Hebrǔ 12:11 - Kawyaw RC

¹¹ Bǎ Cǒmara sǎhtǎ sû̌ǐ wǒge pa akhanu, alò̤ta sǎpla̤sǎyṳnu, alò̤ta ta̤sò̌le̤sò̌lò̤ ǒ dǐcǎ꤮ tò̤. Pwǎ̤tadě kòyò htě a khòbǎnǒ kò sǎhtǎ sû̌ǐtòwòǐ wǒge nû̌û htǒotoǒnu, nǒkòpě dě a nî̤bǎlè̌ khû̌kǎ pěnumî̌ mî̌pwǎ ta̤ǒhtûpwa̤ acǒatè̤ dě a nî̤bǎ sò̌phlǒ gûjûkabǎ pě.

Kawyaw New Testament

¹¹ Bǎ Cǒmara tṳ̂mṳ̂̌ sû̌ǐ wô̌ gesô̌ pa akhanu, a sô̌sô̌ kû̌ sǎplǎ̤sǎyṳ lû̌ûnu, a sô̌sô̌ kû̌ ta̤sǎlě̤sǎlò̤ ô̌ tôcǒ tô̤̌. Bǎbǎkǎlè kòyò dǒ a khòbǎ nô̌ kòyò tṳ̂mṳ̂̌ sû̌ǐtòwòǐ wô̌ gesô̌ lû̌û tokhlǒnu, dǒ nô̌kòpě dě a gǔ nǐ̤bǎ khû̌kǎ pěnumî̌ amè̤̌ ta̤ô̌htûpwa̤ dǒ acǒatè̤ dě a nǐ̤bǎ sǎphlǒ gûjû̌kabǎ pě.

Hebrǔ 12:11 Iomraidhean Croise

Mǒhtûlû̌hǎhtûsa 21:11

Sharǎ hî̌ ta̤ htǒonu asha mè̤mè̤̌ Abraham sò̌phlǒ, ma̤tè̤hî̌dě Ǐshameělè mî̌ aphû̌makhû tapwa̤ mî̌ amè̤mè̤.

Htû̌sò̌htò̌ 118:18

Cǒmara tûjûpwa̤ sû̌ǐwǒge shosho he hǐnudě a nosi he hǒtò̤.

Htû̌sò̌htò̌ 119:165

Kòyò htě a mo̤ǐ nata̤sû̌ta̤tòwònu, a glè nî̤bǎ mè̤mè̤̌ ta̤ǒmo̤ǒkwǐ. Tacǎ꤮ sûcû̌jò asî dě klè̌sǔklè̌bǎ akû tò̤.

Htû̌sò̌htò̌ 89:32

A cû̌tûlû̌khatî̤lî̤, ma̤ta̤sǔta̤plě akhû̌akhî, he bǎ po̤ asî ta nò̌po̤, he bǎ phlě asî ta sǒpli̤wî̤.

Rṳ̂̌me̤ 14:17

Ma̤tè̤hî̌dě, Cǒmara ashiaganu, shǎǎshǎo mî̌ ta̤ htě a lo̤bǎdû̌khlokò mè̤tò̤. Ta̤ htě a lo̤bǎdû̌khlo kò mî̌, ta̤cǒta̤tè̤, ta̤ǒsî̌tukǔ, ta ta̤sò̌le̤sò̌lò̤ htě Běcǎ sǎcahtǐ ǐ pa htǒotoǒnu pwǎ.

Kôritu ginǐ̤bǎ tôbǎ 4:17

Ma̤tè̤hî̌dě ta̤pò̤ta̤sha htě pa khòbǎ hǎkhû̌bǎotoǒ numî̌ teděsǎphû̌ pwǎ. Pa dè dǒtûkè̌ ta̤wî̤ta̤wǒ htě pa nî̤bǎ yǎ htû̌꤮ nǒkòpě tuhtu pě toǒ numî̌, amè̤ ta dǐcǎ꤮ hǒtò̤. Bǎ hǎkhû̌nu pa khòbǎ ta̤pò̤ta̤sha htǒotoǒ pwǎ̤ta dě mǒkhû̌ pěnu ta̤sîrîdû̌sîrîhtû tûjûpwa̤ htě awî̤awǒkhlo, dě ahtǒkhlo ta ta̤pò̤ta̤sha htě pa khòbǎ hǎkhû̌ bǎonu, pa nî̤bǎ pě.

Tîmôte ginǐ̤bǎ tôbǎ 4:8

Khònò̤dě Cǒmara bè̌wǒ bǎ he ta̤cǒta̤tè̤ a khû̌glûhta htě a mî̌ ta̤ma̤nî̤khû̌kǎ htǒotamanu hǒ. Htodě htû̌ mṳni̤gutṳ pěnu, pwa̤cèròta̤ a Běcǎ htǒotapwa̤ ǐlò̤ he pě pwǎ̤ta htǒonumî̌ heya tû̌ mè̤tò̤. Kòyò lǒ̤bò htě a ǒpo̤kè̌shuǐ Běcǎ hè ǒlṳhtò̌sǒ pěnu toǒ ayamî̌ a ǒpadǒ pěpě.

Hebrǔ 12:10

Papha bǎ hǎkhû̌ bǎotoǒ sǎhtǎ sû̌ǐtòwòǐ wǒge pa aněala amṳni̤mṳsa sî toǒnu, a yî̤tò̤, teděsǎphû̌pwǎ dě a bè̌ lǒkho ta a ma̤ ta̤ htǒonumî̌ awǒ pwǎ a gènè̤ dě a sû̌ǐpwǎ pa. Ma̤pûhǐ pa cahtǐ sǒsǒ pwǐ papha Cǒmara htǒonudě, a sǎhtǎ sû̌ǐtòwòǐ wǒge pa ta̤ htě a glè htûbwǐhtûsîrî tû̌ paya htǒonu toǒ pwǎ.

Hebrǔ 5:14

Pwǎ̤tadě, shǎǎ ashò̌ numî̌ kòyò dû̌pwa̤ htě a sû̌ǐ sî̌yahè bǎhto ana̤ dě a glè mèpa̤ sî̌yajò ta̤wǒ ta ta̤phû̌mò̤nu toǒ aya pwǎ.

Petru awǐlǒ tabǎ 1:6

Hǐnudě sò̌le̤sò̌lò̤ lǒkho ta ta̤ lǒ̤꤮ bò htǒotoǒ nî̌, pwǎ̤ta khònò̤htǒo teděsǎ akûnu ta̤pò̤ta̤sha ǒhtò̌plṳ̂ dě a ma̤guma̤gè sî pě.

Petru ginǐ̤bǎ tabǎ 2:14

Asî kè̌ mamǔ tapwa̤pwa̤ hî̌dě a sò̌yṳ hǎmoǒplǒ còcè̌. Asî ma̤ta̤sǔnu a ǒkǔpe tò̤ hǒ. Asî lǒplò̤ pî̌cû̌ kòyò htě ata̤yṳsho hǒtò̤ toǒ glè ma̤dǒ ta̤sǔta̤plě toǒ. Dě asî sû̌ǐlò̤wǒ lǒkho ana̤ ta akè̌lǎ ǎtû̌ aya. Asî ǒ lǒkho dě Cǒmara a ta̤ǐsho ala̤ hǒ.