Hebrǔ 13:4 - Kawyaw RC

⁴ Kòyò lǒ̤bò htě a ǒ ta hǐtaphò toǒ ayalè̌ dě, a ǒ ta aphû̌ama htǒo akhû̌akhî, a bǎ bè̌dubè̌na̤ lǒkho a ǒ ta hǐtaphò htǒonu. Ma ta wṳ̂nu bǎ ma̤bò̌ nû̌ûkhû̌ tò̤, bǎ cǒtè̤ nû̌ûkhû̌ tapwa̤ ta tapwa̤. Kòyò htě asò̌phlǒ patǎ phû̌mò̤nu toǒ ta kòyò htě a cû̌sǔnṳ kòphû̌kòma toǒnu Cǒmara cèrò asî pě.

Kawyaw New Testament

⁴ Lǒ̤꤮ bò kòyò dǒ a ô̌hǐô̌phò dě, dǒ a ô̌ kû̌ aphû̌amanu akhû̌akhî, a bǎ bè̌dubè̌nǎ̤ ǐ lô̌khô a ô̌ kû̌ hǐkû̌phònu. Ma kû̌ wṳ̂ nî̌ bǎ cǒ lû̌û tôpwa̤ kû̌ tôpwa̤. Kòyò dǒ asǎphlǒ patǎ phû̌mò̤̌ nutokhlǒ kû̌ kòyò dǒ a cû̌sǔnṳ̌plěnṳ̌ kòyòphû̌kòyòma tokhlǒnu Cǒmara cî̌htò̌ asî pě.

Hebrǔ 13:4 Iomraidhean Croise

Mǒhtûlû̌hǎhtûsa 2:21

Htodě Běcǎ Cǒmara tûjûpwa̤ nohǎmoǒ shope̤ makhû dě bǎ a hǎmoǒ shope̤ akhanu, a běhtò̌ nû̌ûwe̤khwǐ tabǎ dě bǎ a běhtò̌ agûla̤nu a ma̤bǐ gesǒ bǎ nû̌û ta yî̌.

Mǒhtûlû̌hǎhtûsa 2:24

Ta̤wi̤ta̤kè̌htǒo akhû̌akhî, makhû bè̌kè amo̤apha dě a cû̌ǒplǒkû̌ ta ama, dě kòyò htǒosò̌gini̤nu a htûhtò̌ tapwǎ̤꤮ pa.

Kôritu awǐlǒ tôbǎ 6:18

Cû̌ tephekè lǒkho ta ta̤cû̌sǔnṳ mamǔmakhûnu toǒ nî̌꤮. Ta̤sǔ ahǔwa̤ titètè̌꤮ bǎbǎnu a ma̤shadǒ kòyò ana̤klû pwǐ cû̌sǔnṳ mamǔmakhû ata̤sǔ htǒonu tò̤. Kòyò htě a cû̌sǔnṳ mamǔmakhû toǒnu a ma̤sǔlò̤ tû̌ ana̤klû hǒ.

Kôritu awǐlǒ tôbǎ 6:9

Kòyòkhu kòyòhî, kòyò phû̌mò̤shî̌hto toǒnu a htû kû̌kò Cǒmara a shiphû̌gaphû̌ dě ashiagakû tò̤ numî̌ sî sî̌ya tò̤ ya? Ma̤pûhǐ sî ma̤sǔ lǒkho pû tò̤nu, gènè̤ te̤mǎ lǒkho he hî̌ sî htǒonu. Kòyò htě a gûma̤ ta̤sò̌yṳ putupatǎ toǒ, kòyò htě a saba pwa̤yo̤ toǒ, kòyò htě a cû̌sǔnṳ kòphû̌kòma toǒ, makhû ta makhû cû̌sǔnṳ kè̌khînû̌ûnu toǒ,

Kôritu awǐlǒ tôbǎ 7:38

Hǐnu akhû̌akhî, makhû htě a phî̌ amanu awǒ mè̤mè̤̌, pwǎ̤ta makhû htě a phî̌ ama tò̤nu awǒkhlope.

Kôritu awǐlǒ tôbǎ 9:5

He phî̌ hema htě a yṳǎ Khrî̌stu dě he kaǎcû̌ yǎta klè̌ pwǐ pwa̤nophû̌ ahǔwa̤ toǒ ma̤nu bǎbǎ, pwǐ Běcǎ a pṳmakhû sî toǒ ma̤nu bǎbǎ, pwǐ Petru ma̤nu bǎbǎ, he ma̤ hǐnu mî̌ anî̤nò tò̤ ya?

Kôritu ginǐ̤bǎ tôbǎ 5:10

Ma̤tè̤hî̌dě, htû̌꤮ nǒkòpěmî̌ pa pṳ̂̌꤮ tapwa̤ bǎhè ǒbò dě Khrî̌stu la̤cèrò gògohtahtò̌yî̤ alo̤mo̤ pě. Bǎ pa ǒ hǎkhû̌ akha, pa lǒ̤꤮ bò ma̤hto ta̤ htě awǒ toǒnu bǎbǎ, ta̤ htě asǔ toǒnu bǎbǎ, pa nî̤bǎge ta̤ma̤khû̌kǎ pě ya, mî̌ pa nî̤bǎ tò̤ yanu, a sèlèkè̌bò pa pě pṳ̂̌꤮ tapwa̤.

Galatǐ 5:19

Sǐshiphěyî̌ ata̤ma̤nu toǒmî̌ a ǒlṳlîphlo hî̌tè hî̌numî̌ a cû̌sǔnṳ mamǔmakhû, a ǒhtûpwa̤ phû̌mò̤, asò̌phlǒ putupatǎ,

Galatǐ 5:21

Ma̤ǎ kòkhû̌, ta̤ǎmṳopǒ, ma̤pwè dě a lòkhǔlòlo ta ta̤ma̤ ahǔwa̤ htě asǒsǒta htǒotoǒ. Pwǐ he ǐsè̌rè̌hto sî dě awǐkhanu hǒ, he ǐsè̌rè̌po̤sǒ sî khònò̤htǒo. Kòyò htě a ǒhtûpwa̤ hǐnu toǒnu, a nî̤bǎ kû̌kò Cǒmara shila̤gakû a ta̤howi̤homò̤ tò̤.

Ěphěsu 5:5

Sî sî̌ya mè̤mè̤̌ ta kòyò htě a cû̌sǔnṳ mamǔmakhû, kòyò htě a ma̤sòwò̤ ana̤ ta sǐshiphěyî̌ a ta̤sò̌yṳ phû̌mò̤shî̌hto toǒ, ta phî̌sigwiwe̤saphǎ ǎ tû̌aya toǒnu, a nî̤bǎjòkû̌ kòyò û̌cata̤bî̌ dě Khrî̌stu ta Cǒmara ashiaganu dǐpwǎ̤꤮ tò̤. Kòyò htě a phî̌sigwiwe̤saphǎ ǎ tû̌aya toǒ numî̌ asǒsǒta sabahtò̌ pwa̤yo̤pwa̤gînu hǒ.

Tîsalònǐ awǐlǒ tôbǎ 4:6

Sî tobǎ ma̤sǔ sî pṳwè̤ Khrî̌stuphû̌ toǒ ta ta̤ hǐnu toǒ dǐpwǎ̤꤮ tò̤. Sî tobǎ lǒǎ tikhlǐkhû̌tikhlǐkò sî pṳwè̤ Khrî̌stuphû̌ toǒ akhû̌ dǐpwǎ̤꤮ tò̤. Kòyò htě a ma̤hǐnu toǒnu, Běcǎ cèrò asî pě. Pwǐhè̌o toǒnu pa dǒhtû̌ǐlṳhtobò bǎ sî, pa ǐsè̌rè̌htobò sî hǒ.

Tîmôte awǐlǒ tôbǎ 3:12

Pwa̤ma̤jè pwa̤yṳǎta̤ aprṳ̂aho tapwa̤nu ama tobǎ ǒpwǎ tapwǎ̤꤮ pa, a bǎ pǒǐjòwǒ tûû̌ a hǐphû̌phòphû̌.

Tîmôte awǐlǒ tôbǎ 3:2

Kòyò htě a htû pwa̤yṳǎta̤ aprṳ̂aho hǐkǒdû̌ tapwa̤nu, kò bè̌ ta̤sǔ dě alo̤nu a bǎ ǒ tò̤, a bǎ maǒpwǎ tapwǎ̤꤮ pa, a bǎ jîsapwa̤ ana̤, a bǎ pǒǐjò ana̤, a bǎ ǒhtûpwa̤hǎnòò̌ te̤bǎte̤to, a tobǎ kaǎshǔ shǐpwa̤shǐmè̤ dě ahǐ, a tobǎ sû̌ǐtòwòǐjò ta̤.

Tîmôte awǐlǒ tôbǎ 3:4

A to htû kòyò htě a pǒǐjòwǒ a hǐphû̌phòphû̌ toǒ, htodě a tobǎ bǔǐdû̌ sû̌ǐhtò̌jò aphû̌ toǒ htě a gana̤de nû̌û yo̤ ta a bè̌dubè̌na̤ nû̌û dě ta̤ lǒ̤꤮ bò akû.

Tîmôte awǐlǒ tôbǎ 4:3

Asî sû̌ǐsǔ kò ta nophî̌ kòmakòwṳ̂ tò̤, htodě shǎǎshǎo toǒǒnu a nodǔǎdǔo kò. Pwǎ̤ta Cǒmara bǒlò̤ bǎ shǎǎ htǒotoǒ ta pwa̤yṳǎna̤ǎta̤ toǒ aya. Kòyò htě a yṳǎna̤ǎta̤ toǒ ta kòyò htě a sî̌ya ta̤te̤ta̤mǎ toǒ ayanu, a dè hî̌bwǐhî̌sîrîhtò̌ Cǒmara dě a phî̌ǎ shǎǎ htě Cǒmara bǒlò̤ htǒotoǒ hî̌numî̌ anî̤ pwǎ.

Tîmôte awǐlǒ tôbǎ 5:14

Hǐnudě he sò̌yṳ ta mamǔǒkhwè̌ htě anějape toǒ glè phî̌ lǒkho awṳ̂. Htodě phû̌ǒli̤ǒ lǒkho, dě kè̌ǐkhwè̌ǐ lǒkho hǐphò numî̌ kòyò htě a kè̌lǎ pa ta̤sǔ dě a glè hî̌phû̌mò̤shî̌hto pa toǒnu, a kè̌shǐpe ala̤hî̌ pa toǒ tò̤ hǒ.

Tǐtǔ 1:6

Pwa̤yṳǎta̤ aprṳ̂aho hǐkǒdû̌ toǒ numî̌, asî bǎ htû kòyò htě kò la̤bè̌ ta̤sǔ dě asî lo̤nu a tobǎ ǒ tò̤. Ama bǎ ǒpwǎ tapwǎ̤꤮ pa, aphû̌ toǒ numî̌ a bǎhtû pwa̤yṳǎphû̌ dě asî mi̤ bǎlṳ ta awî̤awǒ, tò̤mî̌ta a bǎ nò̌kudu tò̤, htodě a bǎ mè̤ta kòyò htě a gana̤de yo̤toǒ.

Hebrǔ 12:16

Nohtûhtò̌ lǒkho pûma̤ sî na̤klû htǒonu ta kòyò htě a cû̌sǔnṳ mamǔmakhûnu toǒ ma̤ nî̌. Htûhtò̌ sǒsǒ lǒkho pûma̤ pwǐ Ětò̌ htě a bè̌ duna̤ kû̌kò Cǒmara ayo̤ tò̤ dě a shaǎkè aphû̌wè̤pwa̤ û̌cata̤ya ta hǎsǐ tabanu tapwa̤ ma̤ nî̌.

Ta̤dǔlè̌nǎ 22:15

Kòyò lò̤ta akho tò̤ alò̤ta Chyǐ toǒ, khînǎkhîno sara toǒ, kòyò cû̌sǔnṳ mamǔmakhû toǒ, kòyò ma̤si kòyò toǒ, kòyò saba pwa̤yo̤pwa̤gî toǒ, kòyò lǒ̤꤮ bò htě a mo̤ǐ ta̤lòhǎlòho dě a ǒhtûpwa̤ gûma̤kû̌ hǐnu pṳ̂̌꤮ taplǎ toǒnu, a ǒ lǒkho wî̤khlo pě.