Hebrǔ 13:22 - Kawyaw RC

²² He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Kawyaw New Testament

²² He sû̌khô sî, lî̤ dǒ he wě̤ ǐkhû̌ǐǎ sînu a htû bǎtô̤̌. Htodě he kwisǎyṳ sî dǒ sî gǔ sǎphlǒhtû dě ganǎ̤de he ta̤ǐkhû̌ǐǎ sînu nî̌꤮.

Hebrǔ 13:22 Iomraidhean Croise

Pwa̤nophû̌ 13:15

Bǎ kò dǒhtò̌hto Mǒ̤jè alî̤ ta̤sû̌ta̤tòwò ta lî̤ htě pwa̤po̤ khwè̌nǎnu toǒ akhanu, ta̤sabahǐ hǐkǒdû̌ toǒ nocû̌gwè kòyò tapwa̤ ta asî dě a hî̌ asî, “Pṳwè̤ toǒ꤮, sî la̤ǐkhû̌ǐǎ kòyò saprṳ̂ htǒotoǒ dè ǒ tûmûmû hî̌dě, pa sò̌yṳ noǐkhû̌ǐǎ sî.”

Kôritu ginǐ̤bǎ tôbǎ 10:1

Toǒǒnu a hî̌ lǒkho he ta bǎ he hî̌bǎshǔ ta sî akha, he ǐshapwǎ pò̤̌ta bǎ he khwè̌ lî̤ akhanu, he hî̌bǎshû̌hî̌bǎsho mè̤mè̤̌, a hî̌ lǒkho he hǐnu. Pwǎ̤ta he kwigwèbǎǐ gutṳ sî pwǐ Khrî̌stu ǒta ta̤sò̌dohobî̌ htǒonu.

Kôritu ginǐ̤bǎ tôbǎ 5:20

Hǐnudě, khònò̤htǒo pa htû pwa̤hî̌bǎta̤ dě Khrî̌stu agûla̤. Cǒmara sana̤ nokwigwèbǎǐ tṳtṳ pa ta sî dě sî gana̤de pa ta̤dǒhtû̌ǐ sî htǒo. Dě Khrî̌stu agûla̤nu pa kwigwèbǎǐ sî, noma̤ lǒkho Khrî̌stu ta a glè ma̤htûhtò̌ge sî ta Cǒmara a sû̌kho toǒ.

Kôritu ginǐ̤bǎ tôbǎ 6:1

Pa mî̌ pwa̤ma̤htuta̤ ta Cǒmara toǒ akhû̌akhî, pa tûsû sî ta sî ǒhtûpwa̤ pwǐ Cǒmara sò̌yṳ noǒhtûpwa̤ sînu. Sî mî̌ kòyò htě a nî̤bǎhto Cǒmara abwǐasîrî toǒ hǒ akhû̌akhî, sî bǎ ǒhtûpwa̤ lǒkho hǐnu.

Galatǐ 6:11

Khònò̤htǒo, kè̌ lǒkho mò̌! lî̤phlǒdû̌ htǒotoǒ numî̌ he khwè̌tû̌pwǎ ta hena̤.

Ěphěsu 3:3

Cǒmara dǔlṳ bǎ he ta ta̤adû̌ayǒ htě kò sî̌yahtû tò̤ htǒonu, he khwè̌lò̤ sî̌yacû̌hto bǎ sî dě lî̤htǒo akûnu tukutîkî̌phû̌ hǒ.

Hebrǔ 12:5

Cǒmara ǐkhû̌ǐǎ sî pwǐ aphû̌ ta ana̤ numî̌ sî shope̤ hǒ ya? A hî̌ sî ta, “Kǒ꤮ hephû̌ sî꤮ bǎ Běcǎ sǎhtǎ sû̌ǐtòwòǐ wǒge sî akhanu, bè̌dubè̌na̤ a ta̤sǎhtǎ sû̌ǐwǒ sî htǒonu nî̌꤮. Bǎ a sǎhtǎ sî akhanu, sò̌phlǒpî̌ pûma̤ lǒkho ma̤ nî̌.

Hebrǔ 13:19

Dě sî kwisaba akhanu, he kwigwèbǎǐ gutṳgla sî ta ma̤pûhǐ Cǒmara sûge lǎgesǒ he dě sîǒnu dě, kwi sabashoshopo̤ bǎ lǒkho heya nî̌꤮.

Hebrǔ 2:1

Dě pa sî̌ya ta Cǒmara aphû̌khû mî̌ adû̌ayǒ hǐnu akhû̌akhî, ma̤pûhǐ pa cû̌pa̤kè ta̤te̤ta̤mǎ htě pa gana̤dehto htǒonu tò̤ ayanu, pa bǎ bè̌dubè̌na̤khlo yǎ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 4:1

Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Petru awǐlǒ tabǎ 5:12

He khwè̌phǒpwǎ bǎ sî lî̤htǒo pwǎ. He ǐkhû̌ǐǎ sî, htodě he khò hesò̌ ta ta̤htǒomî̌ Cǒmara abwǐasîrî mè̤mè̤̌. Ǒměǒgle lǒkho ta ta̤htǒonu akû nî̌꤮. Sǐla dě he bè̌yǎ pwǐ he pṳwè̤ htě acǒatè̤ ta ayo̤htǒo tapwa̤nu, a khwè̌jèdǒ he lî̤htǒotabǎ.