Hebrǔ 11:7 - Kawyaw RC

⁷ Nǒa ata̤yṳ akhû̌akhî, Cǒmara ǐsè̌rè̌nǎ nû̌û ta̤htě a kè̌shǐ sî̌ya hǒtò̤ dě a glè htûhtò̌ htû̌꤮ anǒkòpěnu toǒ. A bè̌dubè̌na̤ Cǒmara, a gana̤de nû̌ûyo̤ dě a ma̤htò̌ sǒkhlidû̌ htě a glè ma̤lû̌htò̌ge nû̌ûta a hǐphû̌phòphû̌ aya tabǎ. Nǒa ta̤yṳ akhû̌akhî, a dǔlṳ ta Cǒmara cèrò kòyòhǎkhû̌phû̌ toǒ pě. Ata̤yṳ khû̌khî, Cǒmara bè̌ yǎ pwǐ kòcǒkòtè̤ tapwa̤ hǒ.

Kawyaw New Testament

⁷ Dǒ Phanṳ̂̌a ata̤yṳ̌ akhû̌akhî, Cǒmara dǐô̌ sè̌rè̌nǎ lû̌ ta̤dǒ a kè̌shǐ sî̌ganǎ̤ khôtô̤̌ dǒ a gǔ htûhtò̌ htû̌ nô̌kòpě nutokhlǒ. A bè̌dubè̌nǎ̤ Cǒmara, a ganǎ̤de lû̌yô̤̌ dě a bô̌htò̌ sǒkhlidû̌ dǒ a gǔ ma̤hǎplǎge kû̌ a hǐphû̌phòphû̌ aya tôbǎ. Dǒ Phanṳ̂̌a ta̤yṳ̌ akhû̌akhî, a dǔlè̌lṳ̌ kû̌ Cǒmara cî̌htò̌ kòyò hǎkhû̌phû̌ tokhlǒ pě. Dě dǒ ata̤yṳ̌ akhû̌khî, Cǒmara bè̌hto a pô̤̌ kòyòcǒkòyòtè̤ tôpwa̤ hǒ.

Hebrǔ 11:7 Iomraidhean Croise

Mǒhtûlû̌hǎhtûsa 19:14

Hǐnudě Lò̌tǎ hǎhtò̌cû̌ pwe̤ǐlṳ bǎ amò̤sî htě a htû̌dèhto ta aphû̌mamǔsî htǒotoǒ ta, “Ma̤phwèmò̌ dě hǎhtò̌cû̌tephe phwèkèmò̌ lǒkho ta wî̤ htǒotî̤wî̤. Ma̤tè̤hî̌dě Cǒmara tûjûpwa̤ glè cèrò ma̤pî̌kèbò wî̤ htǒotî̤wî̤ hǒ,” Pwǎ̤ta amò̤sî toǒ gènèpwǎ ta a shobǎlò̤we̤ asî pwǎ.

Mǒhtûlû̌hǎhtûsa 6:13

Cǒmaradû̌ hî̌ Nǒa, “He bè̌lò̤ he sò̌phlǒ ta he cèrò ma̤pî̌kèbò kòyò hǎkhû̌phû̌ pṳ̂̌꤮ tapwa̤ pě. Ma̤tè̤hî̌dě hǎkhû̌bǎo alǒbebò ta ta̤phû̌mò̤shî̌hto hǒ. Ma̤tè̤hî̌dě asî akhû̌akhî, he ma̤pî̌dǒbòkè asî ta hǎkhû̌ pě.

Mǒhtûlû̌hǎhtûsa 6:22

Htodě Nǒa gûma̤kû̌ pwǐ Cǒmaradû̌ mǎnǎ nû̌ûnu pṳ̂̌꤮ tacǎ.

Mǒhtûlû̌hǎhtûsa 6:9

Htǒomî̌ ta̤khwè̌mǎǐ tû̌ Nǒa akhlialè to̤gilò̤ sî toǒ awi̤akè̌. Bǎ Nǒa ahtukhanu, a mî̌ kòcǒkòtè̤ tapwa̤, a ta̤ǒhtûpwa̤nu kò la̤bè̌ nû̌û ta̤sǔ ǒ tò̤. Htohǒtò̤ abǒsû̌khǎkho cû̌htukhahtu kû̌ta Cǒmaradû̌.

Mǒhtûlû̌hǎhtûsa 7:23

Ta̤ lǒ̤꤮ bò htě a ǒ htûpwa̤ gugwè dě hǎkhû̌ htǒotoǒnu a sikèbò hǒ, kòyòhǎkhû̌phû̌ bǎbǎ, bò꤮ ta̤phû̌ta̤li̤ htě a ǒ mi̤klanu toǒ bǎbǎ, bò꤮ ta̤phû̌ta̤li̤ htě kò bǔǐ hǐnu toǒ bǎbǎ, htû̌phû̌yṳphû̌ wi̤ dě mǒla̤ sîtoǒ bǎbǎ Cǒmara tûjûpwa̤ ma̤sikèbò hǒ. A ǒ htûpwa̤kè pwǎpǒ̤ Nǒa ta kòyò htě a ǒ kû̌ ta anu toǒ pwǎ.

Mǒhtûlû̌hǎhtûsa 7:5

Dě Nǒa ma̤bò pwǐ꤮ Cǒmara tûjûpwa̤ hî̌lò̤ nû̌ûnu toǒ.

Mǒhtûlû̌hǎhtûsa 8:16

“Kǒ꤮ Nǒa, kaǎnṳ nama, naphû̌makhûsî ta nadè̌sînu toǒ dě hǎhtò̌bò mò̌ sǒkhlidû̌ akhlonu,

Matěo 2:12

Cǒmara ǐsè̌rè̌ pwa̤sî̌pwa̤jòphû̌ htǒotoǒ dě a ta̤hǎmoǒmi̤mò̤ akû ta asî getope pû Khwǐherǒ a ǒ tò̤nu. Dě asî gekè klè̌ ta ga hǔwa̤ tabo.

Matěo 24:15

Hǐnudě, “Sî kè̌shǐ ta ta̤wi̤japhǎkò to ihtǒ ǒ dě ta̤cahtǐ agûla̤ tò̤ pwǎ̤ta a ihtǒ ǒ bǎnu pě. Dě htǒo akhû̌akhî, kò bè̌ǒkhwè̌kè ta̤cahtǐ agûla̤ pě. Pwa̤po̤ Dani̤ělè pwe̤ǐhto ta̤wi̤japhǎkò awi̤akè̌ htǒohǒ. Bǎ sî kè̌shǐ yǎ htûhtò̌ hǐnu akha pěnu, kòyò htě a dǒlî̤ htǒotoǒ tobǎ sî̌yaphlo lǒkho,

Matěo 24:25

Ta̤ma̤ana̤ htǒotoǒ hèto̤ hǒtò̤ akhanu, he ǐsè̌rè̌nǎ bǎ sî hǒ.

Matěo 24:38

Ma̤tè̤hî̌dě bǎ shidû̌bǐ hǒtò̤ akhanu, kòǎkòo, khòmò̤khòmi nû̌û to̤htû̌ Nǒa nṳ sǒkhlidû̌kûnu ti̤ni̤.

Matěo 3:7

Pwǎ̤ta bǎ Jowǎ̤ni̤ kè̌shǐ Pharisè̌phû̌ ta Sadugè̌phû̌ toǒ hèplṳ̂hèphǎ dě a glè hèplo dǒ ana̤ ta shi akhanu, a hî̌ asî, “Wṳ̂sa sî꤮! Mî̌ûpè tapwa̤ ǐsè̌rè̌ sî ta sî lû̌htò̌bò̌ ta Cǒmara a ta̤cèrò htě a hèpě htǒonu pè?

Lǔka 17:26

“Kòyòphû̌khû mî̌ hehtǒo hèpě akhanu, a htûhtò̌ sǒsǒta pwǐ Nǒa htukhanu pě.

Rṳ̂̌me̤ 1:17

Cǒmara bè̌cǒbè̌tè̤ kòyò toǒ ta ana̤ hî̌tènu ta̤sò̌le̤sò̌lò̤ awi̤akè̌ htǒo dǔlṳhtò̌ hǒ. Ta̤cǒta̤tè̤ htǒonumî̌ a tèhtò̌ ta ta̤yṳ dě a gutṳ ta ta̤yṳ. Lî̤cahtǐ hî̌, “Kòyò htě Cǒmara bè̌cǒbè̌tè̤ yǎta ata̤yṳ toǒnu, asî nî̤bǎ mè̤mè̤̌ ta̤ǒhtûpwa̤ asa pě.”

Rṳ̂̌me̤ 10:6

Pwǎ̤tadě kòyò htě Cǒmara bè̌cǒbè̌tè̤ yǎta a ta̤yṳta̤nǎ khû̌khî toǒnu, a tobǎ gwènû̌û ta, “Ûpè glè htò̌ (Kaǎhǎte̤ Khrî̌stu) dě mǒkhû̌pè?” hǐnutò̤.

Rṳ̂̌me̤ 3:22

Kòyò htě a yṳǎ ta Ye̤shǔkhrî̌stu ma̤hto bǎ nû̌ûya toǒnu, Cǒmara bè̌ nû̌û pwǐ kòyòcǒkòyòtè̤nu hǒ. Htǒomî̌ klè̌ htě Cǒmara ma̤ bǎ kòyò lǒ̤꤮ bò htě a yṳǎ Ye̤shǔkhrî̌stunu toǒ aya hǒ. Dě Cǒmara a lo̤mo̤nu akhǒ nǒ nû̌û dǐpwǎ̤꤮ tò̤.

Rṳ̂̌me̤ 4:11

A dǔtṳphě numî̌ anǒkò pwǎ. Bǎ a dǔtṳphě hǒtò̤ akhanu, ata̤yṳ akhû̌akhî, Cǒmara bè̌ a pwǐ kòyòcǒkòyòtè̤ tapwa̤hǒ, hǐnudě a ma̤měma̤glekè nû̌û ta ta̤dǔtṳphě hǐnu tacǎ pwǎ. Hǐnudě kòyò htě a dǔtṳ kû̌kò phě tò̤ pwǎ̤tadě, a yṳǎ Cǒmara toǒnu, Abraham htûbò kòyò hǐnu toǒ apha hǒ. Hǐnu akhû̌akhî, Cǒmara bè̌cǒbè̌tè̤ dǒ asî hǒ.

Rṳ̂̌me̤ 4:13

Cǒmara olò̤ Abraham ta akhlialè toǒ dě wǐnukha ta hǎkhû̌bǎo teběbònu, a htûhtò̌ asîta pě. Pò̤̌ta asî jûle̤phî̌yo̤ lṳ̂kû̌ma̤kû̌ ta̤sû̌ta̤tòwò akò dě a htûhtò̌ asîta pě, a olò̤ nû̌û hǐnu mè̤tò̤. Cǒmara bè̌cǒbè̌tè̤ asî ta a ta̤yṳta̤nǎ akhû̌akhî, a olò̤ ta a ǐpwǎ asî pě.

Rṳ̂̌me̤ 9:30

Dè ma̤hǐnudě, pa glè hî̌ hî̌tè? Yṳ̌daphû̌ mè̤tò̤ toǒnu, a kè̌lǎ kû̌kò klè̌ htě Cǒmara bè̌cǒbè̌tè̤ kò htǒonutabo tò̤ pwǎ̤tadě asî nî̤bǎ hǒ. Asî ta̤yṳta̤nǎ akhû̌akhî, Cǒmara bè̌cǒbè̌tè̤ asî hǒ.

Galatǐ 5:5

Pwǎ̤ta Běcǎ sǎcahtǐ akhû̌akhî, pa yṳǎǐ pana̤ ta Cǒmara glè bè̌cǒbè̌tè̤ pa, ma̤tè̤hî̌dě pa yṳǎ Ye̤shǔkhrî̌stu. Pa ǒpo̤kè̌shuǐ mè̤mè̤̌ ta̤htǒonu hǒ.

Phǐlǐpǐ 3:9

He ta̤cǒta̤tè̤ htǒonu, he nǎla̤ǐpe ta he gana̤de gûma̤kû̌ ta̤sû̌ta̤tòwò akhû̌ htǒonu mè̤petò̤hǒ. Mî̌tanu, he yṳǎ Khrî̌stu akhû̌akhî, he nî̤bǎ ta̤cǒta̤tè̤. Ta̤cǒta̤tè̤ htě Cǒmara ǐ htǒonumî̌ a nǎla̤ǐpwǎ dě ta̤yṳta̤nǎ alo̤.

Hebrǔ 11:1

Ta̤yṳ amûasǎ mî̌ ta̤ htě pa kè̌shuǐ yǎ toǒnu, pa yṳǎ měgle ta pa nî̤bǎ hǒ. Htohǒtò̤ ta̤yṳ amûasǎ mî̌ ta̤htě pa kè̌shǐjò hǒtò̤ toǒnu, pa yṳǎ měgle sayè̤pe ta pa glè nî̤bǎpěnu hǒ.

Hebrǔ 12:25

Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Hebrǔ 5:7

Ye̤shǔ ǒhtûpwa̤ hǎkhû̌bǎo akhanu, a kwisaba lǒ̤sû̌lǒ̤sò̌htò̌ Cǒmara htě a ma̤lû̌htò̌jò nû̌û ta ta̤sihtǒo tapwa̤, dě a yi̤kǒhtò̌ mi̤sǎshi lò̤. A shò̌lò̤ asò̌phlǒ dě a sò̌phlǒsho gana̤de Cǒmara yo̤ akhû̌akhî, Cǒmara gana̤de nû̌û ta̤kwisaba.

Hebrǔ 8:5

Hǐphû̌ cahtǐ htě pwa̤lṳhtò̌ta̤phû̌ toǒ nṳma̤ nû̌û dě hǎkhû̌ bǎotama numî̌, a kè̌mò̌mṳ mè̤mè̤̌ Cǒmara a ta̤lṳhtò̌ho dě mǒkhû̌nu tama pwǎ. Hǐphû̌dû̌ cahtǐ htǒotamanu a mè̤mè̤̌ mè̤tò̤, amè̤pwǎ dě mǒkhû̌nu tama a ta̤yo̤ta̤gî pwǎ. Ma̤tè̤hî̌dě, bǎ Cǒmara noma̤htò̌ Mǒ̤jè hǐphû̌dû̌ cahtǐ bǎ hǎkhû̌bǎo akhanu, a hî̌ nû̌û ta, “Gûma̤ kè̌mò̌mṳ te̤mǎwǒ sǒsǒbò pwǐ na kè̌shǐhto mǒkhû̌ ta̤lṳhtò̌ho ayo̤ dě kholokhû̌kha nunî̌,” Cǒmara hî̌ nû̌û hǐnu.

Petru awǐlǒ tabǎ 3:20

Ta̤htûpwa̤ htǒotoǒ numî̌ mî̌pwǎ bǎ Nǒa ma̤htò̌ sǒkhlidû̌ dě꤮ wǐkha bǎ Cǒmara khòsò̌do ǒpo̤ asî akha pwǎ̤tadě a jûle̤phî̌yo̤kû̌ nû̌ûyo̤ tò̤nu toǒ hǒ. Dě sǒkhlidû̌ akûnu kòyò nṳpî̌tî̌ pwǎ. Cǒmara ma̤lû̌htò̌gebò asî ta shi numî̌ aǒpwǎ pwa̤lǐ̤sǒ pwǎ.

Petru ginǐ̤bǎ tabǎ 1:1

Pa Cǒmara ta pwa̤ma̤lû̌htò̌ge pa Běcǎ Ye̤shǔkhrî̌stu htǒotapwa̤ a ta̤cǒta̤tè̤ akhû̌akhî, sî mî̌ kòyò toǒ htě a nî̤bǎdǒ ta̤yṳta̤nǎ dě alò̤ta pa htǒotoǒ hǒ. Dě he khwè̌cû̌bǎ sî lî̤htǒo. He mî̌ Shîmǒ̤nè̤ Petru, he htû Ye̤shǔkhrî̌stu ajû ta a pwa̤nophû̌ tapwa̤.

Petru ginǐ̤bǎ tabǎ 2:5

Kòyòhǎkhû̌phû̌ htě a bè̌dubè̌na̤ Cǒmara tò̤ děwǐkha toǒnu, Cǒmara bè̌lû̌kè asî tò̤tò̤, a nodû̌bǐ sikèbò asî ta shi. A ma̤lû̌htò̌ge pwǎpǒ̤ Nǒa htě a dǒhtû̌ǐ bǎ kò ta ta̤cǒta̤tè̤ htǒonu tapwa̤ ta ahǔwa̤ susǒtapwa̤ pwǎ.

Petru ginǐ̤bǎ tabǎ 3:6

Bǎ a nodû̌shi dě a ma̤pî̌kè hǎkhû̌li̤nu tebě akhanu bǎbǎ, a noǎ shihtǒonu hǒ.