌po̤phǎnǎ he dèmè̤tò̤dě kò pwe̤ǐ sî̌yalṳ bǎ he hǐnu a hî̌cǒtè̤ bǎbǎ, dèmè̤tò̤dě a dè hî̌ lǒkho ta lî̤ hèto̤ dě pa ǒ tabǎ, a dè hî̌cǒtè̤ hǐnu bǎbǎ yṳǎ lǒkho pûma̤ nî̌꤮.

Tîmôte awǐlǒ tôbǎ 6:20

Timò̤̌te꤮ pṳ̂mě ma̤kwaǐwǒ ta̤ htě Cǒmara yṳǎ na ta na glè kè̌ǐkhwè̌ǐwǒ ta̤nu toǒ nî̌꤮. Cû̌we̤ khawe̤ kòyò htě a bè̌dubè̌na̤ kû̌kò Cǒmara tò̤nu toǒ a ta̤dǒhtû̌ǐ ta a ta̤gègo nòdû̌ nû̌û dě kòyò toǒǒ gènè̤sǔjò yǎta “Ta̤sî̌ya” nutoǒ nî̌꤮.

Yṳ̂ha awǐlǒ tôbǎ 4:1

He khobǒsû̌bǒmo̤ sî, kòyò lǒ̤bò htě a hî̌ ta pa ǒ ta Běcǎ sǎcahtǐ toǒnu, yṳǎ bǐaǒ lǒkho pûma̤. Ma̤pûhǐ sî sî̌ya ta sò̌phlǒhtǒo numî̌ a hè mè̤mè̤̌ dě Cǒmara a ǒ ya, mî̌ a hè mè̤tò̤ yanu sèlèkè̌wǐ lǒkho asî nî̌, ma̤tè̤hî̌dě bǎ hǎkhû̌bǎonu, pwa̤po̤ lòho ǒlṳhtò̌plṳ̂ hǒ.

Yṳ̌da 1:12

Bǎ sî bǒsû̌khǎkho ǎplǒoplǒnû̌û shǎǎ akhanu, kòyò htǒotoǒ hènṳma̤ cǒprǒwi̤ja kû̌ ta sî. Asî htǒotoǒ numî̌ alò̤pwǎ ta pwa̤gèǐsophû̌ toǒ, dě a sò̌le̤kè̌dû̌ pwǎpǒ̤ a la̤ǎbǎobǎ ayapwǎ dě a ta̤la̤sòwò̤nu a ǒ kû̌ lǒkho kò dǐcǎ꤮ tò̤. Asî numî̌ alò̤ta poǒlṳ toǒ dě a cû̌kè dě a julò̤ bǎ kò tò̤nu toǒ pwǎ. Asî htǒotoǒnu alò̤ta sǒmṳ htě asǎapho hǎhtò̌ kû̌kò ta akhîakha tò̤ toǒ, dě kò htěhtò̌ yò̌htò̌sada khò̌wi̤kè asî dě a sikèbò pwǎ.

Yṳ̌da 1:3

He khobǒsû̌bǒmo̤ sî꤮, ta̤ma̤lû̌htò̌ge htě pa lǒ̤꤮ bò nî̤bǎplǒ nû̌û htǒo awi̤akè̌nu, he sò̌yṳ khwè̌cû̌ bǎ mè̤mè̤̌ sî pwǎ̤tadě khònò̤htǒo he kè̌shǐ ta he bǎ khwè̌cû̌khǒ tèplè̌ bǎlè̌ sî ta ahǔwa̤ tacǎ. Dě he sò̌yṳ ǐkhû̌ǐǎ sî ta ta̤sò̌le̤sò̌lò̤ awi̤akè̌ dě taplǎpa Cǒmara ǐlò̤phlǔbò akòyò lǒ̤bò htě a yṳǎ htǒotoǒnu, sî shětònò shǔwǒ pû yǎ nî̌꤮.