Hebrǔ 12:2 - Kawyaw RC

² Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Kawyaw New Testament

² Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 12:2 Iomraidhean Croise

Htû̌sò̌htò̌ 110:1

Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.”

Htû̌sò̌htò̌ 138:8

Pwǐ Cǒmara tûjûpwa̤ olò̤htonu a ma̤lǒma̤be bǎ he pě. Kǒ Cǒmara tûjûpwa̤, nata̤mo̤ǐ htě ahǎbòjò tò̤nu a ǒměǒgle tûjûpwa̤. Wîkè pûma̤ ta̤ma̤ htě na ma̤ yǎta nacǔdenu toǒ ma̤.

Matěo 16:21

Bǎnuakha Běcǎ Ye̤shǔ pwe̤ǐlî akhophijaû̌ toǒ ta he bǎcû̌ Ye̤rǔshèlèwî̤ dě Yṳ̌daphû̌ wè̤khǔwè̤pwa̤ toǒ, pwa̤tòlûhtò̌ hǐkǒdû̌ toǒ ta pwa̤sû̌ǐ ta̤sû̌ta̤tòwò asara toǒ ma̤jîma̤jûplṳ̂ he pě. Asî ma̤si he pě htodě abehtò̌ suni̤ ti̤ni̤pěnu Cǒmara ma̤htûpwa̤gesǒ he pě.

Matěo 20:28

Kè̌mò̌mṳkû̌ he mî̌ kòyòphû̌khû htǒo, he hè ta kò glè ma̤bǎ heyanu mè̤tò̤. He glè hèma̤ pwǎbǎ kòyòya. Dě ma̤pûhǐ he htè̌ge asî yanudě, he khòsikè he ta̤htûpwa̤ ta kòyò saprṳ̂ aya.”

Mǎ̤riko 15:28

(Pwǐ lî̤cahtǐkû hî̌, “Kò bè̌sǒsǒ yǎ pwǐ ta̤ma̤sǔphû̌nu pwǎ,” ta̤hî̌bǎ htǒonu a lǒhtò̌behtò̌ hǒ.)

Mǎ̤riko 16:19

Běcǎ Ye̤shǔ hî̌bǎhto ta akhophijaû̌ toǒ dě Cǒmara kaǎ kihtò̌kè nû̌û mǒkhû̌ dě a hǎnòò̌ Cǒmara acǔdemû tokho.

Mǎ̤riko 9:12

Dě a hî̌shǔ asî, “Pwa̤po̤ Èlî̌a bǎ hèwǐpě dě a bǎ hè tîwî̌tòwò ma̤wǒgesǒ ta̤lǒ̤꤮ bò numî̌ a mè̤mè̤̌ lè. Pwǎ̤ta lî̤cahtǐ hî̌ ta kòyòphû̌khû htǒo a tobǎ khòbǎ plṳ̂ ta̤jîta̤jû pě dě kò sǒcû̌tephekè yǎ pě a cû̌hî̌tǒ̤ hǐnuma̤titè?

Mǎ̤riko 9:24

Taplǎpa phijaû̌ apha yi̤kǒ hî̌, “He yṳǎ, pwǎ̤tadě he ta̤yṳ ǒpî̌tî̌ akhû̌akhî, ma̤pûhǐ he ta̤yṳ shû̌sho ayanu, ma̤jèpû he!” A yi̤kǒ hǐnu.

Lǔka 17:5

Pwa̤nophû̌ toǒ pwe̤ǐ Běcǎ, “Ma̤shohtò̌ bǎ pa ta̤yṳ.”

Lǔka 23:11

Khwǐherǒ ta akliphû̌ toǒ luya̤ Ye̤shǔ, hî̌tukutakǎbò Ye̤shǔ, dě a sǒhtò̌ bǎ nû̌û hǐdopo̤to̤ tṳpṳ, dě Khwǐherǒ nosûgesǒ asî dě Khwǐpilǎto aǒ.

Lǔka 24:26

Khrî̌stu tobǎ khò ta̤jîta̤jû htǒotoǒ htodě a cû̌nṳ a ta̤sîrîdû̌sîrîhtû akû dě mǒkhû̌ pě mè̤tò̤ ya?”

Jowǎ̤ni̤ 1:29

Děnǒkò ti̤ni̤nu, Jowǎ̤ni̤ kè̌shǐ Ye̤shǔ hè a ǒ dě a hî̌, “Kè̌mò̌, Cǒmara asophû̌ htě a wîkè kòyòhǎkhû̌phû̌ a ta̤sǔta̤plě toǒ htǒonu tapwa̤.

Jowǎ̤ni̤ 12:24

He hî̌ mè̤mè̤̌ sî, bǔkû̌lǎphlǒ tophlǒnu, kò dè lǔlò̤ yǎ dě hǎkhû̌ tò̤ hî̌nu, a phǎhtò̌ a sǎhtò̌jòtò̤. Pwǎ̤tadě kò dè lǔlò̤ yǎ hî̌nu, a phǎhtò̌ sǎhtò̌plṳ̂ pě.

Jowǎ̤ni̤ 12:32

Pwǎ̤tadě htû̌꤮ kò htǎwa̤si he dě nò̌dòhtǔlo̤ akhapěnu, he kaǎhèbò kòyò pṳ̂̌꤮ tapwa̤ bǎ heǒ pě.”

Jowǎ̤ni̤ 13:3

Běcǎ Ye̤shǔ sî̌yatû̌ ta apha ǐlò̤htobò nû̌û ta̤po̤ta̤phǎ shû̌sho ta ta̤lǒ̤꤮ bò akhû̌ hǒ. A sî̌ya ta a ǒ Cǒmara ǒhè dě a getîkhîsǒ dě Cǒmara a ǒ pě.

Jowǎ̤ni̤ 6:40

Ma̤tè̤hî̌dě, hepha a ta̤sò̌yṳ mî̌ bò kòyò htě a kè̌shǐ aphû̌khû htǒo dě a yṳǎ toǒnu, a bǎ nî̤bǎ yolahtûpwa̤ tûjûpwa̤, dě he ma̤ htûpwa̤gesǒ asî htû̌꤮ mṳni̤ gutṳ̌lò̤nu ti̤ni̤ pě.”

Jowǎ̤ni̤ 8:56

Sîpha Abraham sò̌le̤ kè̌shǐ ta he glèhè dě hǎkhû̌bǎo. A kè̌shǐ dě a sò̌le̤sò̌lò̤ hǒ,” a hî̌shǔ asî hǐnu.

Pwa̤nophû̌ 2:36

“Hǐnu akhû̌akhî, Israel akhlialè lǒ̤꤮ bò, sî bǎ sî̌ya te̤mǎ ta Ye̤shǔ htě sî htǎwa̤si yǎ nò̌dòhtǔlo̤ htǒotapwa̤nu, Cǒmara ǐhtûhtò̌ nû̌û ta a mî̌ Běcǎ mî̌ amè̤mè̤, Khrî̌stu mî̌ amè̤mè̤ hǒ,” Petru hî̌ hǐnu.

Pwa̤nophû̌ 3:15

Sî ma̤sikè kòyò htě a ǐ kò ta̤htûpwa̤ htǒonu tapwa̤, pò̤̌ta Cǒmara ma̤htûpwa̤gesǒ yǎ dě ta̤sikla hǒ. Dě ta̤htûhtò̌ana̤ pwǐhè̌o numî̌ pa kè̌shǐ ta pana̤ hǒ.

Pwa̤nophû̌ 5:31

Ma̤pûhǐ Cǒmara ǐ Israelphû̌ toǒ yò̤lò̤ge asò̌ ta ta̤bòlû̌kè ta̤sǔ toǒ ayanu, a bè̌ǒ Ye̤shǔ dě acǔdemû tokho pwǐ kòyò htûdû̌htûpwa̤ tapwa̤ ta pwa̤ma̤lû̌htò̌ge kò tapwa̤nu hǒ.

Pwa̤nophû̌ 5:41

Pwa̤nophû̌ toǒ sò̌le̤sò̌lò̤ hǎhtò̌cû̌kè dě Yṳ̌daphû̌ hǐkǒdû̌ htǒotoǒ a lo̤mo̤, ma̤tè̤hî̌dě asî gû Ye̤shǔ akò akhû̌akhî, Cǒmara bè̌nòpwǎ asî ta agwa khòbǎ kò ma̤sòwò̤ asî hǐnu.

Kôritu awǐlǒ tôbǎ 1:18

Kòyò toǒǒ yṳǎ ta̤ tò̤ akhû̌akhî, Cǒmara cèrò asî pě. Kòyò hǐnu toǒnu, a gènè̤ lǒkho ta Khrî̌stu si nò̌dòhtǔlo̤ awi̤akè̌ htǒonumî̌ a ǒlû̌ǒkhlo pwǎ. Pwǎ̤ta pa nî̤bǎ ta̤ma̤lû̌htò̌ge htǒotoǒ ayanu, ta̤wi̤ta̤kè̌ htǒo a mî̌ Cǒmara a ta̤po̤ta̤phǎ shû̌sho ta paya hǒ.

Kôritu awǐlǒ tôbǎ 1:23

Hǐnudě bǎ pa dǒhtû̌ǐ Khrî̌stu si nò̌dòhtǔlo̤ akhanu, Yṳ̌daphû̌ toǒ gènè̤ sò̌phlǒsha mè̤mè̤̌. Yṳ̌daphû̌ mè̤tò̤ toǒ lè̌dě a hî̌ ta amûasǎ ǒ asîya dǐcǎ꤮ tò̤.

Ěphěsu 2:16

A khòsi asò̌ dě nò̌dòhtǔlo̤ akhû̌akhî, kòyò htǒoginǐ̤gumṳnu a ma̤tǒhtu gesǒnû̌û tṳgumṳpa, dě a ma̤klaǐkè̌khî gesǒ asî ta Cǒmara hǒ. Hǐnudě asî tapwa̤ ta tapwa̤ sò̌khěkhû̌khwèpe nû̌û tò̤.

Ěphěsu 5:2

Sî to ǒhtûpwa̤ lǒkho hî̌tè numî̌, mo̤ǐ lǒkho kòhǔwa̤ pṳ̂̌꤮ ti̤ni̤ sǒsǒta Khrî̌stu mo̤ǐ pa dě a khòsi asò̌ ta payanu nî̌꤮. Htohǒtò̤ Khrî̌stu lṳhtò̌ǐ a ta̤htûpwa̤ dě Cǒmara a lo̤mo̤ sǒsǒta ta̤nṳmû̌nṳshu htě ato Cǒmara asò̌phlǒ htǒonu.

Phǐlǐpǐ 1:6

Cǒmara htě a tèhtò̌ htû̌lè̌wǒgehto sî sò̌phlǒ htǒotapwa̤nu, he yṳǎ te̤mǎ yǎta a ma̤wǒ sělěphlǔ to̤htû̌ Ye̤shǔkhrî̌stu amṳni̤ hèto̤ pěnu taplǎ pě.

Phǐlǐpǐ 3:20

Pwǎ̤ta pahtǒo toǒ numî̌ mǒkhû̌ a shiphû̌gaphû̌ dě pa sò̌phlosho ǒpo̤kè̌shuǐ pa Běcǎ Ye̤shǔkhrî̌stu htě a ma̤lû̌htò̌ge pahtǒo ǒ mǒkhû̌ hèlò̤ pě htǒonu tapwa̤ hǒ.

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Hebrǔ 1:13

“Hǎnòò̌ dě he cǔdemû htǒotokho, hǎnòò̌ to̤htû̌ he nopǒǐ na ta pwa̤ htě a sò̌khě na htǒotoǒ hè sabahtò̌ to̤ na dě na khò̌lopo̤ kòshî̌ pě,” Cǒmara hî̌nǒ amǒkhû̌tanaphû̌ toǒ pwǐhè̌onu dǐmû̌꤮ tò̤.

Hebrǔ 1:3

Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Hebrǔ 10:14

Dě Khrî̌stu lṳhtò̌ pwǎ ana̤ taplǎpa akhû̌akhî, kòyò htě a ma̤mṳ̂plîhto asî ta̤sǔ toǒnu, a ma̤cǒma̤tè̤ asî tûjûpwa̤ hǒ.

Hebrǔ 10:33

Taplǎplǎnu kò ma̤ tukutakǎ sî, kò ma̤jîma̤jû sî dě kòyò tṳ̂prṳ̂taphǎ alo̤mo̤, taplǎplǎnu sî cû̌ ma̤shû̌ma̤jo kû̌dǒ kòyò htě kò ma̤jîma̤jû asî hǐnu toǒ.

Hebrǔ 11:36

Toǒǒnu, kò ma̤ sòwò̤bò asî, kò pi̤jishǐcǒbò asî, dě kò phlě asî ta sǒpli̤nò̌plè, toǒǒnu kò coglo asî ta sǒpli̤te̤htò̌, dě kò dǒnṳ asî dě apo̤kû.

Hebrǔ 12:3

Ma̤pûhǐ sî ma̤ ta̤wǒ dě sî lòdǒlòde pûtò̤, dě sî sò̌phlǒpî̌kè pûtò̤ ayanu, gènè̤kè̌ lǒkhomò̌ Běcǎ Ye̤shǔ awi̤akè̌ htǒonu, ta̤ma̤sǔphû̌ toǒ sò̌khěkhû̌khwè nû̌û ma̤tukutakǎ mè̤mè̤̌ nû̌û pwǎ̤tadě a khòsò̌do mè̤mè̤̌ asîkhû̌.

Hebrǔ 13:13

Hǐnudě pa cû̌ khòplǒdǒ ta̤pi̤jishǐcǒ ta a dě wî̤khlo htǒonu hò̌꤮.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Hebrǔ 8:1

Khònò̤htǒo, ta̤ htě a lo̤bǎdû̌shǐ tacǎ dě he sò̌yṳ nosî̌yaphlo sî numî̌ pa pwa̤lṳhtò̌ hǐkǒdû̌gutṳ̌ htǒotapwa̤ hǒ. A mî̌ Ye̤shǔ hǒ. Khònò̤htǒo a hǎnòò̌ mǒkhû̌ dě a hǎnòò̌ bǎ Cǒmara alîarakha, apo̤aphǎ htǒotapwa̤ la̤hǎnòò̌ acǔdemûnu tokho hǒ.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Jǎgomo̤ 2:1

He pṳwè̤ sî꤮, sî mî̌ kòyò htě a yṳǎna̤ǎ Běcǎ Ye̤shǔkhrî̌stu dě a ǒ ta ta̤sîrîdû̌sîrîhtû tapwa̤ toǒ. Hǐnu akhû̌akhî, sî tobǎ kè̌dû̌kè̌pî̌tî̌ kò dǐpwǎ̤꤮ tò̤.

Petru awǐlǒ tabǎ 1:11

Khrî̌stu a sǎcahtǐ ǒ pwa̤po̤ toǒ a sò̌phlǒkû dě a hî̌nǎwǐ Khrî̌stu awi̤akè̌ ta a khòbǎwǐ ta̤jîta̤jû toǒ pě. Htodě ta̤sîrîdû̌sîrîhtû toǒ hènǒ anǒkò pě, asî kè̌lǎsî̌ya lǒkho ta akhîakha bǎ bò̌khòtè pě, htodě a ma̤ ana̤ hî̌tè pě hǐnu.

Petru awǐlǒ tabǎ 3:18

Ma̤tè̤hî̌dě Khrî̌stu khòsipwǎ bǎ ana̤ ta kòyò ta̤sǔ aya taplǎpa dě ahtoaphlǔ hǒ, a lo̤bǎ khòsipe nǒtò̤. Ma̤pûhǐ a sûcû̌ sî Cǒmara a ǒ dě kòyò cǒtè̤ htǒotapwa̤nu, a hè khòsihto bǎ kòyò ta̤ma̤sǔphû̌ toǒ agûla̤ hǒ. Kò ma̤si ana̤klû pwǎ̤tadě Cǒmara ma̤htûpwa̤gesǒ yǎta Běcǎ sǎcahtǐ akû.

Petru awǐlǒ tabǎ 3:22

Ye̤shǔkhrî̌stu gekihtò̌ mǒkhû̌ dě a gehǎnòò̌ Cǒmara acǔdemû tokho hǒ, dě a pǒǐbò tanaphû̌ toǒ ta ta̤sîrîshû̌sho toǒ, ta ta̤po̤ta̤phǎ toǒ hǒ.

Yṳ̌da 1:21

Bǎ sî ǒpo̤kè̌shuǐ Běcǎ Ye̤shǔkhrî̌stu a ta̤gwèbǎǐ htě a ǐ pa yolahtûpwa̤ tûjûpwa̤ htǒotapwa̤ hè akhapěnu, ǒhtûpwa̤ sělě lǒkho ta Cǒmara ata̤mo̤ǐ akû nî̌꤮.

Ta̤dǔlè̌nǎ 1:11

Yo̤po̤htò̌ dě a hî̌, “Khwè̌mǎǐ ta̤htě na kè̌shǐnu toǒ. Htodě sûcû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a mî̌ Ephè̌shia, Samǔranǎ, Pekamǔ, Twatǐra, Sadǐ, Philadělaphǐa, Lò̌diki dě a ǒ lǒkho dě wî̤ susǒtî̤wî̤ htǒotoǒ akûnu.”

Ta̤dǔlè̌nǎ 1:17

He kè̌shǐ a akhanu, he lòkhǔpo̤ sisiwi̤ sǒsǒta kòyòsi tapwa̤ dě a khò̌lopo̤kòshî̌nu, htodě a bè̌htò̌ acǔdemû helo̤ dě a hî̌, “Ǐsha pûma̤, he mî̌ ta̤akòshî̌ ta ta̤agutṳ tapwa̤.

Ta̤dǔlè̌nǎ 1:8

Běcǎ Cǒmara hî̌, “He mî̌ akòshî̌ ta agutṳ” dě a hî̌, “He mî̌ Cǒmara dě a htûpwa̤ bǎ꤮ nukha tapwa̤, khònò̤kha mî̌ he htûpwa̤pwa̤, nǒkòpěmî̌ he htûpwa̤pwa̤. He mî̌ Cǒmara htě a jò ta̤lǒ̤꤮ bò tapwa̤.”

Ta̤dǔlè̌nǎ 2:8

“Khwè̌cû̌ lî̤htǒo dě Samǔranǎwî̤ pwa̤yṳǎta̤ aprṳ̂aho a tanaphû̌nu tapwa̤ ǒnu,” a hî̌ he hǐnu. Dě a hî̌, “Ta̤wi̤ta̤kè̌ htǒonu, a hè dě pwa̤ htě a sihto a htûpwa̤gesǒ htǒotapwa̤ ǒ. A mî̌ ta̤akòshî̌ ta agutṳ tapwa̤.