Hebrǔ 12:10 - Kawyaw RC

¹⁰ Papha bǎ hǎkhû̌ bǎotoǒ sǎhtǎ sû̌ǐtòwòǐ wǒge pa aněala amṳni̤mṳsa sî toǒnu, a yî̤tò̤, teděsǎphû̌pwǎ dě a bè̌ lǒkho ta a ma̤ ta̤ htǒonumî̌ awǒ pwǎ a gènè̤ dě a sû̌ǐpwǎ pa. Ma̤pûhǐ pa cahtǐ sǒsǒ pwǐ papha Cǒmara htǒonudě, a sǎhtǎ sû̌ǐtòwòǐ wǒge pa ta̤ htě a glè htûbwǐhtûsîrî tû̌ paya htǒonu toǒ pwǎ.

Kawyaw New Testament

¹⁰ Papha dǒ hǎkhû̌ nutokhlǒ tṳ̂mṳ̂̌ sû̌ǐtòwòǐ wô̌ gesô̌ pa aněala alṳmṳ̌ni̤ lṳmṳ̌sa sî tokhlǒnu, a yî̤tô̤̌, tòshò̌phû̌pwǎ dě a bè̌ lô̌khô kû̌ a ma̤ ta̤ numî̌ awô̌ pwǎ a gènè̤ dě a sû̌ǐ pa pwǎ. Pô̤̌khô pa gǔ plò̌shǐ sô̌sô̌kû̌ pô̤̌ papha Cǒmara nudě, a tṳ̂mṳ̂̌ sû̌ǐtòwòǐ wô̌ gesô̌ pa ta̤ dǒ a gǔ htûbwǐhtûsîrî dǒ paya nutokhlǒ pwǎ.

Hebrǔ 12:10 Iomraidhean Croise

Htû̌sò̌htò̌ 119:75

Kǒ Cǒmara tûjûpwa̤, he sî̌ya ta na cèròcǒcèròtè̤. Na cǒtè̤ta nayo̤ akhû̌akhî, na shò̌lò̤ hesò̌phlǒ.

Htû̌sò̌htò̌ 17:15

Pwǎta hedě he ǒcǒǒtè̤ akhû̌akhî, he glè kè̌shǐ na mi̤sǎ. Lṳmṳlî he gènè̤htò̌ akha he sî̌ya ta na ǒkû̌ ta he dě hesò̌phlǒmo̤ mè̤mè̤̌.

Ěphěsu 4:24

Dě kûsǒhtò̌ lǒkho pû ta̤ǒhtûpwa̤ asa pwǐ Cǒmara bǒlò̤ sǒsǒhto sî ta ana̤saklû dě ta̤cǒta̤tè̤ mè̤mè̤̌ ta ta̤cahtǐ mè̤mè̤̌ akûnu toǒ nî̌꤮.

Kòlòtè̌ 1:22

Pwǎ̤tadě khònò̤htǒo, Khrî̌stu sana̤ hè khòsi asò̌ akhû̌akhî, Cǒmara ma̤klaǐgesǒ sî ta ana̤klû hǒ. Dě Cǒmara a lo̤mo̤ pěnu, ma̤pûhǐ sî cahtǐ dě sî lû̌pû ta ta̤sǔ, htohǒtò̤ kò ǐjòpe pû ta̤sǔ dě sîlo̤ dǐpwǎ̤꤮ tò̤nu, Cǒmara ma̤klaǐ gesǒ sî hǐnu hǒ.

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Hebrǔ 12:14

Jipwi̤ ǒmo̤ǒkla kû̌ta kò pṳ̂̌꤮ tapwa̤ nî̌. Jipwi̤ ǒhtûpwa̤ cahtǐ lǒkho nî̌꤮. Ma̤tè̤hî̌dě ta̤ǒhtûpwa̤ cahtǐ dè ǒtò̤ hî̌mò̌nu, kò kè̌shǐjò Běcǎ dǐpwǎ̤tò̤.

Petru awǐlǒ tabǎ 2:5

Sî htǒotoǒnu asǒsǒta lo̤htûpwa̤ toǒ hǒ. Cǒmara noǎ lo̤ htě a mî̌ sîhtǒo dě a glè ma̤htò̌ hǐ sû̌sò̌cahtǐ tama. Sî ma̤ta̤ dě hǐkû htǒonu asǒsǒta pwa̤lṳhtò̌ta̤ cahtǐ toǒnu pě. Htohǒtò̤ sî lṳhtò̌ ta̤lṳ dě Cǒmara a ǒ sû̌sò̌cahtǐ tokho toǒ pě. Ye̤shǔkhrî̌stu akhû̌akhî, Cǒmara phî̌shǔ sî ta̤lṳ htǒotoǒ pě.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.

Petru ginǐ̤bǎ tabǎ 1:4

A ta̤po̤ta̤phǎ htě adû̌ayǒ ta ata̤wǒ mè̤mè̤̌ htǒotoǒ akhû̌akhî, a ǐlò̤hto pa a ta̤olò̤ htě apwî̤dû̌ dě adû̌ayǒ mè̤mè̤̌ htǒotoǒ hǒ. A ǐlò̤ ta̤htǒotoǒ akhû̌akhî, sî lû̌htò̌kè ta ta̤gènè̤ patǎ phû̌mò̤shî̌hto htě a ma̤pî̌ sî dě hǎkhû̌bǎonu toǒ pě. Htohǒtò̤ sî htûhtò̌ sǒsǒkû̌ta pwǐ Cǒmara ala̤klonu pě.