Hebrǔ 13:18 - Kawyaw RC

¹⁸ Kwisabapo̤ bǎ lǒkho paya. Pa sî̌ya te̤mǎ ta dě pa sò̌phlǒkû htǒonu mo̤mo̤ a mo̤pwǎ, a bè̌ pa ta̤sǔ dǐcǎ꤮ tò̤. Htodě pa ma̤ta̤ titètè̌꤮ bǎbǎ, pa sò̌yṳ ma̤còcè̌pwǎ ta̤ htě ato toǒ pṳ̂̌꤮ taplǎ.

Kawyaw New Testament

¹⁸ Kwicaba bǎ pô̤̌ lô̌khô dǒ paya. Pa sî̌ganǎ̤ tě̤tě̤mè̤̌mè̤̌ kû̌ dǒ pa sǎphlǒkûnu mô̤mô̤̌꤮ a mô̤ pwǎ, a bè̌ pa ta̤sǔ tôcǒ꤮ tô̤̌. Htodě pa ma̤ta̤ titètè̌ bǎbǎ, pa sǎyṳ ma̤shěshupwǎ ta̤ dǒ atô tokhlǒ pṳ̂̌꤮ tôplǎ.

Hebrǔ 13:18 Iomraidhean Croise

Pwa̤nophû̌ 23:1

Pò̌lu kè̌cû̌to Yṳ̌daphû̌ htě a htûdû̌htûpwa̤ htǒotoǒ dě a hî̌ asî, “He pṳwè̤ toǒ, dě he sò̌phlǒkûnu a dǔlṳ he ta he ta̤ǒhtûpwa̤ dě Cǒmara a lo̤mo̤htǒo, tǒ̤khònò̤nu, amṳ̂aplî lǒbebò pwǎ.”

Pwa̤nophû̌ 24:16

Ma̤pûhǐ he sò̌phlǒ a ta̤gènè̤htǒo a mṳ̂plî dě Cǒmara ta kòyòhǎkhû̌phû̌ a lo̤mo̤nu, he jipwi̤ ma̤tû̌ ta̤ awǒ pṳ̂̌꤮ taplǎ.

Rṳ̂̌me̤ 12:17

Kòyò htě a ma̤jî nanu, ma̤jî geshǔ pûma̤ asî ma̤ nî̌꤮. Ta̤ma̤ htě kò pṳ̂̌꤮ tapwa̤ gènè̤ ta awǒ toǒnu, jipwi̤ kè̌lǎma̤ lǒkho ta̤ma̤ hǐnu toǒ nî̌꤮.

Rṳ̂̌me̤ 13:13

Htǒotaplǎdě, pa ǒhtûpwa̤ ǎo sara kû̌kò pwǐ kòyò htě a ǒhtûpwa̤ dě lṳmṳshanu toǒ hò̌꤮. Ma̤ pi̤ti̤pṳ̂tṳ̂ pwèkla bǎbǎ, ǎmṳopǒ bǎbǎ, sǐshi a ta̤sò̌yṳ phû̌mò̤ toǒ bǎbǎ, ta̤gènè̤ putupatǎ toǒ bǎbǎ, ta̤to̤klî̌ toǒ bǎbǎ, ta̤gènè̤ sò̌khě nû̌û toǒ bǎbǎ, pa ma̤petò̤ hò̌꤮.

Rṳ̂̌me̤ 15:30

Pṳwè̤ toǒ꤮, pa Běcǎ Ye̤shǔkhrî̌stu ta Běcǎ sǎcahtǐ a ta̤mo̤ǐ akhû̌akhî, he kwigwèbǎǐ sî ta sî kwisaba plǒkû̌dǒ ta he pě, dě sî kwisabahtò̌ dǒbǎ he dě Cǒmara a ǒ pě dě sî kwisaba lǒ̤sû̌lǒ̤sò̌ dǒbǎ heya pě nî̌꤮.

Kôritu ginǐ̤bǎ tôbǎ 1:12

Pa hî̌bǎhtò̌yî̤ bǔ payo̤ ma̤tè̤hî̌dě, pa sò̌phlǒkûhtǒo pa sî̌ya te̤mǎ ta pa ma̤sǔma̤plě, pa hî̌sǔhî̌plěnǒ kò dǐpwǎ̤꤮ tò̤, htohǒtò̤ pa bè̌ cǒtè̤pwǎ pa sò̌phlǒsǔshi dě sîkhû̌ pwǎ. Pa ma̤pwǐhè̌o numî̌ Cǒmara abwǐasîrî a ta̤po̤ta̤phǎ akhû̌akhî pwǎ, kòyòhǎkhû̌phû̌ a ta̤sî̌ta̤jò akhû̌akhînu mè̤tò̤.

Phǐlǐpǐ 4:8

Pṳwè̤sî, gana̤de lǒkho he ta̤hî̌bǎ gutṳ̌lò̤ htǒotoǒ nî̌꤮. Dě sî sò̌phlǒkûnu sî to gènè̤ kwè̌꤮ hî̌tèhî̌dě, sî to gènè̤ pwǎpǒ̤ ta̤htě atoamè̤ toǒ, ta̤htě kò bè̌dubè̌na̤ yǎ toǒ, ta̤htě atoabǎ toǒ, ta̤htě a mṳ̂plî toǒ, ta̤htě kò sò̌yṳmo̤ǐ toǒ, ta̤bè̌sû̌bè̌sǎ htě awî̤awǒ toǒ, ta̤htě awǒ na̤cè̌ toǒ, ta̤htě kò to htû̌sò̌ǐ toǒnu pwǎ nî̌꤮.

Kòlòtè̌ 4:3

Dě wǐkhamî̌ kòyò toǒ sî̌ya Khrî̌stu awi̤akè̌ tò̤. Cǒmara bè̌hǔ Khrî̌stu awi̤akè̌htǒo. Pwǎ̤tadě khònò̤ ta̤bè̌hǔ htǒonu a ǒlṳhtò̌ hǒ. Ma̤pûhǐ Cǒmara bòmo bǎ paklè̌ dě pa dǒhtû̌ǐ nṳbǎ kò ta Khrî̌stu awi̤akè̌ htǒonu, kwisabadǒ bǎ lǒkho paya nî̌꤮. Dě꤮ wǐkhamî̌ ta̤dǒhǔ htǒonu, a ǒlṳhtò̌ hǒtò̤, pwǎ̤tadě khònò̤htǒo a ǒlṳhtò̌ hǒ. Dě he dǒhtû̌ǐ kò ta Khrî̌stu awi̤akè̌ akhû̌akhî, kò dǒlò̤te̤pwǎ he dě apo̤kû.

Tîsalònǐ awǐlǒ tôbǎ 4:12

Ma̤pûhǐ kòyò htě a yṳǎna̤ǎ Cǒmara hǒtò̤ toǒ kè̌shǐ sî ta̤ǒhtûpwa̤ dě asî glè bè̌dubè̌na̤ sî, htohǒtò̤ ta̤ htě sî lo̤bǎǎlo̤bǎo toǒnu, ma̤pûhǐ sî nǎla̤ǐ pû kòhǔwa̤ tò̤nu, ma̤ lǒkho pwǐ pa hî̌ sînu nî̌꤮.

Tîsalònǐ awǐlǒ tôbǎ 5:25

Pṳwè̤sî, kwisabadǒ lǒkho paya nî̌꤮.

Tîsalònǐ ginǐ̤bǎ tôbǎ 3:1

Pa pṳwè̤ sî꤮, pa sò̌yṳ pwe̤ǐ gutṳ̌lò̤ sî ta, ma̤pûhǐ Běcǎ a ta̤sò̌le̤sò̌lò̤ awi̤akè̌ lṳpîshîcû̌ phwèphwè ayanu, kwisaba bǎ paya nî̌꤮. Htohǒtò̤ pwǐ sî phî̌shǔhto ata̤sò̌le̤sò̌lò̤ awi̤akè̌ htǒonu ta dě ta̤bè̌dubè̌na̤ akûnu, ma̤pûhǐ kò phî̌shǔ sǒsǒta pwǐ sî phî̌shǔ htǒonudě, kwisabapo̤ lǒkho bǎ paya nî̌꤮.

Tîmôte awǐlǒ tôbǎ 1:5

Ta̤hî̌lò̤ yo̤htǒo a ta̤yè̤lò̤ kè̌shuǐ mî̌ ma̤pûhǐ a htû̌wè̤htò̌ ta̤mo̤ǐ ayanu pwǎ. Ta̤mo̤ǐ htǒonumî̌ a hèhǎhtò̌ dě kòyò sò̌phlǒ mṳ̂plînu toǒ akû. Htodě a hèhǎhtò̌ dě kòyò ǒ ta ta̤sî̌ya ta̤wǒ ta ta̤phû̌mò̤ dě a wû̌lǎphî̌ ta̤ htě awî̤nu toǒ, htohǒtò̤ a hèhǎhtò̌ dě kòyò ǒ mè̤mè̤̌ ta ta̤yṳta̤nǎnu toǒ akû.

Petru awǐlǒ tabǎ 2:12

Bǎ sî ǒhtûpwa̤ dě khlilèhǔwa̤phû̌ htě a yṳǎ kû̌kò Cǒmara tò̤ htǒotoǒ akla, a bè̌ sî ta̤sǔ ta sî mî̌ kòyò htě a ma̤ ta̤phû̌mò̤shî̌hto akhanu, ǒhtûpwa̤ sarawǒ lǒkho sîna̤ nî̌꤮. Asî kè̌shǐ sî ta̤ma̤wǒ toǒ pě dě htû̌꤮ Cǒmara hèlò̤ amṳni̤ pě ti̤ni̤nu, a bè̌dubè̌na̤ nû̌û pě.

Petru awǐlǒ tabǎ 3:16

Sî sò̌phlǒ dè hî̌lò̤ sî ta sîta̤sǔ ǒtò̤ hî̌nu, tûrû̌ ma̤ sělě nî̌꤮. Sî dè ma̤hǐnu hî̌dě kòyò htě a hî̌bǐhî̌ǒ, a hî̌ phû̌mò̤shî̌hto sî ta̤ǒsarawǒ dě Khrî̌stu akû htǒotoǒnu, a sòwò̤getû̌ ta a ta̤hî̌bǎhî̌sho akò pě.

Petru awǐlǒ tabǎ 3:21

Sî plo sîna̤ ta shi htǒonumî̌, a dǔlṳ kè̌mò̌mṳ shi dě Nǒa htukhanu ta, Cǒmara ma̤lû̌htò̌ge sî khònò̤htǒonu pwǎ. Sî plo sîna̤ ta shi numî̌ a shǔbòkè na̤klû akwǐ mè̤tò̤. Mî̌tanu, ta̤ploshi htǒonumî̌ ta̤olò̤ Cǒmara ta sî glè ma̤ ata̤ dě ta̤sò̌phlǒ mṳ̂plî akû hǐnupwǎ. Ye̤shǔkhrî̌stu si dě a htûpwa̤gesǒ akhû̌akhî, sî plo sîna̤ ta shi numî̌ a ma̤lû̌htò̌gepwǎ sî.