Hebrǔ 11:13 - Kawyaw RC

¹³ Kòyò lǒ̤bò htě Cǒmara olò̤ nû̌ûta a glè ǐ nû̌û htǒotoǒnu a yṳǎ gutṳ Cǒmara to̤ bǎ a si lǒkhonu ti̤ni̤. Ta̤ htě Cǒmara olò̤kè nû̌û dě a glè ǐ asî htǒotoǒnu, a nî̤bǎ hǒtò̤, pwǎ̤ta asî kè̌shǐnǎwǐ yî̤hǒ dě a sò̌le̤ phî̌shǔnǎwǐ ta̤olò̤ htǒotoǒ hǒ. Asî olò̤ lǒkho ta asî mî̌ a cû̌htû shǐtè̤mè̤ dě kòshikòga pwǎ, dě asî hè ǒkǔpwǎ bǎ hǎkhû̌bǎo teděsǎphû̌ pwǎ, a hî̌ lǒkho hǐnu.

Kawyaw New Testament

¹³ Kòyò lǒ̤bò dǒ Cǒmara olò̤ dǒ a gǔ ǐ lû̌û hǒtokhlǒ nî̌ a yṳ̌ǎ gutṳ̌ Cǒmara tǒ̤dǒ a si lô̌khô nutôni̤. Ta̤ dǒ Cǒmara olò̤kè lû̌û dǒ a gǔ ǐ asî hǒtokhlǒ nî̌ a nǐ̤bǎ khôtô̤̌, bǎbǎkǎlè asî kè̌shǐnǎ wǐ yî̤̌ kèhǒ dě a sǎlě̤ phî̌shěshu nǎ wǐ ta̤olò̤ nutokhlǒ hǒ. Asî olò̤ lô̌khô kû̌ asî mî̌ a cû̌ htû shǐtè̤mè̤ dǒ kòshikògǎ pwǎ, dě asî hè ô̌kǔlǎ bǎ hǎkhû̌nu tòshò̌phû̌ pwǎ, a hî̌ lô̌khô pô̤̌nu.

Hebrǔ 11:13 Iomraidhean Croise

Mǒhtûlû̌hǎhtûsa 21:34

Dě a ǒyî̤kû̌ bǎ Phǐlǐsatǐgakûnu.

Mǒhtûlû̌hǎhtûsa 23:4

“He mî̌ shihǔwa̤gakhlophû̌ tapwa̤ dě a hèǒkû̌ ta sî, shaǎpa̤ he ta sîlṳkhû̌ dě he ǒtò̤ lǔnṳ yǎta hema.”

Mǒhtûlû̌hǎhtûsa 25:8

A ǒhtûpwa̤ to̤htû̌ amo̤pwa̤ nědû̌lahtû, něbelabe dě a sǎlòte̤kè, kò lǔnṳ kû̌dǒ nû̌û ta aphiaphu sîtoǒ.

Mǒhtûlû̌hǎhtûsa 47:9

Yǎ̤kò hî̌shǔ nû̌û, “He htûshǐtè̤mè̤ dě cû̌ǒ hǎkhû̌ tò̤glò hto tò̤glò aněně alalakû dě, he ǒ aně ta̤ya̤ sushi hǒ. He něhtûlahtûkû̌ kòyò tò̤, htodě apò̤asha le. Pwǎ̤tadě heněhtû gunò̤lǎ kû̌ta hephihephu sî htě a htûshǐtè̤mè̤ dě cû̌ǒ hǎkhû̌ tò̤glò hto tò̤glò toǒ aněnu tò̤.”

Mǒhtûlû̌hǎhtûsa 48:21

Htodě Yǎ̤kò hî̌ Jǒjè, “Phû̌ na kè̌shǐtû̌ htǒo hǒ, hemṳni̤ phǔto̤ hǒ, pwǎ̤ta Cǒmaradû̌ ǒkû̌ tû̌ta na pě dě a kaǎgesǒtû̌ na dě naphinaphusî toǒ aganu pě.

Mǒhtûlû̌hǎhtûsa 49:10

Kò glè phî̌tephejòkè Yṳ̌da ata̤shû̌ta̤sho dǐpwǎ̤꤮ tò̤. Htohǒtò̤ Khwǐnò̌htǒnu a ǒměǒgle dě nakhlinalè toǒ acǔdekû pě. Na pǒǐ to̤htû̌ khlilèphû̌ toǒ phî̌hè bǎ na sû pě. Dě khlilè toǒ bè̌dubè̌na̤bò na pě.

Mǒhtûlû̌hǎhtûsa 49:18

Htodě Yǎ̤kò sabahtò̌ Cǒmara, “Kǒ꤮ Cǒmara tûjûpwa̤, he ǒpo̤kè̌shuǐ na ta̤ma̤lû̌htò̌ge.”

Mǒhtûlû̌hǎhtûsa 49:28

Lǒ̤꤮ bò htǒotoǒ mî̌ Israel khli shǐgi̤nǐ̤khli toǒ hǒ, htǒomî̌ ta̤hî̌bǎ htě apha howi̤homò̤kè asî pwǐ atoabǎ ta asî tapwa̤꤮ ta tapwa̤nu toǒ hǒ.

Mǒhtûlû̌hǎhtûsa 49:33

Bǎ Yǎ̤kò mǎnǎhto aphû̌sî ta̤hî̌bǎ akhanu, a hǎmoǒlò̤ gesǒ la̤mi̤khû̌ dě a sǎlò̤te̤kè. Dě a cû̌ǒhtu kû̌kè ta amo̤phaphiphu sî toǒ.

Mǒhtûlû̌hǎhtûsa 50:24

Htodě a hî̌ apṳwè̤ toǒ, “He ǒhtûpwa̤ yî̤pe tò̤ hǒ, Cǒmaradû̌ hèlò̤ ma̤jè mè̤mè̤̌ sî pě dě a kaǎhǎhtò̌kè sî ta ga bǎo taga dě a sûge sî ga htě a bèlò̤hto ayo̤ ta Abraham, Isǎko, Yǎ̤kònu taga pě.”

Htû̌sò̌htò̌ 119:19

Bǎ hǎkhû̌bǎo he htûpwǎ shǐtè̤mè̤. Ǐsî̌ya he ta nata̤mǎlò̤ toǒ nî̌.

Htû̌sò̌htò̌ 39:12

Kǒ Cǒmara tûjûpwa̤, gana̤de pû bǎ heta̤kwisabahtò̌ na, gana̤depo̤pû bǎ he kwigwèbǎǐ nata̤ma̤jè htǒo. Bǎ hehǎwo akhanu, jîkoo pû ma̤. Děwǐkha pwǐ hephihephu lǒ̤꤮ bò htû shǐpwa̤shǐmè̤nu, he htû sǒsǒ nashǐtè̤mè̤ pwǐ asînu.

Matěo 13:17

Ma̤tè̤hî̌dě, he hî̌ mè̤mè̤̌ sî, pwa̤po̤ ta kòcǒkòtè̤ saprṳ̂ toǒ sò̌yṳ kè̌shǐkû̌ lǒkho ta̤htě sî kè̌shǐ htǒotoǒ pò̤̌ta asî kè̌shǐbǎ kû̌kò tò̤. Htohǒtò̤ asî sò̌yṳ gana̤dekû̌ lǒkho ta̤htě sî gana̤denu toǒ pò̤̌ta asî gana̤debǎ kû̌kò tò̤.

Jowǎ̤ni̤ 12:41

Pwa̤po̤ Isaǐa hî̌hè̌o ma̤tè̤hî̌dě a kè̌shǐbǎ Běcǎ Ye̤shǔ a sîrîdû̌sîrîhtû dě a hî̌ nû̌ûawi̤akè̌ htǒo pwǎ.

Jowǎ̤ni̤ 8:56

Sîpha Abraham sò̌le̤ kè̌shǐ ta he glèhè dě hǎkhû̌bǎo. A kè̌shǐ dě a sò̌le̤sò̌lò̤ hǒ,” a hî̌shǔ asî hǐnu.

Rṳ̂̌me̤ 4:21

Cǒmara ma̤ pwǐ a olò̤nu, a yṳǎ lǒ̤sû̌lǒ̤sò̌ hǒ.

Rṳ̂̌me̤ 8:24

Tèhtò̌ bǎ Cǒmara ma̤lû̌htò̌ge panu, pa kè̌shuǐ htě a ma̤ bǎ pa htǒotoǒ pě. Pwǎ̤tadě kòyò tapwa̤pwa̤ dè nî̤bǎhto ta̤ htě a kè̌shuǐ htǒonu, a lo̤bǎ ǒpo̤kè̌shuǐpe tò̤ hǒ. Kò ǒpo̤kè̌shuǐ ta̤ htě kò nî̤bǎ htohǒnu a ǒ dǐpwǎ̤꤮ tò̤.

Kôritu ginǐ̤bǎ tôbǎ 4:18

Hǐnudě, ta̤pò̤ta̤sha htě he kè̌shǐbǎ htǒotoǒnu, he bè̌duna̤nǒ yǎ dǐcǎ꤮ tò̤. Ta̤ htě a ǒ tǒhtumě dě he sò̌phlǒkû tacǎnumî̌ ta̤wî̤ta̤wǒ htě Cǒmara glè ǐ he pě htǒonu pwǎ. Ta̤ htě pa kè̌shǐjò toǒnu, a glè ǒlṳyî̤pwǎ teděsǎphû̌ pwǎ, pwǎ̤ta ta̤ htě pa kè̌shǐjòtò̤ toǒnu, a ǒyî̤ tûjûpwa̤ pě.

Kôritu ginǐ̤bǎ tôbǎ 5:6

Hǐnu akhû̌akhî, pa yṳǎ te̤mǎ ta̤htǒotoǒ hǒ. Pana̤saklû dè ǒpepwǎ bǎ hǎkhû̌bǎotoǒ akû hî̌numî̌, pa cû̌ ǒ dě gûla̤ bǎ Běcǎ Ye̤shǔ ǒnu mè̤ hǒtò̤.

Ěphěsu 2:19

Dè ma̤hǐnudě, sî Yṳ̌daphû̌ mè̤tò̤ htǒotoǒnu, sî htûpe shiphû̌gaphû̌ toǒ mè̤petò̤ hǒ, mè̤tò̤mî̌ sî htû shǐtè̤mè̤ toǒ mè̤petò̤ hǒ. Khònò̤htǒo sî htû sǒsǒ Cǒmara a shiphû̌gaphû̌ sǒsǒta akòyò htǒotoǒ. Htohǒtò̤ sî mî̌ Cǒmara a hǐphû̌phòphû̌ toǒ hǒhǒ.

Hebrǔ 11:14

Kòyò htě a hî̌ lǒkho hè̌o toǒnu a dǔlṳ lîtîklî̌ ta asî kè̌lǎǐ lǒkho tû̌ ashiga hǒ.

Hebrǔ 11:17

Bǎ Cǒmara sèlèkè̌ Abraham akhanu, ata̤yṳ akhû̌akhî, a lṳhtò̌ aphû̌khû Isǎko. A nî̤bǎ Cǒmara a ta̤olò̤ pwǎ̤ta a tîwî̌tòwònǎ dě a glè lṳhtò̌ǐ aphû̌khû htě a ǒtû̌ tapwǎ̤꤮ pa htǒonu tapwa̤.

Hebrǔ 11:27

Ta̤yṳ akhû̌akhî, a hǎhtò̌cû̌ dě Egyptgakû. Khwǐ sò̌phlǒdû̌ nû̌û pwǎ̤tadě a ǐsha tò̤. Ma̤tè̤hî̌dě a kè̌shǐ Cǒmara htě kò kè̌shǐjò yǎtò̤ htǒotapwa̤ akhû̌akhî, a khòsò̌do sělěpo̤.

Hebrǔ 11:39

Asî ta̤yṳ akhû̌akhî, kòyò lǒ̤bò htǒotoǒnu, Cǒmara kè̌mo̤ǐ mè̤mè̤̌ asî. Pwǎ̤ta Cǒmara olò̤bò toǒnu, asî nî̤bǎ kû̌kò tò̤.

Petru awǐlǒ tabǎ 1:1

He khwè̌cû̌bǎ kò lî̤htǒo dě kòyò htě Cǒmara wû̌lǎ nû̌û dě a cû̌ǒkǔ teděsǎ, a cû̌htû shǐtè̤mè̤ kòshikòga, dě a ǒ pîshîcû̌bò agûla̤ pṳ̂̌꤮ tò̤glò bǎ Pòtǔga, Galatǐaga, Kapadakǐga, Ashǎga ta Bitunǐgakûnu toǒ a ǒ. He mî̌ Petru, he mî̌ Ye̤shǔkhrî̌stu a pwa̤nophû̌ tapwa̤.

Petru awǐlǒ tabǎ 1:17

Bǎ sî kwisabahtò̌ Cǒmara akhanu, “Pha” sî kaǎ lǒkho yǎ hǐnu. Kòyò pṳ̂̌꤮ tapwa̤ ma̤hto ta̤titètè̌꤮ bǎbǎnu, Cǒmara cèrò cǒtè̤ pwǎ, a kè̌dû̌kè̌pî̌tî̌ tò̤. Hǐnudě bǎ sî ǒhtûpwa̤pe pwǐ shǐtè̤mè̤ dě hǎkhû̌bǎo akhanu, ǒhtûpwa̤ lǒkho ta ta̤ǐsha bè̌duna̤ Cǒmara akû nî̌꤮.

Petru awǐlǒ tabǎ 2:11

He khobǒsû̌bǒmo̤ sî꤮, hǎkhû̌bǎonu sî mî̌ alò̤ta kòyò cû̌htû shihǔwa̤gakhlophû̌ shǐtè̤mè̤ toǒ pwǎ. He kwigwèbǎǐ sî ta sî glè cû̌tephekè lǒkho ta sî na̤klû a ta̤sò̌yṳ phû̌mò̤ htě ashěape̤ sala̤ sî sò̌phlǒ htǒonu toǒ nî̌꤮.

Yṳ̂ha awǐlǒ tôbǎ 3:19

Pa dè mo̤ǐ nû̌û tapwa̤ ta tapwa̤ hǐnu hî̌dě, pa sî̌ya ta pa ǒkû̌ ta ta̤te̤ta̤mǎ tokho hǒ. Dě pa glè sò̌phlǒmo̤, sò̌phlǒ gûjûkabǎ dě Cǒmara a lo̤mo̤ hǒ.