Hebrǔ 11:8 - Kawyaw RC

⁸ Bǎ Cǒmara kaǎ Abraham dě a nohǎhtò̌cû̌ nû̌û gataga htě a glè ǐ nû̌ûta a pě akhanu, a to hǎhtò̌cû̌ bǎtè tò̤glònu a sî̌ya tò̤ pwǎ̤tadě ata̤yṳ akhû̌akhî, a gana̤de dě a hǎhtò̌cû̌.

Kawyaw New Testament

⁸ Bǎ Cǒmara kaǎ PhaAbraha dě a nohǎhtò̌cû̌ lû̌û dǒ gǎtôgǎ dǒ a gǔ ǐ kû̌ lû̌û pě akhanu, a tô hǎhtò̌cû̌ tô bǎtè tôkûnṳ̌ a sî̌ganǎ̤ tô̤̌ bǎbǎkǎlè dǒ ata̤yṳ̌ akhû̌akhî, a ganǎ̤de dě a hǎhtò̌cû̌.

Hebrǔ 11:8 Iomraidhean Croise

Mǒhtûlû̌hǎhtûsa 11:31

Terǎ ǒ bǎ Ǔrǎwî̤, Babulogakû nudě a kaǎnṳ aphû̌ Abra ta adè̌ Sharè̌ ta ali̤ Hara aphû̌ Lò̌tǎ dě a hǎhtò̌tṳ̂ge lǒkho Khana̤ga. Pwǎ̤ta bǎ asî cû̌to̤ pepwǎ Harawî̤ akhanu, a ǒ lǒkho bǎnu.

Mǒhtûlû̌hǎhtûsa 12:5

Abra kaǎnṳ ama Sharè̌, aphû̌dû̌ Lò̌tǎ, htodě a phî̌nṳbò awûyî̌htaglo ta ata̤phû̌ta̤li̤ ta jû htě a nî̤bǎ bǎ Harawî̤kûnu toǒ, dě asî hǎhtò̌cû̌ lǒkho Khana̤ga, dě a cû̌to̤ lǒkho bǎnu.

Mǒhtûlû̌hǎhtûsa 12:7

Bǎnukha Cǒmara tûjûpwa̤ ǒlṳhtò̌ bǎ Abra dě a hî̌ nû̌û, “Ga htǒotaga, he ǐ yǎta naphû̌nali̤ pě,” htodě Abra tèhtò̌ bǎ Cǒmara tûjûpwa̤ ta a ǒlṳhtò̌ bǎ nû̌ûnu tapwa̤ aya ta̤lṳhtò̌wa̤ ta lo̤ ta̤wa̤.

Mǒhtûlû̌hǎhtûsa 15:5

Cǒmara kaǎhǎhtò̌ Abra hǐphû̌khlo dě a hî̌ nû̌û, “Ò̌tò̤mò̤htò̌ dě mǒla̤nu, na dè dǒbò̌ dě dǒ kè̌kè̌bò shǎnu toǒ.” Htodě a hî̌ nû̌û, “Naphû̌nali̤ nakhlinalè ǒplṳ̂ǒphǎ sǒsǒta shǎ dě mǒla̤nu toǒ pě.”

Mǒhtûlû̌hǎhtûsa 17:8

Khana̤ga tagabò htě na ǒǐtû̌ a sǒsǒta shigahǔwa̤khlophû̌ tapwa̤ khònò̤htǒonu, he ǐ yǎta na ta nakhlinalè hǎte̤gilò̤ nǒkò toǒ tûjûpwa̤ pě dě he htû asî Cǒmaradû̌ pě.”

Mǒhtûlû̌hǎhtûsa 20:13

Dě bǎ Cǒmaradû̌ kaǎhǎhtò̌kè he dě hephahǐ dě a nohǎhtò̌ cû̌shido he tò̤glò hto tò̤glò akhanu, he hî̌ yǎ, ‘Pa cû̌to̤ gûla̤ bǎtè tò̤glòtè bǎbǎ, tûrû̌ hî̌ kò ta he mî̌ nawè̤, hǐnu pě nî̌. Na dè hî̌ hǐnumî̌ na dǔlṳ tû̌ ta na mo̤ǐ he hǒ.’”

Mǒhtûlû̌hǎhtûsa 22:18

Na gana̤de heyo̤ akhû̌akhî, bò꤮ khlilèphû̌ htě hǎkhû̌ htǒotoǒ a nî̤bǎ tṳtṳ ta̤howi̤ ta nakhlinalè akhû̌akhî pě.’”

Mǒhtûlû̌hǎhtûsa 26:3

Ǒkǔ kû̌wǐ bǎ ganu taga akû nî̌꤮. He ǒkû̌ta na dě he howi̤homò̤ na pě, ma̤tè̤hî̌dě ta̤olò̤ htě he olò̤nǎhto ta napha Abrahamnu he ma̤lǒma̤behtò̌ tû̌ pě dě lǒ̤꤮ bò hǎkhû̌ gûla̤ bǎo toǒnu, he ǐbòtû̌ yǎta na ta nakhlinalè toǒ pě.

Matěo 2:21

Dě a pe̤ihtǒ, a ihtǒkaǎnṳ phijaû̌phû̌htǒo ta amo̤ dě a gesǒ Israelga.

Rṳ̂̌me̤ 1:5

Khrî̌stu akhû̌akhî, Cǒmara ǐlò̤ pa a ta̤bwǐta̤sîrî ta ta̤akhîakha towǒ dě pa glè htûhtò̌ pwa̤nophû̌ ta Khrî̌stu aya. Ma̤pûhǐ Yṳ̌daphû̌ mè̤tò̤ toǒ lǒ̤꤮ bò yṳǎna̤ǎ kû̌kò Ye̤shǔ, dě asî gana̤dekû̌ Cǒmara yo̤ ayanudě, a nohtûhtò̌ pwǎ pa.

Rṳ̂̌me̤ 10:16

Pwǎ̤tadě Israelphû̌ toǒnu a phî̌shǔbò ta̤sò̌le̤sò̌lò̤ awi̤akè̌ pṳ̂̌꤮ tapwa̤ tò̤. Ma̤tè̤hî̌dě, pwa̤po̤ Isaǐa hî̌ ta, “Kǒ Běcǎ, ûpè yṳǎkû̌ pa ta̤wi̤ta̤kè̌ htǒonu pè?”

Rṳ̂̌me̤ 6:17

He hî̌bwǐhî̌sîrî Cǒmara, ma̤tè̤hî̌dě, děwǐkha sî htûbǎhto ta̤sǔ ajû taplǎ pwǎ̤ta khònò̤htǒo sî gana̤de lǒ̤sû̌lǒ̤sò̌ Cǒmara a ta̤sû̌ǐ asa dě sî nî̤bǎ htǒotoǒ hǒ.

Kôritu ginǐ̤bǎ tôbǎ 10:5

Pa ma̤lò̤te̤jakèbò ta̤phî̌dû̌phî̌htò̌yî̤ lǒ̤꤮ bò na̤ htě a ma̤dǐdòshǔ ta̤sî̌ya Cǒmaranu toǒ. Kòyò lǒ̤꤮ bò a ta̤gènè̤ toǒnu pa pṳ̂dǒǒbò yǎ dě pa nojûle̤phî̌yo̤ gana̤de yǎta Khrî̌stu ayo̤.

Hebrǔ 11:33

Ta̤yṳ akhû̌akhî, asî htǒotoǒnu, a shěpè̤ shiga toǒ. Asî pǒǐ cǒcǒtè̤tè̤ ta̤ dě a nî̤bǎ ta̤ htě Cǒmara olò̤ asînu toǒ. A ma̤pè̤ lǒkho sî̌ò̌ dě sî̌ò̌ toǒnu a ě asî tò̤.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Petru awǐlǒ tabǎ 1:22

Khònò̤dě sî jûle̤phî̌yo̤ Cǒmara a ta̤sû̌ǐ a ta̤te̤ta̤mǎ toǒ akhû̌akhî, sî ma̤mṳ̂plî sî sò̌phlǒ dě sî htû kòyò htě a mo̤ǐ mè̤mè̤̌ pṳwè̤ Khrî̌stuphû̌ htǒotoǒ hǒ. Ma̤hǐnudě mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤ nî̌꤮.

Petru awǐlǒ tabǎ 3:1

Hǐnudě sî htû matoǒnu bǎbǎ, shò̌lò̤ lǒkho sîsò̌ dě sîwṳ̂ toǒ ala̤ nî̌꤮. Dě asî klanu, a dè yṳǎ kû̌kò Cǒmara ale̤ayo̤ tò̤ dèǒ tapwa̤pwa̤ hî̌dě, sî hî̌ asî ta̤hî̌bǎ dǐmû̌꤮ tò̤ bǎbǎ, sî ta̤ǒsapwa̤ sîna̤ akhû̌akhî, a htěnṳcǐnṳge asî sò̌phlǒ dě a yṳǎna̤ǎkû̌ Khrî̌stu pě.

Petru awǐlǒ tabǎ 4:17

Ma̤tè̤hî̌dě, akhîakha hèto̤ ta Cǒmara glè tèhtò̌ cèrò wǐgutṳ̌tû̌ akòyò hǒ. A dè tèhtò̌ cèrò wǐgutṳ̌ pa pě dèhî̌dě kòyò htě a gana̤de Cǒmara a ta̤sò̌le̤sò̌lò̤ awi̤akè̌ tò̤ toǒnu apò̤asha ajîajû pwî̌꤮ tè pě.