Hebrǔ 12:16 - Kawyaw RC

¹⁶ Nohtûhtò̌ lǒkho pûma̤ sî na̤klû htǒonu ta kòyò htě a cû̌sǔnṳ mamǔmakhûnu toǒ ma̤ nî̌. Htûhtò̌ sǒsǒ lǒkho pûma̤ pwǐ Ětò̌ htě a bè̌ duna̤ kû̌kò Cǒmara ayo̤ tò̤ dě a shaǎkè aphû̌wè̤pwa̤ û̌cata̤ya ta hǎsǐ tabanu tapwa̤ ma̤ nî̌.

Kawyaw New Testament

¹⁶ Nohtûhtò̌ tǎ̤ lô̌khô sî nǎ̤glǒnu kû̌ kòyò dǒ a cû̌sǔnṳ̌plěnṳ̌ pwa̤mǒ̤pwa̤khû nutokhlǒ tǎ̤mǎ̤ nî̌꤮. Htûhtò̌ sô̌sô̌ lô̌khô tǎ̤ pô̤̌ Khûětò̌ dǒ a bè̌dû̌ kû̌ kòyò Cǒmara ayô̤̌ tô̤̌ dě a shaǎ ǐ sô̌ phû̌wè̤̌pwǎ̤ û̌tě̤û̌ca kû̌ hǎsǐ tôbè nutôpwa̤ tǎ̤mǎ̤ nî̌꤮.

Hebrǔ 12:16 Iomraidhean Croise

Mǒhtûlû̌hǎhtûsa 27:36

Dě Ětò̌ hî̌, “Ami̤ ta Yǎ̤kò mî̌ awa̤ mè̤mè̤̌ ta ami̤, a lîmòǎ dě hekhû̌ ginǐ̤plǎ hǒ. A lîmò phî̌sigwikèhto he phû̌wè̤pwa̤ agûla̤ hǒ. Khònò̤dě a lòho phî̌sigwipo̤ he ta̤howi̤ hǒhǒ!” Dě a gwèpo̤ apha, “Ta̤howi̤ htě na bè̌ǒkhǒkè bǎ heyanu aǒjòpe dǐcǎ꤮ tò̤ ya?” (Yǎ̤kò amûasǎ mî̌ lîmòǎ kòkhû̌.)

Mǎ̤riko 7:21

Ta̤htě a ǒ dě kòyò sò̌phlǒkû hǎhtò̌ toǒ numî̌ mî̌pwǎ ta̤gènè̤ phû̌mò̤shî̌hto toǒ, cû̌sǔnṳ mamǔmakhû ǒpelesesǎ, ǎhǔǎkě, ma̤si kòyò, cû̌sǔnṳ kòphû̌kòwṳ̂,

Pwa̤nophû̌ 15:20

Pa to khwè̌ bǎ asî lî̤, dě pa to hî̌ta̤pǎ̤꤮ asî ta shǎǎ htě kò lṳhtò̌ yǎta pwa̤yo̤pwa̤gî toǒnu, amṳ̂aplîtò̤ akhû̌akhî, pa tobǎ noǎ asî tò̤, pa tobǎ nocû̌sǔnṳ asî ta mamǔmakhû tò̤, htodě pa tobǎ noǎnṳ asî ta ta̤phû̌ta̤li̤ htě kò cîsi agobonu toǒ tò̤, htodě ta̤sǐ titètè̌ bǎbǎnu, pa tobǎ noǎnṳ asî tò̤.

Pwa̤nophû̌ 15:29

Ta̤ htě a lo̤bǎ gûma̤ toǒ mî̌ kwè̌꤮ titèhî̌dě shǎǎ htě kò lṳhtò̌ yǎta pwa̤yo̤pwa̤gî toǒnu, ǎ lǒkho pûma̤, ta̤sǐ numî̌ ǎyǎ nî̤ tò̤tò̤, ta̤phû̌ta̤li̤ htě kò cîsi agobo numî̌ ǎyǎ nî̤ tò̤tò̤, htodě cû̌sǔnṳplěnṳ lǒkho pûma̤ mamǔmakhû ma̤. Sî dè plò̤bò̌ lǒkho ta̤htǒotoǒ ala̤ hî̌numî̌, a wǒ tû̌ sîya pě. Ǒmo̤ǒkwǐ ǒshû̌ǒmo̤ lǒkho tû̌ nî̌. Asî khwè̌cû̌ lǒkho hǐnu.

Kôritu awǐlǒ tôbǎ 10:8

Pa bǎ cû̌sǔnṳ kû̌ mamǔmakhû pwǐ asîkla toǒǒ cû̌ sǔnṳnu tò̤. Asî cû̌sǔnṳ mamǔmakhû akhû̌akhî, ti̤ni̤ akû pwǎnu, asî sikè kòyò ginǐ̤sò̌ ta surî̌.

Kôritu ginǐ̤bǎ tôbǎ 12:21

Dě sî ta̤ǒhtûpwa̤hǎnòò̌ ma̤ lǒkho hǐnu akhû̌akhî, he hè ǒlèkû̌ sî htǒotaplǎ pěnu, pěmî̌ he kè̌shǐbǎ ta ta̤sòwò̤ dě Cǒmara a lo̤mo̤ pě he gènè̤ ǐsha hǐnu. Ma̤tè̤hî̌dě, dě awǐanǒ numî̌ kòyò htě a cû̌sǔnṳ mamǔmakhû toǒ, gènè̤ putupatǎ toǒ ta a cû̌sǔnṳ kòphû̌kòma toǒnu, a yò̤lò̤ge lǒkho asò̌ tò̤. Hǐnudě kòyò htǒotoǒ akhû̌akhî, he hǎsihǎǒ asîya pě kò̌ he bǎgu hǐnu.

Ěphěsu 5:3

Sî htû Cǒmara akòyò cahtǐ toǒ akhû̌akhî, ta̤cû̌sǔnṳ mamǔmakhû, ta̤ma̤ sòwò̤tû̌ ûna̤ ta sǐshiphěyî̌ a ta̤sò̌yṳ phû̌mò̤shî̌hto pṳ̂̌tacǎ, tò̤mî̌ phî̌sigwiwe̤saphǎ ǎ tû̌aya toǒnu, a tobǎ ǒ dě sîkla dî̌kî̌꤮ tò̤.

Ěphěsu 5:5

Sî sî̌ya mè̤mè̤̌ ta kòyò htě a cû̌sǔnṳ mamǔmakhû, kòyò htě a ma̤sòwò̤ ana̤ ta sǐshiphěyî̌ a ta̤sò̌yṳ phû̌mò̤shî̌hto toǒ, ta phî̌sigwiwe̤saphǎ ǎ tû̌aya toǒnu, a nî̤bǎjòkû̌ kòyò û̌cata̤bî̌ dě Khrî̌stu ta Cǒmara ashiaganu dǐpwǎ̤꤮ tò̤. Kòyò htě a phî̌sigwiwe̤saphǎ ǎ tû̌aya toǒ numî̌ asǒsǒta sabahtò̌ pwa̤yo̤pwa̤gînu hǒ.

Kòlòtè̌ 3:5

Hǐnu akhû̌akhî, wîkè sî ta̤ǒhtûpwa̤ li̤ a ta̤sò̌yṳ, ta̤cû̌sǔnṳ mamǔmakhû, ta̤ǒhtûpwa̤ htě a mṳ̂plî tò̤ toǒ, sò̌phlǒ putupatǎ, ta̤sò̌yṳ phû̌mò̤shî̌hto, ta sò̌yṳ nî̤bǎ dû̌htò̌po̤ ta̤dû̌yò̤htò̌sa toǒ. Ta̤sò̌yṳnî̤bǎ dû̌htò̌po̤ ta̤dû̌yò̤htò̌sa mî̌ asǒsǒta saba pwa̤yo̤ hǒ.

Tîmôte awǐlǒ tôbǎ 1:9

Pa sî̌ya ta ta̤sû̌ta̤tòwò htǒotoǒnu, kò ǐǒhtò̌ yǎta kòcǒkòtè̤ toǒ ayanu mè̤tò̤. Mî̌tanu, kò ǐǒhtò̌ kòyò htě a ma̤sǔ ta̤sû̌ta̤tòwò toǒ ta kòyò htě a gana̤de kû̌kò tò̤ toǒ, htodě kòyò htě a bè̌dubè̌na̤ kû̌kò Cǒmara tò̤ toǒ, ta kòyò htě a ma̤ ta̤sǔta̤plě toǒ, ta a saba kû̌kò Cǒmara tò̤ toǒ, ta a gènè̤ kû̌kò Cǒmara tò̤ toǒ, ta a ma̤si apha dèmè̤tò̤mî̌ amo̤ toǒ, ta a ma̤si kòyò toǒ,

Hebrǔ 13:4

Kòyò lǒ̤bò htě a ǒ ta hǐtaphò toǒ ayalè̌ dě, a ǒ ta aphû̌ama htǒo akhû̌akhî, a bǎ bè̌dubè̌na̤ lǒkho a ǒ ta hǐtaphò htǒonu. Ma ta wṳ̂nu bǎ ma̤bò̌ nû̌ûkhû̌ tò̤, bǎ cǒtè̤ nû̌ûkhû̌ tapwa̤ ta tapwa̤. Kòyò htě asò̌phlǒ patǎ phû̌mò̤nu toǒ ta kòyò htě a cû̌sǔnṳ kòphû̌kòma toǒnu Cǒmara cèrò asî pě.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”

Ta̤dǔlè̌nǎ 22:15

Kòyò lò̤ta akho tò̤ alò̤ta Chyǐ toǒ, khînǎkhîno sara toǒ, kòyò cû̌sǔnṳ mamǔmakhû toǒ, kòyò ma̤si kòyò toǒ, kòyò saba pwa̤yo̤pwa̤gî toǒ, kòyò lǒ̤꤮ bò htě a mo̤ǐ ta̤lòhǎlòho dě a ǒhtûpwa̤ gûma̤kû̌ hǐnu pṳ̂̌꤮ taplǎ toǒnu, a ǒ lǒkho wî̤khlo pě.