Hebrǔ 13:3 - Kawyaw RC

³ Sî̌ya ma̤jèkû̌dǒ kòyò lòte̤ apo̤kû toǒ dě bè̌ na sò̌phlǒ pwǐ na lòte̤kû̌dǒ ta asî apo̤kû hǐnu nî̌꤮. Gènè̤ ma̤jèkû̌dǒ kòyò htě a khòjîkhòjû ta̤ toǒ dě bè̌ na sò̌phlǒ pwǐ na khòbǎkû̌dǒ ta̤ ta asî hǐnu nî̌꤮.

Kawyaw New Testament

³ Sî̌ya ma̤jè̌ pû kòyò lò̤tě̤ apô̤kû tokhlǒ dě bè̌ na sǎphlǒ pô̤̌ na lò̤tě̤ kû̌ asî dǒ apô̤kû pô̤̌nu nî̌꤮. Sî̌ya ma̤jè̌ pû kòyò dǒ a khòjî̌khòjû̌ ta̤ tokhlǒ dě bè̌ na sǎphlǒ pô̤̌ na khòbǎ ta̤ kû̌ asî pô̤̌nu nî̌꤮.

Hebrǔ 13:3 Iomraidhean Croise

Mǒhtûlû̌hǎhtûsa 40:23

Pwǎ̤ta pwa̤ htě Khwǐ yṳǎ nû̌û dě a okè̌bǎ Khwǐ asobîshisî̌yo̤ ahǐkǒlǒkòdû̌nu tapwa̤ dě a gènè̤bǎto̤pe Jǒjè tò̤. A sho꤮ pe̤ǐkè nû̌û.

Matěo 25:36

Bǎ he ǒkoyo la̤kûla̤sǒ akha, sî ǐkûǐsǒ he, bǎ heshǐhesha akha, sîkè̌ǐkhwè̌ǐ he. Bǎ kò dǒlò̤te̤ he dě apo̤kû akhanu, sî hè ǒlè kû̌ he.’

Matěo 25:43

Bǎ he htû shǐtè̤mè̤ akha, sî kaǎshǔ he tò̤. Bǎ he ǒkoyo la̤kûla̤sǒ akha, sî ǐkûǐsǒ he tò̤. Bǎ heshǐhesha akha, htohǒtò̤ bǎ kò dǒlò̤te̤ he dě apo̤kû akha, sî hèkè̌ǐkhwè̌ǐ he tò̤.’

Pwa̤nophû̌ 24:23

Dě a hî̌lò̤ ayo̤ dě klita̤ya̤ hǐkǒdû̌ htǒonu tapwa̤ a ǒ, ǒpo̤ǐwǒ Pò̌luhtǒo nî̌꤮, pwǎ̤tadě plûpele cû̌htocû̌lò̤ bǎ yǎ jǔ꤮ asò̌phlǒ sò̌yṳma̤nu toǒǒ nî̌꤮. Asû̌akho toǒ glè hèkè̌hèǐ nû̌û ta̤ htě a lo̤bǎ toǒ dèhî̌dě nokè̌ yǎ nî̌꤮.

Pwa̤nophû̌ 27:3

Htû̌pe̤wo̤nu, pa cû̌to̤ dě Sidowî̤. Jǔlia gwèbǎǐ Pò̌lu. Dě ma̤pûhǐ a khobǒsû̌ toǒ ǐ nû̌û ta̤ htě a lo̤bǎ toǒnu dě a plûcû̌ǒlè nû̌û bǎ a khobǒsû̌ toǒ a ǒ.

Rṳ̂̌me̤ 12:15

Sò̌le̤sò̌lò̤ plǒhtu ta kòyò htě a sò̌le̤sò̌lò̤nu toǒ nî̌꤮. Sǎpla̤sǎyṳ plǒhtu ta kòyò htě a sǎpla̤sǎyṳnu toǒ nî̌꤮.

Kôritu awǐlǒ tôbǎ 12:26

Aphwǐaphrû̌ tacǎ dè khòbǎ ta̤pò̤ta̤sha hî̌dě aphwǐaphrû̌ lǒ̤꤮ bò khòbǎ kû̌dǒ yǎ. Kò dè htû̌sò̌ǐ aphwǐaphrû̌ tacǎ hî̌dě, aphwǐaphrû̌ lǒ̤꤮ bò sò̌le̤sò̌lò̤ plǒhtubò nû̌û.

Ěphěsu 4:1

Hǐnu akhû̌akhî, he kwigwèbǎǐ sî sǒsǒta kò dǒlò̤te̤ kòyò dě apo̤kû ta Běcǎ aya tapwa̤nu. Cǒmara kaǎ sî dě sî htûhtò̌ pwa̤yṳǎphû̌ toǒ akhû̌akhî, he kwigwèbǎǐ sî ta sî glè ǒhtûpwa̤ bè̌wǒkû̌ sî sò̌phlǒ pwǐ pwa̤yṳǎphû̌ toǒ to ǒhtûpwa̤nu.

Kòlòtè̌ 4:18

He mî̌ Pò̌lu dě ta̤hî̌mo̤hî̌wǒ htǒonumî̌, he khwè̌cû̌bǎtû̌ sî ta he cǔde pwǎ. He ǒ dě a po̤kûhtǒo akhû̌akhî, shope̤ǐ pûma̤ he ma̤ nî̌꤮. Cǒmara abwǐasîrî ǒkû̌ tû̌ta sî nî̌꤮.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 11:37

Toǒǒnu kò wîsi asî ta lo̤, kò dǔtṳ kǒkî asî ta htò̌bǔbǎdû̌, kò shusi asî ta nò̌shesòbò. Asî cû̌shido lǒkho dě a kûsǒ lǒkho pwǎ sophû̌phě, pè̤phě toǒ, asî hǒwi̤shèwè mè̤mè̤̌, kò ma̤jîma̤jû asî. Kò pè̤ǎpè̤obò asî toǒ.

Petru awǐlǒ tabǎ 3:8

He sò̌yṳ hî̌ gutṳ̌lò̤po̤ sî, sî pṳ̂̌꤮ tapwa̤ tobǎ ǒnû̌û ta ta̤gènè̤ tacǎ꤮ pa, ta̤bè̌sû̌bè̌sǎ tacǎ꤮ pa nî̌꤮. Mo̤ǐ kè̌khînû̌û tapwa̤ ta tapwa̤ pwǐ pṳwè̤nu nî̌꤮. Gwèbǎǐ kè̌khînû̌û tapwa̤ ta tapwa̤ dě shò̌lò̤ lǒkho sî sò̌phlǒ tapwa̤ ta tapwa̤ nî̌꤮.