Hebrǔ 13:10 - Kawyaw RC

¹⁰ Pa yṳǎ Khrî̌stu toǒ ayanu, pa ǒ ta pa ta̤lṳhtò̌wa̤. Pwǎ̤ta Yṳ̌daphû̌ pwa̤lṳhtò̌ta̤ htě a lṳhtò̌ǐ ta̤ dě a ma̤ta̤ hǐphû̌dû̌ cahtǐ akû toǒnu, ta̤lṳhtò̌ htě pa ǎ yǎmî̌ anî̤nu asî ǎjò kû̌kò tò̤.

Kawyaw New Testament

¹⁰ Pa dǒ a yṳ̌ǎ Khrǐ tokhlǒ ayanu, pa ô̌ kû̌ pa ta̤lṳhtò̌awǎ̤ hǒ. Bǎbǎkǎlè Yǔdaphû̌ pwa̤shû̌gǎ dǒ a lṳhtò̌ ta̤ dě a ma̤ta̤ dǒ hǐphû̌dû̌ akû tokhlǒ nî̌, ta̤lṳhtò̌ dǒ pa ǎ dě anǐ̤nu asî ǎnǐ̤ kû̌ kòyò tô̤̌.

Hebrǔ 13:10 Iomraidhean Croise

Kôritu awǐlǒ tôbǎ 10:20

He sò̌yṳ hî̌ hǐnu dî̌kî̌꤮ tò̤. He sò̌yṳ hî̌ ta ta̤ htě kò lṳhtò̌ yǎta pwa̤yo̤ toǒ numî̌ a lṳhtò̌ lǒkho pwǎ khînǎkhîno pwǎ, a lṳhtò̌ lǒkho Cǒmara mè̤tò̤. Hǐnudě he sò̌yṳ nobǒsû̌khǎkho sî ta khînǎkhîno tò̤.

Kôritu awǐlǒ tôbǎ 9:13

Sî sî̌ya te̤mǎ tû̌ta kòyò htě a ma̤ ta̤phî̌ta̤ma̤ ta̤lṳhtò̌hokû toǒnu, a ǎ lǒkho pwǎ shǎǎshǎo htě a ǒ ta̤lṳhtò̌hokûnu toǒ pwǎ. Kòyò htě alṳhtò̌ bǎ kò htǒotoǒnu, asî ǎ gesǒ lǒkho pwǎ ta̤yî̌ htě kò hè lṳhtò̌ htǒonu toǒ pwǎ mî̌ sî sî̌ya tò̤ ya?

Hebrǔ 8:5

Hǐphû̌ cahtǐ htě pwa̤lṳhtò̌ta̤phû̌ toǒ nṳma̤ nû̌û dě hǎkhû̌ bǎotama numî̌, a kè̌mò̌mṳ mè̤mè̤̌ Cǒmara a ta̤lṳhtò̌ho dě mǒkhû̌nu tama pwǎ. Hǐphû̌dû̌ cahtǐ htǒotamanu a mè̤mè̤̌ mè̤tò̤, amè̤pwǎ dě mǒkhû̌nu tama a ta̤yo̤ta̤gî pwǎ. Ma̤tè̤hî̌dě, bǎ Cǒmara noma̤htò̌ Mǒ̤jè hǐphû̌dû̌ cahtǐ bǎ hǎkhû̌bǎo akhanu, a hî̌ nû̌û ta, “Gûma̤ kè̌mò̌mṳ te̤mǎwǒ sǒsǒbò pwǐ na kè̌shǐhto mǒkhû̌ ta̤lṳhtò̌ho ayo̤ dě kholokhû̌kha nunî̌,” Cǒmara hî̌ nû̌û hǐnu.