Hebrǔ 11:16 - Kawyaw RC

¹⁶ Pwǎ̤tadě asî nǎsǔ kè̌shuǐ mè̤mè̤̌ mǒkhû̌ shiga htě a mo̤khlo htǒonu tebě. Hǐnudě asî kaǎ Cǒmara ta asî Cǒmaranu, Cǒmara sòwò̤tò̤. Dě Cǒmara ma̤wǒnǎ bǎ asî wî̤htǒo akhû̌akhî, a dǔlṳ ta asî toǒ glè kaǎ Cǒmara ta asî Cǒmaranu a sòwò̤ lǒkho tò̤.

Kawyaw New Testament

¹⁶ Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Hebrǔ 11:16 Iomraidhean Croise

Mǒhtûlû̌hǎhtûsa 26:24

Bǎnu tasa Cǒmara tûjûpwa̤ ǒlṳhtò̌ bǎ Isǎko dě a hî̌ nû̌û, “He mî̌ napha Abraham acǒmaradû̌, ǐsha pûma̤ nî̌ ma̤tè̤hî̌dě he ǒkû̌ta na, he howi̤homò̤ na pě, dě he noǒwo̤ǒphǎhtò̌ nakhlinalè toǒ pwǐ he olò̤nǎhto ta hejû Abraham nupě.”

Mǒhtûlû̌hǎhtûsa 28:13

Cǒmara tûjûpwa̤ ihtǒ ǒ khǔbokhi dě a hî̌, “He mî̌ Cǒmara tûjûpwa̤ htě a mî̌ naphi Abraham acǒmaradû̌ ta napha Isǎko acǒmaradû̌ tapwa̤hǒ. Ga htě na hǎmoǒ ǐyǎ a khònò̤htǒo taganu, he ǐ yǎta na ta nakhlinalè toǒ pě.

Matěo 25:34

“Bǎnuakha pěnu, Khwǐ htǒotapwa̤ hî̌ kòyò htě acǔdemû htǒotoǒ pě ta, ‘Hèmò̌ lǒkho, sî mî̌ kòyò htě a nî̤bǎ hepha a ta̤howi̤ toǒ, hènṳ phî̌wǒ lǒkho mǒkhû̌ shila̤gakû dě a mî̌ na û̌cata̤bî̌ htě kò ma̤wǒnǎ bǎ sî dě mǒhtûlû̌hǎhtûsape akhahtǒonu.

Mǎ̤riko 12:26

Mǒ̤jè khwè̌mǎnǎ ta̤htûpwa̤gesǒ awi̤akè̌ dě a lî̤běkû bǎ mî̌gè joji ta̤dǒnènu to̤to̤, he gènè̤ ta sî dǒbǎhto hǒ. Bǎ lî̤kûnu, Cǒmara hî̌ Mǒ̤jè hî̌tè dě, ‘He mî̌ Pha Abraham a Cǒmara, Isǎko a Cǒmara, ta Yǎ̤kò a Cǒmara,’ Mǒ̤jè khwè̌lò̤ hǐnu.

Mǎ̤riko 8:38

Htukha htě ama̤còcè̌pwǎ ta̤sǔta̤plě khònò̤htukhanu, kòyò htě a gûma̤tope Cǒmara asò̌phlǒ tò̤ htǒotuhtu akûnu, kòyò tapwa̤pwa̤ dě a sòwò̤ he htohǒtò̤ a sòwò̤ hele̤heyo̤ htǒotoǒ tapwa̤pwa̤nu, Htû̌꤮ kòyòphû̌khû mî̌ hehtǒo hè ta hepha a ta̤sîrîdû̌sîrîhtû pě, dě he hèdǒ ta mǒkhû̌tanaphû̌ cahtǐ toǒ pě akhanu, he sòwò̤ lè̌ a pě.”

Lǔka 12:32

“Kǒ꤮ sophû̌ amṳ pî̌tî̌phû̌ sî꤮, ǐsha pûma̤ nî̌꤮, ma̤tè̤hî̌dě sîpha sò̌phlǒǒ dě a guǐ sî ta ashiaga hǒ.

Lǔka 20:37

Dě Mǒ̤jè khòlṳ lîhtò̌phlohtò̌ asò̌ ta kòyò htě a sihto toǒnu, a htûpwa̤gesǒ pě, ma̤tè̤hî̌dě Abraham ta Isǎko ta Yǎ̤kò htǒotoǒnu, a sihto yî̤hǒ pò̤̌ta lî̤cahtǐkû hî̌ to̤to̤ ta bǎ mî̌gèhtò̌ joji akhanu, Mǒ̤jè kaǎ Běcǎ htǒonu ta, ‘Abraham a Cǒmara, Isǎko a Cǒmara, ta Yǎ̤kò a Cǒmara,’ hǐnu.

Jowǎ̤ni̤ 14:2

Dě hepha ahǐkûnu, hǐdǒkû la̤ǒ agûla̤ ǒplṳ̂. A dè ǒtò̤ hî̌dě, he cû̌ hî̌ tǒ̤ sî ma̤tè? He glè cû̌ ma̤wǒnǎ bǎ sî gûla̤ tò̤glò hǒ.

Pwa̤nophû̌ 7:32

‘He mî̌ na mo̤phaphiphu dě꤮ wǐnu toǒ a Cǒmara. He mî̌ Abraham, Isǎko, Yǎ̤kò toǒ a Cǒmara.’ Mǒ̤jè ǐsha gònò̤gèglè dě a kè̌bǔpe tò̤.

Phǐlǐpǐ 3:20

Pwǎ̤ta pahtǒo toǒ numî̌ mǒkhû̌ a shiphû̌gaphû̌ dě pa sò̌phlosho ǒpo̤kè̌shuǐ pa Běcǎ Ye̤shǔkhrî̌stu htě a ma̤lû̌htò̌ge pahtǒo ǒ mǒkhû̌ hèlò̤ pě htǒonu tapwa̤ hǒ.

Tîmôte ginǐ̤bǎ tôbǎ 4:18

Běcǎ ma̤lû̌htò̌ he ta ta̤phû̌mò̤ lǒ̤bò htǒotoǒ pě, htohǒtò̤ a phî̌ge he pě dě a tò̤gòǐ he dě mǒkhû̌ a shila̤gakû pě. Ta̤sîrîdû̌sîrîhtû lò̤bǎ tû̌ta Běcǎ htǒo tûjûpwa̤ talakhǎ nî̌꤮. Amè̤.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 11:10

Abraham ma̤ pwǐ Cǒmara hî̌ nû̌ûnu, ma̤tè̤hî̌dě a ǒpo̤ kè̌shuǐ wî̤ htě akòshî̌ měgle tûjûpwa̤ htǒonu tî̤wî̤. Wî̤ htǒotî̤wî̤nu, Cǒmara tîwî̌tòwònǎhto dě a ma̤htò̌htotû̌ ta ana̤.

Hebrǔ 11:14

Kòyò htě a hî̌ lǒkho hè̌o toǒnu a dǔlṳ lîtîklî̌ ta asî kè̌lǎǐ lǒkho tû̌ ashiga hǒ.

Hebrǔ 11:40

Ma̤tè̤hî̌dě ta̤ htě awǒkhlo ta htǒotoǒnu, Cǒmara yè̤lònǎhto bǎ paya dě a ǐ nû̌ûta pa pě. Cǒmara bè̌lò̤hto asò̌phlǒ ta pa tobǎ nṳ ǒpa to̤kû̌ ta kòyò dě꤮ wǐkha toǒ. A ta̤yè̤lò̤nǎ numî̌ pa glè ma̤lǒma̤be plǒkû̌ ta asî htǒonuhǒ.

Hebrǔ 12:22

Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Hebrǔ 13:14

Ma̤tè̤hî̌dě payanu wî̤ htě a ǒměgle tûjûpwa̤ dě hǎkhû̌ bǎonu a ǒ dǐwî̤ tò̤. Pa kè̌lǎ wî̤ htě a glè hè pě htǒonu tî̤wî̤.

Hebrǔ 2:11

Ye̤shǔ ma̤ mṳ̂plîge kòyòhǎkhû̌phû̌ a ta̤ma̤sǔ toǒ. Kòyòhǎkhû̌phû̌ htě Ye̤shǔ ma̤ mṳ̂plîge asîta̤sǔnu toǒ ta Ye̤shǔ htǒonumî̌, apha jûnû̌û tapwǎ̤pa pwǎ akhû̌akhî, Ye̤shǔ kaǎ asî ta pṳwè̤nu a sòwò̤ tò̤.

Ta̤dǔlè̌nǎ 21:2

He kè̌shǐ wî̤cahtǐ mî̌pwǎ Ye̤rǔshèlè wî̤sa htǒotî̤wî̤nu, dě a ǒ mǒkhû̌ Cǒmara a ǒ dě a hèlò̤. Kò tîwî̌tòwò kûsǒnǎ bǎ nû̌û pwǐ pwa̤khòmò̤ mamǔ tapwa̤ htě a ǒpo̤shǔ awṳ̂nu.