Hebrǔ 12:3 - Kawyaw RC

³ Ma̤pûhǐ sî ma̤ ta̤wǒ dě sî lòdǒlòde pûtò̤, dě sî sò̌phlǒpî̌kè pûtò̤ ayanu, gènè̤kè̌ lǒkhomò̌ Běcǎ Ye̤shǔ awi̤akè̌ htǒonu, ta̤ma̤sǔphû̌ toǒ sò̌khěkhû̌khwè nû̌û ma̤tukutakǎ mè̤mè̤̌ nû̌û pwǎ̤tadě a khòsò̌do mè̤mè̤̌ asîkhû̌.

Kawyaw New Testament

³ Pô̤̌khô sî ma̤ ta̤wô̌ dě sî gǔ lò̤dô̌lò̤de tô̤̌, dě sî gǔ sǎphlǒpî̌ tô̤̌ ayanu, gènè̤kè̌ lô̌khômò̌ Běcǎ Yeshǔ awe̤akènu, pwa̤ma̤sǔphû̌ tokhlǒ sǎkhěkhû̌khwè lû̌û ma̤takhû̌takǎ mî̌ca lû̌û bǎbǎkǎlè a khòsǎdô mî̌ca dǒ asîkhû̌.

Hebrǔ 12:3 Iomraidhean Croise

Matěo 11:19

Kòyòphû̌khû mî̌ hehtǒo hèǎhèo lè̌dě ‘Kè̌mò̌ kòyò htǒotapwa̤lè, a ǎshû̌osho, a cû̌ bǒsû̌khǎkho tû̌aya ta pwa̤kwi ta̤kûta̤cî̌ ta ta̤ma̤sǔphû̌nu toǒlè,’ asî hî̌ lǒkho hǐnu. Pwǎ̤ta bǎ kò ma̤wǒ ta̤ pwǐ Cǒmara a ta̤sî̌ta̤jò htǒo dě aphoasǎ hǎhtò̌lṳ akhapěnu, kòyò ahǔwa̤ toǒ kè̌shǐ sî̌yahè ta Cǒmara a ta̤sî̌ta̤jò htǒonumî̌ a topwǎ, hǐnu pě.”

Matěo 12:24

Pò̤̌ta bǎ Pharisè̌phû̌ toǒ gana̤de kòhî̌ hǐnu akha, asî hî̌, “A wṳ̂hǎhtò̌bò̌ khînǎkhîno toǒ pwǐhè̌o numî̌ mî̌pwǎ khînǎkhîno a hǐkǒdû̌ Belǎsebulǎ ma̤jèpwǎ nû̌û.”

Matěo 15:2

“Na khophijaû̌ htǒotoǒ numî̌ ma̤tè̤dě a gûma̤kû̌kò pwǐ ta̤subusaba ala̤klo ǒnu toǒ tò̤ ma̤tè? Asî glè̌ ǎshǎ dě a shǔbò kû̌kò acǔde tò̤.”

Matěo 21:23

Běcǎ Ye̤shǔ nṳ ta̤lṳhtò̌howe̤kû dě bǎ a sû̌ǐtòwòǐlò̤ kòyò akhanu, pwa̤tòlûhtò̌ hǐkǒdû̌ toǒ ta Yṳ̌daphû̌ ta̤subusaba hǐkǒdû̌ toǒ hè Běcǎ a ǒ dě a gwè nû̌û, “Na cû̌ma̤tǒ̤ ta̤htǒo toǒ děmî̌ na cû̌ma̤ yǎta ûpè a sîrîshû̌sho pè? Ûpè noma̤ na pè?”

Matěo 21:46

Dě asî kè̌lǎ lǒkho klè̌klò dě a glè̌ pṳ̂ Ye̤shǔ pwǎ̤ta Ye̤shǔ mî̌ pwa̤po̤ tapwa̤, kòyò saprṳ̂ toǒ yṳǎ lǒkho hǐnu akhû̌akhî, asî ǐsha kòyò saprṳ̂nu toǒ ala̤.

Matěo 22:15

Htodě ma̤pûhǐ Pharisè̌phû̌ toǒ pṳ̂měǐ Běcǎ Ye̤shǔ hî̌bǎsǔ yo̤sǎ toǒ ayanudě, a hǎhtò̌cû̌ ǒhtuhî̌bǎplǒ nû̌û.

Lǔka 14:1

Bǎ Yṳ̌daphû̌ mṳni̤dǔ bǎ akha ti̤ni̤nu, Ye̤shǔ cû̌ Pharisè̌phû̌ hǐkǒdû̌ tapwa̤ ahǐ. Bǎ a glè ǎshǎ akhanu, kòyò bǎnu toǒ kè̌johǔ nû̌û.

Lǔka 15:2

Pharisè̌phû̌ toǒ ta pwa̤sû̌ǐ ta̤sû̌ta̤tòwò asara toǒ tṳ̂mṳ̂ta̤ma̤ ǐbò Ye̤shǔ yo̤ ta, “Kòyò htǒotapwa̤ kaǎshǔ ta̤ma̤sǔphû̌ toǒ, dě a cû̌ ǎhtudǒkû̌ ta asî lè.”

Lǔka 16:14

Pharisè̌phû̌ htě amo̤ǐ wûhtanu toǒ gana̤de yo̤sǎhtǒo akhanu, a luya̤ lǒkho Ye̤shǔ.

Lǔka 2:34

Simeo howi̤hto asî dě a hî̌ phijaû̌phû̌ amo̤ Marǐa htǒonu, “Phijaû̌htǒo Cǒmara wû̌htò̌ yǎ dě a htè̌ge Israelphû̌ toǒ pě, dě a bè̌dû̌bè̌htûlè̌ kòyò ahǔwa̤ toǒ pě. A mî̌ Cǒmara a ta̤ma̤dòǐ tacǎ, dě kòyò saprṳ̂ hî̌bǎ tukutakǎshǔ nû̌û pě.

Lǔka 5:21

Pwa̤sû̌ǐ ta̤sû̌ta̤tòwò asara toǒ ta Pharisè̌phû̌ toǒ hî̌ kè̌khînû̌û, “Kòyò htǒotapwa̤ hî̌bǎsǔkè Cǒmara hǒ. Ûpè tapwa̤ glè bòlû̌jò ta̤sǔ pè? Pwa̤ bòlû̌jò ta̤sǔ mî̌ pwǎpǒ̤ Cǒmara tapwǎ̤ pa.”

Jowǎ̤ni̤ 10:20

Kòyò saprṳ̂ hî̌, “A mî̌ khînǎ ma̤sha nû̌û dě a kicǐ pwǎ. Cû̌ gana̤detǒ̤ yǎ ayo̤ ma̤tè?”

Jowǎ̤ni̤ 18:22

Bǎ Běcǎ Ye̤shǔ hî̌ htǒo akhanu, kliphû̌ ǒpo̤ ta̤lṳhtò̌ho htě a ǒphǔ bǎ akòshî̌nu tapwa̤ pla̤ nû̌û nò̌shî̌ dě a hî̌ nû̌û, “Na cû̌ hî̌shǔtǒ̤ pwa̤tòlûhtò̌ hǐkǒdû̌gutṳ̌ htǒotapwa̤ hǐnu ma̤tè?” A hî̌ nû̌û hǐnu.

Jowǎ̤ni̤ 5:16

Hǐnu akhû̌akhî, Ye̤shǔ ma̤ ta̤htǒotoǒ ta mṳni̤dǔ akhû̌akhî, Yṳ̌daphû̌ hǐkǒdû̌ toǒ tèhtò̌ ma̤shû̌shǎhè nû̌û.

Jowǎ̤ni̤ 7:12

Kòyò saprṳ̂saphǎ toǒ hî̌hǔhî̌sè̌plṳ̂ nû̌û wi̤akè̌. Toǒǒnu, a hî̌ lǒkho, “A mî̌ kòyò wǒ pwǎ.” Akhohǔwa̤ toǒ hî̌shǔ, “Awǒ mè̤tò̤. A cû̌ lǒplò̤ pwǎ kò,” a hî̌ lǒkho hǐnu.

Jowǎ̤ni̤ 8:13

Pharisè̌phû̌ toǒ hî̌ nû̌û, “Na pwe̤ǐlṳ nawi̤nakè̌ toǒnu la̤yṳǎ agûla̤ ǒ nǒtò̤. Mî̌ma̤tè̤dě pa yṳǎ na ta̤hî̌bǎ tò̤ hî̌dě na hî̌bǎ ǐ bòtû̌ nawi̤nakè̌ pwǎ,” asî hî̌ nû̌û hǐnu.

Jowǎ̤ni̤ 8:52

Yṳ̌daphû̌ toǒ hî̌ nû̌û, “Khònò̤dě pa sî̌ya te̤mǎ ta khînǎ ma̤sha na hǒ. Abraham sihtohǒ, pwa̤po̤ toǒ mî̌ a sihtohǒhǒ. Pwǎ̤tadě na cû̌hî̌tǒ̤ ta kòyò tapwa̤pwa̤ dè jûle̤phî̌yo̤ gana̤de heyo̤ hî̌nu, a sipe dǐ꤮ khò̌ tò̤, na hî̌ hǐnu.

Jowǎ̤ni̤ 8:59

Htǒotaplǎdě asî htǔ lǒkho lo̤ dě a glè̌ wîsi lǒkho nû̌ûta Běcǎ Ye̤shǔ. Pwǎ̤tadě Běcǎ Ye̤shǔ cû̌ to̤tûdûhǔkè ana̤ dě a hǎhtò̌cû̌hǎmǎkè bǎ ta̤lṳhtò̌hokûnu.

Jowǎ̤ni̤ 9:40

Pharisè̌phû̌ htě a ǒ lǒkho bǎnu toǒ gana̤de a hî̌ htǒo dě a gwè Ye̤shǔ, “Na sò̌le̤ hî̌ pa ta pa mi̤sǎkhǐ hǐnu ya?”

Kôritu awǐlǒ tôbǎ 15:58

Hǐnudě, he sû̌kho sî, khònò̤dě ihtǒ tònòwǒ lǒkho dě ǒměǒgle lǒkho ta sî ta̤yṳ akûnu nî̌꤮. Ma̤shosho lǒkho Cǒmara ata̤ma̤ pṳ̂̌꤮ taplǎ nî̌꤮, ma̤tè̤hî̌dě sî ma̤ Běcǎ ata̤ma̤nu a nòdû̌ sîya tò̤.

Kôritu ginǐ̤bǎ tôbǎ 4:1

Hǐnudě pa sò̌phlǒpî̌ tò̤, ma̤tè̤ Cǒmara abwǐasîrî akhû̌akhî, a ǐlò̤ pa ta̤ma̤ htě pa glè dǒhtû̌ǐ bǎkò ta ta̤wṳ̂dò asa htǒonu pě.

Kôritu ginǐ̤bǎ tôbǎ 4:16

Dě htǒotoǒ akhû̌akhî, pa sò̌phlǒpî̌ dî̌kî̌꤮ tò̤. Pana̤klû akhû̌aǎ yû̌lò̤hè taplǎtîkî̌ taplǎtîkî̌, pwǎ̤tadě pa sò̌phlǒ htǒonu, ti̤ni̤ ta ti̤ni̤ a khû̌ǎshû̌shohtò̌ pwǎ.

Galatǐ 6:9

Ma̤ta̤wǒnu sò̌phlǒpî̌ lǒkho pûma̤ nî̌꤮. Pa dè sò̌phlǒpî̌mò̌ tò̤nu, htû̌꤮ khîkha bǎ pěnu, pa kǎbǎ gesǒtû̌ ta̤sǎta̤pho pě.

Tîsalònǐ ginǐ̤bǎ tôbǎ 3:13

Pwǎ̤tadě, pṳwè̤ Khrî̌stuphû̌ toǒ꤮, bǎ sî ma̤ ta̤wǒ akhanu, sò̌phlǒpî̌ pûma̤ lǒkho ma̤ nî̌꤮. Tûrû̌ ma̤ sělě lǒkho hǐnu nî̌꤮.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 12:5

Cǒmara ǐkhû̌ǐǎ sî pwǐ aphû̌ ta ana̤ numî̌ sî shope̤ hǒ ya? A hî̌ sî ta, “Kǒ꤮ hephû̌ sî꤮ bǎ Běcǎ sǎhtǎ sû̌ǐtòwòǐ wǒge sî akhanu, bè̌dubè̌na̤ a ta̤sǎhtǎ sû̌ǐwǒ sî htǒonu nî̌꤮. Bǎ a sǎhtǎ sî akhanu, sò̌phlǒpî̌ pûma̤ lǒkho ma̤ nî̌.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Petru awǐlǒ tabǎ 2:23

Bǎ kò pi̤jishǐcǒ yǎ akhanu, a pi̤jishǐcǒ geshǔ kò tò̤. Bǎ kò ma̤jîma̤jû yǎ akhanu, a ma̤ǐsha geshǔ kò tò̤. Mî̌tanu a ta̤wi̤ta̤kè̌ toǒnu, a ǐlò̤kè nû̌ûta Cǒmara htě a yṳǎ nû̌û dě a cèrò cǒtè̤ta̤ htǒotapwa̤ a cǔdekû pwǎ.

Ta̤dǔlè̌nǎ 2:3

Dě hemi̤ akhû̌akhî, na ma̤khòma̤bò̌ na khòbǎ ta̤jîta̤jû dě na sò̌phlǒ pî̌tò̤ numî̌꤮ he sî̌yaya.