Hebrǔ 12:4 - Kawyaw RC

⁴ Sî shěshǔ ta ta̤ma̤sǔphû̌ htǒotoǒ pwǎ̤tadě sî khòbǎ ta̤jîta̤jû to̤htû̌ kò bǎma̤si sînu, a ǒ dǐpwǎ̤hǒtò̤.

Kawyaw New Testament

⁴ Sî shěshǔ kû̌ ta̤sǔta̤phû̌mò̤̌ nutokhlǒ bǎbǎkǎlè sî khòbǎ ta̤jî̌ta̤jû̌ tǒ̤dǒ kòyò bǎma̤si sînu, a ô̌nô̌ tôpwǎ̤꤮ tô̤̌.

Hebrǔ 12:4 Iomraidhean Croise

Matěo 24:9

“Htodě kò gupṳ̂gucobò sî pě, kò guphlěgupo̤bò sî pě htohǒtò̤ kò ma̤si sî pě. Dě sî cǒtè̤ ta he akhû̌akhî, kòyò pṳ̂̌꤮ tapwa̤ sò̌khěbò sî pě.

Kôritu awǐlǒ tôbǎ 10:13

Ta̤htû̌sǒbǎ aphû̌mò̤ lǒ̤bò htě na kè̌shǐ hèbǎ toǒ numî̌ a sǒsǒpwǎ ta kòyòhǎkhû̌phû̌ ahǔwa̤ toǒ kè̌shǐ hèbǎnu toǒ pwǎ. Pwǎ̤ta Cǒmaranu acǒtè̤ ta ayo̤, Ma̤tè̤hî̌dě ta̤htû̌sǒbǎ aphû̌mò̤ htě ashû̌asho dě na khòbò̌ yǎtò̤ toǒnu, a nokhò na tò̤. Bǎ ta̤ma̤kè̌ hèbǎ na akhanu, ma̤pûhǐ na khòsò̌dobò̌ yǎ, htohǒtò̤ ma̤pûhǐ na lû̌htò̌bò̌ ta ta̤htû̌sǒbǎ aphû̌mò̤ htǒo ayanu, Cǒmara bòmo bǎ na klè̌ pě.

Phǐlǐpǐ 2:8

Dě a hè dǔlṳ ana̤ pwǐ kòyòhǎkhû̌phû̌nu, htodě, a bè̌phǔlò̤ ana̤ dě kòla̤. A gana̤de Cǒmara ayo̤, a sikè dě a bè̌ ta̤ dǐcǎ꤮ tò̤. To̤htû̌ a tobǎ si nò̌dòhtǔlo̤nu a jûle̤phî̌yo̤ pwǎ.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 13:13

Hǐnudě pa cû̌ khòplǒdǒ ta̤pi̤jishǐcǒ ta a dě wî̤khlo htǒonu hò̌꤮.

Ta̤dǔlè̌nǎ 12:11

Pa pṳwè̤ toǒnu, sophû̌ asǐ akhû̌akhî, ta asî dǒhtû̌ǐ bǎ kò Cǒmara ale̤ayo̤ akhû̌akhî, asî ma̤pè̤kè khînǎmo̤pha hǐkǒdû̌ hǒ. Asî kè̌shǐbǎ ta ta̤si bǎbǎ, a sò̌le̤ǐ a ta̤htûpwa̤ tò̤.

Ta̤dǔlè̌nǎ 17:6

Dě he kè̌shǐ mamǔnu tapwa̤ omṳ ana̤ ta Cǒmara akòyò htě acǒtè̤ ta Ye̤shǔ dě kò ma̤si nû̌ûnu toǒ asǐ. Bǎ he kè̌shǐ a akhanu, he sû̌pi̤sò̌pi̤ jòjî̌꤮ tò̤.

Ta̤dǔlè̌nǎ 18:24

Pwa̤po̤ toǒ asǐ ta Cǒmara akòyò toǒ asǐnu kò kè̌shǐ yǎ bǎ wî̤nu tî̤wî̤ akû akhû̌akhî, Cǒmara cèròkè Babulowî̤ hǒ. Bò꤮ kòyò htě kò ma̤si asî bǎ a ǒpe hǎkhû̌ bǎotoǒnu, kò kè̌shǐ asî sǐ bǎ wî̤nu tî̤wî̤ akûnu.”

Ta̤dǔlè̌nǎ 2:13

Na ǒtò̤ ta khînǎmo̤pha hǐkǒdû̌ la̤hǎnòò̌ gògohtò̌yî̤ agûla̤ numî̌ he sî̌ya. Bǎ kòyò ma̤si Atǐpa mî̌pwǎ pwa̤khòlṳ htě a cǒtè̤ ta hehtǒonu tapwa̤ bǎ na wî̤kû dě khînǎmo̤pha hǐkǒdû̌ la̤ǒ agûla̤nu hǐnudě na cǒtè̤ ta he, na wîkè na ta̤yṳta̤nǎ tò̤.