Hebrǔ 13:7 - Kawyaw RC

⁷ Gènè̤htò̌nṳ dǒ lǒkho kòyò htě a htûhto sî hǐkǒdû̌ dě a dǒhtû̌ǐhto bǎ sî ta Cǒmara ale̤ayo̤nu toǒ nî̌꤮. Gènè̤kè̌ lǒkho asî ta̤ǒhtûpwa̤ htě awǒnu toǒ, dě gûkè̌mò̌mṳ dǒ lǒkho asî ta̤yṳ htǒonu toǒ nî̌꤮.

Kawyaw New Testament

⁷ Gènè̤htò̌sô̌ lô̌khô kòyò dǒ a htû sî ikǒlǒkòdû̌ dě a shôbǐǐ bǎ hto sî kû̌ Cǒmara alě̤ayô̤̌ nutokhlǒ nî̌꤮. Gènè̤kè̌kè̌ lô̌khô asî ata̤ô̌htûpwa̤ dǒ awô̌ nutokhlǒ, dě gû̌kè̌lû̌mò̌mṳ lô̌khô asî ta̤yṳ̌nu tokhlǒ nî̌꤮.

Hebrǔ 13:7 Iomraidhean Croise

Matěo 24:45

Jûphû̌ htě acǒatè̤ ta a phlophǎ tapwa̤mî̌ ûpènuya? Jûphû̌ htě acǒatè̤ tapwa̤ mè̤mè̤̌mî̌ aběcǎ ǐlò̤ nû̌û ta̤ma̤ dě a bǎ kè̌ǐkhwè̌ǐ bǔǎbǔo jûphû̌ ahǔwa̤toǒ dě acǔdekû ta a bǔǎ tokhîtokha asî htǒotapwa̤nu hǒ.

Lǔka 12:42

Běcǎ hî̌shǔ nû̌û, “Hǐnudě, a htû jûphû̌ hǐkǒdû̌ htě a ta̤hî̌bǎměglo dě a ǒ ta ta̤sî̌ta̤jò tapwa̤mî̌ ûpè? Jûphû̌ hǐkǒdû̌ htě a ta̤hî̌bǎměgle htǒotapwa̤ numî̌ kòyò tapwa̤ htě aběcǎ glè ǐlò̤bò jûphû̌ ahǔwa̤toǒ acǔdekû dě a nokè̌ǐkhwè̌ǐ nû̌û ta asî, dě a ǐǎtoǐobǎ bǎ kò akhîakha taplǎ ta taplǎnu tapwa̤ pě mè̤tò̤ ya?

Lǔka 5:1

Ti̤ni̤kha bǎ Ye̤shǔ ihtǒ ǒ dě Gena̤sarè̌ shikoǒdû̌htu akhanu, kòyò toǒ sò̌yṳ gana̤de lǒkho Cǒmara ale̤ayo̤ dě a hè tîdî̌tûshû̌ ǒwo̤ Ye̤shǔ ǒ.

Lǔka 8:11

“Ta̤dǒnè khěkhǒ htǒoto̤to̤nu amûasǎ hè hî̌tè hî̌dě, ta̤khli amûasǎ mî̌ Cǒmara ale̤ayo̤.

Pwa̤nophû̌ 13:46

Htodě Pò̌lu ta Banabǎ tǐ̤ hî̌bǎ khuhakhlo po̤po̤, dě a hî̌, “Pa tobǎ dǒhtû̌ǐ wǐgutṳ̌ bǎ sî ta Cǒmara ale̤ayo̤. Pwǎ̤tadě sî yṳǎna̤ǎ pa ta̤dǒhtû̌ǐ htǒonu tò̤ akhû̌akhî, sî cèrò lò̤tû̌ sîna̤ pwǐ kòyò htě a gwa nî̤bǎ kû̌kò yolahtûpwa̤ tûjûpwa̤ tò̤nu toǒ hǒ. Hǐnudě pa bè̌kè sî dě pa cû̌ Yṳ̌daphû̌ mè̤tò̤ toǒ a ǒ.

Pwa̤nophû̌ 14:23

Dě pwa̤yṳǎta̤ aprṳ̂aho tṳ̂prṳ̂ ta tṳ̂prṳ̂ akûnu, Pò̌lu ta Banabǎ wû̌lǎ bǎ asî wè̤khǔwè̤pwa̤ htě a bǎ htû hǐkǒdû̌ toǒ. Dě a kwisaba bǎ asî, htodě a dǔǎ shǎǎshǎo, a ma̤hto hǐnudě a ǐlò̤kè kòyò htǒotoǒ dě Běcǎ htě asî yṳǎ htǒotapwa̤ a cǔdekû.

Pwa̤nophû̌ 4:31

Bǎ asî kwisabahto akhanu, gûla̤ bǎ asî la̤ǒplǒhtu nû̌ûnu tò̤glò a guyṳpè̤tè̤htò̌ dě asî lǒbebò ta Běcǎ sǎcahtǐ pṳ̂̌꤮ tapwa̤ dě asî pṳ̂̌꤮ tapwa̤ dǒhtû̌ǐ khuha lǒkho kò ta Cǒmara awi̤akè̌.

Rṳ̂̌me̤ 10:17

Ma̤hǐnudě, ta̤yṳ mî̌ a ǒ dě ta̤gana̤de ta̤wi̤ta̤kè̌ alo̤ hè pwǎ. Kò dǒhtû̌ǐ bǎ Khrî̌stu awi̤akè̌ akhû̌akhî, kò gana̤de nǒpwǎ ta̤wi̤ta̤kè̌.

Kôritu awǐlǒ tôbǎ 10:13

Ta̤htû̌sǒbǎ aphû̌mò̤ lǒ̤bò htě na kè̌shǐ hèbǎ toǒ numî̌ a sǒsǒpwǎ ta kòyòhǎkhû̌phû̌ ahǔwa̤ toǒ kè̌shǐ hèbǎnu toǒ pwǎ. Pwǎ̤ta Cǒmaranu acǒtè̤ ta ayo̤, Ma̤tè̤hî̌dě ta̤htû̌sǒbǎ aphû̌mò̤ htě ashû̌asho dě na khòbò̌ yǎtò̤ toǒnu, a nokhò na tò̤. Bǎ ta̤ma̤kè̌ hèbǎ na akhanu, ma̤pûhǐ na khòsò̌dobò̌ yǎ, htohǒtò̤ ma̤pûhǐ na lû̌htò̌bò̌ ta ta̤htû̌sǒbǎ aphû̌mò̤ htǒo ayanu, Cǒmara bòmo bǎ na klè̌ pě.

Kôritu awǐlǒ tôbǎ 11:1

Hǐnudě, kè̌mò̌mṳ lǒkho he pwǐ he kè̌mò̌mṳ Khrî̌stunu.

Kôritu awǐlǒ tôbǎ 4:16

Hǐnudě he kwigwèbǎǐ sî ta sî gû kè̌mò̌mṳ he ta̤ǒhtûpwa̤ htǒo.

Phǐlǐpǐ 3:17

He pṳwè̤ sî, kè̌mò̌mṳ lǒkho hehtǒo, gû kè̌nǎǐkû̌ kòyò htě a gû ǒhtûpwa̤ pwǐ pa ǒhtûpwa̤ lṳkè bǎ sî toǒnu.

Tîsalònǐ awǐlǒ tôbǎ 1:6

Sî kè̌mò̌mṳ pa ta Běcǎ dě kò ma̤jîma̤jû mè̤mè̤̌ sî, pò̤̌ta sî sò̌le̤sò̌lò̤ phî̌shǔpe ta̤sò̌le̤sò̌lò̤ awi̤akè̌. Bǎ sî phî̌shǔ ta̤sò̌le̤sò̌lò̤ awi̤akè̌ akhanu, Běcǎ sǎcahtǐ ma̤ sò̌le̤sò̌lò̤ bǎ sî hǒ.

Tîsalònǐ awǐlǒ tôbǎ 2:13

Bǎ sî gana̤de Cǒmara ale̤ayo̤ htě pa pwe̤ǐ bǎ sîhtǒo akhanu, sî phî̌shǔ yǎ pwǐ a ǒ dě kòyò a ǒ hènṳ mè̤tò̤, sî phî̌shǔ yǎ pwǐ a ǒ dě Cǒmara a ǒ hènu. Hǐnu akhû̌akhî, pa hî̌bwǐhî̌sîrî Cǒmara pṳ̂̌꤮ taplǎ. Dě ta̤wi̤ta̤kè̌ htǒonumî̌ Cǒmara a ta̤wi̤ta̤kè̌ na̤cè̌. Ta̤wi̤ta̤kè̌ htǒo akhû̌akhî, Cǒmara noǒhtûpwa̤ sî pwǐ ato nû̌ûsò̌phlǒnu hǒ.

Tîsalònǐ ginǐ̤bǎ tôbǎ 3:7

Sî sana̤ sî to gûkè̌mò̌mṳ ma̤kû̌ pa hî̌tènu sî sî̌ya te̤mǎhtotû̌ hǒ. Ma̤tè̤hî̌dě bǎ pa ǒplǒ ta sî akhanu, pa cè̌klèlèbǒ nǒtò̤.

Tîsalònǐ ginǐ̤bǎ tôbǎ 3:9

Pa dè kwima̤jè sî ta pa la̤ǎla̤o ta la̤ǒdo hî̌numî̌ a gwa pwǎ. Pwǎ̤tadě ma̤pûhǐ pa htûhtò̌ sî la̤kè̌mò̌mṳ dě sî gûma̤kû̌ pwǐ pa ma̤htǒo ayanu, pa bǎ goǎgowè̤ mè̤mè̤̌.

Tîmôte awǐlǒ tôbǎ 3:5

Ma̤tè̤hî̌dě kòyò tapwa̤pwa̤ dě a topǒǐ a hǐphû̌phòphû̌ toǒ hî̌tènu, a dè sî̌ya tò̤ hî̌dě a kè̌ǐkhwè̌ǐjò Cǒmara a pwa̤yṳǎta̤ aprṳ̂ahophû̌ tò̤.

Hebrǔ 13:17

Gana̤de lǒkho sî ta̤subusaba a hǐkǒdû̌ toǒ ayo̤ dě gûma̤kû̌ pwǐ asî hî̌lò̤nu nî̌꤮. Asî ǒpo̤ kè̌ǐkhwè̌ǐ sî ta̤htûpwa̤ dě ta̤ htě asî ma̤ toǒnu, a bǎ pwe̤ǐlṳgesǒ Cǒmara pě. Sî dè gana̤de tò̤ hî̌dě a ma̤ ta ta̤sǎpla̤sǎyṳ pě. Dě a htûbwǐhtûsîrî sîya dǐcǎ꤮ tò̤.

Hebrǔ 13:24

Pwe̤ǐlṳcû̌ bǎ pa ta̤hî̌mo̤hî̌wǒ htǒotoǒnu ta sî hǐkǒdû̌ lǒ̤꤮ bò ta bò Cǒmara akòyònu toǒ nî̌꤮. Htodě pa pṳwè̤ Khrî̌stuphû̌ Italiganu toǒ sûhè bǎ sî ata̤hî̌mo̤hî̌wǒ toǒ.

Hebrǔ 6:12

Pa sò̌yṳ nohtû sî kòyò cè̌klè tò̤. Mî̌tanu pa sò̌yṳ nosǒsǒkû̌ sî pwǐ kòyò htě a yṳǎ dě a khòsò̌do ta̤ khònò̤ htǒo toǒnu pwǎ. Dě kòyò htǒotoǒ ma̤hǐnu akhû̌akhî, asî nî̤bǎ lǒkho Cǒmara a ta̤olò̤nu toǒ pě.

Petru awǐlǒ tabǎ 4:11

Ûpèpè̌꤮ bǎbǎ, a dè dǒhtû̌ǐ bǎ kò hî̌nu, a bǎ dǒhtû̌ǐ bǎ kò pwǐ Cǒmara hî̌bǎ kò dě a nodǒhtû̌ǐ tṳtṳ nû̌ûta nanu. Dě ûpèpè̌꤮ bǎbǎ a dè ma̤jûphû̌ ta̤ma̤ hî̌nu, a tobǎ ma̤ nû̌ûta khû̌ǎ htě Cǒmara ǐlò̤ nû̌ûnu toǒ. Dè ma̤hǐnu hî̌dě, Ye̤shǔkhrî̌stu akhû̌akhî, kò htû̌sò̌ǐ Cǒmara ta ta̤ lǒ̤꤮ bò htě sî ma̤ htǒotoǒ akhû̌akhî pě. Cǒmara nî̤bǎtû̌ta ta̤sîrîdû̌sîrîhtû ta ta̤po̤ta̤phǎ tûjûpwa̤ talakhǎ nî̌꤮. Amè̤.

Ta̤dǔlè̌nǎ 1:9

He mî̌ sî pṳwè̤ Jowǎ̤ni̤ htě a yṳǎ khrî̌stu sǒsǒ ta sî tapwa̤. He mî̌ sî khobǒsû̌ htě a khòbǎyò̤bǎ plǒkû̌ ta̤ ta sî tapwa̤. He mî̌ Cǒmara a shiphû̌gaphû̌ sǒsǒkû̌ ta sîsî, dě he khòsò̌do plǒkû̌ ta̤ ta sî tapwa̤ pwǎ. Dě he dǒhtû̌ǐ bǎ kò ta Běcǎ Cǒmara a ta̤wi̤ta̤kè̌ ta ta̤htě Ye̤shǔkhrî̌stu khòlṳ bǎ he toǒ akhû̌akhî, kò cû̌ bè̌ǒkè he dě Pǎmǔ shikholophû̌jokhû̌ hǒ.

Ta̤dǔlè̌nǎ 20:4

Htodě he kè̌shǐ Khwǐcophǎ gògohtahtò̌yî̤ toǒ. Kòyò hǎnòò̌ gògohtahtò̌yî̤ alo̤ toǒnu, kò ǐ asî ta̤sîrîshû̌sho dě a cèrò kò pě. He kè̌shǐ kû̌po̤ kòyò htě a khòlṳ ta Ye̤shǔ awi̤akè̌ dě a dǒhtû̌ǐ bǎ kò Cǒmara ale̤ayo̤ toǒ akhû̌akhî, kò pe̤tṳkè asî yolahtûpwa̤ toǒ a gobo. Ta̤mi̤ta̤mò̤ bǎbǎ, ta̤mi̤ta̤mò̤ apwa̤yo̤ htǒonu bǎbǎ, asî sabahtò̌nǒ kû̌kò tò̤. Pwǎhǐnuhtohǒtò̤ ta̤mi̤ta̤mò̤nu tado a ta̤ma̤dòǐ htě kò bǎ ma̤dòǐ yǎ dě me̤htò̌lo̤ nubǎbǎ, mètò̤mî̌ kò bǎ ma̤dòǐ yǎ dě cǔdelo̤ nubǎbǎ, a phî̌shǔbǎ kû̌kò ta̤ma̤dòǐ dǐcǎ꤮ tò̤. Asî htûpwa̤gesǒ dě a pǒǐ dǒkû̌ ta̤ ta Khrî̌stu anětîrî̌.

Ta̤dǔlè̌nǎ 6:9

Htodě sophû̌nu tado kèè̌mohtò̌ ta̤ma̤dòǐ htě kò ma̤mě a yè̤̌kǔtukǔ. He kè̌shǐ kòyò htě a dǒhtû̌ǐ bǎ kò ta Cǒmara ale̤ayo̤, htohǒtò̤ a khòlṳ cǒtè̤, dě kò ma̤sihto asî toǒnu, he kè̌shǐ asî yolahtûpwa̤ toǒ ǒdě ta̤lṳwa̤ ala̤nu.