Hebrǔ 12:5 - Kawyaw RC

⁵ Cǒmara ǐkhû̌ǐǎ sî pwǐ aphû̌ ta ana̤ numî̌ sî shope̤ hǒ ya? A hî̌ sî ta, “Kǒ꤮ hephû̌ sî꤮ bǎ Běcǎ sǎhtǎ sû̌ǐtòwòǐ wǒge sî akhanu, bè̌dubè̌na̤ a ta̤sǎhtǎ sû̌ǐwǒ sî htǒonu nî̌꤮. Bǎ a sǎhtǎ sî akhanu, sò̌phlǒpî̌ pûma̤ lǒkho ma̤ nî̌.

Kawyaw New Testament

⁵ Cǒmara ǐkhû̌ǐǎ sî pô̤̌ aphû̌ kû̌ anǎ̤ numî̌ sî shôpe̤kè hǒ ya? A hî̌ sî kû̌, “Ǒ hephû̌ sî꤮ bǎ Běcǎ tṳ̂mṳ̂̌ sû̌ǐtòwòǐ wô̌kè sî akhanu, bè̤̌dubè̌nǎ̤ a tṳ̂mṳ̂̌ sû̌ǐwô̌ sînu nî̌꤮. Bǎ a tṳ̂mṳ̂̌ sî akhanu, sǎphlǒpî̌ tǎ̤ lô̌khô tǎ̤mǎ̤ nî̌꤮.

Hebrǔ 12:5 Iomraidhean Croise

Htû̌sò̌htò̌ 118:18

Cǒmara tûjûpwa̤ sû̌ǐwǒge shosho he hǐnudě a nosi he hǒtò̤.

Htû̌sò̌htò̌ 119:109

He kè̌shǐshěto̤bǎ ta ta̤sita̤hǎmǎ pṳ̂̌꤮ taplǎ pwǎ̤tadě he shope̤kè nǒ nata̤sû̌ta̤tòwò tò̤.

Htû̌sò̌htò̌ 119:16

He sò̌phlǒǒ nata̤hî̌bǎlò̤yo̤. He shope̤nǎpè̤pe nale̤nayo̤ tò̤.

Htû̌sò̌htò̌ 119:67

Bǎ na shò̌lò̤ hesò̌phlǒ hǒtò̤ akhanu, he cû̌sǔ sala̤ klè̌. Khònò̤ dě he jûle̤phî̌yo̤ nale̤nayo̤.

Htû̌sò̌htò̌ 119:75

Kǒ Cǒmara tûjûpwa̤, he sî̌ya ta na cèròcǒcèròtè̤. Na cǒtè̤ta nayo̤ akhû̌akhî, na shò̌lò̤ hesò̌phlǒ.

Htû̌sò̌htò̌ 119:83

He ǒlû̌ǒkhlo sǒsǒta shiophě htě kò wîkè nû̌ûnu pwǎ pwǎ̤tadě he shope̤kè nǒ nata̤hî̌bǎlò̤yo̤ tò̤.

Htû̌sò̌htò̌ 94:12

Kǒ Cǒmara tûjûpwa̤, kòyò htě na sû̌ǐwǒge yǎ dě na sû̌ǐ bǎ asî ta nata̤sû̌ǐnu toǒ mî̌ a nî̤bǎ ta̤howi̤.

Lǔka 24:6

Ye̤shǔ ǒpe bǎo tò̤ hǒ, a htûpwa̤gesǒ hǒ. Gènè̤htò̌ gesǒ lǒkho bǎ a ǒ Galilî̌aga akha htě a pwe̤ǐhto sî ta̤hî̌bǎnu toǒnu.

Lǔka 24:8

Htǒotaplǎdě mamǔ toǒ gènè̤htò̌bǎge a ta̤hî̌bǎnǎnu toǒ.

Kôritu awǐlǒ tôbǎ 11:32

Htû̌꤮ Cǒmara cèrò kòyò htě a yṳǎ nû̌û tò̤nu toǒ akhapěnu, ma̤pûhǐ a cèrò kû̌dǒpe pa ta asî tò̤nu, a sû̌ǐ pa, a phlě pa hè̌o nupwǎ.

Galatǐ 6:9

Ma̤ta̤wǒnu sò̌phlǒpî̌ lǒkho pûma̤ nî̌꤮. Pa dè sò̌phlǒpî̌mò̌ tò̤nu, htû̌꤮ khîkha bǎ pěnu, pa kǎbǎ gesǒtû̌ ta̤sǎta̤pho pě.

Tîmôte awǐlǒ tôbǎ 1:20

Kòyò htě a ta̤yṳta̤nǎ pî̌kè hǐnu toǒ mî̌ Hǔmenè̌ ta Alexander hǒ. Ma̤pûhǐ a htû ta̤sû̌ǐ ta asîya dě a ǒkǔkè a ta̤hî̌bǎsǔ Cǒmara toǒ ayanu, he ǐlò̤kè asî dě khînǎmo̤pha hǐkǒdû̌ a cǔdekû hǒ.

Hebrǔ 12:7

Sî khòbǎ ta̤toǒnu, khòsò̌do dě bè̌yǎ pwǐ pha Cǒmara sû̌ǐwǒgepwǎ sînu nî̌꤮. Cǒmara sǎhtǎ sû̌ǐwǒge aphû̌ ta ana̤nu toǒ pwǎ. Pha htě a sǎhtǎ sû̌ǐwǒge aphû̌ toǒ tò̤ numî̌ a ǒnǒ tapwa̤pwa̤ ya?

Hebrǔ 13:22

He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Jǎgomo̤ 1:12

Kòyò htě a khòsò̌do toǒnu, htû̌꤮ a kè̌shǐ shěto̤bǎ ta ta̤pò̤ta̤sha ta̤lǒǎplò̤ǎ akhapěnu, a nî̤bǎ ta̤howi̤ pě. Ma̤tè̤hî̌dě bǎ asî ma̤pî̌htokè ta̤pò̤ta̤sha ta̤lǒǎplò̤ǎ pwǐhè̌o akhanu, Cǒmara ǐ asî ta̤htûpwa̤ tûjûpwa̤ asû htě a olò̤ ta a ǐ kòyò htě a mo̤ǐ nû̌ûnu toǒ pě.

Ta̤dǔlè̌nǎ 3:19

“Bò꤮ kòyò htě he mo̤ǐ yǎ toǒnu, he sǎhtǎ sû̌ǐ yǎ dě he phlě yǎ. Hǐnu akhû̌akhî, bè̌sho na sò̌phlǒ dě shò̌lò̤ge nasò̌.