Hebrǔ 11:4 - Kawyaw RC

⁴ Ta̤yṳ akhû̌akhî, Abělè lṳhtò̌ Cǒmaranu awǒkhlo ta Kaî̌no ata̤lṳ. Cǒmara phî̌shǔ Abělè a ta̤lṳta̤tò̌. Hǐnudě, Abělè ata̤yṳ akhû̌akhî, Cǒmara bè̌ nû̌û pwǐ kòcǒkòtè̤ tapwa̤nu hǒ. Abělè ata̤yṳ khû̌khî, a sihtohǒ pwǎ̤tadě a hî̌bǎpe pa ta ata̤yṳ awi̤akè̌.

Kawyaw New Testament

⁴ Dǒ ta̤yṳ̌ akhû̌akhî, KhûAbelǎ lṳhtò̌ Cǒmaranu awô̌khlo kû̌ Khûkayi̤ ata̤lṳ. Cǒmara phî̌shěshu KhûAbelǎ a ta̤lṳtòhtò̌. Pô̤̌nudě, dǒ KhûAbelǎ ata̤yṳ̌ akhû̌akhî, dě Cǒmara bè̌hto lû̌û pô̤̌ kòyòcǒkòyòtè̤ tôpwa̤ nuhǒ. Dǒ KhûAbelǎ ata̤yṳ̌ akhû̌khî, a si htohǒ bǎbǎkǎlè a hî̌bǎpe pa kû̌ ata̤yṳ̌ awe̤akè.

Hebrǔ 11:4 Iomraidhean Croise

Mǒhtûlû̌hǎhtûsa 4:10

Cǒmara tûjûpwa̤ hî̌ yǎ, “Na cû̌ma̤tǒ̤ hè̌o ma̤tè? Gana̤demò̌! Napṳsǐnu a ǒ hǎla̤ dě yi̤kǒhtò̌ heǒ hǒ.

Mǒhtûlû̌hǎhtûsa 4:15

Pwǎ̤ta Cǒmara tûjûpwa̤ hî̌ yǎ, “A mè̤ tò̤. Kòyò tapwa̤pwa̤ a ma̤si nanu a khòbǎjîkhlo gesǒ ali̤ ta na pě susǒ taplǎ pě.” Htodě ma̤pûhǐ kòyò htě a kè̌shǐ Kaî̌no toǒ ma̤si pû nû̌û tò̤ ayanu, Cǒmara tûjûpwa̤ ma̤dòǐkè ta̤tacǎ ta Kaî̌nolo̤.

Mǒhtûlû̌hǎhtûsa 4:25

Ada hǎmoǒhtu gesǒ ta amanu a phû̌ǒnṳ aphû̌makhû tapwa̤ dě Ěwa̤ hî̌, “Abělè htě Kaî̌no ma̤sikè nû̌ûnu tapwa̤ agûla̤nu, Cǒmaradû̌ ǐtèplè̌ gesǒ bǎ he phû̌makhû tapwa̤ hǒ,” hǐnudě a kaǎ nû̌ûmi̤ ta Shěta. (Shěta amûasǎnu Ebrephû̌ ayo̤ mî̌ a ǐ.)

Mǒhtûlû̌hǎhtûsa 4:8

Ti̤ni̤kha Kaî̌no hî̌ apṳ Abělè, “Pa hǎhtò̌cû̌ hǔklakhû̌ hò꤮,” bǎ asî ǒ hǔklakhû̌ akhanu, a sò̌phlǒdû̌ apṳ Abělè dě a ma̤sikè nû̌û.

Matěo 23:35

Kòyòcǒkòyòtè̤ lǒ̤꤮ bò htě kò ma̤si asî bǎ hǎkhû̌ bǎotoǒ asǐ, sahtò̌ bǎ Abělè asǐnu, to̤hè dě Barakǐya aphû̌makhû Sakharǐa asǐ htě kò ma̤si nû̌û bǎ ta̤lṳhtò̌ho ta ta̤lṳhtò̌wa̤ aplǎkû htǒonu, Cǒmara bè̌htò̌bò ta̤sǔ htǒotoǒnu dě sîkhû̌ hǒ.

Lǔka 11:51

He hî̌ sî꤮, sahtò̌ bǎ Ada aphû̌ ma̤si apṳ Abělè nu to̤hè dě kò ma̤si Sakharǐa bǎ ta̤lṳhtò̌ agûla̤ ta gûla̤cahtǐ aplǎkûnu, Cǒmara cèrò na̤cè̌ sî htǒotuhtu toǒ pě.

Tǐtǔ 1:16

Asî hî̌ ta a sî̌ya Cǒmara pwǎ̤ta ta̤ma̤ htě asî ma̤ toǒnu, a ǒlṳhtò̌ ta asî sî̌ya Cǒmara dî̌kî̌꤮ tò̤. Asînu toǒmî̌ la̤wi̤ja, htodě kòyò htě a gana̤de kû̌kò yo̤ tò̤ toǒ, asî glè ma̤ta̤ awǒ tacǎcǎnu a ma̤bò̌ kû̌kò tò̤.

Hebrǔ 11:2

Cǒmara htû̌sò̌ǐ kòyò dě wǐkha toǒ mî̌ a ǒ lǒkho ta ta̤yṳta̤nǎ pwǐhè̌onu hǒ.

Hebrǔ 12:1

Hǐnudě, kòyò htě a dǔlṳ bǎ pa ta a ta̤yṳta̤nǎ htǒotoǒnu, a ǒ te̤we̤plṳ̂te̤we̤phǎ ta pa. Hǐnu akhû̌akhî, pa wîkè ta̤pṳ̂̌ tacǎ htě a ma̤ dǐdò pa toǒ ta ta̤sǔ htě a ma̤ topho lòkhǔkè pa htǒotoǒ hò̌! Dě pa kè̌plǒnû̌û kòyò ǐ pa ta̤bò̌htò̌htǔ palo̤mo̤ htǒo dě pa khòsò̌do khlè̌hèto̤ a ǒnu hò̌.

Hebrǔ 12:24

Sî hèto̤ Ye̤shǔ a ǒ hǒ. Ta̤wṳ̂dò asa htě kòyòhǎkhû̌phû̌ ta Cǒmara aplǎkû htǒonu a htû bǎ pwa̤ma̤ta̤ma̤ aplǎkû tapwa̤ hǒ. Htohǒtò̤ sî hèto̤ dě Běcǎ Ye̤shǔ asǐ la̤sǐlò̤ agûla̤ htě awǒkhlope ta Abělè asǐhtǒonu a ǒ hǒ.

Hebrǔ 5:1

Pwa̤lṳhtò̌ hǐkǒdû̌gutṳ̌ pṳ̂̌꤮ pwa̤nu, kò wû̌lǎpwǎ yǎ dě kòyòhǎkhû̌phû̌ toǒ akla dě kò bè̌htò̌ a dě a glè ma̤ bǎ Cǒmara ata̤ma̤ ta kòyò lǒ̤꤮ bò agûla̤. A glèlṳtòhtò̌ bǎ kò ta̤toǒ, htohǒtò̤ ma̤pûhǐ kòyò toǒ ta̤sǔ bòlû̌kè ayanu, a lṳhtò̌ bǎ kò ta̤phû̌ta̤li̤ toǒ dě Cǒmara a ǒ pě.

Hebrǔ 9:22

Dè hî̌ mè̤mè̤̌ mî̌, ta̤sû̌ta̤tòwò hî̌, ta̤kî̌ta̤kû̌ htě kò noǎ yǎta ta̤subusaba aya toǒnu, kò bǎ ma̤mṳ̂plî nû̌û ta sǐnu a glè phǔbò pṳ̂̌tacǎ. Sǐ dè sǐlò̤ tò̤nu, Cǒmara bòlû̌bò̌kè ta̤sǔ dǐcǎ tò̤.

Petru ginǐ̤bǎ tabǎ 2:8

Kòyò cǒtè̤ htǒotapwa̤ ǒhtûpwa̤kû̌ asîkla dě bǎ a kè̌shǐ gana̤debǎ asî ǒhtûpwa̤ phû̌mò̤shî̌hto ti̤ni̤ hto ti̤ni̤ akhanu, ajî mè̤mè̤̌ nû̌ûsò̌phlǒ.

Yṳ̌da 1:11

Cǒmara cèrò mè̤mè̤̌ asî pě, ma̤tè̤hî̌dě asî gûma̤kû̌ pwǐ Kaî̌no ma̤nu akho. Dě asî sò̌le̤kè̌dû̌ wûhta akhû̌akhî, a sò̌phlǒsho gûma̤kû̌ pwǐ Bela ma̤sǔhtonu hǒ. Asî shěshǔ kò htû hǐkǒdû̌ toǒ sǒsǒta Kò̌rǎ ma̤htonu hǒ. Kò ma̤pî̌kè asî pwǐ kò ma̤pî̌kè Kò̌rǎnu pě.