Hebrǔ 11:9 - Kawyaw RC

⁹ Ta̤yṳ akhû̌akhî, a cû̌ǒ bǎ kòhǔwa̤shi kòhǔwa̤ga htě Cǒmara olò̤ ta a glè ǐ nû̌ûnu tebě. A cû̌ǒ sǒsǒta khlilèhǔwa̤phû̌ tapwa̤ dě a cû̌ ma̤htò̌nṳ ahǐphû̌ ato̤hǔbǐ nû̌ûta hǔgòpwî̌ toǒ dě a cû̌ǒ pwǎ hǐphû̌kû. Dě a phû̌makhû Isǎko ta ali̤ Yǎ̤kò htě a nî̤bǎ sǒsǒdǒ ta̤olò̤ dě Cǒmara a ǒ htǒo sò̌gini̤nu, a ma̤ sǒsǒkû̌ ahǐphû̌ bǎnunu.

Kawyaw New Testament

⁹ Dǒ ta̤yṳ̌ akhû̌akhî, a cû̌ô̌ dǒ kòyòshi kòyògǎ dǒ Cǒmara olò̤ kû̌ a gǔ ǐ lû̌û nutôbǎ. A cû̌ô̌ sô̌sô̌kû̌ khlilèphû̌ ashǔshawa̤ tôpwa̤ dě a cû̌ ma̤ hǐphû̌ dǒ to̤hǔbǐ tûû̌ kû̌ hugò̌pwǐ tokhlǒ dě a cû̌ô̌ pwǎ dǒ hǐphû̌kû. Dě a phû̌pwa̤khû KhûIsè̌ kû̌ ali̤ Khûya̤kò dǒ a nǐ̤bǎ sô̌sô̌kû̌ ta̤olò̤ dǒ Cǒmara a ô̌nu sò̌ginǐ̤nu, a shǒlò̤ sô̌sô̌dô̌ hǐphû̌ bǎnu.

Hebrǔ 11:9 Iomraidhean Croise

Mǒhtûlû̌hǎhtûsa 12:8

Htodě a cû̌lè̌ cǔmû Betelǎwî̤ mṳhtò̌ kholokla nutokho dě a cû̌ma̤ lǒkho ahǐphû̌ bǎ Betelǎwî̤ ta Aǐwî̤ aplǎkûnu. Betelǎwî̤ mî̌ a ǒ mṳlò̤, Aǐwî̤ mî̌ a ǒ mṳhtò̌ tokho. Dě a tèhtò̌ bǎ Cǒmara tûjûpwa̤ aya ta̤lṳhtò̌wa̤ ta lo̤ bǎnu ta̤wa̤ dě a sabahtò̌ Cǒmara tûjûpwa̤ bǎnu.

Mǒhtûlû̌hǎhtûsa 13:18

Hǐnuakhû̌akhî, Abra htěpò̌cû̌ ahǐphû̌ toǒ dě a cû̌ ma̤phǔ nû̌û Mè̌mare asǒmṳcahtǐ gûla̤ bǎ Hebrowî̤nu tò̤glò, dě a tèhtò̌nṳ bǎ Cǒmara tûjûpwa̤ aya ta̤lṳhtò̌wa̤ ta lo̤ bǎnu ta̤wa̤.

Mǒhtûlû̌hǎhtûsa 13:3

A ǒ Khana̤ga cǔmûnu tokho dě a cû̌ǒ tò̤glò hto tò̤glò, dě a gesǒ Betelǎwî̤, dě awǐkha a cû̌ma̤ hǐphû̌ bǎ Betelǎwî̤ ta Aǐwî̤ aplǎkûnu,

Mǒhtûlû̌hǎhtûsa 17:8

Khana̤ga tagabò htě na ǒǐtû̌ a sǒsǒta shigahǔwa̤khlophû̌ tapwa̤ khònò̤htǒonu, he ǐ yǎta na ta nakhlinalè hǎte̤gilò̤ nǒkò toǒ tûjûpwa̤ pě dě he htû asî Cǒmaradû̌ pě.”

Mǒhtûlû̌hǎhtûsa 18:6

Htǒotaplǎ dě Abraham tṳplṳtî̤wî̤ khlè̌nṳ ahǐphû̌kû dě a hî̌ Sharǎ, “Phî̌hè phwèmò̌ bǔkû̌lǎ mǔwǒ bǎo shǐginǐ̤jè. Cîmǔmò̌, bǒmò̌ mû̌ dě shû̌ǎ mò̌ yǎ.”

Mǒhtûlû̌hǎhtûsa 18:9

Asî gwè lǒkho nû̌û, “Na ma Sharǎ lè?” Dě a hî̌shǔ asî, “A ǒ dě hǐphû̌kûnu.”

Mǒhtûlû̌hǎhtûsa 21:34

Dě a ǒyî̤kû̌ bǎ Phǐlǐsatǐgakûnu.

Mǒhtûlû̌hǎhtûsa 23:4

“He mî̌ shihǔwa̤gakhlophû̌ tapwa̤ dě a hèǒkû̌ ta sî, shaǎpa̤ he ta sîlṳkhû̌ dě he ǒtò̤ lǔnṳ yǎta hema.”

Mǒhtûlû̌hǎhtûsa 25:27

Bǎ phijaû̌ htǒo sò̌gini̤ dû̌htò̌ akhanu, Ětò̌ mî̌ ahtû pwa̤lṳ̂ta̤mi̤ta̤mò̤ dě a khǎnò̤jò mè̤mè̤̌ tapwa̤, dě a sò̌le̤ hǎhtò̌cû̌ǒlè pwǎ mi̤kla, pò̤̌ta Yǎ̤kònu, a sû̌bî̌sò̌yṳ dě a ǒ pwǎ hǐphû̌kû pwǎ.

Mǒhtûlû̌hǎhtûsa 28:4

Ma̤pûhǐ na nî̤bǎ shiga htě Cǒmaradû̌ ǐ nû̌ûta napha Abraham dě na ǒǐyǎ a pwǐ shǐtè̤mè̤ htǒotaga ayanu, ta̤howi̤homò̤ htě Cǒmaradû̌ ǐ Abrahamnu a ǐtû̌ na ta nakhlinalè htǒotoǒ nî̌꤮.”

Mǒhtûlû̌hǎhtûsa 31:25

Bǎ Laba lṳ̂lǎ nû̌û akhanu, Yǎ̤kò ma̤htokèlǎ hǐphû̌ htě kò ma̤ nû̌ûta hǔgòpwî̌ bǎ Gǐlǎga kholoklanu toǒ hǒ, dě Laba ta akhlialè toǒ a ma̤dǒ lǒkho hǐphû̌ toǒ bǎnunu.

Mǒhtûlû̌hǎhtûsa 35:27

Yǎ̤kò getosǒ apha Isǎko la̤ǒǐ Mè̌mare gûla̤, dě a ǒphǔ ta Kǐria arabawî̤ htě kò kaǎpo̤ nû̌û ta Hebrowî̤ htǒonu tî̤wî̤. Wî̤ htǒotî̤wî̤ mî̌ Abraham ta Isǎko cû̌ǒǐshǐtè̤mè̤ wî̤ nuhǒ.

Mǒhtûlû̌hǎhtûsa 36:7

Asîta̤kî̌ta̤kû̌ toǒnu a ǒplṳ̂ tûlû̌꤮ shû̌ dě a ǒhtujòpe nû̌û tò̤ hǒ. Asîta̤phû̌ta̤li̤ toǒ mî̌ a ǒwo̤ǒphǎ mè̤mè̤̌ akhû̌akhî, asî sò̌gini̤bò la̤gèǐ ta̤phû̌ta̤li̤ gûla̤ ayanu a gûla̤shû tò̤.

Mǒhtûlû̌hǎhtûsa 47:9

Yǎ̤kò hî̌shǔ nû̌û, “He htûshǐtè̤mè̤ dě cû̌ǒ hǎkhû̌ tò̤glò hto tò̤glò aněně alalakû dě, he ǒ aně ta̤ya̤ sushi hǒ. He něhtûlahtûkû̌ kòyò tò̤, htodě apò̤asha le. Pwǎ̤tadě heněhtû gunò̤lǎ kû̌ta hephihephu sî htě a htûshǐtè̤mè̤ dě cû̌ǒ hǎkhû̌ tò̤glò hto tò̤glò toǒ aněnu tò̤.”

Htû̌sò̌htò̌ 105:12

Bǎ a hî̌ yo̤ hǐnu akhanu, asî ǒpî̌tî̌lepe pwǎ. Asî htû shǐpwa̤shǐmè̤ dě Khana̤gakûnu a ǒpî̌tî̌pe pwǎ.

Hebrǔ 6:17

Kòyò htě a nî̤bǎ Cǒmara a ta̤olò̤ toǒnu, Cǒmara sò̌yṳ nosî̌ya te̤mǎ asî ta pwǐ Cǒmara olò̤hto asînu, a ma̤ lǒbe hǐnu pě, a htû̌lè̌ tèplè̌kî̌yape tò̤ akhû̌akhî, dě a ta̤olò̤ akûnu, a bè nṳpa ayo̤ bǎnu.