Hebrǔ 13:6 - Kawyaw RC

⁶ Hǐnudě, “Cǒmara mî̌ pwa̤ htě a ma̤jè he. Kò ma̤ he hî̌tètè̌꤮ bǎbǎ, he ǐsha tò̤,” pa hî̌ hè̌o numî̌ anî̤ pwǎ.

Kawyaw New Testament

⁶ Pô̤̌nudě, “Cǒmara mî̌ pwa̤ dǒ a ma̤jè̌ he. Kòyò ma̤ he pô̤̌hî̌tètè̌ bǎbǎ, he ǐsha tô̤̌,” pa hî̌ lô̌khô pô̤̌o numî̌ anǐ̤ pwǎ.

Hebrǔ 13:6 Iomraidhean Croise

Mǒhtûlû̌hǎhtûsa 15:1

Bǎ Abra ma̤lû̌htò̌htokè Lò̌tǎ akhanu, a kè̌shǐlṳnǎ ta̤ tacǎ dě Cǒmara tûjûpwa̤ hî̌bǎlò̤ nû̌û, “Kǒ꤮ Abra, ǐsha ma̤ dǐcǎ꤮ ma̤ nî̌꤮. He ma̤kwaǐ tû̌ta na pě, htohǒtò̤ he ǐpo̤ na ta̤ma̤ khû̌kǎ htě awǒkhlo htǒonu pě.”

Htû̌sò̌htò̌ 124:8

Ta̤ma̤jè ta paya numî̌ a ǒ dě Cǒmara tûjûpwa̤ a mî̌ pwa̤ htě a bǒlò̤ mǒkhû̌ ta hǎkhû̌nu tapwa̤ hè.

Htû̌sò̌htò̌ 146:3

Nǎla̤ǐ lǒkho pûma̤ pwa̤htûhǐkǒlǒkòdû̌ toǒ ma̤. Kòyòhǎkhû̌phû̌ ma̤lû̌htò̌gejò sî dǐpwǎ̤꤮ tò̤.

Htû̌sò̌htò̌ 27:9

Htû̌tiwǐkhǒkè pûma̤ nami̤sǎ ta he ma̤. Ta̤sò̌phlǒdû̌ akhû̌akhî, sûcû̌ te̤pheyî̤ pûma̤ najû ma̤. Na mî̌ pwa̤ htě a ma̤jè he. Kǒ Cǒmaradû̌, na mî̌ na ma̤lû̌htò̌ge bǎhto he hǒ akhû̌akhî, bè̌kè pûma̤ he ma̤, wîkè pûma̤ he ma̤.

Htû̌sò̌htò̌ 33:20

Pa ǒpo̤kè̌shuǐ Cǒmara tûjûpwa̤. A mî̌ pwa̤ htě a ma̤jè pa, pwa̤ htě a ma̤kwaǐ pa.

Htû̌sò̌htò̌ 40:17

Kǒ Běcǎ ta̤adû̌, kò pè̤ǎpè̤o he, he shodo pwa̤ma̤jè. Pwǎ̤ta na shope̤nǎkè he tò̤. Na mî̌ pwa̤ma̤jè he, pwa̤ma̤lû̌htò̌ge he. Kǒ hecǒmaradû̌, ma̤yo pûma̤ nî̌.

Htû̌sò̌htò̌ 54:4

Hî̌mè̤mè̤̌ Cǒmaradû̌ mî̌ pwa̤ htě a ma̤jè he. Běcǎ ta̤adû̌ mî̌ pwa̤ htě a ma̤kwaǐ he.

Htû̌sò̌htò̌ 56:4

He htû̌sò̌ǐ Cǒmaradû̌ ata̤olò̤yo̤ pṳ̂̌꤮ tûmû. He yṳǎnǎla̤ǐ Cǒmaradû̌, he ǐshape tò̤. Kòyòhǎkhû̌phû̌ pwǎ dě a cû̌hèma̤jò he hî̌tè?

Htû̌sò̌htò̌ 63:7

Na mî̌ pwa̤ma̤jè he akhû̌akhî, he sò̌le̤sò̌lò̤ sò̌po̤htû̌sò̌ǐ na dě na děge ayo̤ǔla̤.

Htû̌sò̌htò̌ 94:17

Cǒmara tûjûpwa̤ dè ma̤jè he tò̤ hî̌mî̌, he sikèhtohǒ.

Matěo 10:28

Kòyò htě a ma̤sijò sî na̤klû pwǎ̤ta a ma̤sijò sî yola tò̤ toǒnu, ǐsha pûma̤ ala̤ma̤. Ǐsha lǒkho Cǒmara htě a ma̤sijò sî na̤klû ta sî yola ginǐ̤cǎbò htǒonu dě ngariǒkûnu tapwa̤ nî̌꤮.

Rṳ̂̌me̤ 8:31

Dèhî̌hǐnudě, ta̤ lǒ̤꤮ bò htě he hî̌ bǎ sî htǒotoǒnu, pa glè gènè̤ hî̌tè? Cǒmara dè ǒkû̌ ta pa tokho dèhî̌dě, mî̌ûpè tapwa̤ glè shěpe̤jò pa pè?

Ěphěsu 3:12

Dě pa yṳǎ Khrî̌stu, htodě pa htûhtò̌kè nû̌û tacǎnǔpa akhû̌akhî, khònò̤htǒo pa glè hènṳ dě Cǒmara ǒ ta ta̤yṳǎ tû̌û na̤ ta ta̤khuta̤ha numî̌ anî̤ hǒ.

Hebrǔ 10:19

Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 4:16

Hǐnudě, pa lo̤bǎ ta̤ bò̌khòtè꤮ bǎbǎnu, pa to hènṳ khuha dě pa Cǒmara htě a gwèbǎǐ kò htǒotapwa̤ a la̤hǎnòò̌ alo̤mo̤nu. Pa nî̤bǎ a ta̤gwèbǎǐ pě dě pa kè̌shǐbǎ abwǐdû̌sîrîhtû htě a ma̤jè pa htǒonu pě.