Hebrǔ 13:1 - Kawyaw RC

¹ Mo̤ǐhè lǒkho nû̌û tapwa̤ ta tapwa̤ pwǐ Khrî̌stuphû̌ tobǎ mo̤ǐ nû̌û tapwa̤ ta tapwa̤nu nî̌.

Kawyaw New Testament

¹ Mô̤ǐhè kè̌khî lô̌khô lû̌û tôpwa̤ kû̌ tôpwa̤ pô̤̌ khrǐphû̌ tôbǎ mô̤ǐ kè̌khî lû̌û tôpwa̤ kû̌ tôpwa̤ nunî̌꤮.

Hebrǔ 13:1 Iomraidhean Croise

Htû̌sò̌htò̌ 133:1

Pṳwè̤khlilè sîtoǒ sò̌phlǒwǒ kè̌khînû̌û numî̌ awî̤awǒ, amo̤ mè̤mè̤̌.

Jowǎ̤ni̤ 15:17

He ta̤mǎlò̤ htǒonumî̌ mè̤hǒ mo̤ǐ nû̌û tapwa̤ ta tapwa̤nu hǒ.”

Pwa̤nophû̌ 2:1

Bǎ mṳni̤ htě kò kaǎ yǎta Pètèkò̌sètè hèto̤ akhanu, asî lǒ̤꤮ bò hè ǒhtuǒplǒbò nû̌û gûla̤ tò̤glò̌pa.

Pwa̤nophû̌ 4:32

Pwa̤ htě a yṳǎna̤ǎta̤ toǒnu asî ǒnû̌û ta sò̌phlǒ tama꤮ pa, ta̤gènè̤ tacǎ꤮ pa. Asî ta̤kî̌ta̤kû̌ toǒnu asî dǒkwèǐ lǒkho ata dǐpwǎ̤꤮ tò̤. Ta̤ htě asî ta ǒ toǒnu asî ǎplǒma̤plǒ kè̌khînû̌û.

Galatǐ 5:13

He pṳwè̤ sî꤮, ma̤pûhǐ sî nî̤bǎ ta̤pelesesǎ ayanudě, Cǒmara kaǎ sî hǒ. Pò̤̌ta sî nî̤bǎ ta̤ǒpelehtǒo akhû̌akhî, nopǒǐ pûma̤ sîna̤ ta sî sǐshiphěyî̌ a ta̤sò̌yṳnu toǒ ma̤ nî̌꤮. Mî̌tanu, sî to mo̤ǐ kè̌khînû̌û tapwa̤ ta tapwa̤, sî to ma̤jè kè̌khînû̌û tapwa̤ ta tapwa̤.

Galatǐ 5:22

Pwatadě Běcǎ sǎcahtǐ numî̌ a bè̌ǒhtò̌ ta̤mo̤ǐ, ta̤sò̌le̤sò̌lò̤, ta̤pè̤ta̤dû, ta̤khòsò̌do, ta̤sò̌yṳgwèbǎǐ, ta̤wî̤ta̤wǒ, ta̤jûle̤phî̌yo̤,

Galatǐ 5:6

Ma̤tè̤hî̌dě bǎ sî htûhtò̌ kû̌ta Ye̤shǔkhrî̌stu tacǎnǔ꤮ pa akhanu, ta̤dǔtṳphě bǎbǎ, ta̤dǔtṳphě tò̤ bǎbǎ, a htûbwǐhtûsîrî dǐcǎ꤮ tò̤. Ta̤ htě a htûbwǐhtûsîrî khlokò numî̌, ta̤yṳta̤nǎ htě a dǔlṳ ta̤mo̤ǐ Cǒmara ta kòhǔwa̤ htǒonu pwǎ.

Ěphěsu 4:3

Běcǎ sǎcahtǐ ma̤htuma̤plǒ sî hǒ. Ma̤pûhǐ sî ǒhtuǒplǒ sělěkû̌pû yǎnu, jipwi̤ ǒhtûpwa̤ lǒkho dě ta̤pè̤ta̤dû akû nî̌꤮.

Ěphěsu 5:2

Sî to ǒhtûpwa̤ lǒkho hî̌tè numî̌, mo̤ǐ lǒkho kòhǔwa̤ pṳ̂̌꤮ ti̤ni̤ sǒsǒta Khrî̌stu mo̤ǐ pa dě a khòsi asò̌ ta payanu nî̌꤮. Htohǒtò̤ Khrî̌stu lṳhtò̌ǐ a ta̤htûpwa̤ dě Cǒmara a lo̤mo̤ sǒsǒta ta̤nṳmû̌nṳshu htě ato Cǒmara asò̌phlǒ htǒonu.

Tîsalònǐ ginǐ̤bǎ tôbǎ 1:3

Pṳwè̤ Khrî̌stuphû̌ toǒ꤮, pa gènè̤htò̌nṳ sî bò̌khòtè꤮ bǎbǎnu, pa bǎ hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě sî ta̤yṳta̤nǎ ta sî ta̤mo̤ǐ nû̌û tapwa̤ ta tapwa̤nu, sǔ a dû̌htò̌ akhû̌akhî, pa tobǎ hî̌bwǐhî̌sîrî yǎ.

Hebrǔ 10:24

Pa ta̤mo̤ǐ kè̌khînû̌û tapwa̤ ta tapwa̤nu, ma̤pûhǐ sǔsǔ a ǒ htò̌dû̌ dě, ma̤pûhǐ pa ma̤ta̤ htě awǒ toǒ ayanu, pa gènè̤ bǎ kò ta pa glè ǐkhû̌ǐǎ kè̌khînû̌û tapwa̤ ta tapwa̤ hî̌tè awi̤akè̌ htǒotoǒnu pwǎ hò̌.

Petru awǐlǒ tabǎ 1:22

Khònò̤dě sî jûle̤phî̌yo̤ Cǒmara a ta̤sû̌ǐ a ta̤te̤ta̤mǎ toǒ akhû̌akhî, sî ma̤mṳ̂plî sî sò̌phlǒ dě sî htû kòyò htě a mo̤ǐ mè̤mè̤̌ pṳwè̤ Khrî̌stuphû̌ htǒotoǒ hǒ. Ma̤hǐnudě mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤ nî̌꤮.

Petru awǐlǒ tabǎ 2:17

Bè̌dubè̌na̤ lǒkho kò pṳ̂̌꤮ tapwa̤ nî̌꤮. Mo̤ǐ lǒkho sî pṳwè̤ Khrî̌stuphû̌ toǒ nî̌꤮. Ǐsha lǒkho Cǒmara ala̤ dě bè̌duna̤ yǎ nî̌꤮. Bè̌dubè̌na̤ lǒkho Khwǐdû̌ nî̌꤮.

Petru awǐlǒ tabǎ 3:8

He sò̌yṳ hî̌ gutṳ̌lò̤po̤ sî, sî pṳ̂̌꤮ tapwa̤ tobǎ ǒnû̌û ta ta̤gènè̤ tacǎ꤮ pa, ta̤bè̌sû̌bè̌sǎ tacǎ꤮ pa nî̌꤮. Mo̤ǐ kè̌khînû̌û tapwa̤ ta tapwa̤ pwǐ pṳwè̤nu nî̌꤮. Gwèbǎǐ kè̌khînû̌û tapwa̤ ta tapwa̤ dě shò̌lò̤ lǒkho sî sò̌phlǒ tapwa̤ ta tapwa̤ nî̌꤮.

Petru awǐlǒ tabǎ 4:8

Dě ta̤lǒ̤꤮ bò aklanu, ta̤mo̤ǐ mè̤mè̤̌ nû̌û tapwa̤ ta tapwa̤ numî̌ a lo̤dû̌shǐ hǒ, ma̤tè̤hî̌dě ta̤mo̤ǐnu a bòlû̌plṳ̂kè ta̤sǔ.

Petru ginǐ̤bǎ tabǎ 1:7

Dě ta̤ǒhtûpwa̤ tobǎ ta Cǒmara akhû̌nu, bè̌plǒ dû̌htò̌po̤ ta̤mo̤ǐ pṳwè̤, dě ta̤mo̤ǐ pṳwè̤ akhû̌nu, bè̌plǒ dû̌htò̌po̤ ta̤mo̤ta̤kla nî̌꤮.

Yṳ̂ha awǐlǒ tôbǎ 3:23

Cǒmara mǎnǎ ayo̤ dě a hî̌, pa bǎ yṳǎ phû̌khû Ye̤shǔkhrî̌stu ami̤ dě pa bǎ mo̤ǐ kè̌khînû̌û tapwa̤ ta tapwa̤ pwǐ a mǎnǎhto ayo̤ ta pa htǒonu.

Yṳ̂ha awǐlǒ tôbǎ 4:20

Kòyò tapwa̤pwa̤ dè hî̌ ta, “He mo̤ǐ Cǒmara,” hǐnudě a dè sò̌khě tû̌ apṳwè̤ Khrî̌stuphû̌ hî̌numî̌, a mî̌ kòyò lòho pwǎ, ma̤tè̤hî̌dě a kè̌shǐ apṳwè̤ Khrî̌stuphû̌ ta ami̤sǎ tû̌ hǐnudě a dè mo̤ǐ tò̤ hî̌numî̌, Cǒmara htě a kè̌shǐbǎnǒ dǐplǎ tò̤, htǒotapwa̤nu, “He mo̤ǐ Cǒmara,” a cû̌ hî̌jò hî̌tè?

Ta̤dǔlè̌nǎ 2:4

“Pwǎ̤tadě he la̤bè̌ta̤sǔ dě nalo̤ numî̌ aǒ tacǎ, aǒ hî̌tèhî̌dě na mo̤ǐ he khònò̤htǒonu a sǒsǒpe ta na mo̤ǐ he dě awǐkhanu tò̤.