Hebrǔ 13:5 - Kawyaw RC

⁵ Ǒtephe lǒkho ta ta̤mo̤ǐ wû toǒ nî̌꤮. Sò̌phlǒtobǎ lǒkho ta ta̤ htě a ǒ ta nanu toǒ, ma̤tè̤hî̌dě Cǒmara hî̌, “He bè̌kè nǒ na dî̌kî̌꤮ tò̤, he wîkè na dǐkhò̌꤮ tò̤,” a hî̌ hǐnu.

Kawyaw New Testament

⁵ Ô̌tephe lô̌khô kû̌ ta̤mô̤ǐ ru tokhlǒ nî̌꤮. Sǎphlǒtô sǎphlǒbǎ lô̌khô kû̌ ta̤ dǒ a ô̌ kû̌ nanu tokhlǒ, ma̤titèhî̌dě Cǒmara hî̌ kû̌, “He bè̌kè nô̌ na tîkî̌꤮ tô̤̌, he wîkè nô̌ na tôkhò̌꤮ tô̤̌,” a hî̌ pô̤̌nu.

Hebrǔ 13:5 Iomraidhean Croise

Mǒhtûlû̌hǎhtûsa 28:15

Dě nacû̌ bǎtè tò̤glò tè꤮ bǎbǎ, he ǒkû̌ ta na pě, he ma̤kwaǐ tû̌ na pě. He kaǎ gesǒtû̌ na bǎ gahtǒo taga pě. Pwǐ he olò̤hto na htǒonu, a dè lǒbehtò̌ hǒtò̤ hî̌mî̌, he wîkè nǒ na tò̤,” Cǒmaradû̌ hî̌ Yǎ̤kò hǐnu.

Mǒhtûlû̌hǎhtûsa 30:31

“He tobǎ ǐkwè̌꤮ na titè?” Laba gwè nû̌û hǐnu, dě Yǎ̤kò hî̌shǔ gesǒ yǎ, “Na lo̤bǎǐ nǒ he ta̤ dǐcǎ꤮ tò̤, pwǎ̤ta nama̤ bǎ heya ta̤htǒo tacǎ dè hî̌mî̌, he gèǐ bǎpo̤tû̌ nata̤phû̌ta̤li̤ toǒ dě he khwè̌ǐ ma̤kwaǐwǒ bǎpo̤tû̌ nata̤phû̌ta̤li̤ toǒ pě.

Mǒhtûlû̌hǎhtûsa 31:5

Dě Yǎ̤kò hî̌ asî, “He sî̌ya ta sîpha Laba ata̤bǒsû̌khǎkho ta henu asǒsǒpe ta dě awǐkhanu tò̤, pwǎ̤ta hepha acǒmaradû̌ htǒonu a ǒkû̌ ta he.

Htû̌sò̌htò̌ 10:3

Asî hî̌bǎhtò̌yî̤ lǒkho dě a sò̌yṳ shokhû̌ye̤yo̤ ma̤phû̌mò̤ kòhǔwa̤. Kòyò htě aphî̌sigwiwe̤saphǎ ǎ pǒ̤꤮ tû̌ ayanu toǒ a ǐsho, wîkè Cǒmara tûjûpwa̤.

Htû̌sò̌htò̌ 119:36

Nata̤hî̌bǎlò̤yo̤nu, nomo̤ǐkhlo he ta he sò̌yṳbò wûhtanu.

Htû̌sò̌htò̌ 37:25

Dě he phijaû̌ to̤htû̌ he mo̤pwa̤ khònò̤htǒo, kòyòsò̌phlǒwǒ toǒ bǎbǎ, aphû̌ali̤ toǒ bǎbǎ, Cǒmara tûjûpwa̤ wîkè asî dě a cû̌kwiǎ kòshǎnu, he kè̌shǐ nǒ dǐkhò̌꤮ tò̤.

Htû̌sò̌htò̌ 37:28

Cǒmara tûjûpwa̤ mo̤ǐ ta̤ma̤toma̤bǎ, a wîkè nǒ akòyòcǒkòyòtè̤ tò̤. A ma̤kwaǐ asî tûjûpwa̤. Kòyòphû̌mò̤ aphû̌ali̤ toǒ lè̌dě kò glè wṳ̂hǎhtò̌cû̌ tepheyî̤kè asî.

Matěo 6:19

“Ta̤dû̌yò̤htò̌sa hǎkhû̌ bǎonu, kè̌lǎ bè̌plǒ pû sîya ma̤, ma̤tè̤hî̌dě ta̤ htǒotoǒ numî̌ akrò̌ agwaǎjò, a htǎî̌htǎkrò̌ pî̌jò, pwa̤ǎhǔǎkě htò̌nṳ ǎhǔjò pwǎ yǎ.

Matěo 6:25

“Ma̤hǐnudě he hî̌ sî, bǎgubǎgè pûma̤ ta sî ta̤ǒhtûpwa̤ ayanu ma̤. Sî la̤ǎla̤o aya bǎbǎ, sî la̤kûla̤sǒ aya bǎbǎ, bǎgubǎgè lǒkho pûma̤. Pa ta̤ǒhtûpwa̤nu a lo̤bǎdû̌khlo ta la̤ǎla̤o mè̤tò̤ ya? Pa na̤saklû htǒonu a lo̤bǎdû̌khlo ta la̤kûla̤sǒ mè̤tò̤ ya?

Matěo 6:34

Ma̤hǐnudě, pe̤wo̤pě ayanu gugè pû lǒkho ma̤ nî̌꤮, ma̤tè̤hî̌dě, pe̤wo̤pě ayanu, a ta̤guta̤gè ǒkhǒ tû̌ pě. Ti̤ni̤ ta ti̤ni̤ a ta̤guta̤gènu a shû tû̌ hǒ.”

Mǎ̤riko 7:22

Ta̤sò̌yṳsò̌bǎtûlû̌ta̤, ta̤sò̌khěkhû̌khwè kò, lòhǎlòhoǎ kòyò, ma̤putupatǎ pî̌lû̌pî̌lè ana̤, sò̌khěkòta̤, pi̤jishǐcǒ kòyò, phî̌dû̌na̤, ma̤ta̤ dě gènè̤ te̤mǎ tò̤.

Lǔka 3:14

Kliphû̌ toǒ gwèpo̤ nû̌û, “Palè? Pa tobǎ ma̤hî̌tè?” Dě a hî̌shǔ asî, “Bǎ ǎbǐma̤nò kòwûkòhta tò̤. Kè̌bǐkè̌ǒ ma̤ kò dǐ꤮ pwǎ̤ ma̤. Sò̌phlǒto lǒkho ta khû̌kǎ htě sî nî̤bǎ toǒnu.”

Lǔka 8:14

Ta̤khli lò̤te̤to dě ta̤shî̌shǒshî̌prûkla amûasǎ htǒonumî̌ mî̌pwǎ kòyò htě a gana̤de Cǒmara ale̤ayo̤ htǒotoǒnu hǒ. Pò̤̌ta, bǎ a ǒhtûpwa̤pe akhanu, ta̤bǎgubǎgè toǒ, ta̤dû̌yò̤htò̌sa toǒ ta asî mo̤ǐ ata̤sò̌yṳsò̌bǎ htǒotuhtu toǒ khè̌bǐbòkè bǎ asî pwǐ ta̤shî̌shǒshî̌prû khè̌bǐ nû̌û akhû̌akhî, asǎpwa̤ bò̌kû̌pe kò dǐkhò̌꤮ tò̤.

Rṳ̂̌me̤ 1:29

Asî ta̤ǒhtûpwa̤ htǒonu a lǒbe cè̌cè̌ ta ta̤cǒta̤tè̤ tò̤, ta̤phû̌mò̤shî̌hto, phî̌sigwiwe̤saphǎ ǎ tû̌aya, htodě a lǒbe ta ta̤sò̌khě kò, ma̤si kòyò, po̤ kòyò, lòhǎlòhoǎ kòyò, sò̌khěkhû̌khwè kòyò, dǒmi̤shǐyo̤ kòyò.

Kôritu awǐlǒ tôbǎ 5:11

He sò̌yṳ hî̌ hî̌tèhî̌dě kòyò htě a hî̌lò̤ lǒkho ana̤ ta pwa̤yṳǎphû̌ toǒ pwǎ̤tadě a dè cû̌sǔnṳ mamǔmakhû, a sò̌yṳkè̌tû̌ aya, a saba pwa̤yo̤, dǒmi̤shǐyo̤ kò, ǎmṳopǒ mè̤tò̤dě ǎhǔǎkě sî toǒnu bǒsû̌ pûma̤ asî ma̤. Bǎ ǎhtuohtu pwǎ ta kòyò hǐnu toǒ pwǎnu ǎhtuohtu pûma̤ma̤.

Kôritu awǐlǒ tôbǎ 6:10

Htohǒtò̤ kòyò ǎhǔǎkě toǒ, kòyò htě a sò̌yṳkè̌tû̌ aya toǒ, kòyò ǎmṳopǒ toǒ, kòyò htě a dǒmi̤shǐyo̤ kò, ta kòyò htě a lǒǎplò̤ǎ kò wû toǒnu a htûjò kû̌kò Cǒmara a shiphû̌gaphû̌ dě ashiagakû tò̤.

Kôritu ginǐ̤bǎ tôbǎ 4:9

Kò ma̤jîma̤jû nò̌sokǎ pa lè Cǒmara wîkè pa tò̤. Asî po̤lòkhǔ pa pwǎ̤ta pa ihtǒgesǒ dě pa ma̤ sělěpepwǎ ta̤ma̤ lè.

Ěphěsu 5:3

Sî htû Cǒmara akòyò cahtǐ toǒ akhû̌akhî, ta̤cû̌sǔnṳ mamǔmakhû, ta̤ma̤ sòwò̤tû̌ ûna̤ ta sǐshiphěyî̌ a ta̤sò̌yṳ phû̌mò̤shî̌hto pṳ̂̌tacǎ, tò̤mî̌ phî̌sigwiwe̤saphǎ ǎ tû̌aya toǒnu, a tobǎ ǒ dě sîkla dî̌kî̌꤮ tò̤.

Ěphěsu 5:5

Sî sî̌ya mè̤mè̤̌ ta kòyò htě a cû̌sǔnṳ mamǔmakhû, kòyò htě a ma̤sòwò̤ ana̤ ta sǐshiphěyî̌ a ta̤sò̌yṳ phû̌mò̤shî̌hto toǒ, ta phî̌sigwiwe̤saphǎ ǎ tû̌aya toǒnu, a nî̤bǎjòkû̌ kòyò û̌cata̤bî̌ dě Khrî̌stu ta Cǒmara ashiaganu dǐpwǎ̤꤮ tò̤. Kòyò htě a phî̌sigwiwe̤saphǎ ǎ tû̌aya toǒ numî̌ asǒsǒta sabahtò̌ pwa̤yo̤pwa̤gînu hǒ.

Kòlòtè̌ 3:5

Hǐnu akhû̌akhî, wîkè sî ta̤ǒhtûpwa̤ li̤ a ta̤sò̌yṳ, ta̤cû̌sǔnṳ mamǔmakhû, ta̤ǒhtûpwa̤ htě a mṳ̂plî tò̤ toǒ, sò̌phlǒ putupatǎ, ta̤sò̌yṳ phû̌mò̤shî̌hto, ta sò̌yṳ nî̤bǎ dû̌htò̌po̤ ta̤dû̌yò̤htò̌sa toǒ. Ta̤sò̌yṳnî̤bǎ dû̌htò̌po̤ ta̤dû̌yò̤htò̌sa mî̌ asǒsǒta saba pwa̤yo̤ hǒ.

Tîmôte awǐlǒ tôbǎ 3:3

Htodě a tobǎ ǎmṳopǒnṳ tò̤, a bǎ sò̌phlǒphǒ tò̤, pwǎ̤ta a to htû kòyò htě a sò̌dohobî̌, kòyò htě agèago kû̌kò tò̤, a bǎmo̤ǐ wûhta tò̤.

Petru ginǐ̤bǎ tabǎ 2:14

Asî kè̌ mamǔ tapwa̤pwa̤ hî̌dě a sò̌yṳ hǎmoǒplǒ còcè̌. Asî ma̤ta̤sǔnu a ǒkǔpe tò̤ hǒ. Asî lǒplò̤ pî̌cû̌ kòyò htě ata̤yṳsho hǒtò̤ toǒ glè ma̤dǒ ta̤sǔta̤plě toǒ. Dě asî sû̌ǐlò̤wǒ lǒkho ana̤ ta akè̌lǎ ǎtû̌ aya. Asî ǒ lǒkho dě Cǒmara a ta̤ǐsho ala̤ hǒ.

Petru ginǐ̤bǎ tabǎ 2:3

Sara sûlûlòho ana̤ htǒotoǒnu, dě a ta̤kè̌lǎ ǎtû̌ aya ta a dǒkènè lòhojò bǎ sî ta̤dǒnè htě kò sî̌jòdǒkènènu toǒ akhû̌akhî, a kè̌lǎ ma̤ǎshǎ dě sîkhû̌ pě. Pwa̤ htě a glè cèrò asînu a tîwî̌tòwònǎ yî̤ ana̤ hǒ, htodě a glè ma̤pî̌kè asî ayanu a hǎmoǒ shope̤ tò̤.

Yṳ̌da 1:11

Cǒmara cèrò mè̤mè̤̌ asî pě, ma̤tè̤hî̌dě asî gûma̤kû̌ pwǐ Kaî̌no ma̤nu akho. Dě asî sò̌le̤kè̌dû̌ wûhta akhû̌akhî, a sò̌phlǒsho gûma̤kû̌ pwǐ Bela ma̤sǔhtonu hǒ. Asî shěshǔ kò htû hǐkǒdû̌ toǒ sǒsǒta Kò̌rǎ ma̤htonu hǒ. Kò ma̤pî̌kè asî pwǐ kò ma̤pî̌kè Kò̌rǎnu pě.