Hebrǔ 11:6 - Kawyaw RC

⁶ Ta̤yṳ dè ǒtò̤nu, tapwǎ̤꤮ mî̌ kò ma̤tobò̌ Cǒmara asò̌phlǒ tò̤, ma̤tè̤hî̌dě, kòyò lǒ̤bò htě a hè Cǒmara a ǒ toǒnu, a bǎ yṳǎ ta Cǒmaranu a ǒhtûpwa̤ dě kòyò htě a sò̌phlǒsho kè̌lǎ nû̌û toǒnu, a bǎ yṳǎ ta Cǒmara ǐ asî ta̤ma̤nî̤khû̌kǎ pě hǐnu.

Kawyaw New Testament

⁶ Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Hebrǔ 11:6 Iomraidhean Croise

Mǒhtûlû̌hǎhtûsa 15:1

Bǎ Abra ma̤lû̌htò̌htokè Lò̌tǎ akhanu, a kè̌shǐlṳnǎ ta̤ tacǎ dě Cǒmara tûjûpwa̤ hî̌bǎlò̤ nû̌û, “Kǒ꤮ Abra, ǐsha ma̤ dǐcǎ꤮ ma̤ nî̌꤮. He ma̤kwaǐ tû̌ta na pě, htohǒtò̤ he ǐpo̤ na ta̤ma̤ khû̌kǎ htě awǒkhlo htǒonu pě.”

Htû̌sò̌htò̌ 106:24

Asî yṳǎ kû̌ Cǒmaradû̌ ata̤olò̤nu tò̤ akhû̌akhî, a gènè̤ pî̌tî̌ gamo̤gawǒnu ta̤ga.

Htû̌sò̌htò̌ 119:10

He kè̌lǎ na ta hesò̌phlǒ samabò. No cû̌sǔ cû̌tepheyî̤kè pûma̤ he ta nata̤mǎlò̤ ma̤.

Htû̌sò̌htò̌ 58:11

“Kòyòcǒtè̤ toǒ glè nî̤bǎ mè̤mè̤̌ ta̤ma̤khû̌kǎ. “Cǒmaradû̌ htě a cèròtocèròbǎ bǎ hǎkhû̌ htǒotapwa̤nu aǒ mè̤mè̤̌.” Kòyò hî̌ lǒkho hǐnu pě.

Htû̌sò̌htò̌ 73:28

Dě he lè̌dě he ǒphǔ ta Cǒmaradû̌ dě a nî̤bwǐnî̤sîrî mè̤mè̤̌ heya. Běcǎ ta̤adû̌ mî̌ he la̤ǒtûdû. He pwe̤ǐlṳbò bǎ kò ta na ma̤ ta̤cǒklî̌kî̌yanu pě.

Htû̌sò̌htò̌ 78:22

Asî yṳǎ Cǒmaradû̌ tò̤, asî nǎla̤ǐ ata̤ma̤lû̌htò̌ge htě apo̤aphǎ htǒonu tò̤tò̤ akhû̌akhî, a sò̌phlǒdû̌ mè̤mè̤̌.

Htû̌sò̌htò̌ 78:32

Asî shěto̤bǎ ta̤ma̤ana̤ hǐnu pwǎ̤tadě a ma̤sǔma̤plě sadape. Asî yṳǎ lǒkho Cǒmara ata̤ma̤cǒklî̌kî̌ya tò̤tò̤.

Matěo 11:26

Kǒ pha, na sò̌phlǒǒ sò̌phlǒto mè̤mè̤̌ ta a glèbǎ htûhtò̌nò pwǐhè̌o akhû̌akhî, he hî̌bwǐhî̌sîrî mè̤mè̤̌ na.

Matěo 5:12

Sò̌le̤sò̌lò̤ lǒkho, sò̌le̤sò̌lò̤ dě pe̤kalî̌ lǒkho nî̌꤮, sî ta̤ma̤khû̌kǎ dě mǒkhû̌nu adû̌ mè̤mè̤̌ hǒ. Pwa̤po̤ dě꤮ awǐ toǒnu, kò ma̤jîma̤jûhto asî hǐnuhǒ.”

Matěo 6:16

“Bǎ sî dǔǎshǎ akhanu, jînojîja pû sîmi̤sǎ pwǐ kòyò jîcǒjîtè̤ ana̤nu toǒ ma̤ nî̌꤮. Ma̤pûhǐ kò sî̌ya ta asî dǔǎshǎ nudě a jînojîja ami̤sǎ. He hî̌ mè̤mè̤̌ sî, kò htû̌sò̌ǐ asî akhû̌akhî, asî nî̤bǎ lǒbebò akhû̌akǎ htǒo hǒ. Khû̌kǎ ahǔwa̤nu a nî̤bǎpe tò̤.

Matěo 6:33

Kè̌lǎ wǐ lǒkho Cǒmara ashiaga ta a ta̤cǒta̤tè̤ toǒnu, dě ta̤ lǒ̤꤮ bò htě sî lo̤bǎ htǒotoǒnu, Cǒmara ǐpo̤ tû̌ sî pě.

Matěo 6:5

“Dě bǎ sî kwisaba akhanu, ma̤pû pwǐ kòyò jîcǒjîtè̤ ana̤ toǒ ma̤nu ma̤, ma̤tè̤hî̌dě, ma̤pûhǐ kò kè̌shǐ asînu, asî sò̌yṳ cû̌ihtǒ kwisaba lǒkho bǎ Yṳ̌daphû̌ ta̤sabahǐkû htodě a sò̌yṳ cû̌ihtǒ ǒ bǎ klè̌dǒklè̌ta̤ hǐnu. He hî̌ mè̤mè̤̌ sî, bǎ kò htû̌sò̌ǐ asî akhanu, asî nî̤bǎ lǒbehtobò ta̤ma̤khû̌kǎ toǒhǒ.

Mǎ̤riko 16:17

Kòyò htě a yṳǎ toǒnu he ǐ asî sîrîpo̤phǎ dě a bǎ ma̤jò lǒkho ta̤cǒklî̌kî̌ya toǒ pě. Asî wṳ̂hǎhtò̌bò̌ lǒkho khînǎ toǒ ta hemi̤ pě, asî hî̌bǎjò yo̤sǎahǔwa̤nu toǒ pě.

Lǔka 12:31

Bǎgubǎgè lǒkho pûma̤ hǐnu ma̤, kè̌lǎ lǒkho ta̤htě a lo̤bǎdû̌ dě Cǒmara ashiagakûnu toǒ dě ta̤ lǒ̤꤮ bò htě sî lo̤bǎ htǒotoǒnu, Cǒmara ǐpo̤ tû̌ sî pě.

Lǔka 6:35

Tobǎ ma̤ hǐnu tò̤! Mo̤ǐ sî khuwè̤nu toǒ dě ma̤wǒbǎ asînu. Ǐbǒ ta̤ dě kè̌shuǐ pûta nî̤bǎ gesǒ ta̤tacǎ꤮ ma̤. Sî dè ma̤hǐnu hî̌dě Cǒmara howi̤hî̌wǒ sî pě, sî dè ǐbǒ kò dě sî kè̌shuǐ ta nî̤bǎ gesǒ ta̤ dǐcǎ꤮ tò̤ hî̌numî̌ kò kè̌shǐ sî ta ahtò̌yî̤gutṳ̌ Cǒmara aphû̌mǔphû̌khû sîtoǒ pě, ma̤tè̤hî̌dě Cǒmara ma̤wǒshǔ kòyò htě a sî̌yashǔ kû̌ kòbwǐkòsîrî tò̤nu toǒ ta kòyò htě ajîphû̌mò̤ tû̌ayanu toǒ.

Jowǎ̤ni̤ 14:6

Dě Běcǎ Ye̤shǔ hî̌shǔ yǎ, “He mî̌ klè̌ ta ta̤te̤ta̤mǎ ta ta̤htûpwa̤ hǒ. Pwa̤ sûcû̌ kò dě pha a ǒ mî̌ tû̌pwǎ he pwǎ, kò dè nǎla̤ǐ he tò̤ hî̌nu, kò cû̌jò dě pha a ǒ dǐpwǎ̤꤮ tò̤.

Jowǎ̤ni̤ 8:24

Hehî̌htohǒ, he hî̌ sî ta sî si pě hǐnudě Cǒmara bòlû̌kè sî ta̤sǔ tò̤. Ma̤tè̤hî̌dě he mî̌ ûpènu he pwe̤ǐhto bǎ sî dě sî dè yṳǎtò̤ hî̌nu, sî si pě pwǎ̤ta Cǒmara bòlû̌kè sî ta̤sǔ htǒotoǒ tò̤.”

Rṳ̂̌me̤ 10:14

Dè ma̤hǐnudě, asî ta̤yṳ dè ǒtò̤ hî̌dě a cû̌ kwihtò̌jò ta̤ma̤jè dě Běcǎ Ye̤shǔ a ǒ hî̌tè? Asî dè gana̤denǒ tò̤ hî̌dě a cû̌ yṳǎjò Běcǎ Ye̤shǔ hî̌tè? Pwa̤dǒhtû̌ǐ bǎ asî dè ǒtò̤ hî̌dě asî cû̌gana̤dejò hî̌tè?

Galatǐ 5:6

Ma̤tè̤hî̌dě bǎ sî htûhtò̌ kû̌ta Ye̤shǔkhrî̌stu tacǎnǔ꤮ pa akhanu, ta̤dǔtṳphě bǎbǎ, ta̤dǔtṳphě tò̤ bǎbǎ, a htûbwǐhtûsîrî dǐcǎ꤮ tò̤. Ta̤ htě a htûbwǐhtûsîrî khlokò numî̌, ta̤yṳta̤nǎ htě a dǔlṳ ta̤mo̤ǐ Cǒmara ta kòhǔwa̤ htǒonu pwǎ.

Hebrǔ 11:26

Mǒ̤jè bè̌lò̤ asò̌phlǒ ta, khòbǎ ta̤pi̤jishǐcǒ ta Khrî̌stu ayanu, ale̤dû̌pwî̤htû khlope ta Egyptga a ta̤dû̌yò̤htò̌sa toǒ, ma̤tè̤hî̌dě a ǒpo̤kè̌shuǐ ta Cǒmara ǐ nû̌û a ta̤ma̤nî̤khû̌kǎ htû̌꤮ anǒkòpě.

Hebrǔ 3:12

He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Hebrǔ 4:2

Ma̤tè̤hî̌dě pa gana̤debǎ dǒ ta̤sò̌le̤sò̌lò̤ awi̤akè̌ pwǐ paphipaphu toǒ gana̤dehtonu hǒ. Ma̤tè̤ hî̌nu asî gana̤debǎ pwǎ̤tadě, a phî̌shǔkû̌ lǒkho kò ta̤sò̌le̤sò̌lò̤ awi̤akè̌ htǒo ta ta̤yṳ tò̤ akhû̌akhî, a htûbwǐhtûsîrî ta asîya tò̤.

Hebrǔ 4:6

Kòyò htě a nṳjòpe dě Cǒmara a la̤ǒkǔ htǒonu, a ǒkèpe toǒǒ. Pò̤̌ta kòyò bǎ꤮ nukha toǒ htě a gana̤dehto ta̤sò̌le̤sò̌lò̤ awi̤akè̌ toǒnu, a gana̤dekû̌ lǒkho Cǒmara ayo̤ tò̤ akhû̌akhî, a nî̤bǎ kû̌pe kò la̤ǒkǔ htǒonu tò̤ hǒ.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Hebrǔ 7:25

Hǐnudě kòyò htě a hè Cǒmara a ǒ dě a hènṳ tṳtṳ Ye̤shǔ a ǒ toǒnu, Ye̤shǔ ma̤lû̌htò̌gebò̌ asî khònò̤htǒo tǒ̤hè ta tûjûpwa̤ talakhǎ pě, ma̤tè̤hî̌dě ma̤pûhǐ a nṳ kwigwèbǎǐbò̌ bǎ kòyò hǐnu toǒ aya dě Cǒmara a ǒnu, a bǎ htûpwa̤ tûjûpwa̤.

Petru ginǐ̤bǎ tabǎ 1:10

Hǐnudě pṳwè̤ sî꤮, ma̤pûhǐ Cǒmara ata̤kaǎ sî htǒonu ta a ta̤wû̌lǎhtò̌ sî htǒo glè htûhtò̌ hè mè̤mè̤̌ ayanu, jipwi̤ ma̤dû̌htò̌po̤ lǒkho dě alo̤mo̤ tokho nî̌꤮. Sî dè ma̤hǐnu hî̌dě sî htò̌tukhu lòkhǔpe dǐkhò̌꤮ tò̤ hǒ.

Petru ginǐ̤bǎ tabǎ 1:5

Ta̤wi̤ta̤kè̌ htǒo akhû̌akhî, jipwi̤ hèwǒpo̤ lǒkho dě alo̤mo̤ nî̌꤮. Dě sî ta̤yṳta̤nǎ akhû̌nu, bè̌plǒ dû̌htò̌po̤ ta̤bè̌ sò̌phlǒsǔshi htě awǒ, dě ta̤bè̌ sò̌phlǒsǔshi awǒ akhû̌nu, bè̌plǒ dû̌htò̌po̤ ta̤sî̌khû̌sî̌ya,

Petru ginǐ̤bǎ tabǎ 3:14

Hǐnudě khobǒsû̌bǒmo̤ sî꤮, sî ǒpo̤kè̌shuǐ ta̤htǒo akhû̌akhî, ma̤pûhǐ Cǒmara kè̌shǐ pû sî ta kòyò htě awî̌ ta ta̤sǔ tò̤nu, htodě ma̤pûhǐ ala̤bè̌ ta̤sǔ dě sîlo̤ ǒ pûtò̤, htohǒtò̤ ma̤pûhǐ sî ǒpè̤ǒdû to̤ ta a pěnu, jipwi̤ sělě lǒkho nî̌꤮.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”