Hebrǔ 12:22 - Kawyaw RC

²² Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Kawyaw New Testament

²² Bǎbǎkǎlè, sî dě sî hètǒ̤ dǒ Sǐûkhôlôhǒ. Khôlô hǒtômè numî̌ amè̤̌ Cǒmara dǒ a htûpwa̤ nutôpwa̤ awî̤̌ tôwî̤̌ dǒ kòyò kaǎ kû̌ Wî̤̌yarǔshôle dǒ mǒkhû̌nu tôwî̤̌ hǒ. Cǒmara amǒkhû̌ tanaphû̌ dǒ a ô̌ dǒ asî̌ kû̌ asî̌kû tokhlǒ hè̌ô̌plǒ sǎlě̤ wô̤̌wô̤̌ kû̌ bò lû̌û bǎnu. Dě sî hè ô̌plǒ kû̌ amǒkhû̌ tanaphû̌ nutokhlǒ hǒ.

Hebrǔ 12:22 Iomraidhean Croise

Htû̌sò̌htò̌ 2:6

A hî̌ ta, “Khwǐ htě hewû̌lǎ yǎnu, he nohtò̌ pǒǐ yǎ dě Sǐokholo, hekholocahtǐkhû̌.”

Htû̌sò̌htò̌ 42:2

He nǎsǔ kè̌shǐ mè̤mè̤̌ Cǒmaradû̌. Cǒmaradû̌ htě a htûpwa̤ htǒotapwa̤, he hèsababò̌ kû̌ dě alo̤mo̤ bò̌khòtèpětè?

Htû̌sò̌htò̌ 48:2

Cǒmaradû̌ akholo, Sǐokholo numî̌ adû̌ahtû, awî̤awǒ mè̤mè̤̌, a ma̤sò̌le̤sò̌lò̤bò hǎkhû̌ tebě. Sǐokholo htǒonu alò̤ta shǒdû̌shǒhtû ǒ dě cǔcî̌ tokho toǒ, a mî̌ Khwǐdû̌ wî̤dû̌ tî̤wî̤.

Htû̌sò̌htò̌ 68:17

Cǒmaradû̌ alo̤ la̤htò̌shě ta̤shěnu a ǒ asò̌ ta asò̌, asě ta asěkû. Běcǎ ta̤adû̌ ǒ Sǐnǎkhololo̤ dě a hèlò̤, a hènṳ dě agûla̤ cahtǐ akû.

Htû̌sò̌htò̌ 84:2

He sò̌yṳ subusaba mè̤mè̤̌ dě Cǒmara tûjûpwa̤ la̤ǒgûla̤ akû bǎo, he sò̌phlǒmo̤ mè̤mè̤̌. Hena̤ sapwa̤ ta hesò̌phlǒ sama glè sò̌le̤sò̌lò̤ sò̌po̤htò̌ Cǒmaradû̌ htě ahtûpwa̤nu tapwa̤.

Htû̌sò̌htò̌ 87:3

Kǒ Ye̤rǔshèlèwî̤ mî̌ Cǒmaradû̌ awî̤, kòyò hî̌ nawi̤nakè̌ htě awǒkî̌ya mè̤mè̤̌ toǒ.

Matěo 16:16

Shîmǒ̤nè̤ Petru hî̌shǔ nû̌û, “Na mî̌ Khrî̌stu htě a ma̤lû̌htò̌ge kò tapwa̤ hǒ. Na mî̌ Cǒmara htě a htûpwa̤ tapwa̤ aphû̌khû.”

Matěo 5:35

Hǎkhû̌ bǎbǎ, cû̌wṳ̂dò pûma̤ dî̌kî̌꤮ ma̤, ma̤tè̤hî̌dě hǎkhû̌ mî̌ Cǒmara khò̌lopo̤ la̤yî̤. Ye̤rǔshèlèwî̤ bǎbǎ cû̌wṳ̂dò pûma̤ dî̌kî̌꤮ ma̤ma̤, ma̤tè̤hî̌dě Ye̤rǔshèlèwî̤ mî̌ Khwǐdû̌ Cophǎhtû la̤ǒ agûla̤.

Rṳ̂̌me̤ 11:26

Htopědě, Israelphû̌ lǒ̤꤮ bò toǒ nî̤bǎbò ta̤ma̤lû̌htò̌ge pě. A htûhtò̌ pwǐ pwa̤po̤ Isaǐa khwè̌nǎnu pě. Dě a hî̌, “Pwa̤ ma̤lû̌htò̌ge Cǒmara akòyò htǒotapwa̤nu a ǒ dě Sǐowî̤ dě a hè pě. A phî̌ tephekèbò Yǎ̤kò akhlialè htǒotoǒ a ta̤phû̌mò̤shî̌htonu toǒ pě.

Rṳ̂̌me̤ 9:26

“Gûla̤ htě he hî̌hto sî dě꤮ awǐkha ta, ‘Sî mî̌ hekòyò mè̤tò̤’ nutò̤glònu, khònò̤dě he glè kaǎ asî ta ‘Cǒmara htě a htûpwa̤ tapwa̤ a phû̌mǔphû̌khû toǒ’ hǒ,” Pwa̤po̤ Hoshea hî̌ hǐnu.

Galatǐ 4:26

Pò̤̌ta jûmo̤ mè̤tò̤ Shǎra htǒonumî̌ alò̤ta Ye̤rǔshèlèwî̤ dě mǒkhû̌ akhû̌akhî, aphû̌ toǒnu a htû jû tò̤. A mî̌ pamo̤ hǒ.

Ěphěsu 2:19

Dè ma̤hǐnudě, sî Yṳ̌daphû̌ mè̤tò̤ htǒotoǒnu, sî htûpe shiphû̌gaphû̌ toǒ mè̤petò̤ hǒ, mè̤tò̤mî̌ sî htû shǐtè̤mè̤ toǒ mè̤petò̤ hǒ. Khònò̤htǒo sî htû sǒsǒ Cǒmara a shiphû̌gaphû̌ sǒsǒta akòyò htǒotoǒ. Htohǒtò̤ sî mî̌ Cǒmara a hǐphû̌phòphû̌ toǒ hǒhǒ.

Phǐlǐpǐ 3:20

Pwǎ̤ta pahtǒo toǒ numî̌ mǒkhû̌ a shiphû̌gaphû̌ dě pa sò̌phlosho ǒpo̤kè̌shuǐ pa Běcǎ Ye̤shǔkhrî̌stu htě a ma̤lû̌htò̌ge pahtǒo ǒ mǒkhû̌ hèlò̤ pě htǒonu tapwa̤ hǒ.

Tîsalònǐ awǐlǒ tôbǎ 1:9

Bǎ pa hè ǒlèkû̌ sî akhanu, sî kaǎshǔ lǒkho pa hî̌tènu, kòyò lǒ̤bò ǒ bǎnu toǒ pwe̤ǐbò pa. A pwe̤ǐ bǎ pa ta ma̤pûhǐ sî ma̤kû̌ Cǒmara htě a htûpwa̤ dě acǒatè̤ mè̤mè̤̌ htǒotapwa̤ a ta̤ma̤nu, sî wîkèbò sî ta̤saba pwa̤yo̤ toǒ.

Tîmôte ginǐ̤bǎ tôbǎ 4:18

Běcǎ ma̤lû̌htò̌ he ta ta̤phû̌mò̤ lǒ̤bò htǒotoǒ pě, htohǒtò̤ a phî̌ge he pě dě a tò̤gòǐ he dě mǒkhû̌ a shila̤gakû pě. Ta̤sîrîdû̌sîrîhtû lò̤bǎ tû̌ta Běcǎ htǒo tûjûpwa̤ talakhǎ nî̌꤮. Amè̤.

Hebrǔ 10:31

Kòyò htě a lò̤te̤to Cǒmara htě a htûpwa̤ htǒotapwa̤ ta̤cèrò akla tapwa̤pwa̤nu, a sò̌gònò̤ ǐsha mè̤mè̤̌.

Hebrǔ 11:10

Abraham ma̤ pwǐ Cǒmara hî̌ nû̌ûnu, ma̤tè̤hî̌dě a ǒpo̤ kè̌shuǐ wî̤ htě akòshî̌ měgle tûjûpwa̤ htǒonu tî̤wî̤. Wî̤ htǒotî̤wî̤nu, Cǒmara tîwî̌tòwònǎhto dě a ma̤htò̌htotû̌ ta ana̤.

Hebrǔ 11:16

Pwǎ̤tadě asî nǎsǔ kè̌shuǐ mè̤mè̤̌ mǒkhû̌ shiga htě a mo̤khlo htǒonu tebě. Hǐnudě asî kaǎ Cǒmara ta asî Cǒmaranu, Cǒmara sòwò̤tò̤. Dě Cǒmara ma̤wǒnǎ bǎ asî wî̤htǒo akhû̌akhî, a dǔlṳ ta asî toǒ glè kaǎ Cǒmara ta asî Cǒmaranu a sòwò̤ lǒkho tò̤.

Hebrǔ 13:14

Ma̤tè̤hî̌dě payanu wî̤ htě a ǒměgle tûjûpwa̤ dě hǎkhû̌ bǎonu a ǒ dǐwî̤ tò̤. Pa kè̌lǎ wî̤ htě a glè hè pě htǒonu tî̤wî̤.

Hebrǔ 3:12

He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.

Yṳ̌da 1:14

Ěnò̌ htě akhlialè gilò̤ ta Ada ahtu susǒtuhtunu tapwa̤ pwe̤ǐnǎ yî̤ mè̤mè̤̌ ta asî htǒotoǒ awi̤akè̌ dě a hî̌, “Běcǎ hèkû̌ ta amǒkhû̌tanaphû̌ cahtǐ toǒnu kò dǒbǎpè̤pe tò̤.

Ta̤dǔlè̌nǎ 14:1

Bǎnukha, he kè̌shǐ sophû̌nu tado ihtǒ ǒ Sǐokholokhû̌. Dě kò ihtǒ ǒdǒkû̌ ta a apwa̤ tesě ta lǐ̤sò̌ ta lǐ̤rî̌. Dě kòyò htǒotoǒ a me̤htò̌lo̤nu, kò khwè̌mǎnǎ sophû̌ htǒotado ami̤ ta apha ami̤.

Ta̤dǔlè̌nǎ 21:10

Cǒmara a yolahtûpwa̤ ǒkû̌ ta he dě tanaphû̌ tapwa̤ jocû̌ he shǒdû̌shǒhtû tama akhi. Dě a yṳ̂lṳ he ta Ye̤rǔshèlèwî̤ cahtǐ htǒotî̤wî̤. Wî̤htǒonu a ǒ mǒkhû̌ Běcǎ Cǒmara a ǒ dě a hèlò̤.

Ta̤dǔlè̌nǎ 21:2

He kè̌shǐ wî̤cahtǐ mî̌pwǎ Ye̤rǔshèlè wî̤sa htǒotî̤wî̤nu, dě a ǒ mǒkhû̌ Cǒmara a ǒ dě a hèlò̤. Kò tîwî̌tòwò kûsǒnǎ bǎ nû̌û pwǐ pwa̤khòmò̤ mamǔ tapwa̤ htě a ǒpo̤shǔ awṳ̂nu.

Ta̤dǔlè̌nǎ 22:19

Kòyò tapwa̤pwa̤nu a ma̤yû̌lò̤kè ta̤tacǎcǎ dě lî̤htǒotabǎ akû toǒnu, sǒhtûpwa̤ asǎ ta wî̤cahtǐ htě kò hî̌lṳ dě lî̤htǒotabǎ akû htǒonu Cǒmara phî̌ tephekè nû̌û pě. A ǎbǎpe sǒhtûpwa̤ asǎ tò̤. A nṳbǎpe dě wî̤cahtǐ akû tò̤.

Ta̤dǔlè̌nǎ 3:12

Kòyò htě a ma̤pè̤ ta̤nu, he dǔlṳhtò̌ a ta he Cǒmara a ta̤lṳhtò̌ho ahǐhtǔ pě, htodě a bǎ ǒkè tû̌ bǎnu pě. He khwè̌nǎ he Cǒmara ami̤ dě alo̤ pě. Htodě he khwè̌nǎ he Cǒmara awî̤ mî̌pwǎ Ye̤rǔshèlè wî̤sa ami̤ htǒonu dě alo̤ pě. Ye̤rǔshèlè wî̤sa htǒonu, a ǒ dě mǒkhû̌ he Cǒmara ǒ dě a hèlò̤. Dě he khwè̌dǒ he mi̤sa dě alo̤ pě.

Ta̤dǔlè̌nǎ 7:2

He kè̌shǐ tanaphû̌ ahǔwa̤tapwa̤ ǒ mṳhtò̌ tokho hè dě a phî̌hènṳ Běcǎ Cǒmara htě a htûpwa̤ htǒotapwa̤ a ta̤ma̤dòǐ tukǔ. Htodě a jipwi̤ yi̤kǒhtò̌ tanaphû̌ htǒosò̌li̤ htě Cǒmara ǐhto asî ata̤po̤ta̤phǎ dě a glè ma̤pî̌kè hǎkhû̌ ta shidû̌shite̤we̤ htǒotoǒ.