Hebrǔ 12:15 - Kawyaw RC

¹⁵ Ma̤pûhǐ sî pṳ̂̌꤮ tapwa̤ nî̤bǎdǒ lǒkho Cǒmara abwǐasîrî htǒonudě, sè̌rè̌ǐ lǒkho sîna̤ nî̌꤮. Nohtûhtò̌ pûma̤ lǒkho sîna̤ pwǐ sǒmṳwè̤ htě kò ǎyǎ dě a sijò kònu toǒ dǐpwǎ̤꤮ ma̤ nî̌. Kòyò htě alò̤ta sǒmṳwè̤ htě kò ǎyǎ dě kò sijò htǒotoǒnu, a glè dǒhtò̌ sîkla dě a ma̤pò̤ma̤sha kòyò saprṳ̂ ta a wè̤htò̌si htǒonu pě.

Kawyaw New Testament

¹⁵ Pô̤̌khô sî pṳ̂̌꤮ tôpwa̤ gǔ nǐ̤bǎ lô̌khô Cǒmara abwǐsîrî nudě, sè̌rè̌ lô̌khô sînǎ̤ nî̌꤮. Nohtûhtò̌ tǎ̤ lô̌khô sînǎ̤ pô̤̌ sǒmṳ̌ dǒ awè̤̌htòô̌ dě kòyò ǎ a dě a sijò kòyò nutokhlǒ tôpwǎ̤ tǎ̤mǎ̤ nî̌꤮. Kòyò dǒ asô̌sô̌kû̌ sǒmṳ̌ dǒ a ma̤ sijò kòyò tokhlǒnu a gǔ dô̌htò̌ dǒ sîkla dě a ma̤pò̤̌ma̤sha dû̌wî̤ kòyò kû̌ a ta̤wè̤̌ta̤htò si nupě.

Hebrǔ 12:15 Iomraidhean Croise

Hebrǔ 3:12

He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Galatǐ 5:4

Dě sîkla toǒǒnu, a gènè̤sǔ lǒkho ta asî dè gûma̤kû̌ ta̤sû̌ta̤tòwò hî̌numî̌ Cǒmara bè̌cǒbè̌tè̤ nû̌û pě, hǐnu. Sî dè gènè̤ lǒkho hǐnu hî̌dě sî bǒsû̌khǎkhope sîna̤ ta Khrî̌stu tò̤ hǒ. Sî htěpa̤ tephekè sîna̤ ta Cǒmara abwǐasîrî htǒonuhǒ.

Kôritu ginǐ̤bǎ tôbǎ 6:1

Pa mî̌ pwa̤ma̤htuta̤ ta Cǒmara toǒ akhû̌akhî, pa tûsû sî ta sî ǒhtûpwa̤ pwǐ Cǒmara sò̌yṳ noǒhtûpwa̤ sînu. Sî mî̌ kòyò htě a nî̤bǎhto Cǒmara abwǐasîrî toǒ hǒ akhû̌akhî, sî bǎ ǒhtûpwa̤ lǒkho hǐnu.

Yṳ̂ha ginǐ̤bǎ tôbǎ 1:8

Hǐnu akhû̌akhî, ma̤pûhǐ sî nî̤bǎhto ta̤nu toǒ hǎmǎkè pû bǎ sî tò̤nu, htohǒtò̤ ma̤pûhǐ sî nî̤bǎ lǒbebò sî ta̤ma̤khû̌kǎ ayanu, sè̌rè̌ǐ lǒkho sîna̤ nî̌.

Kôritu awǐlǒ tôbǎ 15:33

Yṳǎ pûma̤ kòyò htě a hî̌ hǐnu toǒ ma̤. Pwǐ kò hî̌ ta, “Sî dè bǒsû̌ sî sû̌kho htě a ma̤ ta̤phû̌mò̤shî̌hto toǒ dě a gènè̤ ta̤phû̌mò̤shî̌hto toǒnu, a wa̤nî̤ sî pě dě sî htûhtò̌ sǒsǒta kòyò phû̌mò̤shî̌hto pwǐ asînu pě.”

Petru ginǐ̤bǎ tabǎ 3:14

Hǐnudě khobǒsû̌bǒmo̤ sî꤮, sî ǒpo̤kè̌shuǐ ta̤htǒo akhû̌akhî, ma̤pûhǐ Cǒmara kè̌shǐ pû sî ta kòyò htě awî̌ ta ta̤sǔ tò̤nu, htodě ma̤pûhǐ ala̤bè̌ ta̤sǔ dě sîlo̤ ǒ pûtò̤, htohǒtò̤ ma̤pûhǐ sî ǒpè̤ǒdû to̤ ta a pěnu, jipwi̤ sělě lǒkho nî̌꤮.

Hebrǔ 4:1

Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Kôritu awǐlǒ tôbǎ 5:6

Sî cû̌ hî̌bǎ htò̌yî̤ tǒ̤ sîta̤hî̌bǎ hǐnumî̌ amè̤ tò̤. Gènè̤htò̌ lǒkho ta̤hî̌bǎ tûmû dě a hî̌, “Ta̤bû tîkî̌phû̌ pwǎ dě a ma̤tophǒbò mû̌ to̤glo,” kò hî̌ numî̌ sî sî̌ya yahî̌. Hǐnudě kòyò htǒotapwa̤ a ta̤sǔnu, a dǔlṳhtò̌ to̤kû̌bò sî tṳ̂prṳ̂ ata̤sǔ hǒ.

Hebrǔ 4:11

Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Kôritu ginǐ̤bǎ tôbǎ 13:5

Ma̤pûhǐ sî sî̌yaǐ lǒkho sîna̤ ta sî cǒtè̤ ta ta̤yṳ ya, sî cǒtè̤ tò̤ yanu, gwèlò̤ lǒkho sîna̤nu. Khrî̌stu ǒhtûpwa̤ dě sîkû numî̌ sî sî̌ya tò̤ ya? Pwǎ̤tadě sî dè kè̌shǐ ta sî ta̤yṳ tò̤nu, Ye̤shǔkhrî̌stu ǒhtûpwa̤ dě sîkû tò̤.

Kôritu awǐlǒ tôbǎ 10:12

Hǐnudě na gènè̤ nana̤ ta he ta̤yṳta̤nǎsho mè̤mè̤̌ dèhî̌dě, ǒsè̌rè̌ nana̤ nî̌꤮, pěmî̌ na ma̤sǔ hè̌.

Hebrǔ 6:11

Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.

Petru ginǐ̤bǎ tabǎ 2:18

Asî hî̌bǎ bè̌htò̌yî̤ lǒkho ayo̤ htě abwǐasîrî ǒtò̤ toǒ. Asî cû̌ sû̌ǐ kò ta kò glè ma̤ta̤sòwò̤ ta sǐshi a ta̤sò̌yṳ patǎ toǒ. Asî lǒcû̌ tephekè kò ta klè̌toklè̌bǎ toǒ. Kòyò htě asî lǒplò̤ toǒnu, a ǒkǔsa mǒ̤bòpepwǎ ta ta̤sǔ pwǐ asînu toǒ ma̤nu pwǎ.

Kòlòtè̌ 3:5

Hǐnu akhû̌akhî, wîkè sî ta̤ǒhtûpwa̤ li̤ a ta̤sò̌yṳ, ta̤cû̌sǔnṳ mamǔmakhû, ta̤ǒhtûpwa̤ htě a mṳ̂plî tò̤ toǒ, sò̌phlǒ putupatǎ, ta̤sò̌yṳ phû̌mò̤shî̌hto, ta sò̌yṳ nî̤bǎ dû̌htò̌po̤ ta̤dû̌yò̤htò̌sa toǒ. Ta̤sò̌yṳnî̤bǎ dû̌htò̌po̤ ta̤dû̌yò̤htò̌sa mî̌ asǒsǒta saba pwa̤yo̤ hǒ.

Ěphěsu 5:3

Sî htû Cǒmara akòyò cahtǐ toǒ akhû̌akhî, ta̤cû̌sǔnṳ mamǔmakhû, ta̤ma̤ sòwò̤tû̌ ûna̤ ta sǐshiphěyî̌ a ta̤sò̌yṳ phû̌mò̤shî̌hto pṳ̂̌tacǎ, tò̤mî̌ phî̌sigwiwe̤saphǎ ǎ tû̌aya toǒnu, a tobǎ ǒ dě sîkla dî̌kî̌꤮ tò̤.

Galatǐ 2:13

Yṳ̌daphû̌ htě a yṳǎ Khrî̌stu ahǔwa̤ toǒnu, a sî̌ya ta Petru ma̤ htǒonumî̌ a totò̤, pwǎ̤ta a gûma̤kû̌ pwǐ Petru ma̤nunu. Banabǎ gûma̤kû̌ tû̌ pwǐ asî jîkhǒjîyò ma̤nu hǒ.

Kôritu awǐlǒ tôbǎ 13:8

Ta̤mo̤ǐnu agutṳjòtò̤, a ǒměǒgle tûjûpwa̤. Pwa̤po̤ a ta̤hî̌bǎ toǒ bǎbǎ, ta̤hî̌bǎjò yo̤khěkhǒhtǒo toǒ bǎbǎ, ta̤sî̌yaphlophǎ toǒ bǎbǎ, a ǒ měgle tûjûpwa̤ tò̤, a hǎmǎkèbò pě.

Petru ginǐ̤bǎ tabǎ 3:11

Cǒmara ma̤pî̌kèbò pwǐhè̌onu pě akhû̌akhî, sî dě, sî tobǎ ǒhtûpwa̤ hî̌tè hî̌nudě, bǎ sî ǒpo̤ kè̌shuǐ Cǒmara hè pě akhanu, sî to ǒhtûpwa̤ cahtǐ dě, sî to ǒhtûpwa̤ to ta Cǒmara asò̌phlǒ.

Petru ginǐ̤bǎ tabǎ 1:10

Hǐnudě pṳwè̤ sî꤮, ma̤pûhǐ Cǒmara ata̤kaǎ sî htǒonu ta a ta̤wû̌lǎhtò̌ sî htǒo glè htûhtò̌ hè mè̤mè̤̌ ayanu, jipwi̤ ma̤dû̌htò̌po̤ lǒkho dě alo̤mo̤ tokho nî̌꤮. Sî dè ma̤hǐnu hî̌dě sî htò̌tukhu lòkhǔpe dǐkhò̌꤮ tò̤ hǒ.

Lǔka 22:32

Pwǎ̤tadě, Shîmǒ̤nè̤, ma̤pûhǐ na ta̤yṳta̤nǎ pî̌kè pûma̤nu, he kwisaba bǎ naya. Htodě bǎ na sî̌yalò̤ gesǒ nana̤ pěnu, na tobǎ ǐkhû̌ǐǎ na pṳwè̤ toǒ pě nî̌꤮.”

Tǐtǔ 1:15

Kòyò tapwa̤pwa̤ a mṳ̂plî Cǒmara a lo̤mo̤nu, ta̤ lǒ̤꤮ bò mṳ̂plîbò dě alo̤mo̤ hǒ. Pwǎ̤tadě kòyò htě a mṳ̂plî kû̌kò tò̤ dě a yṳǎna̤ǎ kû̌kò tò̤ toǒnu, dě alo̤mo̤nu a mṳ̂plî dǐcǎ꤮ tò̤. Asî ta̤sǔ toǒnu a ma̤ phû̌mò̤bò getû̌ asî ata̤gènè̤ ta asò̌phlǒ dě a sî̌yatû̌ ta̤wǒ ta ta̤phû̌mò̤ htǒonuhǒ.