Hebrǔ 12:13 - Kawyaw RC

¹³ Tûrû̌ gûhè sělěkû̌ ta̤te̤ta̤mǎ aklè̌ htǒonu nî̌꤮. Kòyò htě ata̤yṳ pî̌tî̌ toǒnu, alò̤ta kòyò khò̌lopo̤děnu toǒ hǒ. Ma̤pûhǐ kòyò htě a khò̌lopo̤dě htǒotoǒ htò̌tukhu pûtò̤, htodě ma̤pûhǐ asî khò̌lopo̤ wǒgesǒ ayanu, tûrû̌ gûhè sělěkû̌po̤ lǒkho nî̌꤮.

Kawyaw New Testament

¹³ Tûlû̌ gû̌hè sělě gutṳ̌ ta̤tě̤ta̤mè̤̌ aklè̌nu nî̌꤮. Kòyò dǒ ata̤yṳ̌ pî̌tî̌ tokhlǒnu, asô̌sô̌kû̌ kòyò khò̌lôpô̤̌dě nutokhlǒ hǒ. Pô̤̌khô kòyò dǒ a khò̌lôpô̤̌dě nutokhlǒ gǔ lò̤khǔpo̤ tô̤̌, htodě pô̤̌khô asî khò̌lôpô̤̌ wô̌ tîkhîsô̌ ayanu, tûlû̌ gû̌ sělě hènè gû̌pô̤̌ lô̌khô nî̌꤮.

Hebrǔ 12:13 Iomraidhean Croise

Lǔka 3:5

Lo̤to̤kû lǒ̤꤮ bò toǒnu, bǎ sǒbǐbò. Khomǔkholo ta khoplǔkhû̌ lǒ̤꤮ bò toǒ, bǎ ma̤gunò̤ bò. Ma̤nò̤bò klè̌ htě a te̤gwenu toǒ. Bǎ ma̤sî̌bò klè̌ htě a tinitǒnǒ toǒnu.

Galatǐ 2:14

Bǎ he kè̌shǐ ta asî cû̌tope ta ta̤sò̌le̤sò̌lò̤ awi̤akè̌ a ta̤te̤ta̤mǎ aklè̌aklò tò̤ akhanu, he hî̌ Petru dě asî lo̤mo̤, “Na mî̌ Yṳ̌daphû̌ tapwa̤ pwǎ̤ta na ǒhtûpwa̤ pwǐ Yṳ̌daphû̌ mè̤tò̤ tapwa̤ numî̌ anî̤ hǒ. Pwǐ Yṳ̌daphû̌ tapwa̤ ala̤klo ma̤nu, na to lṳ̂kû̌ ma̤kû̌pe tò̤, ma̤tè̤hî̌dě khònò̤htǒo na yṳǎhto Khrî̌stu hǒ. Ma̤hǐnudě khònò̤htǒo na cû̌ noshû̌ Yṳ̌daphû̌ mè̤tò̤ dě a yṳǎ Khrî̌stu toǒ ta a glè gûma̤kû̌ pwǐ Yṳ̌daphû̌ ala̤klo numî̌ anî̤ ya?”

Galatǐ 6:1

Pṳwè̤ sî꤮, sî dè kè̌shǐ kòyò tapwa̤pwa̤ htě a ma̤sǔ ta̤ tukǔkǔ hî̌nu, sî htě a ǒhtûpwa̤ pwǐ Běcǎ sǎcahtǐ yṳ̂klè̌nè̌klò ǐ sî htǒo toǒnu, sî lo̤bǎ cû̌ sû̌ǐtòwòǐ gesǒ yǎ. Sî bǎ ma̤lè sò̌dohobî̌ yǎ htodě ma̤pûhǐ sî gûcû̌kû̌ pû dě ta̤htû̌sǒbǎ aphû̌mò̤ akû tò̤nu, ǒsè̌rè̌ lǒkho sîna̤ nî̌꤮.

Jǎgomo̤ 5:16

Hǐnudě, olò̤mèlò̤ lǒkho sî ta̤sǔ toǒ tapwa̤ ta tapwa̤, dě ma̤pûhǐ sî ǒshû̌ǒmo̤ gesǒ ayanu, kwisaba bǎ nû̌û tapwa̤ ta tapwa̤ nî̌. Kòcǒkòtè̤ tapwa̤ a ta̤kwisabanu, a ǒ ta a ta̤sîrîshû̌sho dě a ma̤jèplṳ̂bò̌ mè̤mè̤̌ ta̤toǒ.

Petru awǐlǒ tabǎ 2:24

Ma̤pûhǐ pa tǒhtupe pû ta ta̤sǔta̤plě toǒ tò̤nu, htohǒtò̤ ma̤pûhǐ pa ǒhtûpwa̤bò̌ kû̌ta ta̤cǒta̤tè̤ pě ayanudě, bǎ kò htǎwa̤si Khrî̌stu dě nò̌dòhtǔlo̤ akhanu, a phî̌htò̌kè pa ta̤sǔta̤plě htǒotoǒ dě ana̤lo̤ hǒ. A khòbǎ ta̤jîta̤jû htǒotoǒ akhû̌akhî, a ma̤bǎkèbò sî hǒ.