Hebrǔ 12:23 - Kawyaw RC

²³ Sî hèto̤ dě Cǒmara a phû̌wè̤pwa̤ toǒ la̤hè ǒpo̤htunû̌û agûla̤ htǒonuhǒ. Kò khwè̌nṳmǎnǎ asîmi̤ dě mǒkhû̌ hǒ. Sî hèto̤ lǒkho dě Cǒmara htě a glè cèrò kò pṳ̂̌꤮ tapwa̤ ta ana̤ htǒotapwa̤ alo̤mo̤ hǒ. Sî hèto̤ kòcǒkòtè̤ dě wǐkha toǒ a yolahtûpwa̤ htě Cǒmara ma̤lǒbehto nû̌û htǒotoǒ a ǒ hǒ.

Kawyaw New Testament

²³ Sî hètǒ̤ dǒ Cǒmara a phû̌wè̤̌pwǎ̤ tokhlǒ lǎ̤hè ô̌plǒcu lû̌û agûlǎ̤ nuhǒ. Kòyò wě̤nṳ̌ asîmi̤ dǒ mǒkhû̌ hǒ. Sî hètǒ̤ lô̌khô dǒ Cǒmara dǒ a gǔ cî̌htò̌ kòyò pṳ̂̌tôpwa̤ kû̌ anǎ̤ nutôpwa̤ alô̤mô̤̌ hǒ. Sî hètǒ̤ dǒ kòyòcǒkòyòtè̤ dǒwǐkha tokhlǒ a yôla htûpwa̤ dǒ Cǒmara ma̤lǒbe hto lû̌û nutokhlǒ a ô̌ hǒ.

Hebrǔ 12:23 Iomraidhean Croise

Mǒhtûlû̌hǎhtûsa 18:25

Na to ma̤si dǒ pwa̤cǒpwa̤tè̤nu toǒ ta pwa̤phû̌mò̤shî̌htonu toǒ tò̤. Na dè ma̤ pwǐhè̌o hî̌mî̌, na cèrò sǒsǒkè pwa̤cǒpwa̤tè̤nu toǒ ta pwa̤phû̌mò̤shî̌htonu toǒ hǒ, nama̤ hǐnu dǐkhò̌꤮ tò̤. Na mî̌ pwa̤ htě a cèròcǒ cèròtè̤ ta̤ hǎkhû̌teběbò akhû̌akhî, na bǎ ma̤toma̤bǎ nò pwǎ.”

Htû̌sò̌htò̌ 111:1

Htû̌sò̌ǐ Cǒmara tûjûpwa̤. Bǎ kòyòcǒkòyòtè̤ ta kòyòprṳ̂ho subusabahtu nû̌û akhanu, he glè hî̌bwǐhî̌sîrîhtò̌ Cǒmara tûjûpwa̤ ta hesò̌phlǒ samabò.

Htû̌sò̌htò̌ 69:28

Kò glè htǔpi̤kèbòtû̌ asîmi̤ dě lî̤htûpwa̤ akû. No khwè̌htudǒ pûma̤ asîmi̤ dě kòyòsò̌phlǒwǒ toǒ ami̤ aklanu ma̤.

Htû̌sò̌htò̌ 89:27

“He glè nohtûhtò̌ yǎta hephû̌wè̤pwa̤, Khwǐ htě asîrîdû̌sîrîhtûkhlo kòyò bǎ hǎkhû̌.

Htû̌sò̌htò̌ 89:7

Mǒkhû̌tanaphû̌ aprṳ̂ htě asîrîshû̌sho toǒ ǐsha lǒkho Cǒmara. Lǒ̤꤮ bò mǒkhû̌phû̌ htě a ǒ te̤we̤phǔ nakòshî̌ toǒ, ǐsha bè̌dubè̌na̤ mè̤mè̤̌ na.

Htû̌sò̌htò̌ 94:2

Kǒ pwa̤ htě acèrò hǎkhû̌, ma̤mò̌. Ma̤ geshǔ mò̌ kòyò htě a phî̌dû̌phî̌htû ana̤nu toǒ pwǐ asî to khòbǎnu.

Htû̌sò̌htò̌ 96:13

Cǒmara tûjûpwa̤ hè akhû̌akhî, asî glè sò̌po̤ htû̌sò̌ǐbò nû̌ûlo̤mo̤. A glè hècèròto cèròbǎ hǎkhû̌. A glè hèlò̤ pǒ ǐtû̌ kòyò toǒ ta ata̤cǒta̤tè̤.

Htû̌sò̌htò̌ 98:9

Cǒmara tûjûpwa̤ hèlò̤ cèrò hǎkhû̌ akhû̌akhî, nosò̌po̤bò asî dě alo̤mo̤. A glè cèròcǒcèròtè̤ hǎkhû̌. A glè cèròtocèròbǎ khlilèphû̌ toǒ.

Lǔka 10:20

Pwǎ̤tadě, khînǎkhîno toǒ jûle̤phî̌yo̤ sîyo̤ khû̌khî, sò̌le̤ lǒkho ma̤ nî̌꤮. Sò̌le̤ lǒkho htě kò khwè̌mǎ sîmi̤ dě mǒkhû̌ htǒonu.”

Jowǎ̤ni̤ 5:27

Dě a mî̌ kòyòphû̌khû akhû̌akhî, Cǒmara ǐlò̤ a ta̤sîrîshû̌sho dě a glè cèrò kò hǒ.

Pwa̤nophû̌ 20:28

Kè̌ǐkhwè̌ǐ tû̌ lǒkho sîna̤ dě kè̌ǐkhwè̌ǐ lǒkho bò꤮ sophû̌ htě Běcǎ sǎcahtǐ ǐlò̤ bǎ sî dě sî bǎ kè̌ǐkhwè̌ǐ htǒonu toǒ nî̌꤮. Htû lǒkho pwa̤gèǐsophû̌ htě a kè̌ǐkhwè̌ǐ asophû̌ htǒotoǒnu nî̌꤮. Kè̌ǐkhwè̌ǐ lǒkho Cǒmara a pwa̤yṳǎta̤ aprṳ̂ahophû̌ htě aphû̌khû pwî̤gehto nû̌ûta asǐ htǒonu nî̌꤮.

Kôritu awǐlǒ tôbǎ 13:12

Sǒsǒta hǐnuakho ta̤ htě pa sî̌ya khònò̤htǒo toǒ numî̌ a lò̤pwǎ ta pa kè̌ me̤dǔ dě a lṳ sûprṳ̂pwǎ tabǎnu. Pwǎ̤ta nǒkò pěnu mṳni̤mṳsa htě pa kè̌shǐ glashǔ sana̤ Cǒmara ta pana̤ pěnu, a hèto̤ pě, dě pa sî̌yaphlobò pṳ̂̌꤮ tacǎ pě. Khònò̤dě pa sî̌yaphlobò Cǒmara hǒtò̤ pwǎ̤ta bǎnukha pěnu, pa sî̌ya te̤mǎbò pwǐ Cǒmara sî̌ya te̤mǎbò panu pě.

Kôritu awǐlǒ tôbǎ 15:49

Pa pṳ̂̌꤮ tapwa̤ pa ǒta pana̤klû htě asǒsǒta Ada ana̤klûnu. Pwǎ̤ta nǒkò pě pana̤klû htǒonu a sǒsǒta Khrî̌stu htě a ǒ mǒkhû̌ hèlò̤ htǒonu tapwa̤ ana̤klû pě.

Kôritu awǐlǒ tôbǎ 15:54

Htû̌꤮ pana̤klû htû̌lè̌ tèplè̌kè ta na̤klû htě a sijòtò̤ htǒo pě akhanu, a lǒbehtò̌ sǒsǒta lî̤cahtǐkû hî̌, “Ta̤si lò̤jûkè hǒ, kò ma̤pè̤ phlǔ yǎ hǒ.”

Kôritu ginǐ̤bǎ tôbǎ 5:8

He hî̌ ta, pa yṳǎ Běcǎ htǒonu ashû̌asho dě pa sò̌yṳ hǎhtò̌cû̌kè ta pana̤saklû htǒo dě pa sò̌yṳcû̌ ǒkû̌dǒ ta Běcǎ dě mǒkhû̌ hǒ.

Ěphěsu 1:22

Cǒmara noǒbò ta̤pṳ̂̌꤮ tacǎ dě Khrî̌stu a ta̤pǒala̤ hǒ. Cǒmara wû̌lǎ nû̌û dě a glè htûbò ta̤pṳ̂̌꤮ tacǎ ahǐkǒ ta pwa̤yṳǎta̤ aprṳ̂aho aya hǒ.

Phǐlǐpǐ 4:3

Na mî̌ kòyò htě a ma̤plǒta̤ ta he dě acǒtè̤ ta ayo̤ tapwa̤ hǒ. Dě he sò̌yṳ kwi na ta̤ma̤jè tacǎ, ma̤pûhǐ mamǔhtǒo sò̌gini̤ mo̤klaǐ kè̌khînû̌û ayanu, ma̤jè pû asî nî̌꤮. Ma̤tè̤hî̌dě asî htǒosò̌gini̤ numî̌ a jipwi̤ htǒkhû̌htǒǎ ma̤htukû̌ ta̤wi̤lò̤ ta̤sò̌le̤sò̌lò̤ awi̤akè̌ ata̤ma̤ ta he nî. Asî ma̤htukû̌ ta Kleme ta hekho dě pa ma̤plǒnû̌û ta̤ ahǔwa̤nu toǒ, dě asî lǒ̤꤮ bònu toǒ ami̤ mî̌ a ǒbò dě Běcǎ a lî̤htûpwa̤ akûnu hǒ.

Kòlòtè̌ 1:12

Sî hî̌bwǐhî̌sîrî tû̌ pha Cǒmara htě a ǐhtûhtò̌hto sî ta akòyò dě sî glè nî̤bǎdǒ a û̌cata̤bî̌ htǒotoǒnu, ta akòyò cahtǐ toǒ dě ashiaga alîrakha akû htǒonu pě nî̌꤮.

Kòlòtè̌ 1:24

Ma̤pûhǐ sî nî̤bwǐnî̤sîrî ayanu, khònò̤htǒo he khòbǎta̤ ta sîya hǐnumî̌ he sò̌le̤sò̌lò̤ pwǎ. Pwǐ Khrî̌stu khò bǎ kòyò htě a yṳǎ nû̌û dě asǒsǒta ana̤klû toǒnu, he sò̌phlosho dě he na̤klûphěyî̌ htǒo khòbǎdǒbò kòyò lǒ̤꤮ bò htě a yṳǎ nû̌ûnu toǒ ayaya.

Tîmôte awǐlǒ tôbǎ 3:5

Ma̤tè̤hî̌dě kòyò tapwa̤pwa̤ dě a topǒǐ a hǐphû̌phòphû̌ toǒ hî̌tènu, a dè sî̌ya tò̤ hî̌dě a kè̌ǐkhwè̌ǐjò Cǒmara a pwa̤yṳǎta̤ aprṳ̂ahophû̌ tò̤.

Hebrǔ 11:4

Ta̤yṳ akhû̌akhî, Abělè lṳhtò̌ Cǒmaranu awǒkhlo ta Kaî̌no ata̤lṳ. Cǒmara phî̌shǔ Abělè a ta̤lṳta̤tò̌. Hǐnudě, Abělè ata̤yṳ akhû̌akhî, Cǒmara bè̌ nû̌û pwǐ kòcǒkòtè̤ tapwa̤nu hǒ. Abělè ata̤yṳ khû̌khî, a sihtohǒ pwǎ̤tadě a hî̌bǎpe pa ta ata̤yṳ awi̤akè̌.

Hebrǔ 11:40

Ma̤tè̤hî̌dě ta̤ htě awǒkhlo ta htǒotoǒnu, Cǒmara yè̤lònǎhto bǎ paya dě a ǐ nû̌ûta pa pě. Cǒmara bè̌lò̤hto asò̌phlǒ ta pa tobǎ nṳ ǒpa to̤kû̌ ta kòyò dě꤮ wǐkha toǒ. A ta̤yè̤lò̤nǎ numî̌ pa glè ma̤lǒma̤be plǒkû̌ ta asî htǒonuhǒ.

Hebrǔ 2:12

Dě Ye̤shǔ hî̌ Cǒmara, “He pwe̤ǐlṳ bǎ he pṳwè̤ toǒ ta nami̤ pě. Dě kò subusabaplǒ nû̌û akǎmakûnu, he htû̌sò̌ǐ na pě.”

Hebrǔ 9:27

Kòyò pṳ̂̌ tapwa̤ bǎ sipwǎ taplǎpa. Dě a sihto pěnu, Cǒmara cèrò asî pě.

Jǎgomo̤ 1:18

Dě pa gana̤de ta̤sò̌le̤sò̌lò̤ awi̤akè̌ ta̤te̤ta̤mǎ akhû̌akhî, Cǒmara ǐhtûhtò̌ pa ta aphû̌ jǔ꤮ tû̌ pwǐ asò̌phlǒnu hǒ. Ma̤pûhǐ pa htûhtò̌ sǒsǎ htě asǎwǐgutṳ̌ toǒ dě ta̤bǒlò̤ lǒ̤꤮ bò htǒotoǒ aklanu, a ǐhtûhtò̌pwǎ pa ta aphû̌.

Petru awǐlǒ tabǎ 2:23

Bǎ kò pi̤jishǐcǒ yǎ akhanu, a pi̤jishǐcǒ geshǔ kò tò̤. Bǎ kò ma̤jîma̤jû yǎ akhanu, a ma̤ǐsha geshǔ kò tò̤. Mî̌tanu a ta̤wi̤ta̤kè̌ toǒnu, a ǐlò̤kè nû̌ûta Cǒmara htě a yṳǎ nû̌û dě a cèrò cǒtè̤ta̤ htǒotapwa̤ a cǔdekû pwǎ.

Ta̤dǔlè̌nǎ 13:8

Kòyò lǒ̤꤮ bò htě a ǒ hǎkhû̌bǎo pṳ̂̌꤮ tapwa̤nu, a subusabahtò̌bò nû̌û pě. Tèhtò̌ bǎ kò bǒlò̤ hǎkhû̌ akhape, kòyò htě a ǒhtûpwa̤ hǎkhû̌ bǎotoǒ dě kò khwè̌kû̌dǒ asîmi̤ dě sophû̌nu tado a lî̤htûpwa̤ akû hǒtò̤ toǒnu, a glè subusabahtò̌bò lǒkho ta̤mi̤ta̤mò̤ htǒotado. Sophû̌nu tado mî̌ mî̌pwǎ kò ma̤si yǎnu tapwa̤ hǒ.

Ta̤dǔlè̌nǎ 14:4

Asî htǒotoǒ numî̌ makhû htě asò̌phlǒ mṳ̂aplî dě a hǎmoǒplǒnǒ ta mamǔ tò̤ toǒ. Asî mî̌ makhûphû̌sǎ htě a cǒtè̤ toǒ. Sophû̌nu tado cû̌bǎtè tò̤glò bǎbǎ, asî gûcû̌kû̌ nû̌ûkò. Asî mî̌ kò htè̌gehto a bǎ hǎkhû̌phû̌ toǒ akla dě asî mî̌ kòyò toǒ htě kò lṳhtò̌ wǐgutṳ̌ nû̌û dě Cǒmara ta sophû̌nu tado aǒ hǒ.

Ta̤dǔlè̌nǎ 20:15

Kòyò tapwa̤pwa̤nu kò dè kè̌shǐ kò khwè̌nǎ ami̤ dě lî̤htûpwa̤ htǒotabǎ akû tò̤ hî̌nu, kò bǎ wîlòte̤kè a dě mî̌ htǒotoǒ akla.

Ta̤dǔlè̌nǎ 6:11

Kò ǐ asî hǐdopo̤to̤bû pṳ̂̌꤮ tapwa̤, htodě kò hî̌ asî ta asî glè ǒkǔpo̤. Dě asî ǒkǔ to̤htû̌ kò ma̤si behtò̌ asîkho jûphû̌ toǒ ta apṳwè̤ htě a yṳǎna̤ǎta̤ toǒ pwǐ kò ma̤sihto asînu pě.

Ta̤dǔlè̌nǎ 6:9

Htodě sophû̌nu tado kèè̌mohtò̌ ta̤ma̤dòǐ htě kò ma̤mě a yè̤̌kǔtukǔ. He kè̌shǐ kòyò htě a dǒhtû̌ǐ bǎ kò ta Cǒmara ale̤ayo̤, htohǒtò̤ a khòlṳ cǒtè̤, dě kò ma̤sihto asî toǒnu, he kè̌shǐ asî yolahtûpwa̤ toǒ ǒdě ta̤lṳwa̤ ala̤nu.