Hebrǔ 11:25 - Kawyaw RC

²⁵ Mǒ̤jè bè̌lò̤ asò̌phlǒ, wǐ꤮ ta a glè lṳ̂ ta̤mo̤ teděsǎphû̌ htě a ǐ htûhtò̌ ta̤sǔ htǒonu, a glè khòkû̌dǒ ta̤jîta̤jû ta Cǒmara akòyò toǒnumî̌, a mo̤khlope a sò̌yṳ hǐnu.

Kawyaw New Testament

²⁵ Khûmṳ̂shě bè̌lò̤ asǎphlǒ kû̌, a glè̌ lṳ̂ ta̤mô̤ tòshò̌phû̌ dǒ a gǔ dǐ htûhtò̌ ta̤sǔnu, a gǔ khòdô̌kû̌ ta̤jî̌ta̤jû̌ kû̌ Cǒmara a kòyò tokhlǒnumî̌, a mô̤ǐkhlo pě a sǎyṳ pô̤̌nu.

Hebrǔ 11:25 Iomraidhean Croise

Htû̌sò̌htò̌ 47:9

Khlilèphû̌ ahǐkǒlǒkòdû̌ toǒ hè ǒhtuǒplǒ htukû̌bò ta Abraham acǒmara akòyò. Hǎkhû̌běkhû̌ ahǐkǒlǒkòdû̌ toǒnu, aǒpwǎ dě Cǒmaradû̌ ata̤pǒ ala̤. Cǒmara mî̌ kò bè̌htò̌yî̤khlo nû̌û.

Htû̌sò̌htò̌ 84:10

Ǒ dě nata̤lṳhtò̌hokû ti̤ni̤nu awǒkhlope ta ǒ dě ahǔwa̤ ani̤ tîrî̌. He htû pwǎ pwa̤ǒpo̤ bǎ Cǒmaradû̌ ahǐtakhakûnu amo̤khlope ta he ǒ dě kòyòphû̌mò̤ ahǐdǒkû.

Matěo 13:21

Pwǎ̤tadě a yṳǎ lǒkhopwǎ teděsǎ pa, ma̤tè̤hî̌dě Cǒmara ale̤ayo̤nu, a nṳǒměǒglo asî sò̌phlǒkû tò̤. Asî yṳǎ Cǒmara ale̤ayo̤ htǒo akhû̌akhî, a khòbǎ ta̤pò̤ta̤sha, ta̤ma̤jîma̤jû dě a wîkèsǒ a ta̤yṳta̤nǎ.

Lǔka 16:25

“Pwǎ̤ta Abraham hî̌shǔ nû̌û, ‘Hephû̌khû꤮ gènè̤htò̌bǎ to̤sǒ bǎ na ǒhtûpwa̤pe akhîakhanu, na sò̌yṳ titètè̌ na nî̤bǎbò, pwǎ̤ta Lǎsurǔ htǒonu, a nî̤bǎbò ta̤jîta̤jû toǒ, hǐnudě khònò̤htǒo, a nî̤bǎlè̌ ta̤ǒmo̤ǒkwǐ gûla̤ bǎonu hǒ, dě nanu na khòbǎlè̌ ta̤jîta̤jû hǒ.

Pwa̤nophû̌ 7:34

He kòyò toǒ khòjîkhòjû mè̤mè̤̌ dě Egyptgakû numî̌ he kè̌shǐ hǒ. He gana̤de asî kookasha dě ma̤pûhǐ he ma̤lû̌htò̌ge asînu, he hèlò̤ hǒ. Khònò̤, he nocû̌ na dě Egyptgakû pě.’

Rṳ̂̌me̤ 5:3

Pa kè̌shuǐ pwǎpǒ̤ htǒonu mè̤tò̤, bǎ pa kè̌shǐ ta ta̤jîta̤jû, ta̤pò̤ta̤sha akhanu bǎbǎ, pa sò̌le̤sò̌lò̤bò pwǎ, ma̤tè̤hî̌dě pa sî̌ya ta ta̤ htǒotoǒnu a ǐ dû̌htò̌po̤ bǎ pa ta̤khòbǎ ta̤jîta̤jû.

Kôritu ginǐ̤bǎ tôbǎ 5:17

Kòyò tapwa̤pwa̤ a htûhtò̌ ta Khrî̌stu tacǎnǔ꤮ panu, a htûhtò̌ kòyò tapwa̤ dě Cǒmara bǒlò̤ tèplè̌sa nû̌û hǒ. A wîkè a ta̤ǒhtûpwa̤ ali̤ toǒ dě a ǒhtûpwa̤ tèplè̌kè ta asa hǒ.

Kòlòtè̌ 1:24

Ma̤pûhǐ sî nî̤bwǐnî̤sîrî ayanu, khònò̤htǒo he khòbǎta̤ ta sîya hǐnumî̌ he sò̌le̤sò̌lò̤ pwǎ. Pwǐ Khrî̌stu khò bǎ kòyò htě a yṳǎ nû̌û dě asǒsǒta ana̤klû toǒnu, he sò̌phlosho dě he na̤klûphěyî̌ htǒo khòbǎdǒbò kòyò lǒ̤꤮ bò htě a yṳǎ nû̌ûnu toǒ ayaya.

Tîmôte ginǐ̤bǎ tôbǎ 1:8

Hǐnudě, na glè khò nasò̌ ta pa Běcǎ ayanu sòwò̤ pûma̤, Běcǎ akhû̌akhî, kò dǒlò̤te̤ he apo̤kû htǒonu bǎbǎ, sòwò̤ pûma̤ma̤. Mî̌tanu khòplǒkû̌ he ta̤shuphǔshèwè ta ta̤sò̌le̤sò̌lò̤ awi̤akè̌ aya pwǐ Cǒmara ǐ na khû̌ǎnu.

Hebrǔ 10:32

Gènè̤htò̌ to̤bǎ gesǒ lǒkho děwǐkha bǎ sî nî̤bǎhtosa mǒ̤pepwǎ Cǒmara ata̤lî akhanu, sî kè̌shǐbǎplṳ̂ ta̤jîta̤jû pwǎ̤tadě sî sò̌phlǒhtûbò̌ lǒkho pwǎ.

Hebrǔ 11:37

Toǒǒnu kò wîsi asî ta lo̤, kò dǔtṳ kǒkî asî ta htò̌bǔbǎdû̌, kò shusi asî ta nò̌shesòbò. Asî cû̌shido lǒkho dě a kûsǒ lǒkho pwǎ sophû̌phě, pè̤phě toǒ, asî hǒwi̤shèwè mè̤mè̤̌, kò ma̤jîma̤jû asî. Kò pè̤ǎpè̤obò asî toǒ.

Hebrǔ 4:9

Hǐnudě, alò̤ta Cǒmara ma̤hto ata̤ma̤ ni̤susǒ dě a ǒkǔ mṳni̤ susǒti̤ni̤nu ti̤ni̤nu hǒ, Cǒmara akòyò toǒ genṳǒkǔ kû̌ta Cǒmara pě.

Jǎgomo̤ 1:20

Ma̤tè̤hî̌dě, kòyò htě sò̌phlǒdû̌ toǒnu, a dǔlṳhtò̌jò ta̤ǒhtûpwa̤ acǒatè̤ htě Cǒmara sò̌yṳ noǒhtûpwa̤ htǒonu dǐkhò̌꤮ tò̤.

Jǎgomo̤ 5:5

Bǎ sî ǒhtûpwa̤ dě hǎkhû̌bǎo akhanu, sî lṳ̂ma̤mo̤ lǒbehtotû̌ sî sò̌phlǒ ta hǎkhû̌ ata̤mo̤ toǒ hǒ. Sî ma̤bû̌ma̤sû̌ sîna̤ sǒsǒta ta̤phû̌ta̤li̤nu hǒ, pò̤̌ta ta̤phû̌ta̤li̤ htǒonu kò glè ma̤si asî htû̌꤮ ta̤ma̤si amṳni̤nu ti̤ni̤ pěnu a sî̌ya lǒkho ana̤tò̤.

Petru awǐlǒ tabǎ 2:10

Taplǎkhanu, sî mî̌ Cǒmara akòyò mè̤tò̤ pwǎ̤tadě khònò̤htǒo sî htû Cǒmara akòyò hǒ. Taplǎkhanu, sî sî̌ya Cǒmara a ta̤sò̌yṳgwèbǎǐ tò̤ pwǎ̤ta khònò̤htǒo sî nî̤bǎ a ta̤sò̌yṳgwèbǎǐ hǒ.

Ta̤dǔlè̌nǎ 18:7

Pwî̌꤮ a htû̌sò̌ǐlò̤ tû̌ ana̤ dě a ma̤mo̤lò̤ tû̌ ana̤nu, nokhòbǎ geshǔlè̌ mò̌ atali̤ ta ta̤jîta̤jû ta ta̤nî̤bǎta̤sǎpla̤ htǒonu. A hî̌lò̤ ana̤ ta, ‘He hǎnòò̌ pwǐ Khwǐmo̤ tapwa̤, hewṳ̂ ǒ kû̌kò tò̤ akhû̌akhî, he ǒkhwè̌nǒ kû̌kò tò̤, khònò̤htǒo tǒ̤hè pěmî̌, he hǎkû̌nǒ kò tò̤.’