Hebrǔ 12:1 - Kawyaw RC

¹ Hǐnudě, kòyò htě a dǔlṳ bǎ pa ta a ta̤yṳta̤nǎ htǒotoǒnu, a ǒ te̤we̤plṳ̂te̤we̤phǎ ta pa. Hǐnu akhû̌akhî, pa wîkè ta̤pṳ̂̌ tacǎ htě a ma̤ dǐdò pa toǒ ta ta̤sǔ htě a ma̤ topho lòkhǔkè pa htǒotoǒ hò̌! Dě pa kè̌plǒnû̌û kòyò ǐ pa ta̤bò̌htò̌htǔ palo̤mo̤ htǒo dě pa khòsò̌do khlè̌hèto̤ a ǒnu hò̌.

Kawyaw New Testament

¹ Pô̤̌nudě, kòyò dǒ a dǔlè̌lṳ̌ bǎ pa kû̌ a ta̤yṳ̌ta̤nǎ̤ tokhlǒnu, a ô̌ te̤we̤plṳ̂te̤we̤phǎ kû̌ pa. Pô̤̌nu akhû̌akhî, pa wîkè ta̤pṳ̂̌꤮ tocǒ dǒ a ma̤ dǐdò tě̤tṳ pa tokhlǒ kû̌ ta̤sǔ dǒ a ma̤ topho lòkhǔkè pa hǒtokhlǒ tǎ꤮! Dě pa kè̌wô̤̌wô̤̌ lû̌û kòyò ǐ pa ta̤bò̌htò̌htǔ dǒ palô̤mô̤̌nu dě pa gǔ sǎphlǒhtû khlè̌hètǒ̤ dǒ a ô̌nu tǎ꤮.

Hebrǔ 12:1 Iomraidhean Croise

Htû̌sò̌htò̌ 18:23

Dě Cǒmara tûjûpwa̤ alo̤mo̤nu he lû̌kè ta ta̤sǔ. He sè̌rè̌ǐ hena̤ ta ma̤ta̤sǔta̤plě hǒ.

Matěo 10:22

Hekhû̌hekhî, kòyò pṳ̂̌꤮ tapwa̤ sò̌khěbò sî pě. Pò̤̌ta kòyò htě a ihtǒtònò ǒměǒgle ta a ta̤yṳta̤nǎ akû to̤htû̌ agutṳ toǒnu Cǒmara ma̤lû̌htò̌ge asî pě.”

Matěo 24:13

Pwǎ̤ta kòyò htě a ihtǒtònò ǒměǒgle ta a ta̤yṳta̤nǎ akû to̤htû̌ agutṳ toǒnu Cǒmara ma̤lû̌htò̌ge asî pě.

Mǎ̤riko 10:50

Dě a plû̌htò̌ ahǐdokhlo dě a pa̤lò̤kè nû̌û. Htodě a pe̤ihtǒ dě a hè Ye̤shǔ ǒ.

Lǔka 12:15

Htodě ahî̌po̤ asî, “Ǒsè̌rè̌ lǒkho, cû̌we̤ khawe̤kè lǒkho pwa̤ sò̌yṳnî̤dû̌khlo tû̌ ayanu toǒ nî̌꤮, ma̤tè̤hî̌dě kòyò tapwa̤nu, a dû̌yò̤htò̌sa pwî̌tè꤮ bǎbǎ, a ta̤dû̌yò̤htò̌sa htǒonu a ma̤wǒjèjò nû̌û ta̤htûpwa̤ dǐcǎ꤮ tò̤.”

Lǔka 16:28

He pṳmakhû ǒkèpe sò̌yè̤. Ma̤pûhǐ a hèto̤kû̌pû bǎ ta̤jîta̤jû agûla̤ htǒotò̤glò ma̤nu, plûgepû bǎ he Lǎsurǔnu, dě asî yò̤lò̤ge ayanu noge ǐǒsè̌rè̌pû asî nî̌.’

Lǔka 21:34

“Ǒsè̌rè̌ lǒkho sîna̤ nî̌. Bǎ sî ǎmṳomṳ akha sî ma̤bǐma̤ǒ ta̤nu toǒ bǎbǎ, sî gugè lǒkho ta sî ta̤ǒhtûpwa̤ dě hǎkhû̌htǒo tuhtu toǒnu bǎbǎ, ma̤bòkè pûma̤ sî akhîakha toǒnu ma̤ nî̌. Pěmî̌ kòyòphû̌khû mî̌ hehtǒo hèto̤sǒ dě sî ǒ, bǎ sîgènè̤to̤ tò̤nu ti̤ni̤ tasa pě.

Jowǎ̤ni̤ 3:32

A pwe̤ǐlṳ bǎ kò ta lǒ̤꤮ bò a kè̌shǐnu toǒ ta lǒ̤꤮ bò a gana̤denu toǒ. Pwǎ̤tadě a pwe̤ǐlṳ bǎ kònu, kò gana̤de phî̌le̤phî̌yo̤ nû̌ûta dǐpwǎ̤tò̤.

Jowǎ̤ni̤ 4:39

Dě wî̤htǒo tî̤wî̤ akûnu Shamarî̌taphû̌ yṳǎna̤ǎ geplṳ̂ Ye̤shǔ, ma̤tè̤hî̌dě mamǔnu tapwa̤ khòlṳ dě a hî̌, “A hî̌po̤phǎ lǒ̤꤮ bò ta̤ htě he ma̤htonu toǒ,” akhû̌akhî asî yṳǎna̤ǎ geplṳ̂.

Jowǎ̤ni̤ 4:44

Ye̤shǔ hî̌hto ta, “Pwa̤po̤nu adokûphû̌ bè̌dubè̌na̤ nû̌û tò̤.”

Rṳ̂̌me̤ 12:12

Sî ta̤kè̌shuǐ htě Cǒmara ma̤wǒ bǎ sîya htǒotoǒnu, sò̌le̤sò̌lò̤ lǒkho nî̌꤮. Bǎ ta̤pò̤ta̤sha hèbǎ sî akhanu, khòsò̌do lǒkho, kwisaba lǒkho pṳ̂̌꤮ plǎ nî̌꤮.

Rṳ̂̌me̤ 2:7

Kòyò htě a ma̤ hèsělě ta̤wǒ, dě a kè̌lǎ Cǒmara ǐ nû̌û ta̤sîrîdû̌sîrîhtû, ta̤bè̌dû̌bè̌htû ta ta̤htûpwa̤ htě a sijòpè̤ tò̤ toǒnu, Cǒmara ǐ nû̌û yolahtûpwa̤ tûjûpwa̤ pě.

Kôritu ginǐ̤bǎ tôbǎ 7:1

Sû̌kho toǒ꤮, Cǒmara olò̤bò toǒ numî̌ payabò hǒ. Hǐnudě, pa cû̌tephekè ta pana̤saklû a ta̤sò̌yṳ phû̌mò̤shî̌hto toǒ ta pa sò̌phlǒ a ta̤gènè̤ phû̌mò̤shî̌hto htǒonu toǒ hò̌꤮. Pa ǐsha bè̌dubè̌na̤ Cǒmara htǒo akhû̌akhî, pa htûhtò̌ ta kòyò htě a cahtǐ toǒ hò̌꤮.

Galatǐ 2:2

Cǒmara dǔlṳhtò̌ he ta he tobǎ cû̌ bǎnu akhû̌akhî, he cû̌ pwǎ. Bǎ he ǒ bǎnu akha, he kè̌shǐhǔ kòyò htě kò bè̌ asî ta pwa̤yṳǎta̤ aprṳ̂aho hǐkǒdû̌ toǒ dě he dǒhtû̌ǐpo̤ bǎ asî ta ta̤sò̌le̤sò̌lò̤ awi̤akè̌ pwǐ he dǒhtû̌ǐ bǎ kò pṳ̂̌꤮ plǎ dě Yṳ̌daphû̌ mè̤tò̤ toǒ aklanu pwǎ. He ta̤dǒhtû̌ǐ htě a tûlû̌kèhtonu toǒ bǎbǎ, khònò̤htǒo toǒnu bǎbǎ, he sò̌yṳ nohtûhtò̌ nòdû̌ yǎtò̤.

Galatǐ 5:7

Sî khlè̌ wǒdǎhtohǒ pwǎ̤ta mî̌ûpè tapwa̤ noǒkǔ sî dě sî glè gana̤de ma̤ ta̤te̤ta̤mǎ ma̤ htǒonu pè?

Ěphěsu 4:25

Hǐnudě lòhope pûma̤ kò dǐpwǎ̤꤮ ma̤ nî̌꤮. Hî̌bǎcǒhî̌bǎtè̤ lǒkho kò pṳ̂̌꤮ tapwa̤ nî̌꤮, ma̤tè̤hî̌dě pa mî̌ asǒsǒta na̤saklû tapwǎ̤꤮ pa, pwǎ̤tadě aphwǐaphrû̌ kî̌yapwǎnû̌û hǐnu.

Phǐlǐpǐ 1:30

Ta̤shě htě sî shě htǒonumî̌ asǒsǒta he shěhtopwǎnu toǒ. He khòbǎ ta̤ dě awǐanǒnu toǒmî̌ sî kè̌shǐhto tû̌ hǒ. Htodě pwǐ sî gana̤denu, he shě to̤pe khònò̤htǒo.

Phǐlǐpǐ 2:16

Dǒhtû̌ǐ lǒkho kòyò ta̤htûpwa̤ awi̤akè̌ htǒonu nî̌꤮. Sî dè ma̤hǐnumî̌ bǎ Khrî̌stu hèlò̤ gesǒ amṳni̤ pě ti̤ni̤nu, he ta̤jipwi̤ lǒ̤꤮ bò toǒ ta he ta̤phî̌ta̤ma̤ htǒotoǒnu a htûhtò̌ nòdû̌pe tò̤, sîkhû̌sîkhî dě he phî̌htò̌yî̤ hena̤ pě.

Tîmôte ginǐ̤bǎ tôbǎ 2:4

Kliphû̌ htě a ǒ dě ta̤phî̌ta̤ma̤ akû tapwa̤nu, a sò̌yṳ ma̤toma̤bǎ aklihǐkǒdû̌ asò̌phlǒ akhû̌akhî, a to ma̤ dǐdò ǐ ana̤ ta ta̤phî̌ta̤ma̤ ahǔwa̤ toǒ tò̤.

Tîmôte ginǐ̤bǎ tôbǎ 4:7

Ta̤shě htě awǒgutṳ̌nu he shěhto hǒ. Ta̤mèkhlè̌ ta̤nu he khlè̌hto hǒ. He pṳ̂měǐwǒ he ta̤yṳ to̤htû̌ agutṳhǒ.

Hebrǔ 6:15

Abraham ǒpo̤ khòsò̌doǐ, dě anǒkònu a nî̤bǎ Cǒmara olò̤ nû̌ûyo̤nu tûmû.

Jǎgomo̤ 1:3

Ma̤tè̤hî̌dě, bǎ sî kè̌shǐ shěto̤bǎ ta ta̤pò̤ta̤sha ta̤lǒǎplò̤ǎ sèlèkè̌ sî ta̤yṳta̤nǎ htǒoakhanu, a ǐǒhtò̌ dû̌khlopo̤ sî ta̤khòsò̌do toǒ pwǎnu sî sî̌yatû̌ hǒ.

Petru awǐlǒ tabǎ 2:1

Hǐnudě, sò̌khěkhû̌khwèpe pûma̤ kò ma̤. Bò꤮ ta̤lòhǎlòho, ta̤jîcǒjîtè̤, ta̤sò̌khě, ta̤dǒmi̤shǐyo̤ sî toǒnu tobǎ ǒpe tò̤.

Petru awǐlǒ tabǎ 4:2

Hǐnudě sahtò̌ khònò̤htǒo tǒ̤hè dě, sî mṳni̤mṳsa htě a ǒkèpe dě hǎkhû̌bǎo toǒnu sî bǎ ǒhtûpwa̤ pwǐ Cǒmara a ta̤sò̌yṳnu. Sî bǎ ǒhtûpwa̤pe pwǐ kòyòhǎkhû̌phû̌ a ta̤sò̌yṳ phû̌mò̤nu toǒ tò̤.

Petru awǐlǒ tabǎ 5:1

He mî̌ pwa̤yṳǎta̤ aprṳ̂aho wè̤pwa̤ hǐkǒdû̌ tapwa̤, htodě he mî̌ pwa̤khòlṳ bǎ Khrî̌stu a ta̤khòjîkhòjû awi̤akè̌ tapwa̤. Htohǒtò̤ htû̌꤮ Cǒmara dǔlṳ kò ta a ta̤sîrîdû̌sîrîhtû akhapěnu, he bǎbǎ, he ǒkû̌ tû̌ta a ta̤sîrîdû̌sîrîhtû htǒonu pě. Khònò̤dě he kwigwèbǎǐ sî pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ toǒ ta,

Petru awǐlǒ tabǎ 5:12

He khwè̌phǒpwǎ bǎ sî lî̤htǒo pwǎ. He ǐkhû̌ǐǎ sî, htodě he khò hesò̌ ta ta̤htǒomî̌ Cǒmara abwǐasîrî mè̤mè̤̌. Ǒměǒgle lǒkho ta ta̤htǒonu akû nî̌꤮. Sǐla dě he bè̌yǎ pwǐ he pṳwè̤ htě acǒatè̤ ta ayo̤htǒo tapwa̤nu, a khwè̌jèdǒ he lî̤htǒotabǎ.

Petru ginǐ̤bǎ tabǎ 1:6

Dě ta̤sî̌khû̌sî̌ya akhû̌nu, bè̌plǒ dû̌htò̌po̤ ta̤khòǐpè̤ tû̌ na̤, dě ta̤khòǐpè̤ tû̌ na̤ akhû̌nu, bè̌plǒ dû̌htò̌po̤ ta̤khòsò̌do, dě ta̤khòsò̌do akhû̌nu, bè̌plǒ dû̌htò̌po̤ ta̤ǒhtûpwa̤ tobǎ ta Cǒmara,

Ta̤dǔlè̌nǎ 1:9

He mî̌ sî pṳwè̤ Jowǎ̤ni̤ htě a yṳǎ khrî̌stu sǒsǒ ta sî tapwa̤. He mî̌ sî khobǒsû̌ htě a khòbǎyò̤bǎ plǒkû̌ ta̤ ta sî tapwa̤. He mî̌ Cǒmara a shiphû̌gaphû̌ sǒsǒkû̌ ta sîsî, dě he khòsò̌do plǒkû̌ ta̤ ta sî tapwa̤ pwǎ. Dě he dǒhtû̌ǐ bǎ kò ta Běcǎ Cǒmara a ta̤wi̤ta̤kè̌ ta ta̤htě Ye̤shǔkhrî̌stu khòlṳ bǎ he toǒ akhû̌akhî, kò cû̌ bè̌ǒkè he dě Pǎmǔ shikholophû̌jokhû̌ hǒ.

Ta̤dǔlè̌nǎ 13:10

Kòyò tapwa̤pwa̤nu kò yè̤lò̤nǎhto nû̌û dě kò glè pṳ̂ dǒlò̤te̤ a apo̤kû hî̌nu, kò bǎ pṳ̂ dǒlò̤te̤nò a pě. Kòyò tapwa̤pwa̤nu kò yè̤lò̤nǎhto nû̌û dě kò bǎma̤si yǎ ta tǒ̤phû̌ pě hî̌nu, kò bǎ ma̤sinòpwǎ a ta tǒ̤phû̌ pě. Cǒmara kaǎ akòyò ta a bǎkhòsò̌do ta̤jîta̤jû dě bǎ yṳǎ ta̤ ayapwǎ.

Ta̤dǔlè̌nǎ 22:16

“He mî̌ Ye̤shǔ. Ma̤pûhǐ he pwe̤ǐlṳbǎ pwa̤yṳǎta̤ aprṳ̂aho toǒ ta ta̤wi̤ta̤kè̌ htǒotoǒ ayanu, he sûlò̤ bǎ sî he tanaphû̌ hǒ. He pṳwè̤ khlilè mî̌ mî̌pwǎ Dǎ̤wi̤ akhlialè gilò̤nu tṳmṳtacǎ hǒ. He mî̌ shǎto̤wo̤ htě a lîrakhashû̌ nutama hǒ.”

Ta̤dǔlè̌nǎ 3:10

He ta̤mǎlò̤ htě na glè khòsò̌do aya htǒonu, na to̤ǐ phî̌mě akhû̌akhî, ta̤pò̤ta̤sha htě a glè̌ hè dě hǎkhû̌htǒo dě a ma̤kè̌bǎbò kòyò ǒ hǎkhû̌ bǎotebě pě akhanu, he tò̤gòǐ na pě.