Hebrǔ 13:14 - Kawyaw RC

¹⁴ Ma̤tè̤hî̌dě payanu wî̤ htě a ǒměgle tûjûpwa̤ dě hǎkhû̌ bǎonu a ǒ dǐwî̤ tò̤. Pa kè̌lǎ wî̤ htě a glè hè pě htǒonu tî̤wî̤.

Kawyaw New Testament

¹⁴ Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Hebrǔ 13:14 Iomraidhean Croise

Kôritu awǐlǒ tôbǎ 7:29

Sû̌kho sî꤮, he sò̌yṳ hî̌ sî mî̌ hǐnu: mṳni̤ gutṳ phǔhè hǒ. Sahtò̌ khònò̤htǒo tǒ̤hè, kòyò htě amaǒ awṳ̂ǒ toǒnu, a tobǎ ǒhtûpwa̤ lǒkho pwǐ kòyò htě ama ǒtò̤ awṳ̂ ǒtò̤ toǒnu.

Kôritu ginǐ̤bǎ tôbǎ 4:17

Ma̤tè̤hî̌dě ta̤pò̤ta̤sha htě pa khòbǎ hǎkhû̌bǎotoǒ numî̌ teděsǎphû̌ pwǎ. Pa dè dǒtûkè̌ ta̤wî̤ta̤wǒ htě pa nî̤bǎ yǎ htû̌꤮ nǒkòpě tuhtu pě toǒ numî̌, amè̤ ta dǐcǎ꤮ hǒtò̤. Bǎ hǎkhû̌nu pa khòbǎ ta̤pò̤ta̤sha htǒotoǒ pwǎ̤ta dě mǒkhû̌ pěnu ta̤sîrîdû̌sîrîhtû tûjûpwa̤ htě awî̤awǒkhlo, dě ahtǒkhlo ta ta̤pò̤ta̤sha htě pa khòbǎ hǎkhû̌ bǎonu, pa nî̤bǎ pě.

Ěphěsu 2:19

Dè ma̤hǐnudě, sî Yṳ̌daphû̌ mè̤tò̤ htǒotoǒnu, sî htûpe shiphû̌gaphû̌ toǒ mè̤petò̤ hǒ, mè̤tò̤mî̌ sî htû shǐtè̤mè̤ toǒ mè̤petò̤ hǒ. Khònò̤htǒo sî htû sǒsǒ Cǒmara a shiphû̌gaphû̌ sǒsǒta akòyò htǒotoǒ. Htohǒtò̤ sî mî̌ Cǒmara a hǐphû̌phòphû̌ toǒ hǒhǒ.

Phǐlǐpǐ 3:20

Pwǎ̤ta pahtǒo toǒ numî̌ mǒkhû̌ a shiphû̌gaphû̌ dě pa sò̌phlosho ǒpo̤kè̌shuǐ pa Běcǎ Ye̤shǔkhrî̌stu htě a ma̤lû̌htò̌ge pahtǒo ǒ mǒkhû̌ hèlò̤ pě htǒonu tapwa̤ hǒ.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 12:22

Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Hebrǔ 12:27

A hî̌ ta, “Ma̤po̤sǒ pě,” amûasǎ mî̌, a hî̌lṳphlo ta Cǒmara ma̤guyṳhtò̌bò ta̤bǒlò̤nu toǒ pě, dě a hǎmǎkèbò pě. A guyṳjò tò̤ toǒ ǒkè tû̌pwǎ ayanu, Cǒmara ma̤guyṳ hǐnupwǎ.

Hebrǔ 2:5

Pa hî̌ bǎ sî ta hǎkhû̌sa ǒhtò̌ htû̌꤮ nǒkòpě awi̤akè̌htǒo numî̌, Cǒmara wû̌lǎdǒ mǒkhû̌tanaphû̌ toǒ dě a glèbǎ pǒǐ ta̤ayanu tò̤.

Hebrǔ 4:9

Hǐnudě, alò̤ta Cǒmara ma̤hto ata̤ma̤ ni̤susǒ dě a ǒkǔ mṳni̤ susǒti̤ni̤nu ti̤ni̤nu hǒ, Cǒmara akòyò toǒ genṳǒkǔ kû̌ta Cǒmara pě.

Hebrǔ 9:11

Pwǎ̤ta khònò̤htǒo Khrî̌stu hè htû pwǐ pwa̤lṳhtò̌ta̤ hǐkǒdû̌ htě adû̌khlo kò tapwa̤nu hǒ. A phî̌hènṳ bǎ pa ta̤wî̤ta̤wǒ htě a ǒ ta pa khònò̤htǒo toǒ hǒ. A cû̌nṳhto dě hǐphû̌dû̌ cahtǐ adû̌khlo, a lǒbekhlo ta kòyò ma̤nu tama akûhǒ. Hǐphû̌dû̌ cahtǐ htǒonu, kòyò ma̤ yǎta acǔde dǐpwǎ̤꤮ tò̤, kò bǒlò̤ nû̌û mè̤tò̤tò̤, a ǒ dě hǎkhû̌ bǎonu mè̤tò̤tò̤.

Petru awǐlǒ tabǎ 4:7

Ta̤lǒ̤꤮ bò a glè̌ gutṳkèhǒnu a hèto̤ phǔhǒ. Hǐnu akhû̌akhî, ma̤pûhǐ sî kwisababò̌ kû̌kònu, ǒsòklò lǒkho dě sû̌ǐtòwòǐlò̤ lǒkho sîna̤, htohǒtò̤ ǒhtûpwa̤ sapwa̤kû̌ lǒkho nî̌꤮.

Ta̤dǔlè̌nǎ 3:12

Kòyò htě a ma̤pè̤ ta̤nu, he dǔlṳhtò̌ a ta he Cǒmara a ta̤lṳhtò̌ho ahǐhtǔ pě, htodě a bǎ ǒkè tû̌ bǎnu pě. He khwè̌nǎ he Cǒmara ami̤ dě alo̤ pě. Htodě he khwè̌nǎ he Cǒmara awî̤ mî̌pwǎ Ye̤rǔshèlè wî̤sa ami̤ htǒonu dě alo̤ pě. Ye̤rǔshèlè wî̤sa htǒonu, a ǒ dě mǒkhû̌ he Cǒmara ǒ dě a hèlò̤. Dě he khwè̌dǒ he mi̤sa dě alo̤ pě.