Hebrǔ 11:12 - Kawyaw RC

¹² Abraham mo̤pwa̤ glè sikèhǒ pwǎ̤ta a tapwǎ̤pa dě aphû̌ali̤ toǒnu a ǒwo̤ǒphǎ sǒsǒta shǎ dě mǒla̤, a ǒwo̤ǒphǎ sǒsǒta lo̤semě dě shidû̌shite̤we̤htu htě kò dǒbòpè̤pe yǎtò̤nu toǒ.

Kawyaw New Testament

¹² PhaAbraha mǒ̤pwǎ̤ glè̌ sihǒ bǎbǎkǎlè dǒ a tôpwa̤pwǎ dě aphû̌ali̤ tokhlǒnu a ô̌wô̤̌ô̌dû̌ sô̌sô̌kû̌ shǎ dǒ mǒlǎ̤, a ô̌plṳ̂ô̌phǎ sô̌sô̌kû̌ lǒ̤semě dǒ shidû̌te̤we̤ htu dǒ kòyò dô̌bǎpè̤̌ jòpe tô̤̌ nutokhlǒ.

Hebrǔ 11:12 Iomraidhean Croise

Mǒhtûlû̌hǎhtûsa 15:5

Cǒmara kaǎhǎhtò̌ Abra hǐphû̌khlo dě a hî̌ nû̌û, “Ò̌tò̤mò̤htò̌ dě mǒla̤nu, na dè dǒbò̌ dě dǒ kè̌kè̌bò shǎnu toǒ.” Htodě a hî̌ nû̌û, “Naphû̌nali̤ nakhlinalè ǒplṳ̂ǒphǎ sǒsǒta shǎ dě mǒla̤nu toǒ pě.”

Mǒhtûlû̌hǎhtûsa 22:17

He howi̤homò̤ mè̤mè̤̌ na pě. He noǒwo̤ǒplṳ̂htò̌ nakhlinalè toǒ sǒsǒta shǎ dě mǒla̤, sǒsǒta lo̤semě dě shidû̌shite̤we̤htu htě kò dǒbòpè̤pe tò̤ htǒonu pě. Dě nakhlinalènu a ma̤pè̤kè asî khuwè̤ toǒ pě, dě a pǒǐbò asîwî̤ toǒ pě.

Mǒhtûlû̌hǎhtûsa 26:4

He noǒdû̌htò̌ tû̌ nakhlinalè sǒsǒta shǎ ǒ mǒla̤nu pě, lǒ̤꤮ bò hǎkhû̌ htǒotoǒnu he ǐbòtû̌ yǎta asî pě. Nakhlinalè htǒo akhû̌akhî, lǒ̤꤮ bò khlilèphû̌ ǒ hǎkhû̌ bǎotoǒ nî̤bǎ tṳtṳkû̌ ta̤howi̤hî̌wǒ pě.

Mǒhtûlû̌hǎhtûsa 32:12

Pwǎ̤ta na hî̌hto he ta, “He noǎhtò̌ohtò̌ mè̤mè̤̌ na pě dě he noǒwo̤ǒphǎ nakhlinalè hǎte̤gilò̤ toǒ sǒsǒta lo̤semě dě shidû̌shite̤we̤htu htě kò dǒbǎpè̤pe nû̌û tò̤nu pě.”

Rṳ̂̌me̤ 9:27

Pwa̤po̤ Isaǐa hî̌ Israelphû̌ toǒ awi̤akè̌ ta, “Israelphû̌ toǒnu, a ǒplṳ̂ lò̤ta lo̤semě dě shidû̌shite̤we̤ ahtunu pwǎ̤tadě Cǒmara ma̤lû̌htò̌ge pî̌tî̌pwǎ asî pě.

Ta̤dǔlè̌nǎ 20:8

Dě a hǎhtò̌cû̌bò hǎkhû̌ lǐ̤ga dě a lǒplò̤bò khlilèphû̌ toǒ pě. Kò kaǎ asî ta Gò̌phû̌ ta Magò̌phû̌. Asî bǎ htò̌shěta̤ akhû̌akhî, khînǎmo̤pha hǐkǒdû̌ kaǎ ǒplǒdǒbò asî pě. Asî ǒplṳ̂ sǒsǒta lo̤semě dě shidû̌shite̤we̤htu toǒnu pě.