Hebrǔ 13:16 - Kawyaw RC

¹⁶ Ma̤ta̤wǒ toǒ bǎbǎ, ta̤ma̤shû̌ma̤jo nû̌û tapwa̤ ta tapwa̤ toǒnu bǎbǎ shope̤ lǒkho pûma̤ nî̌꤮, ma̤tè̤hî̌dě htǒotoǒ numî̌ ta̤lṳta̤tò̌ htě ato Cǒmara asò̌phlǒ.

Kawyaw New Testament

¹⁶ Ma̤wô̌ta̤ tokhlǒ bǎbǎ, ta̤ma̤jè̌ma̤kwe kè̌khîlû̌ tôpwa̤ kû̌ tôpwa̤ tokhlǒnu bǎbǎ shôpe̤ lô̌khô tǎ̤mǎ̤ nî̌꤮, ma̤titèhî̌dě hǒtokhlǒ numî̌ ta̤lṳta̤tòhtò̌ dǒ atô Cǒmara asǎphlǒ.

Hebrǔ 13:16 Iomraidhean Croise

Htû̌sò̌htò̌ 37:3

Yṳǎ Cǒmara tûjûpwa̤, ma̤ lǒkho ta̤wǒ. Nṳǒ bǎ ga htě a ǐ nahtǒo dě ǒ tû̌ta sò̌phlǒ ta̤gûjûkabǎ nî̌.

Htû̌sò̌htò̌ 51:19

Ma̤hǐnu pě꤮ mî̌ nasò̌phlǒ tobǎ nǒta ta̤lṳtòhtò̌ acǒatè̤, ta̤shû̌gè lṳtòhtò̌ ta ta̤shû̌gè lṳtòhtò̌ sadobò. Htodě nakòyò toǒ lṳtòhtò̌ pṳ̂phadû̌ dě nata̤lṳhtò̌wa̤khû̌ pě.

Lǔka 18:22

Bǎ Ye̤shǔ gana̤de a hî̌ hǐnu akhanu, a hî̌ nû̌û, “Ta̤htě na lo̤bǎma̤nu a ǒpe tacǎ, ge shaǎkèbò na ta̤kî̌ta̤kû̌nu toǒ dě ǐlò̤bò yǎta kòyò shuphǔshèwèphû̌ toǒnu. Na dè ma̤hǐnu hî̌dě na nî̤bǎ ta̤dû̌yò̤htò̌sa dě mǒkhû̌ pě. Gema̤hto hǐnu dě hè gûkû̌ hekò.”

Pwa̤nophû̌ 10:38

Htodě Cǒmara wû̌lǎ Nǎ̤sèrèwî̤phû̌ Ye̤shǔ dě a ǐ nû̌û Běcǎ sǎcahtǐ ta a ta̤po̤ta̤phǎ hî̌tènu, sî sî̌yahtotû̌ hǒ. Ye̤shǔ cû̌shido gûla̤ pṳ̂̌꤮ tò̤glò dě cû̌ ma̤bwǐma̤sîrî bǎ kò, ma̤bǎge kòyò ǒ ta khînǎmo̤pha hǐkǒdû̌ ma̤nûma̤cě nû̌û toǒ, ma̤tè̤hî̌dě Cǒmara ǒkû̌ta a akhû̌akhî, a ma̤ta̤ hǐnu hǒ.

Pwa̤nophû̌ 9:36

Bǎ Yǔpewî̤kûnu mamǔ htě a yṳǎna̤ǎ Ye̤shǔnu ǒ tapwa̤. Ami̤ mî̌ Tabitǎ (Greek yo̤ mî̌ ami̤ ta Dòka, amûasǎ mî̌ tikhi tado) a ta̤akhîakha lǒ̤꤮ bònu a ma̤bwǐma̤sîrî bǎ kòhǔwa̤ htodě ma̤shû̌ma̤jo bǎ kòyò shuphǔshèwèphû̌ toǒ.

Rṳ̂̌me̤ 12:13

Cǒmara akòyò toǒ dè shuphǔshèwè hî̌dě, phî̌jèma̤jè asî nî̌꤮. Kè̌ ǐǎǐoshǔ lǒkho shǐpwa̤shǐmè̤ nî̌꤮. Kaǎ hǎmoǒpa̤ lǒkho asî dě sî hǐdǒkû nî̌꤮.

Galatǐ 6:10

Hǐnu akhû̌akhî bò̌khòtè꤮ bǎbǎ, bǎ pa nî̤bǎ akhîakha wǒ akhanu, pa bǎ ma̤wǒ bǎ kò pṳ̂̌꤮ tapwa̤. Pwǎ̤ta sî ma̤ta̤wǒnu kè̌dû̌shǐ khǒtû̌ pwa̤yṳǎphû̌nu toǒ nî̌꤮.

Galatǐ 6:6

Kòyò htě a sû̌ǐtòwòǐ sî ta Cǒmara ale̤ayo̤ toǒ numî̌, sî tobǎ ǐ asî ta̤wî̤ta̤wǒ pṳ̂̌tacǎ.

Ěphěsu 4:28

Kòyò htě a htû pwa̤ǎhǔ tapwa̤nu, ǎhǔ sělěpe pûma̤ nî̌꤮. Ma̤pûhǐ a yṳ̂ǎyṳ̂obò̌ pû kòyò shuphǔshèwèphû̌ toǒnu, a bǎ goǎgowè̤tû̌ ta̤awǒ htě a cǒtè̤ toǒnu.

Phǐlǐpǐ 4:14

Pwǎ̤ta sî htǒotoǒnu, sî ma̤wǒ mè̤mè̤̌ he. Bǎ he kè̌shǐ shěto̤bǎ ta ta̤pò̤ta̤sha akhanu, sî ma̤shû̌ma̤jo he.

Phǐlǐpǐ 4:18

Sî sûhèbò bǎ he toǒnu he nî̤bǎbò hǒ, dě a lǒbe tûlû̌shû̌ ta heya. Sî ǐbò toǒnu Ěpaprò̌dǐtǔ phî̌hè bǎ he, dě khònò̤htǒo, he lo̤bǎ lǒ̤꤮ bò toǒnu aǒbò hǒ. Ta̤ǐ htǒotoǒnu, asǒsǒta ta̤lṳnṳmû̌ htě kò lṳhtò̌ Cǒmara ǒnu. Ta̤lṳ htě ato Cǒmara asò̌phlǒ, dě a ma̤mo̤ nû̌û sò̌phlǒnu toǒ hǒ.

Tîsalònǐ awǐlǒ tôbǎ 5:15

Noma̤ geshǔ pûma̤ kòyò htě kò ma̤sǔ nû̌ûnu toǒ ma̤ nî̌꤮. Mî̌tanu, jipwi̤ ma̤wǒ kè̌khînû̌û tapwa̤ ta tapwa̤ pṳ̂̌꤮ taplǎ dě jipwi̤ ma̤wǒ bǎ kòyò ahǔwa̤ toǒ nî̌꤮.

Tîsalònǐ ginǐ̤bǎ tôbǎ 3:13

Pwǎ̤tadě, pṳwè̤ Khrî̌stuphû̌ toǒ꤮, bǎ sî ma̤ ta̤wǒ akhanu, sò̌phlǒpî̌ pûma̤ lǒkho ma̤ nî̌꤮. Tûrû̌ ma̤ sělě lǒkho hǐnu nî̌꤮.

Tîmôte awǐlǒ tôbǎ 6:18

Mǎnǎ nayo̤ ta kòyò dû̌yò̤nu toǒnu, dě hî̌ asî ta nodû̌yò̤kû̌ lǒkho asî ta ta̤ma̤wǒnu tokho nî̌꤮. Dě nosò̌le̤sò̌lò̤ yṳ̂pa̤lò̤ bǎ kò, hî̌ asî ta noma̤shû̌ma̤jo plṳ̂pa̤kû̌ yǎta kòhǔwa̤ toǒ nî̌꤮.

Philemo 1:6

Ma̤pûhǐ na ta̤bǒsû̌khǎkho ta pwa̤yṳǎphû̌ ahǔwa̤toǒ glè ma̤jè tṳtṳ na dě na sî̌ya lǒbebò ta̤wǒ pṳ̂̌꤮ tacǎ htě pa nî̤bǎ dě Khrî̌stu akû toǒ ayanu, he kwisabadǒ naya.

Hebrǔ 6:10

Cǒmara mî̌ a ma̤pwǎ ta̤cǒta̤tè̤. Ta̤ma̤wǒ htě sî ma̤hto toǒnu a shope̤ tò̤. Ta̤mo̤ǐ htě sî dǔlṳhto yǎya ta sî ma̤jè akòyò toǒ dě sî ma̤jè sělěpe asî htǒonu a shope̤pe tò̤.

Yṳ̂ha subǎ tôbǎ 1:11

He khobǒsû̌꤮, ta̤phû̌mò̤shî̌hto hǐnu toǒnu kè̌mò̌mṳkû̌ pûma̤ kò ma̤ nî̌꤮. Kè̌mò̌mṳkû̌ kò ta̤ htě awǒnu toǒ nî̌꤮. Kòyò tapwa̤pwa̤ a ma̤ ta̤wǒnu, a mî̌ Cǒmara akòyò tapwa̤ hǒ. Kòyò htě a ma̤ ta̤phû̌mò̤ tapwa̤pwa̤ numî̌ kòyò htě a sî̌ya te̤mǎ kû̌kò Cǒmara hǒtò̤.