Hebrǔ 13:8 - Kawyaw RC

⁸ Ye̤shǔkhrî̌stu htǒonu, bǎhǎno bǎbǎ, khò̌ti̤ni̤ bǎbǎ, pe̤wo̤pě bǎbǎ, a htû̌lè̌jò tò̤, tṳ̂gûla̤la̤ pwǎ.

Kawyaw New Testament

⁸ Yeshǔ Khrǐ nî̌ pyǎnô̤̌ bǎbǎ, khò̌tini̤ bǎbǎ, pe̤wô̤pě bǎbǎ, a htû̌tèlè̌jò tô̤̌, tûgûlǎ̤lǎ̤ pwǎ.

Hebrǔ 13:8 Iomraidhean Croise

Mǒhtûlû̌hǎhtûsa 21:33

Abraham shǒměkè sǒmṳ tṳmṳ bǎ Berashabǎ gûla̤nu, htodě a sabahtò̌ Cǒmara tûjûpwa̤ amî̌ Cǒmaradû̌ htě a ǒhtûpwa̤ tûjûpwa̤ htǒonu tapwa̤.

Htû̌sò̌htò̌ 103:17

Pwa̤ htě a ǐsha bè̌dubè̌na̤ Cǒmara tûjûpwa̤ toǒ aya lè̌dě, ata̤mo̤ǐ htě ahǎbòjò tò̤nu a ǒměǒgle tûjûpwa̤ talakhǎ. Ata̤cǒta̤tè̤ toǒnu a ǒměǒgle sělě to̤htû̌ aphû̌ali̤ alṳ̂ala̤ sîtoǒ tuhtu hto tuhtu.

Htû̌sò̌htò̌ 90:2

Dě kholo sîtoǒ ǒhtûhtò̌ hǒtò̤, na bǒlò̤ hǎkhû̌ hǒtò̤ akhanu, Na mî̌ Cǒmaradû̌ htě aǒhto tûjûpwa̤, aǒ sělěhèpo̤ tûjûpwa̤.

Htû̌sò̌htò̌ 90:4

Dě nayanu, aně tîrî̌ mî̌ asǒsǒpwǎ ta bǎhǎno dě a cû̌ tûlû̌phwèkè. Alò̤pwǎta tûkû̌wo̤ teděsǎ pwǎ.

Kôritu ginǐ̤bǎ tôbǎ 1:19

Ma̤tè̤hî̌dě he ta Sǐla ta Timò̤̌te dǒhtû̌ǐ bǎ sî ta Ye̤shǔkhrî̌stu awi̤akè̌ hǒ. A mî̌ Cǒmara aphû̌khû tapwa̤, a hî̌bǎcǒhî̌bǎtè̤ pṳ̂̌꤮ taplǎ, A hî̌htohî̌lò̤ kû̌kò dǐkhò̌꤮ tò̤.

Kôritu ginǐ̤bǎ tôbǎ 1:20

Běcǎ Ye̤shǔ ma̤lǒma̤be lǒ̤꤮ bò Cǒmara a ta̤olò̤nu toǒ hǒ. A ma̤lǒma̤be Cǒmara a ta̤olò̤ htǒonumî̌, pa sò̌phlǒto kû̌pwǎ dě pa hî̌ ta, “Amè̤” amûasǎ mî̌ “A mè̤mè̤̌” dě pa htû̌sò̌ǐ Cǒmara hǐnu.

Hebrǔ 1:12

Na gakhlî̌wǒkè asî toǒ pwǐ hǐdokhlodû̌nu pě. Na htû̌lè̌ tèplè̌ khǒkèbò hǎkhû̌ ta mǒkhû̌ toǒ pwǐ kòyò tapwa̤ htû̌lè̌ tèplè̌ ahǐdohǐyò̤nu pě. Pò̤̌ta na bè̌ tṳ̂gûla̤pwǎ na sò̌phlǒ pě. Na mṳni̤nu, a gutṳjò tò̤,” a hî̌po̤ hǐnu.

Jǎgomo̤ 1:17

Sû htě awǒ dě a lǒbebò numî̌ Cǒmara htě a bǒlò̤ lṳmṳ, la ta shǎ htǒotoǒ tapwa̤ ǐlò̤ pwǎ. Cǒmara ala̤klo htû̌lè̌ tèplè̌khǒkè pwǐ ta̤lî yo̤ǔ htû̌lè̌khǒkènu tò̤.

Yṳ̌da 1:25

Cǒmara mî̌ asîrîdû̌sîrîhtû. Cǒmara mî̌ a ǒpwǎ a tapwǎ̤ pa. Pwa̤ htě a ma̤lû̌htò̌ge pa mî̌ a tapwǎ̤pa. Ye̤shǔkhrî̌stu akhû̌akhî, ta̤sîrîdû̌sîrîhtû, ta̤dû̌ta̤yǒ awî̤awǒ, ta̤po̤ta̤phǎ ta ta̤sîrîshû̌sho htǒotoǒnu, a ǒplǒ ta Cǒmara tèhtò̌ ta̤tacǎ htûhtò̌ hǒtò̤ akha, tǒ̤lò̤khònò̤, tǒ̤hè tûjûpwa̤ nî̌, Amè̤.

Ta̤dǔlè̌nǎ 1:11

Yo̤po̤htò̌ dě a hî̌, “Khwè̌mǎǐ ta̤htě na kè̌shǐnu toǒ. Htodě sûcû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a mî̌ Ephè̌shia, Samǔranǎ, Pekamǔ, Twatǐra, Sadǐ, Philadělaphǐa, Lò̌diki dě a ǒ lǒkho dě wî̤ susǒtî̤wî̤ htǒotoǒ akûnu.”

Ta̤dǔlè̌nǎ 1:4

He mî̌ Jowǎ̤ni̤. He khwè̌cû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a ǒ dě Ashǎgakûnu toǒ ǒ. Cǒmara htě a htûpwa̤ bǎ꤮ nukha, htohǒtò̤ khònò̤kha mî̌ a htûpwa̤pwa̤, nǒkòpěmî̌ a htûpwa̤pwa̤ htǒotapwa̤ ta ta̤htûpwa̤ susǒtapwa̤ htě a ǒ dě gûla̤htò̌yî̤ alo̤mo̤ htǒotoǒ abwǐasîrî ta a ta̤mo̤ta̤kwǐ htǒonu, sî nî̤bǎ tû̌ta nî̌꤮.

Ta̤dǔlè̌nǎ 1:8

Běcǎ Cǒmara hî̌, “He mî̌ akòshî̌ ta agutṳ” dě a hî̌, “He mî̌ Cǒmara dě a htûpwa̤ bǎ꤮ nukha tapwa̤, khònò̤kha mî̌ he htûpwa̤pwa̤, nǒkòpěmî̌ he htûpwa̤pwa̤. He mî̌ Cǒmara htě a jò ta̤lǒ̤꤮ bò tapwa̤.”