Hebrǔ 11:3 - Kawyaw RC

³ Ta̤yṳ akhû̌akhî, pa sî̌yapwǎ ta Cǒmara bǒlò̤ mǒla̤ aphwǐaphrû̌ ta ayo̤ pwǎ. Hǐnudě ta̤ htě pa kè̌shǐjò khònò̤kha htǒotoǒ numî̌ a ǒ bǎ ta̤htě pa kè̌shǐjòtò̤ toǒ a ǒ hè pwǎ.

Kawyaw New Testament

³ Dǒ ta̤yṳ̌ta̤nǎ̤ akhû̌akhî, pa sî̌ganǎ̤ kû̌ Cǒmara bô̌lò̤ mǒlǎ̤ ayô̤agî̌ kû̌ ayô̤̌ pwǎ. Pô̤̌nudě ta̤ dǒ pa kè̌shǐjò khònò̤̌kha tokhlǒ numî̌ a ô̌ bǎ ta̤dǒ pa kè̌shǐ jòtô̤̌ tokhlǒ a ô̌ hè pwǎ.

Hebrǔ 11:3 Iomraidhean Croise

Mǒhtûlû̌hǎhtûsa 1:1

Bǎ Cǒmaradû̌ bǒlò̤sakhû̌lû̌ ta̤nukha a bǒlò̤ mǒkhû̌ ta hǎkhû̌.

Htû̌sò̌htò̌ 33:6

Cǒmara tûjûpwa̤ bǒlò̤ mǒkhû̌ ta ale̤. A bǒlò̤ lṳmṳ, la, shǎ ta ayo̤.

Htû̌sò̌htò̌ 33:9

Bǎ a hî̌bǎ꤮ pwǎ ayo̤ akhanu, hǎkhû̌ ǒhtûhtò̌. Bǎ a hî̌lò̤꤮ pwǎ ayo̤ akhanu, ta̤ pṳ̂̌꤮ tacǎ ǒlṳhtò̌.

Jowǎ̤ni̤ 1:3

Cǒmara nobǒlò̤ tṳtṳ nû̌û ta̤pṳ̂̌tacǎ. Ta̤htě a bǒlò̤ tò̤nu a ǒ dǐcǎ꤮ tò̤.

Pwa̤nophû̌ 14:15

“Sî cû̌ma̤pwǐhè̌o ma̤tè? Pa mî̌ kòyò sǒsǒpwǎta sî. Pa hèpwe̤ǐ bǎ sî ta̤sò̌le̤sò̌lò̤ awi̤akè̌ pwǎ. Pa sò̌yṳ pwe̤ǐlṳ bǎ sî ta sabape lǒkho pû htě amûasǎ ǒtò̤nu toǒ ma̤. Pa sò̌yṳ nosaba sî ta Cǒmara htě a htûpwa̤ htǒotapwa̤. A mî̌ Cǒmara htě a bǒlò̤ mǒkhû̌, hǎkhû̌, shidû̌shite̤we̤ ta ta̤ lǒ̤꤮ bò htě a ǒ dě ta̤htǒotoǒakû tapwa̤.

Pwa̤nophû̌ 17:24

“Cǒmara htě a bǒlò̤ lṳmṳ, shǎ, la, hǎkhû̌ ta ta̤pṳ̂̌꤮ tacǎ htǒotapwa̤ numî̌ mǒkhû̌ ta hǎkhû̌ a Běcǎ hǒ. Dě ta̤lṳhtò̌ho htě kòyò ma̤ yǎta acǔde toǒnu, Cǒmara ǒ bǎnu toǒ akû tò̤.

Rṳ̂̌me̤ 4:17

Lî̤cahtǐkû pwe̤ǐnǎ ta, “He nohtûhtò̌ na ta khlilèphû̌ tṳ̂prṳ̂taphǎ apha hǒ.” A htû bǎ papha dě Cǒmara alo̤mo̤. Cǒmara htǒotapwa̤ numî̌ a mî̌ papha Abraham yṳǎnu tapwa̤ hǒ. A mî̌ Cǒmara htě a ma̤htûpwa̤gesǒ kòyòsi, htohǒtò̤ a hî̌lò̤ pwǎ ayo̤ tûmû pwǎ dě ta̤ htě a ǒ hǒtò̤ toǒnu a htûhtò̌bò.

Kôritu awǐlǒ tôbǎ 2:7

He dǒhtû̌ǐ bǎ kò ta Cǒmara a ta̤sî̌ta̤jò htě adû̌ayǒ toǒ. Děwǐkhanu, Cǒmara dǔlṳ bǎ kò ta ta̤sî̌ta̤jò htǒotoǒ hǒtò̤. Dě꤮ Cǒmara bǒlò̤ hǎkhû̌ hǒtò̤ akhapenu, a ta̤yè̤lò̤ǒnǎhto dě a ma̤ bǎ pa ta̤sîrîdû̌sîrîhtû htǒotoǒ hǒ.

Tîmôte awǐlǒ tôbǎ 4:5

Ma̤tè̤hî̌dě Cǒmara ale̤ayo̤ ta pa ta̤kwisaba akhû̌akhî, Cǒmara jû dě a glè phî̌shǔ ta̤htǒotoǒ hǒ.

Hebrǔ 1:2

Pwǎ̤ta mṳni̤gutṳ̌lò̤ htǒotoǒnu, a hî̌bǎlò̤ tṳtṳ pa ta a phû̌makhû hǒ. Cǒmara nobǒlò̤ tṳtṳ aphû̌khû ta hǎkhû̌ mǒkhû̌ ta ta̤lǒ̤꤮ bò. Dě gutṳ̌lò̤ pěnu, ta̤htǒotoǒ lǒ̤꤮ bò ma̤pûhǐ a htûbò nû̌ûta pěnu dě Cǒmara wû̌lǎ yǎ hǒ.

Hebrǔ 6:5

Cǒmara ale̤ayo̤nu, awǒ mè̤mè̤̌ numî̌ asî sî̌yahèhto hǒ. Asî kè̌shǐhèbǎkû̌hto Cǒmara a ta̤po̤ta̤phǎ shû̌sho dě a ǒlṳhtò̌ bǎ kò htû̌꤮ anǒkòpě tuhtunu toǒ hǒ.

Petru ginǐ̤bǎ tabǎ 3:5

Dě꤮ wǐ khanu, Cǒmara hî̌pwǎ ayo̤ tûmûpa dě mǒkhû̌ ta hǎkhû̌ htûhtò̌, dě a phî̌htò̌ shi toǒ dě shikla dě a ma̤ htûhtò̌ nû̌ûta hǎkhû̌, asî jîshope̤ takǎkè lǒkho pwǎ.

Ta̤dǔlè̌nǎ 4:11

“Kǒ꤮ pa Běcǎ Cǒmara, na gwa nî̤bǎ ta̤sîrîdû̌sîrîhtû, ta̤bè̌dubè̌na̤ ta ta̤po̤ta̤phǎ hǒ, ma̤tè̤hî̌dě na bǒlò̤ ta̤ lǒ̤꤮ bò dě na bǒlò̤ asî dě na bè̌ ǒhtûpwa̤ asî jǔ꤮ tû̌ na sò̌phlǒ.”